طلب مساعدة الخبراء فى تجميع وحش 2011

[solo000]

السلام عليكم ورحمة الله وبركاته



أرجو من محترفى التجميع فى المنتدى الأفادة فى موضوع طويل شوية بس غاية فى الأهمية بالنسبة لى وجزى الله كل من ساعدنى فيه كل الخير عشان المبلغ اللى هيدفع ياشباب مش بسيط ده تحويشة سنتين وعايز أجيب جهاز من الأخر يعنى وحش كاسر ، أنا أولا هقول انا عايز جهاز اعمل بيه ايه والجزء التانى الحاجات اللى حيرتنى وخلتنى الجأ لحضراتكم لعدم قدرتى على الإختيار

الهدف من التجميعه انه يكون جهاز قادر بكفاءة على :

تشغيل برامج الثرى دى و عمل الريندر لمشاريع برامج زى الماكس ومايا وغيرها

عمل مونتاج فيديو وصوت ببرامج زى افتر ايفيكت وغيره
تشغيل اى لعبة نزلت حتى الان بكفاءة

انا ميديا كوليكتور وعندى اكتر من 4 تيرا داتا وكنت هجيب هاردين ويسترن خارجى 2 تيرا بس فى حد قاللى ان فى جهاز زى نت وورك صغير بيشيل الهاردات بس ميزته انه بيوصل بالجهاز بكابل زى بتاع النت وسرعة النقل بيه بتبقى هلاميه لو حد يعرف ده ايه يقوللى برده

عايز اقدر اسجل من الدش على الهارد

يعنى من الأخر عايز جهاز يفوت فى الحديد

الحاجات اللى حيرتنى بعد ماقريت كل التقارير والمقارنات

مع العلم ياريت محدش يقوللى اقرا الموضوع ده انا قريت كله ولم اصل لقرار عشان كده انا عايز حد يقوللى تجميعه من الأخر هخادها وانزل اشترى علطول ان شاء الله بس بعد ما استوضح النقاط التالية :





من فى البروسوسيرات دول افضل اختيار بلا ادنى شك



وبالنسبة للرامات فى حاجه افضل من دول ولا لأ.



وما هو أفضل كارت شاشة يتوافق مع الأمكانيات بدون ما نشخرم الميزانية بكارت ب3000 جنيه ولا حاجه.



ماهو أفضل كارت صوت وساوند سيستم موجود لعمل ميكسر صوت واوديو ايديتنج.



مفهمتش اى حاجه من مواضيع كسر السرعة وفتح الانوية هل لده اى متطلبات عند عمل الجهاز ولا لأ



برده كلام جامد قريته عن المشتت واهميته ، ايه اقوى وافضل حاجه تتوافق مع المتطلبات والامكانيات دى.



وايه افضل كيسه للتجميعه دى.



الكولينج سيستم ايه افضل حاجة للتجميعة دى.



ايه افضل باور سبلاى من الأتنين دول يدعم اقصى اداء للإمكانيات دى بدون ادنى مشكلة



مرفق صورة جدول مقارنة اللى وصلتله بعد قرآة عشرات الموضوعات الرائعة يرجى افادتى بالتجميعة النهائية التى تعمل بكفاءة مع المتطلبات التى قلتها فى البداية



يرجى من خبراء التجميع الأفادة المبنية على الخبرة والعلم وافادتى بتجميعه كاملة كما قلت سأشتريها ان شاء الله فوراً ولو المبلغ يزيد لحد 9000 جنيه مش مشكلة
فى انتظار ردكم وجزى الله كل ناقل علم كل الخير

PROCESSOR



· AMD Phenom II X6 1090T 3.2GHz, 9MB Total Cache


OR

· Intel® Core™ i7-980X processor Extreme Edition


· Intel® Core™ i7-965 Processor Extreme Edition (8M Cache, 3.20 GHz, 6.40 GT/s Intel® QPI)


