النتائج 1 إلى 3 من 3

الموضوع: الأعمال الشعرية الكاملة للشاعر الكبير (أحمد فؤاد نجم)

  1. #1
    X_Lance
    زائر

    الأعمال الشعرية الكاملة للشاعر الكبير (أحمد فؤاد نجم)



    الأعمال الشعرية الكاملة للشاعر الكبير (أحمد فؤاد نجم)



    للتحميل ملف pdf

    1.pdf - 5.6 Mb

  2. #2
    X_Lance
    زائر

    رد: الأعمال الشعرية الكاملة للشاعر الكبير (أحمد فؤاد نجم)

    استغماية

    غمي عيونك

    سد ودانك

    إفتح بقك

    قول انا فين

    الشاطر فيكو

    يحزر فزر

    في دقيقتين

    والإشطر منه

    اللي يحزرها

    في غمضة عين

    والإشطر خالص ما يحزرش

    يقول انا فين

    والإشطر أشطر

    اللي يبص يشوف بالعين

    انا فين ؟

    فيه ناس

    اختلف في الموضوع

    وحكاوي اتقالت

    عن مواضيع

    والناس لا مؤاخذة

    في زمن الجوع

    يتعشوا كلام

    يفطروا تشنيع !

    فيه واحد شافني

    بلبده ولاسه

    في باب اللوق

    والتاني

    لمحني بقفصين موز

    علي باب السوق

    والتالت شافني

    في كاديلاك

    راكب مع بنتين

    والرابع

    شافني ف طنطا

    بابيع

    بلابيع ونشوق !

    وصحافه الصاوي

    والورداوي

    والجمال

    وأباظه ولاظه

    وباقي الدلاديل

    والأندال

    بتأكد جدا

    جدا جدا بالتدقيق

    إن انا محبوس

    وباروح يوميا

    للتحقيق!

    طب اصدق مين

    وأكدب مين ؟!

    ماهي حاجه تمخول أيها عاقل

    وانا مجنون

    وباكلم نفسي

    وعقلي صراحه

    ماهوش مضمون

    لو كنت بلبده ولاسه

    وماشي ف باب اللوق

    طب إيه مشاني

    مفلس جدا

    جنب السوق ؟!

    لوكنت بدأت

    كتاجر فاكهه

    وبقفصين ؟

    مش كنت زماني

    معلم طمبه

    وجوز اتنين؟

    لوكنت ف كاديلاك

    زي ما قال

    التالت بيه

    ومعايا بنات

    زي الشربات

    طب ح انزل ليه ؟!

    لوكنت يا طنطا

    بابيع بلابيع

    وسطل وبخور

    مش كنت زماني

    مدير على جامع

    أو مأمور ؟

    وصحيح الصاوي

    والورداوي

    والجمال

    حابسين أفكار الناس

    في بلدنا

    وعال العال

    إياك قاصدين

    إن انا مسجون

    زي الملايين ؟

    كده يبقي تمام

    ولأول مره

    ح اقول " صادقين "

    بس انا لا مؤاخذه

    وبالتدقيق

    ماحصلشي معايا

    ولا تحقيق !

    مش حاجه تحير

    طب أنا فين ؟

    حزرتوا خلاص

    فزرتوا خلاص ؟

    عارفين

    أنا فين

    أنا ساكن قلبي ومتونس

    بالناس

    والناس الونسه كتير

    ماليين القلب

    وشاغلينه

    سارحين في الدم

    وفي التفكير

    وجناين قلبي العمرانه

    بالناس

    الأزهار

    العصافير

    سايعاني

    وسايعه اللي باحبه

    وتساعي معايا

    رفاقه كتير

    شايفين انا فين ؟

    الشاطر فيكو

    يحزر فزر

    في دقيقتين

    والأشطر طبعا

    حيحزرها

    في غمضة عين

    أنا ...... فين:confused:

  3. #3
    عضو الصورة الرمزية Eng.MagoooD
    تاريخ التسجيل
    Aug 2008
    المشاركات
    724
    الدولة: Egypt
    معدل تقييم المستوى
    10

    رد: الأعمال الشعرية الكاملة للشاعر الكبير (أحمد فؤاد نجم)



    شكرا لك .

    المشكلة في هذا الرجل انه يستخدم احيانا الفاظ لا تصح ابدا ان تذكر في شعر او في غيره .

    و دائما لسانه يجلب له المصائب .
    لا اله الا انت سبحانك اني كنت من الظالمين

    http://www.quranflash.com/

    http://www.ualberta.ca/%7Eesa106/images/egypt-flag.jpg

المواضيع المتشابهه

  1. حبيى أحمد فؤاد نجم ينعى شهاء الكنيسة
    بواسطة ossama13 في المنتدى الأرشيف
    مشاركات: 11
    آخر مشاركة: 11-01-2011, 05:35
  2. مشاركات: 9
    آخر مشاركة: 29-12-2008, 08:15
  3. دمع لبغداد ...قصيده للشاعر الكبير عبدالرزاق عبد الواحد
    بواسطة سيف المدرس في المنتدى الأرشيف
    مشاركات: 3
    آخر مشاركة: 24-03-2008, 17:21
  4. قصيدة رائعة للشاعر الكبير العشماوي
    بواسطة omar-tdm في المنتدى الأرشيف
    مشاركات: 4
    آخر مشاركة: 25-01-2008, 17:57
  5. حكاية عباس للشاعر أحمد مطر
    بواسطة الفجر القادم في المنتدى الأرشيف
    مشاركات: 3
    آخر مشاركة: 21-04-2005, 18:17

الكلمات الدلالية لهذا الموضوع

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •