النتائج 1 إلى 5 من 5

الموضوع: ابتسامات مصرية

  1. #1
    عضو محترف الصورة الرمزية NaAZoOR
    تاريخ التسجيل
    Feb 2003
    المشاركات
    8,698
    الدولة: Egypt
    معدل تقييم المستوى
    39

    Smile ابتسامات مصرية



    *قمة الهدوء........انك تسمع شريط فاضي وقمة الرخامة.......انك تقلب

    الشريط وقمة التناحة....... انك تعيد حتة عجبتك

    > >> >

    * واحد مسطول بيقول لصاحبه مش عارف يا أخي عود الكبريت ده ما

    بيولعش ليه مع إنه لسه مولع من شوية

    > >> >

    * مرة مدرس رياضة اتجوز مدرسة رياضة خلفوا ولد متساوى الساقين

    > >> >

    * ايه الفرق بين الاسبوع و موس الحلاقة والصحراء؟؟؟؟؟؟؟؟؟؟؟؟

    الاسبوع فيه حد , والموس فيه حدين , والصحراء ما فيهاش حد

    > >> >

    * هل تعرف من هو اوفي مخلوق؟ نملة مات زوجها الفيل وقعدت طول

    حياتها تدفن فيه

    > >> >

    * زرافة و فيل وأسد وفأر وثعلب وارنب ماشيين في الغابة , وقعوا

    كلهم في حفرة إلا الزرافة ,قالولها :جيبي لنا حبل. قالتلهم :ما فيش. قالولها

    :إحنا جعانين عايزين ناكل قالتلهم: ماعرفش أجيب لكم أكل. قالولها: والعمل؟

    قالت لهم: كلوا أضعفكم ..... قام الفأر نط مفزوع وقال لهم : اللي حيقرب من الأسد حيعرف شغله

    > >> >

    * واحد أحول راح يجيب أبوه من المطار باس الشنطة وشال أبوه

    > >> >

    * مرة 10 اغبياء بيلعبوا على الطريق الصحراوى واللي تخبطه العربية

    مرتين يطلع برة اللعبة

    > >> >

    * تايه بيسأل واحد ماشى فى الشارع اية اسرع طريق اروح بيه للمستشفى

    ؟؟ قالوة غمض عينك وعدى الشارع

    > >> >

    * مرة واحد غبي ماشي في الشارع لقي واحد صاحبه قاله ازيك ياعلي

    شكلك اتغير خالص الثاني رد عليه بس انا مش علي .الاول: قاله وكمان غيرت اسمك

    > >> >

    * سواق ماشى ع الطريق واحد لابس احمر فى احمر شاور له فوقف السواق و قاله انت مين و عايز اية قالة انا الفرفور الاحمر و عايز توصلنى فقالة لا مبوصلش فرافير و مشى و سابة شوية لقى واحد لابس اصفر فى اصفر و بيشاورلة فوقف و قالة انت مين و عايز اية قالة انا الفرفور الاصفر و عايزك توصلنى فقالة لا مبركبش فرافير و مشى و سابة شوية و قابلة واحد لابس اخضر فى اخضر عمل معاة نفس الحكاية ف السواق سابة و مشى شو ية كمان كدة و لقى واحد لابس ابيض فى ابيض بيشاورلة ف السواق وقف و قالة يا ترى انت بقى الفرفور الابيض فقالة الراجل فرفور اية رخصك يا روح امك
    <<<<

    * واحد راح للدكتور بيقولو يا دكتور انا عندى صداع , قالو بتنام والشباك مفتوح ولا مقفول ؟ قالوه مقفول ,طيب افتحه قبل متنام وتعالى بعد يومين , جاله بعد يومين , قاله الدكتور الصداع راح قاله الصداع راح والتلاجه راحت والتليفزيون راح و ...

