هل من الممكن وضع نفس ال gateway على جهازين فى VMware

**the_way2allah** · 23-12-2008, 18:14

السلام عليكم ورحمة الله وبركاته

اخوانى الاعزاء

ليا سؤال وياريت حد يجاوبنى عشان انا متلخبط فى الجزئية دى

دلوقتى لو انا عامل ال Lab الآتى :-
************************************************** *********
Router
Switch
2 Pc

Router 1
e0/1 = sw1 f1/1

Switch 1
f1/2 = pc1
f1/3 = pc2
************************************************** ************

دلوقتى انا هحط ip على ال interface الخاص بالراوتر اللى هو e0/1 وليكن مثلا 192.168.1.1
، والجهازين ال pc1 هياخد أى بى 192.168.1.100 ، وال pc2 هياخد أى بى 192.168.2.100 ، دلوقتى هل ينفع احط ال gateway اللى هوا ال interface بتاع الراوتر على الجهازين ولا لازم
كل جهاز يبقى ليا انترفيس على الراوتر ويبقى هوا ال gateway بتاعه او اعمل مثلا sub interface

مستنى إجابتكم يا اخوة
وأسأل الله أن يجازيكم خير الجزاء

**Nightspy** · 23-12-2008, 19:58

شوف يا اخى الكريم

ركز معاى شوي فى ما سوف اقولة

تخيل معي مدينة هذه المدينة ليس لها الا طريق واحد يوصلها ببقية المدن هذا الطريق اكيد سوف يكون له بوابة هذه البوابة هي الGateway
تمام جدا جدا جدا
لاكن مش من المعقول ان يكون جوة المدينة واحد خارجها فى نفس الوقت يعنى مثلا المدينة دى اسمها 192.168.1.0
mask 255.255.255.0

يبقى اى واحد فى المدينة لازم يكون يبداء ب "192.168.1" وسواء كان 192.168.1.2 او 192.168.1.3 او او او او او او

يبقى ما ينفعش يكون فى المدينة واحد موجود جوة وبرة فى نفس الوقت مثل ما انت وضعت هذا العنوان 192.168.2.100

لان 192.168.1.1 ده بوابة مدينة 192.168.1.0/24
وما ينفع انه يكون بوابة لحد من مكان تانى

طيب لنفترض انك عايز تعمل مدينتين " شبكتين"
واحدة
192.168.1.0
والثانية
192.168.2.0

وان عايش فى المدينة الاولى 192.168.1.0 وعايز تقضى الاجازة فى مدينة 192.168.2.0 خلاص تمام جدا لازم اولا يكون فى طريق والطريق دة ينتهى ببوابة "gateway for 192.168.2.0 for Ex; 192.168.2.1" والذى من خلالها سوف تصل الى 192.168.2.0

لاكن لا يعقل انى اعمل البوابة داخل مدينة تانية
مثل ما انت قلت عن ان تكون البوابة 192.168.1.1 خاصة بشخص فى مدينة اخرى 192.168.2.200

انت اماك حلين اما ان تعمل Routing for vlan يعنى تقسم الRouter interface ثم تكمل الConfiguration
او انك تقوم بوضع الشبكتين على interfaces منفصلين وتشخل كل واحدة لوحدة وتكون تمام التمام

اتمنى ان اكون ساعدتك فى الرد

مش عايز غير دعوة بصلاح الحال

**Eng.MagoooD** · 23-12-2008, 19:59

هناك قاعدة عامة اخي الكريم ان شاء الله لو فهمتها هتفيدك فيما بعد و هتزيل عنك التباسات كثيرة و هي :

لا يمكن لاكثر من interface واحدة للراوتر انها تكون موصلة بنفس الشبكة .

يعني على سبيل المثال لو عندك شبكة واخدة المدى : 192.168.1.0/24 ----> 192.168.1.255/24

ما ينفعش المدى ده يكون له اكثر من default gate واحدة و لتكن 192.168.1.1 و ما ينفعش الشبكة ده تكون متوصلة على 2 او 3 interface او اكثر لنفس الراوتر , هي interface واحدة فقط اللي الشبكة تكون متوصلة بها .

ان شاء الله المفهوم كده يكون وصل لك .

**Eng.MagoooD** · 23-12-2008, 20:17

دلوقتي نيجي للمثال اللي انت حاطه.

انت مش حاطط ال SM , فهفترض انها الاساسية \24

بالشكل ده انت حاطط pc1 في شبكة و pc2 في شبكة تانية

فلازم يكون لكل منهم default gateway على حدة و كل واحد منهم متوصل ب interface مختلفة في الراوتر

يعني انت لازم تعرف interface في الراوتر و توصلها بال pc2
و ليكن 192.168.2.1 و ليكن ال interface = e0/2

و هيكون ال interface الاولاني اللي انت معرفه
اللي هو e0/1 هو ال default gateway لل pc1

اتمنى اني اكون وصلت لك المعلومة صح و بسهولة
و ان الالتباس يكون زال الان .

**Eng.MagoooD** · 23-12-2008, 20:18

الاخ نايت سباي سبقني في الرد عليك .

و لا اطلب منك الا الدعوة الصالحة .

**the_way2allah** · 24-12-2008, 00:41

اخوانى الكرام جزاكم الله خيرا الجزاء
بس انا دلوقتى برضو فى نقطة معلش انا طولت عليكم
دلوقتى يا جماعة احنا مثلا لو فى مجموعة اجهزة تمام ؟؟؟ وكلهم واصلين بالسويتش يعنى مثلا
pc1 = f1/1
pc2=f1/2
pc3=f1/3
pc4=f1/4
وهكذا ودلوقتى مثلا السويتش دة واصل براوتر والراوتر دة هو اللى بيطلعنا على النت طيب مش دلوقتى مثلا هنقول ان السويتش بتاعنا مربوط بالروتر مثلا ب interface اللى هيا مثلا f1/15 طيب دلوقتى احنا كاجهزة عايزة تطلع على النت مين اللى هيعرف يطلعنا على النت الراوتر طيب والراوتر مربوط بالسويتش بتاعنا ب interface اللى هوا f1/15 واللى انا هحط عليه ip address يبقى المفروض انا لما اجى اقول السويتش ال Gateway بتاعك مين ؟؟ هيبقى ال interface f1/15 اللى هيكون واخد ip

مش عارف انا كدة فاهم غلط ولا اية !!!!!!