الفاتحه على ارواح أعضاء منتدى عرب هاردوير

[yassooforever]

السلام عليكم ورحمه الله وبركاته
الصراحه عايز افتح الحوار ده حبا فى المنتدى وحرصا عليه لما فيييه من منفعه كبيره لكل الأعضاء وأى مستخدم انترنت
انا بصراحه أشتركت فى المنتدى لما شفت المجهود الرائع المبذول فى مجله الأسعار بتاعه الكمبيوتر 2008
ولقيت تحميلها عادى مش لازم تشترك الأول فى المنتدى زى باقى المنتديات التانيه العقيمه
لأنى واحد من الناس محبش يكون الموضوع مقصور على اعضاء المنتدى بس ولكن يجب يكون متاح لاى زائر للمنفعه العامه وكمان تاخد أجر على كده

فاشتركت فى المنتدى
:p وده كان شرف ليا والصراحه انبهرت من الأقسام ال فيه وأستفدت منها فى حاجات كنيييره
ولكن

عندما أردت أستشاره فى تجميع جهاز كانت الفاجعه لم ألقى أى أستفاده الا من شخص واحد يسمى
معتز
والصراحه الراجل ده انا بشكره شكر خاص لأنه الوحيد ال كان تجاوب جامد فى الموضوع ده معايا
والراجل لا أعرفه علشان محدش يقول انى بشكر فييه علشان حاجه
ويعدين فيين ياقى الناس ال فى المنتدى المشرفيي أو اى حد مفيش خاااااااااااااااااااااااااااااالص

الى أن حاءت التنفيضه الكبرى
طليت استشاره من الأعضاء والمشرفييين فى معرفه نوع كارت ستالايت كويس وسعره كام
ومعرفه باقى الأنواع واسعارها ايه
ملقتش حد عبرنى او رد عليا او كح حتى فى الموضوع الا عضو واحد أسمه ابو حامد من الأمارات
وانا من مصر الراجل له جزيل الشكر ويعد كده حسييت انى مش فى عرب هاردوير انى فى صحراء هاردوير وقلت مصر الولاده ال فيها 77مليون مفهاش ولا واحد من أعضاء
المنتدى من مصر يرد على الموضوع الصراحه اتصدمت من التنفيييض العام ده
وعلشان ال فى قلبى على كيبوردى أطلقت العنان لأصابعى تشتكى للكيبورد وكتبت هذا الموضوع
حلو اوى السطر ال فات ده صح

فبصراحه انا قلت لازم أقول ال انا شفته فى المنتدى بكل موضوعيه وال معارضنى يقول وال حصل معاه كده يقول علشان الحل فيين لو فى نقص مشرفييين أو تقصييير من المشرفين المهم نشوف المشكله ديه حلها فيين لأنى اتألم لما تكون فى كتييير منتديات تافه لكن الاعضاء والمشرفين الأستجابه بتاعتهم عاليه السرعه كانه معالج intel core 2 dou :p:p
فالصراحه ال خالنى اكتب كده حبى فى المنتدى ونفسى المنتدى يكبر اكتر واكتر
والف شكر لسعه صدر المنتدى للاعضاء الغلابه
وجزاكم الله كل خير

[Tech_Admin]

بِسْمِ اللّهِ الرَّحْمـَنِ الرَّحِيمِ
الْحَمْدُ للّهِ رَبِّ الْعَالَمِينَ
الرَّحْمـنِ الرَّحِيمِ
مَـالِكِ يَوْمِ الدِّينِ
إِيَّاكَ نَعْبُدُ وإِيَّاكَ نَسْتَعِينُ
اهدِنَــــا الصِّرَاطَ المُستَقِيمَ
صِرَاطَ الَّذِينَ أَنعَمتَ عَلَيهِمْ غَيرِ المَغضُوبِ عَلَيهِمْ وَلاَ الضَّالِّينَ

[yassooforever]

آمين

[ramy]

أهلاً و سهلاً

عندما أردت أستشاره فى تجميع جهاز كانت الفاجعه لم ألقى أى أستفاده الا من شخص واحد يسمى
معتز

أعتقد أنّ السبب هو أنّه عند دخول الأعضاء للردّ شاهدوا ردود الأخ المذكور ووجدوا أنّها كافية ولم يروا فائدة في كتابة رددود أخرى.
وهذا يحصل في كثير من المواضيع مع مختلف الأعضاء.
أقصد أنّ هذا سيناريو كثير الحصول.

طليت استشاره من الأعضاء والمشرفييين فى معرفه نوع كارت ستالايت كويس وسعره كام
ومعرفه باقى الأنواع واسعارها ايه
ملقتش حد عبرنى او رد عليا او كح حتى فى الموضوع الا عضو واحد أسمه ابو حامد من الأمارات
وانا من مصر الراجل له جزيل الشكر ويعد كده حسييت انى مش فى عرب هاردوير انى فى صحراء هاردوير

هذا أعتقد لأنّك سألت عن كروت السات تحديداً، فلو سألت عن كرت شاشة أو معالج أو ..الخ من قطع الهاردوير لاختلف الأمر 180 درجة، فكروت السات ليست ذات شعبيّة في منتديات الهاردوير عامةً، والأنسب السؤال عنها في منتديات الساتلايت و القنوات الفضائيّة، ومع ذلك ألاحظ أنّ أغلب الأسئلة عنها يجاب عليها ولكن هذا لا يمنع بعض الحلات كما تفضّلت بكلامك.

هكذا أرى الأمر من وجهة نظري

أمّا:

فبصراحه انا قلت لازم أقول ال انا شفته فى المنتدى بكل موضوعيه وال معارضنى يقول وال حصل معاه كده يقول علشان الحل فيين لو فى نقص مشرفييين أو تقصييير من المشرفين المهم نشوف المشكله ديه حلها فيين لأنى اتألم لما تكون فى كتييير منتديات تافه لكن الاعضاء والمشرفين الأستجابه بتاعتهم عاليه السرعه كانه معالج intel core 2 dou
فالصراحه ال خالنى اكتب كده حبى فى المنتدى ونفسى المنتدى يكبر اكتر واكتر

هذا لأنّ المنتدى نما بشكل متسارع الفترة الأخيرة بحيث خرج عن سيطرة العدد المتوافر من المشرفين حاليّا، والإدارة مشكورة تقوم حاليّاً بتكليف مشرفين جدد لكي ينضمّوا للقدامى.

[yassooforever]

الف شكر للأخ العزيز رامى على هذا الايضاح الجميل ولكن انا كتبت المقال ده من باب عتاب الأحباب
لا أكتر ولا أقل

[prince_mmp95]

الف شكر الموضوع فعلا حقيقى
بس انا اول معرفتى بالمنتدى الحقيقة كانت من خلال بحثى عن اسعار الهردوير فى مصر

[prince_mmp95]

فعلا قعدت فترة كبيرة جدا على ملقيت حد عبرنى
ودة ناتج ان باقى الاعضاء بقالهم فترة مع بعض
بس الحقبقة بعض فترة لقيت بعض التجاوب من الاعضاء الكرام
زى
rety و معتز وايجبت مان
والحقيقة ناس محترمين جدا

[prince_mmp95]

الحقيقة بقى اللى صدمنى
هو ارسالى رسائل خاصة وكمان علنا لمشرف المنتدى
ا محمد
صاحب مجلة الاسعار
قبل اى حاجة هو طبعا مشكور على المجهود اللى بيبذلة
بس كنت كل لما ابعتلو ميردش كنت بقول يمكن مشغول او مش فاضى يشوف ردود الاعضاء
لكن فوجئت انة بيرد على مشاركات الاعضاء الكرام على الرغم انى ممكن اكون موجهلة الكلام فى ثلاثة او اربعة مشاركات داخل الصفحة الواحدة ومبيردش عليا كأنى ولا كتبت اى حاجة

على العموم هو طبعا مشكور وانا محبش انى اتكلم علية الا بكل خير بس ياريت يخلى بالة برضو من الاعضاء الجدد
علشان يريى زبون هههههههه وللى انا غلطان

[prince_mmp95]

وشكرا للعضو الجريء صاحب الموضوع

[أبو فوفو]

بصراحة ياسيد موضوعك ملفت للنظر وفيه جرئة لا يستهان بها كونك عضو جديد وأنا احييك عليها
على كل رد الاخ رامي وكان بشرحه كافي ووافي
أما عن كروت الستلايت بالتحديد فأغلب الأعضاء يفتقدون الخبرة المطلوبة بها ولأمانة الكلمة بهذا المنتدى ومصداقيتها لا أحد يعطي أي معلومة غير ملم بها .
لكن ممكن اني أفيدك بنوعية موثوق بها كونها من صميم عملي وهي sky star2 من تكنوسات ولا يوجد بديل لك عنها بالجودة والأداء .

[yassooforever]

احب أشكر لكل من الأعضاء ال شاركونى أنتفاضه الأعضاء الجدد لعرب هاردوير (صحراء هاردوير ده الدلع نظرا للطتنيش )
وان كنت كتبت هذا المقال بعد ما طفح بيه الكيل ولكن الحمد لله معايا اعضاء شجعان شاركونى فى هذه الأنتفاضه وهم
أبوفوفو
البرنس 95 (الراجل ده عانا كتيييييييييييييييييير أوى يستحق لقب الجندى المجهول للأنتفاضه)

ولكن هذه المقاله واللهى للفت نظر المشرفييين والأعضاء الخبره مش أكتر وتقبلو تحياتى

[yasserxpnew]

هههههههههههههه

موضوع جامد

بس انت فى نقطه لازم تاخد بالك منها قبل ما تسال اى سؤال

حاول تكون دورت عليه ومش لقيه فى اى حته

زى واحد مثلا جاى عامل موضوع وطالب """"ازاى انزل وندوز"""
الموضوع سهل بس مستفز
لو انا ناوى اساعد مش هساعد

لكن واحد جاى يقول الجهاز بيفصل بد ربع او نصف ساعه

اه دا موضوع فى شغل

واكيد هيبقى فى ردود

وهو المطلوب اثباته او توضيحه

وشكرا...

[yassooforever]

شكرا للأخ ياسر على الرد


ولكن أخ ياسر بالنسبه ال طالب أزاى يسطب ويندو عادى لأنى انا واحد من الناس مكنتش أعرف أسطب ويندوز
لأنى والدتى لم تكن تتوحم على كمبيوتر فللأسف متولدش أعرف أسطب ويندوز وبالتالى أتعلمت اسطب ويندوز من خلال السؤال الزملاء لأن ساعتها مكنش فى نت متوفر كتيييير وده طبعا من ايام ويندوز 98
فالمهم يا أخ ياسر انت لا تبخل على اى حد بمعلومه وأعتبره من باب أغاثه الملهوف
وألف شكر على الرد الجميل ده

[7amasa7]

اعتب عليك اخى فى جعل المشكله عامه فى المنتدى مع ان عتابك المفروض يكون لقسم واحد فقط واللى هو ممكن مايكنش فيه العدد الكافى من الخبراء والمشرفين فلو بذلت قليل من المجهود وتصفحت باقى الاقسام فى عرب هاردوير لوجدت انه انجح منتدى تقنى عربى من حيث المواضيع والمشاركات والمساعدات والشروحات والمناقشات جرب اخى الحبيب تدخل قسم الشهادات العلميه او الاتصلات والشبكات او البرمجه او البرامج او المشكلات وحلولها او او او او .................. كلها اقسام ناجحه والمناقشات فيها قد تصل لاكثر من 100 مشاركه وفى مواضيع تعدت ال 1000 مشاركه
الشكر كل الشكر للقائمين على المنتدى وان شاء الله مزيد من النجاح والتقدم

[one-zero]

عتابك المفروض يكون لقسم واحد فقط واللى هو ممكن مايكنش فيه العدد الكافى من الخبراء والمشرفين فلو بذلت قليل من المجهود وتصفحت باقى الاقسام فى عرب هاردوير لوجدت انه انجح منتدى تقنى عربى من حيث المواضيع والمشاركات والمساعدات والشروحات والمناقشات

اشارك الرأي واؤكد عليه تعميم الموضوع لا اعرف المقصد منه بس هو غير واقعي و المشكلة في قسم واحد كما اراى