    > >> >

    * اتنين مساطيل حبوا يسرقوا عماره فقالوا لبعض احنا ناخد العمارة بعيد ونسرقها برحتنا , فقلعوا الهدوم وقعدوا يزقوا فى العمارة يزقوا , جه واحد من وراهم وسرق الهدوم , فواحد منهم بص ورا ملقاش الهدوم فقال له

    كفاية كدة احنا بعدنا اوى

    > >> >

    * محشش يسأل محشش تتوقع الجمعة يوافق آخر الشهر ؟ رد عليه : لو

    ضغطنا عليه يمكن يوافق

    > >> >

    * واحد واقف على الكوبري بيقول ,36,36,36,36 راح واحد سأله ايه

    حكاية ال36دي؟ قاله تعالى أوريك قام رماه من فوق الكوبري ..وقال 37,37,37,37

    > >> >

    * واحد ندل فتح مصنع بيبسي كتب على كل علبة : رج جيدا قبل الفتح

    > >> >

    * واحد راح للدكتور بيقولوا يا دكتور كل ما اكلم واحد ينام مني ........... يا دكتور ........... يا دكتور

    > >> >

    * بلديات فتح محل انابيب غاز .. فجّر اسطوانتين فى وسط البلد .دعاية

    > >> >

    * واحدة راحت تخطب لابنها .. ام العروسة بتسألها ... وياترى ابنك بيدخن ؟؟؟ ردت عليها : لا لا لا الحمد لله , ابنى ما بيدخنش..... الا اذا سكر

    > >> >

    * واحد بيقول لصاحبه ... الحق الثعبان دخل غرفة حماتك ... قاله:

    سيبه يستاهل

    > >> >

    * اثنين ساكنين في خيمة ونايمين على ظهورهم بالليل.. بص الأول للسما

    وقال للثاني شايف ايه ؟ قال اشوف نجوم كثيرة.... قال وده يدل على ايه ة ؟

    قال الثاني : ان فيه مجرات وكواكب غيرنا في الكون ده . قال الأول ده يدل ان سقف خيمتنا انسرق ياغبي

    > >> >

    * ثعبان نظره ضعيف يوم ما حب واحده..... طلعت خرطوم

    > >> >

    * بلدينا ماسك قنبله وعمال يحدفها من الإيد دى للايد دى , قابله واحد تانى قال له :يخرب بيتك ولما تنفجر فى وشك , قاله : ماتخافش معايه غيرها

    > >> >

    * بلدياتنا نجح في انتخابات مجلس الشعب, ففي اول جلسة قاعد جنب واحد

    افندى فالأفندى عزم عليه بسيجارة مارلبورو, وبعد شويه بيسالوا إيه رأيك

    في الديمقراطية ياحاج؟؟.. فرد الحاج : والله أحسن من الكيلوبترا !!

    > >> >

    * واحد قال لأبنه: نابليون وهو أدك كان أول واحد في الفصل,... رد الواد على أبوه : نابليون وهو أدك يا بابا كان إمبراطور

    > >> >

    * واحد ومراته متخانقين فبطلوا يكلموا بعض فكتب ورقة صحيني الساعه

    6:30 علشان عندي شغل , وحط الورق على السرير ونام صحي الساعة 10:00 فلقى ورقه مكتوب عليها الساعه 6:30 يلا إصحى

  2. #2
    عضو
    تاريخ التسجيل
    Dec 2003
    المشاركات
    660
    معدل تقييم المستوى
    15
    :D :D :D

  3. #3
    عضو
    تاريخ التسجيل
    Jul 2003
    المشاركات
    470
    معدل تقييم المستوى
    0
    :D :D :D :D

  4. #4
    إداري سابق الصورة الرمزية TeT_TaT
    تاريخ التسجيل
    Jul 2003
    المشاركات
    6,223
    الدولة: Saudi Arabia
    معدل تقييم المستوى
    52
    :D
    :D
    :D

    شكرا
    احلى شي شويه فله على الصباح
    [SIZE="4"][B][FONT="Arial Narrow"]
    [CENTER][COLOR="DarkGreen"]على آثارك يازمن نسير انا وخطاي, فهل سامضي انا وتبقى خطاي , ام سنذهب معاً [/COLOR][/CENTER][/FONT][/B][/SIZE]

  5. #5
    عضو
    تاريخ التسجيل
    Feb 2004
    المشاركات
    215
    معدل تقييم المستوى
    0


    هيهيهيهيهي اشطه عليك

المواضيع المتشابهه

  1. ابتسامات سريعة
    بواسطة peter pan في المنتدى الأرشيف
    مشاركات: 5
    آخر مشاركة: 27-12-2008, 03:45
  2. ابتسامات نادرة في الإنترنت
    بواسطة alraeeq في المنتدى الأرشيف
    مشاركات: 274
    آخر مشاركة: 17-07-2008, 09:52
  3. ابتسامات ....
    بواسطة NaAZoOR في المنتدى الأرشيف
    مشاركات: 2
    آخر مشاركة: 30-11-2003, 23:40

الكلمات الدلالية لهذا الموضوع

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •