بجد محتاج كل الاعضاء يدخلوا الموضوع ده ......

[سيشرق فجر القدس]

مش عارف ابدأ الكلام منين

هبتدي من جمله قالهالي واحد زميلي ،
كان بيحكيلي عن مشكله عنده
قاللي ان جايز كل اللي بيحصله ده رسايل من عند ربنا

------------------------------
هبتدي بغزوة احد
هبتدي بشهداء الصحابه
هبتدي بحمزه بن عبد المطلب
هبتدي بالملايين اللي اتقتلوا زمان في بغداد
والآلاف اللي اتقتلوا ايام التتار
والالاف اللي اتقتلوا ايام حربنا احنا مع اليهود
رسايل كتييييييير هبتدي بيها

مجازر كتير حصلت حتي ايام الرسول من المشركين

عذاب وذل وهوان وضعف
وكان كل ده رسايل
رسايل لينا احنا كأمة اشرف خلق الله
رسايل اللي توصله وتقدر تغير فيه حاجه
كانت بتحول الذل لعزه
والعذاب لراحه
والهوان والضعف للقوه
والهزيمه للانتصار .
رسايل ربنا بيقوينا بيها عشان لما ييجي النصر نسبح ربنا ونستغفره
" إذا جاء نصر الله والفتح "
أه مدبوحين من الي بيحصل
أه حاسيين بالعجز
أه حالنا لا يسر عدو ولا حبيب
لكن كل ده يخلينا نفكر ...
ولازم نسأل نفسنا ميت سؤال ؟
هل ده غضب من ربنا ؟؟؟؟؟؟؟؟؟؟
لو غضب من ربنا ... تبقي كارثه وحلت بينا كلنا
ربنا لو غضب علينا مستحيل يبقي هوا ده الوضع
ربنا لو غضب علينا فده غضب العزيز الجبار
غضب القاهر فوق عباده
غضب مغرق فرعون
غضب هازم الاحزاب
غضب مبيد اقوام ومستبدلهم بخير منهم
ربنا لو غضب علينا بجد مستحيل يكون هوا ده الوضع
دي مجرد رسايل
ربنا بيبعتهلنا عشان هوا رحيم بينا
رسايل وآيات
ويا اما نشوفها ونعرفها
يا اما نتتظر غضبه الذي اذا جاء لن يبقي عليها ولن يذر
ربنا بيقول " (ومن أظلم ممن ذكر بآيات ربه فأعرض عنها ونسي ما قدمت يداه .......)
كل يوم حد فينا بيمرض
حد فينا بيموت
حد فينا بيحصله مصيبه من المصايب الكتيره اللي في الدنيا
بيكتئب
بتسود الدنيا فوشه
بنشوف الذل اللي بقي فيه المسلمين في العالم
بنشوف كرامتنا كل يوم بتتداس اكتر
بنشوف اخواتنا بيموتوا ومعاهم احلامهم ومستقبلهم
بنتأثر وبندعي وبننسي
رسايل كتير بتتبعتلنا كل يوم
عشان يوم القيامه اما نتحاسب ميبقاش لينا حجه
----------------------------
دلوقتي انا بجد نفسي اشيل الغشاوه من على عيني ومن علي عين كل اخواتي في الله
كلنا بنغلط في اليوم ميت الف غلطه ... كلنا مقصر
انا كنت خارج ليلة راس السنه وشفت الشباب اللي بجد متأثرين باللي بيحصل
شفت البنات اللي مجرد النظر ليهم اثم كبير لانهم وللأسف عرايا
كلنا مقصرين وكلنا ربنا باعتلنا الرساله بتاعة غزه وغيرها
هرجع اقول من تاني
" الشهداء دول مكانهم الجنه --- متخيلين احنا بقى مكاننا فين ؟! "
كلنا محتاجين نفوق ونتغير بجد
محتاجين نكون علي قد الثقه اللي وضعها فينا ربنا
ايوه احنا شباب
ايوه محتاجين نعيش ونفرح وننبسط
ايوه عاوزين نعيش اللحظه
ايوه نفسنا نحب ونتحب ونتجوز ونخلف ونجمع فلوس وننجح ونعلا بينا وببلادنا
بس ده كله مش مع الشيطان
مش بالطريقه اللي بقيت شايفها فيا وفي اللي حواليا للاسف الشديد
كل البنات ...
ارجوكي قيمي لبسك ... فكري ولو للحظه واحده
وبلاش تبتدي بالايشارب او الحجاب
ابتدي من تحت لفوق ...
ابتدي بالبنطالونات
ابتدي بالباديهات
ابتدي بغيره وغيره
ابتدي بالمكياج
ابتدي بطريقة الكلام
ابتدي بالعطور

ابتدي باي حاجه

بس المهم لازم تكوني انتي الحكم علي نفسك
قبل مايوم القيامه ربنا يعاملك معاملة الكاسيات العاريات .
وبلاش حجه العنوسه
وبلاش حجة انا لسه في شبابي
وبلاش حجة الموضه
تخيلي ان ربنا بيسألك ... هتقولي لربنا الموضه ؟
متخيله كام واحد بيبص عليكي ؟

ابتدي بعدد الاغاني اللي انتي حافظاها
وبتحفظيها كل يوم
وعدد الايات اللي بتحفظيها في المقابل
انا مش متعصب ومش هقول الاغاني حرام ومش هحرم كل حاجه فحياتنا
بس انا بسأل نفسي قبلكم
فين ديننا مننا وفين احنا من ديننا ؟!
--------------------
الشباب
نفس الكلام
المراهقه
الحب
البنات
المعاكسه
السجاير
الشيشه
البانجو والحشيش
الشات والنت
كام بنت تعرفها
كام بنت قلتلها بحبك ؟
مستعجل عالحب ليه ؟
مستعجل عالجواز ليه ؟
بتقول انا مبعاكسش الا اللي يستاهلوا يتعاكسوا ؟
بس الرسول لما قال "غض البصر" مستثناش حد
نسينا سيدنا يوسف وازاي كان قدامه امرأة العزيز مال وجمال وهيا اللي طالبه منه انه يجامعها
وهوا رفض وقال "معاذ الله "
مين فينا بينهي نفسه عن المعاصي كده ؟
وارجع واسأل تاني ...
بتسمع اغاني ؟
طب بتسمع قرآن ؟
حافظ اغاني قد ايه ... وحافظ قرآن قد ايه ؟
انا بكلم نفسي اول واحد فيكم
وبفكرنا كلنا بالرسايل اللي ربنا باعتهالنا الايام دي
بلاش نجيب اللوم علي الحكومات
وبلاش نتكلم علي معابر وفرقه وغيره وغيره
دايما نفسي نبدأ بنفسنا

انا كل اللي عاوزه واتمنى فعلا ان كلنا نعمله
نقف مع نفسنا
ونمسك الحاجات اللي بتحصل للمسلمين عامة ونشوف ربنا عاوز يقولنا ايه منها
ونمسك الحاجات اللي بتحصل لينا وبرضو نحاول نفهم رسايل ربنا لينا
النصر آت لا محاله ...
لان ربنا عمره مهيضيع دينه .
لكن الجنه والنار مبيدخلهمش الا اللي يستحقهم .
يارب اهدينا لما تحبه وترضاه
ياااااااااارب .

----------------------
مش منتظر ردود وشكر وغيره
اتمني لحظه تفكير مننا
وبعديها مرحلة تغيير
وربنا يعيننا

[Nightspy]

ها هو مربط الفرص

تقصيرنا مع الله

هو السبب

ولا نفعل شيء سوى الغضب

وبالكثير الوقوف فى مظاهرة نصف ساعة بالكثير ثم "السلام عليكم ياجماعة احنا كدة بنساعد القضية الفلسطينية وتمام التمام "

لاكن تعالوا نتفرج شوية على القنوات التى تبث للمسلمين "مهازل"
واحد ممكن يقول طيب واحنا مالنا القنوات هذه خاصة بمجموعة من رجال الاعمال اصحاب البطون الواسعة
لا لا لا انظر فى حجم الرسائل القصيرة

وعلى كلامك بالنسبة لراس السنة
فازيدك من البيت قصيدة كنت راكب مترو الانفاق فى هذه الليلة
وخلاف للنساء العراية واظن ان الاغلبية العظمة منهم غير مسلمات للامانة
أثناء تنقل المحطات إذا دخل مجموعة من الشباب يقدرون باربعة او خمسة شباب
بعض منهم يلبس أقنعة المهرج الذى يلبسها الاطفال فى سن الخامسة
وقام احدهم بتشغيل اغنية لاكن ماذا تستطيع ان تتخيل هذه الاغنية ؟؟؟؟؟؟

اسمع

جدو على عندة حمار اية اية او جدو على عندة خروف ماء ماء علطول يمشى ولا يزعلشى ويحب اللعب !!!!

بصراحة كنت بسمعها وانا طفل ودة سبب لى نمو متاخر ههههههههههههه

تذكرت مقولها دائما كان يقولها لنا دكتور محاسبة وهو عميد احد الجامعات سابقا للطلبة "يارتها كانت جابت جوزين بط أحسن " يقصد بها ان استبدال الطلبة بالبط كان انفع لانه سوف يستفاد منهم

لاكن لاكن أيضا لا نظلم الناس ففى نفس اللحظة التى اشاهد فيها هذه المهزلة دخل شاب ملتحى وبعض لحظات همس فى أذنى وقال قاصد هؤلاء "يعنى هما مايعرفوش ان فى ناس بتموت فى غزة اية دة " او كما قال
وانا رديت علية "بان هما ما حد اخد بيدهم حتى يصلو الى مرحلى الشعور بالجسد المسلم " او كما قلت



فنحن لا نستحق النصر أبدا طالما عشنا الوهم