## الحل مع هالعله شنو ... مساعدتكم ... ##

**قوطي فاضي** · 01-11-2008, 05:57

السلام عليكم ورحمة الله وبركاته

كيف حالكم يالاخوان عساكم على القوة ؟؟ أولا انا شايف موضوع فيه بعض الشبه لموضوعي لكن ماحبيت أضيف مشكلتي فيه عشان مأخرب على الأخ فقلت افتحها في موضوع جديد ونطلب من الله ثم منكم المساعدة لأن فعلا أذا ماوجدت حل راح أرميه من خامس دور وعلي على أعدائي <<<< تكفى لاترميه ههههههه ...

المشكلة يالاخوان اللي مجننتني بدأت من شهرين تقريبا او ثلاثة في جهاز لابتوب لينوفـ المملوكة لشركة الـ IBM .......

المشكلة هي يالاخوان الجهاز صاير يعلق بشكل فضضضضيع مايتصور أوقات يتم سطح المكتب معلق بالساعة او نص ساعه حتى أدارة المهام ماتنفتح واذا انفتحت تعلق معه .. فماعندي حل الا أني أطفي الجهاز من خلال الزر مباشرة وهذا الشي اللي مأبيه لأنه بيخرب الجهاز وأوقات يالاخوان تصبح الشاشة عندي سوداء وهذي الحركة نادر ماتجي يمكن في الشهر مرهـ تصبح الشاشة سوداء ومافيه الا أني اضغط الزر واقفل الجهاز واشغله من جديد بأختصار الجهاز صاير ثقيل جدا ويعلق بشكل فضيع .
والأيام الاخيرة اذا شغلت الجهاز أما يكون سطح المكتب مجمد وأما يكون شريط المهام مجمد وكل شوي اسوي تسجيل خروج وارجع مرهـ ثانية ونفس الشي أما سطح المكتب واما شريط المهام مع العلم ::

** المساحة الحرة في السي : 5 غيقا ،،،،،،، وفي الدي : 8 غيقا والمساحة الاجمالية : 40 غيقا لاحد يضحك لووول ..

** البرامج ماعندي برامج كثيرة ابدا كلها برامج تنعد بالاصابع ومركب برنامج تنظيف وصيانة الرجستي والهاردسك وماجاب معي اي نتيجة ومركب أخر اصدار للنود ونفس الشي ماصار فيه اي تحسن وداخل على msconfig ومسحت جميع علامة الصح من البرامج اللي تشتغل مع بداء تشغيل الوندز ونفس الشي ..

** فرمت الجهاز مرتين والمشكلة نفس ماهي عليه للاسف ..

ملاحظة مهمة قد تفيدكم ::
## فيه برنامج بذني الله يبذه أعتقد اسمه انتي فايروس رغم أني مركب النود اخر اصدار وتحديث تلقائي يوميا الا أن هالبرنامج يوميا يجيني غصب يبوني احمله يقولون لي بالانجليزي جهازك فيه مشاكل لازم تحمل هالبرنامج الانتي فايروس وانا اكنسل لأني اذكر مره حملته وعفس جهازي وسويت فرمته وهالزفت للحين ماراح كل يوم يجيني مرهـ وكأن حاله يقول اتحملني في جهازك غصب عنك .... وايضا أوقات يظهر لي في الاسفل علامة تنبيه بالاصفر مكتوب ( الحد الأدنى للذاكرة الظاهرية منخفض جدا ) والصورة مرفقة في الاسفل ....

فمادري يالاخوان هل المشكلة من السوفت او الهارد أو من شنو بالضبط مع العلم المشكلة عندي من ثلاث اشهور تقريبا او شهرين والرام عندي اعتقد 248 ميقا

ننتظر اجاباتكم بفارغ الصبر لأن صبري نفذ ههههه والله يوفق الجميع ..

**قوطي فاضي** · 01-11-2008, 06:26

[IMG]

[/IMG]

**mido3060** · 01-11-2008, 18:33

افحص جهازك جيدا من الفيروسات باستخدام انتى فيروس قوى ومحدث لانه من المؤكد به فيروسات

**قوطي فاضي** · 02-11-2008, 08:19

تسلم اخوي ميدوو بخصوص فحص الجهاز ماتوصي حريص واقولكم سويت له فورمات ثلاث مرات ونفس المشاكل اللي فوق ماراحت ...

وينكم يالربع

**rezoufda** · 02-11-2008, 18:26

99% المشكل عندك من الفايروسات
وما يؤكد ذلك هو النافذة الإشهارية التي تطلع لك دائما على سطح المكتب ، فهذا سبايوير
انصحك بتنصيب bitdefender 2008
فهو الاقوى والاصلح

**alshalawy** · 02-11-2008, 22:28

يوجد هنا شرح وافي لمسح هذا الفيروس المزعج ,

https://www.spywareremove.com/removeAntivirus2009.html

ويمكنك انزال الاداة التي عندهم لالغائه ذاتيا ..

https://www.spywareremove.com/downlo...100835p2s2.exe

**قوطي فاضي** · 03-11-2008, 09:12

شكررا يالاخوان على المشاركة والله يجزاكم ألف خير ..

بالنسبة للأخ ــ رضا ــ
أنا الان معاي أخر اصدار من برنامج النود الشهير مفتوح المدة فهل اسم البرنامج الذي وضعته انت أقوى من النود ؟؟

بالنسبة للأخ الغالي ــ الشعلاوي ــ
أنا ثبت البرنامج اللي وضعته وسويت سكان وكل شي لكن للأسف بعد ماطلبت منه حذف الملفات اللي أكتشفها طلب مني وضع الأيميل والباسبورد ولابد منك الاشتراك بمبلغ مالي حاولت مو راضي لازم تشترك وتدفع .....

فأنا اللي فهمتهم منكم الأن يالاخوان أنه 99% المشكلة اللي عندي من الفيروسات فمادري وش الحل طيب لأن والله بدأ الاحباط يصيبني الجهاز صاير يعلق أكثر من أول تقريبا في اليوم أقفله ثلاث مرات عن طريق الزر بسبب التعليق .... ولا أنسى الصفحات الاعلانية الله ياخذها في كل الدقيقة تطلع لي عشر صفحات اعلانية ننتظركم يالاخوان ومن فرج عن مسلم كربة فرج الله عنه كربة من كربات يوم القيامة تحياتي لكم ..

## علفكرة يالاخوان : الصورة اللي واضعها أنا ولونها أصفر اللتي تتحدث عن الذاكرة الظاهرية مالها دخل في المشكلة ؟؟ ##