· INTEL CORE I7 930 2.8/8M/4.8GT/S - Soket1366



MOTHERBOARD


ASUS CROSSHAIRE IV-AMD 890FX
ASUS M4A89TD PRO/USB3-AMD 890FX

OR
·
ASUS M4A89GTD PRO/USB3
· ASUS SABERTOOTH X58
· ASUS P6X58D-E LGA 1366 Intel X58 SATA 6Gb/s USB 3.0 ATX
· EVGA Classified SR-2 (Super Record 2) Motherboard 270-WS-W555-A1


RAM


Kingston 8GB (2 x4GB) DDR3 bus 1333MHz CL9
OR
OCZ Platinum Series 6GB (3 x 2GB) DDR3 1600 CL7 v1.65 Triple Channel Kit
OR
OCZ Reaper Series 6GB (3 x 2GB) DDR3 2000 CL9 v1.65 Triple Channel Kit


CASE


GAMMA 500W OR NZXT Tempest EVO OR Cooler master HAF 922


POWER SPPLLY


OCZ Fatal1ty Series Power Supply 700w ORHec Cougar 1000w


OK FOR THOSE
SAMSUNG LED PX2370 23" 16:9/DVI+HDMI/1920:1080
Western Digital Caviar Black WD1002FAEX 1TB 64MB Cache
SONY 24X DRU-870S

يعنى من الأخر كور اى سفن ولا اى ام دى للجرافيك والالعاب والفيديو ايديتنج
هل استنى الساندى بريدج
هل الزيون افضل من كور اى سفن
ولا اى ام دى افضل من الكل
ارجو الرد بالتجميعة النهائية مبنية على الخبرة والعلم فقط لان المبلغ مش شوية ياشباب فيرجى الرد من اهل الخبرة فقط وانا ان شاء الله هاشترى فورا من ماكسيمم

[TheInfernal]

من فى البروسوسيرات دول افضل اختيار بلا ادنى شك
PROCESSOR



· AMD Phenom II X6 1090T 3.2GHz, 9MB Total Cache


OR

· Intel® Core™ i7-980X processor Extreme Edition


· Intel® Core™ i7-965 Processor Extreme Edition (8M Cache, 3.20 GHz, 6.40 GT/s Intel® QPI)


· INTEL CORE I7 930 2.8/8M/4.8GT/S - Soket1366

لو الأفضلية من حيث الأداء يبقى أكيد ال980X و لكن سعره مبالغ فيه جدا 1000$.
في معالجات جديدة من إنتل هتنزل مصر قريب إن شاء الله من ضمنها الCore i5 2500K سعره 200$ و أداؤه قريب من ال980X.
معالجات AMD منصحكش بيها لأن أداءها ضعيف و سعرها غالي.
لو حابب تشوف ترتيب المعالجات حسب أداءها في ال3dsMax ممكن تشوف اللينك ده:
https://www.anandtech.com/bench/CPU/30

وبالنسبة للرامات فى حاجه افضل من دول ولا لأ.
RAM


Kingston 8GB (2 x4GB) DDR3 bus 1333MHz CL9
OR
OCZ Platinum Series 6GB (3 x 2GB) DDR3 1600 CL7 v1.65 Triple Channel Kit
OR
OCZ Reaper Series 6GB (3 x 2GB) DDR3 2000 CL9 v1.65 Triple Channel Kit

حجم الرامات مهم جدا في شغل الثري دي ماكس فأنصحك تشتري 8 جيجا رامات لو قدرت.
تأثير سرعة الرام على سرعة الجهاز بشكل عام شبه معدوم.
أنا أنصحك تشتري أربع قطع من أرخص الرامات اللي في السوق: Kingston 2GB DDR3-1333 CL9 ب140 جنيه فقط لا غير. لو الKingston 8GB (2 x4GB) DDR3 bus 1333MHz CL9 سعرها أقل من 600 جنيه إشتريها بدالها.

وما هو أفضل كارت شاشة يتوافق مع الأمكانيات بدون ما نشخرم الميزانية بكارت ب3000 جنيه ولا حاجه.

هل عندك نية في إنك تلعب على الجهاز واللا شغلك الوحيد عليه هيكون جرافيك؟ و لو هتلعب إيه الألعاب اللي بشتغلها؟

ماهو أفضل كارت صوت وساوند سيستم موجود لعمل ميكسر صوت واوديو ايديتنج.

معنديش أي فكرة.

مفهمتش اى حاجه من مواضيع كسر السرعة وفتح الانوية هل لده اى متطلبات عند عمل الجهاز ولا لأ

مش مشكلة. الحاجات دي الناس بتعملها عشان تحسن أداء الجهاز مش أكتر.
إنت ميزانيتك بتتخطى الإحتياج لفتح الأنوية.
كسر السرعة على 2500K مفيش أسهل منه. مجرد هتفتح قايمة و تدور على رقم معين و تغيره. بس كده.

برده كلام جامد قريته عن المشتت واهميته ، ايه اقوى وافضل حاجه تتوافق مع المتطلبات والامكانيات دى.

الHyper 212 و سعره 200 جنيه. بس مش هتحتاجه إلا لو عملت كسر للسرعة بدرجة كبيرة.

وايه افضل كيسه للتجميعه دى.

CASE


GAMMA 500W OR NZXT Tempest EVO OR Cooler master HAF 922

هي تفضيلات شخصية. ممكن تفتح قايمة الأسعار و تكتب موديل كل كيسة على موقع youtube.com. في واحد هناك إسمه 3dgameman بيعمل ريفيوهات حلوة عليها و بيفرجك على الكيسات كويس.

الكولينج سيستم ايه افضل حاجة للتجميعة دى.

مش فاهم قصدك. تبريد الجهاز بيتم عن طريق المشتت و المراوح اللي في الكيسة. بس كده. في بقى أنظمة تبريد بالمياة و لكنها مكلفة و محتاجة عناية منك و مستوى تبريدها مش أحسن من الHyper 212 اللي أنا رشحتهولك. بس ممكن تتمنظر بيها على صحابك :cool:.

MOTHERBOARD


ASUS CROSSHAIRE IV-AMD 890FX
ASUS M4A89TD PRO/USB3-AMD 890FX

OR
·
ASUS M4A89GTD PRO/USB3
· ASUS SABERTOOTH X58
· ASUS P6X58D-E LGA 1366 Intel X58 SATA 6Gb/s USB 3.0 ATX
· EVGA Classified SR-2 (Super Record 2) Motherboard 270-WS-W555-A1

الماذربورد زي الرامات ملهاش تأثير يذكر على أداء الجهاز. إختيارك للماذربورد بيعتمد على إحتياجاتك. هل هتوصل هاردات كتير؟ هل هتكسر السرعة بدرجة كبيرة؟ هل ناوي تركب كارتين شاشة؟ لو مش محتاج حاجة معينة في الماذربورد أنصحك تشتري حاجة رخيصة و بالفلوس اللي وفرتها تجيب بروسيسور أو كارت شاشة أعلى.

ايه افضل باور سبلاى من الأتنين دول يدعم اقصى اداء للإمكانيات دى بدون ادنى مشكلة

POWER SPPLLY


OCZ Fatal1ty Series Power Supply 700w ORHec Cougar 1000w

إختيارك للباور سبلاي هيفرض نفسه عليك لما تستقر على المكونات و تعرف مدى إحتياجها للطاقة.

OK FOR THOSE
SAMSUNG LED PX2370 23" 16:9/DVI+HDMI/1920:1080
Western Digital Caviar Black WD1002FAEX 1TB 64MB Cache
SONY 24X DRU-870S

أنا عندي تحفظ على الشاشة. الشاشات الLED ميزتها الوحيدة عن الشاشات الLCD العادية إنها أرفع و إستهلاكها للطاقة أقل و ده مش مبرر لسعرها المبالغ فيه.

يعنى من الأخر كور اى سفن ولا اى ام دى للجرافيك والالعاب والفيديو ايديتنج
هل استنى الساندى بريدج
ولا اى ام دى افضل من الكل

ساندي بريدج. ال2500K اللي كنت بكلمك عنه جزء من عائلة الساندي بريدج. أسرع بكتير و أرخص من الCore i7. الAMD خارج المنافسة.

هل الزيون افضل من كور اى سفن

امفيش إختلاف فيزيائي بين الكور آي 7 و اللي يوازيه في المواصفات من الزيون. الزيون يمكن بيميزه إنه بيستحمل الحرارة و الضغط العالي اللي بيتعرض له في السيرفرات.
في بروسيسورات زيون تانية ملهاش حاجة توازيها من الكور آي 7 و لكنها مبنية على نفس المعمارية. يميزها إنك تقدر تركب بروسيسورين منهم على ماذربورد واحدة بس طبعا السعر غالي جدا.

[solo000]

ياباشا جزاك الله كل الخير ونفعك بعلمك يارب
ليه بعض الإستفسارات للتوضيح:

1) كده ان شاء الله بعد مشاهدة عشرات المقارنات وكلامك ياباشا
الانتل اى 7 افضل بمراحل من اى ام دى بس المشكلة ان
اللى موجود منه فى مصر 950 و ال980 مش موجود
وسعره بره 1000 دولار
السؤال بقى لو انا مسافر بره كمان شهر
هل اجيبه معايا افضل بس برده مستغليه أوى
ولا استنى نزول الساندى مصر واللى على حد قولك فارق فى السرعة والاداء والسعر عن ال اى7 بس ده برده سمعت ان له بوردة خاصة يعنى مش هعرف اجيب البوردة اللى انا عايزها فى النقطة رقم 3 واللى بتشيل 2 بروسيسور
فهل ترجح انى اجيب البوردة دى وبروسيسور 950 ولما احوش فلوس تانى اجيب واحد كمان 950 افضل بحيث يبقى 16 نواة وعيش يامعلم

2) ايوه انا هستخدم الجهاز للألعاب اكيد ما انا مش هجيب جهاز زى ده عشان ماعرفش العب عليه اى لعبه عايزها فبالتالى انسب كارت شاشة يبقى ايه اللى يوفى الاحتياج ده مع ملاحظة انى قريت ان كروت الشاشة الكوادرو افضل للجرافيك ومونتاج الفيديو عن الكروت التانيه بس غالية فحت فلو ترشحلى كارت يشغلنى فى الاتنين تمام يبقى شكرا جدا مع العلم انى هجيب 16 جيجا رامات كينجستون على حد قولك ان النوع مش هيفرق بدل الاو سى زى

3) اعتقد من قرائاتى ان البوردة برده ليها عامل كبير وانا منمر على 3 جامدين جدا بس مش عارف مين فيهم اشد من التانية
EVGA Classified SR-2 (Super Record 2) Motherboard 270-WS-W555-A1

والرامباج اكستريم 3

و
· ASUS P6X58D-E LGA 1366 Intel X58 SATA 6Gb/s USB 3.0 ATX




فمين فيهم اشد واحدة اللى متشكليش عقبة فى الاب جريد بعد كده وان كنت ميال جدا للأولى 2 بروسيسور 7 كروت شاشة وتشيل لحد 48 جيجيا رامات

4) الفى 6 افضل ولا 212 اللى قلتلى عليه

5) التيمبست ايفو مسمعتش عليها كلمة وحشة الصراحة لانى فعلا هركب هاردات كتير

6) الشاشة بقىة لو كلامك ده اكيد ان مفيش فرق شاسع فى الصورة والاستجابة يبقى اوفر ال 300 جنيه الفرق ازودهم فى حاجة تانية بس لو ده فعلا اكيد ان فرق الالوان والوضوح مش جامد

مستنى تعقيبك يابرنس وربنا يجازيك كل الخير

[TheInfernal]

1) كده ان شاء الله بعد مشاهدة عشرات المقارنات وكلامك ياباشا
الانتل اى 7 افضل بمراحل من اى ام دى بس المشكلة ان
اللى موجود منه فى مصر 950 و ال980 مش موجود
وسعره بره 1000 دولار
السؤال بقى لو انا مسافر بره كمان شهر
هل اجيبه معايا افضل بس برده مستغليه أوى
ولا استنى نزول الساندى مصر واللى على حد قولك فارق فى السرعة والاداء والسعر عن ال اى7 بس ده برده سمعت ان له بوردة خاصة يعنى مش هعرف اجيب البوردة اللى انا عايزها فى النقطة رقم 3 واللى بتشيل 2 بروسيسور]
فهل ترجح انى اجيب البوردة دى وبروسيسور 950 ولما احوش فلوس تانى اجيب واحد كمان 950 افضل بحيث يبقى 16 نواة وعيش يامعلم

أنا منصحتكش بال980 أو ال950. أنا قلت لك ال2600K أرخص و أحسن منهم.
ال950 فيه أربع أنوية مش تمانية. هو عنده خاصية إسمها Hyperthreading بتخلي نظام التشغيل يفتكر أنه ثماني النواة بس فيزيائيا هم أربعة بس.
تركيب 2 بروسيسور أعتقد صعب جدا بميزانيتك.

2) ايوه انا هستخدم الجهاز للألعاب اكيد ما انا مش هجيب جهاز زى ده عشان ماعرفش العب عليه اى لعبه عايزها فبالتالى انسب كارت شاشة يبقى ايه اللى يوفى الاحتياج ده مع ملاحظة انى قريت ان كروت الشاشة الكوادرو افضل للجرافيك ومونتاج الفيديو عن الكروت التانيه بس غالية فحت فلو ترشحلى كارت يشغلنى فى الاتنين تمام يبقى شكرا جدا

المشكلة إني قريت إنفيديا بتخنق كروت الجيفورس العادية المخصصة للألعاب عشان تجبر الناس إنها تشتري الكوادرو, فأنا رأيي تحاول تشتري كارت كوادرو و تريح دماغك.

مع العلم انى هجيب 16 جيجا رامات كينجستون على حد قولك ان النوع مش هيفرق بدل الاو سى زى

على فكرة OCZ أعلنت خروجها من سوق الذواكر من كام يوم.

3) اعتقد من قرائاتى ان البوردة برده ليها عامل كبير وانا منمر على 3 جامدين جدا بس مش عارف مين فيهم اشد من التانية
EVGA Classified SR-2 (Super Record 2) Motherboard 270-WS-W555-A1

والرامباج اكستريم 3

و
· ASUS P6X58D-E LGA 1366 Intel X58 SATA 6Gb/s USB 3.0 ATX




فمين فيهم اشد واحدة اللى متشكليش عقبة فى الاب جريد بعد كده وان كنت ميال جدا للأولى 2 بروسيسور 7 كروت شاشة وتشيل لحد 48 جيجيا رامات

الماذربورد مبقالهاش دور كبير لأن معظم الوظايف اللي كانت بتقوم بيها بقت مدمجة في البروسيسور. و مفيش آبجريد خلاص لX58. ال980X آخر و أسرع بروسيسور هينزل للسوكيت ده. لو إحتجت تحدث البروسيسور بعد كده هتضطر تغير معاه الماذربورد.

4) الفى 6 افضل ولا 212 اللى قلتلى عليه

؟

[solo000]

alf shokr ya bash you have been very helpful