مشكلة غريبة فى الهارد بتاعى بعد ما كان بدون مشاكل

[مكسرات]

السلام عليكم

أخوانى الاعزاء عندى مشكلة غريبة شواية فى الهاردسك بتاعى

أولا أقول لكم بيانات الهاردسك وبعدين أقول المشكلة

بيانات الهاردسك
-------------------
مساحة الهاردسك : 500 جيجا
الكاش أو البافر : 16 ميجا
موديل الهاردسك : WDC WD5000AAKS
نوع كابل التوصيل : ساتا 2
مدة أستخدام الهارد حتى الان : سنة و شهرين
عدد تقسيمات الهاردسك (البارتشن) : 6 برتيشن
مساحة البارتشن C : أربعة وعشرين جيجا
--------------------------------------------------------------------------------------------------

المشكلة
---------
المشكلة هى بطئ الهاردسك بطريقة تدريجية يعنى يعنى الهارد أو ما أشتريتة كان ممتاز لغاية 5 شهور بعد كدة بدأت سرعة الهارد تنخفض ويحدث مشاكل غريبة من بعد 5 شهور تدريجا
المشاكل التى تحدث هى

1- تهنيج الهارد لمدة أقل من ثانية وأنا شغال فى الويندوز بشكل عشوائى يعنى ما لها وقت محدد لكى تهنج
2- عند فتح فولدر أى برنامج أو لعبة فيها أيقونات الملفات كثيرة يأخذ فترة 3 ثوانى لكى يقوم بتحميل شكل هذة الايقونات طبعا هذا يحدث فى كل البارتشنات
3- عند الدخول إلى مجلد بة صور يأخذ وقت لكى يقوم بتحميل شكل الصور
4- غير كدة أن الهاردسك بطئ شواية عند فتح البرامج والالعاب
--------------------------------------------------------------------------------------------------

المحاولات التى عملتها للكشف عن سبب هذة المشكلة
-------------------------------------------------------------
1- الكشف عن أى فيروسات فى الجهاز بأستخدام أكثر من برنامج أنتى فيروس لكن ما وجدت أى فيروسات على الهارد
2- الكشف عن أى باد سيكتور بأستخدام برنامج ولكن لا يوجد أى بادرسيكتور
3- قمت بتنزيل ويندوز جديد أكثر من مرة XP أو Vista ويعمل الهاردسك بشكل جيد فى بداية عمل الويندوز وبعد يوم تجد المشاكل رجت لة تانى .
4- قمت بعمل تهيئة(Defreagment) للهاردسك لكن لم يتم حل المشكلة
--------------------------------------------------------------------------------------------------

المحاولات التى لم أعملها حتى الان
----------------------------------------
1- لم أقم بتقسيم الهارد من جديد وذلك بسبب أن الهارد يمتلئ على أخرة ولا يوجد هارد أخر بنفس الحقم حتى أقوم بنقل الملفات إلية
--------------------------------------------------------------------------------------------------

السؤال هو :
--------------
ما هى مشكلة الهاردسك وما سبب البطئ فى العمل وعلى فكرة الهاردسك فى السابق لم يكن فية أى من هذة المشاكل وكان سريع وجيد وأيضا أنا لم أفك الهارد من الكيسة من بداية شرائة وحتى الان فما المشكلة أذن .

[alayoubi]

طبعا الهارد في الفترة الأولى من بعد تجميع الجهاز كان فاضي تقريبا وبالتالي الملفات الي عليه عددها أو حجمها قليل فمن الطبيعي يكون سريع ,, والهارد ممكن يكون هو نقطة الضعف في أجهزة الكمبيوتر لأنه غير مساير للتطور الحاصل في المعالجات والرامات ,, هذا هو تفسيري للمشكلة .

أعتقد هذا شيء طبيعي أن يحدث في جميع الأجهزة , كم الريسبوند تايم للشاشة ؟

[alayoubi]

ممكن وأقول (ممكن) لو كان البفر للهارد 32 ميجا تحس بفرق أفضل وأيضا عدد البارتشينات كثيرة كان ممكن تقسم الهارد مثلا لـ 3 أقسام وتوزع الملفات عليها داخل مجلدات بتصنيف معين يناسبك ولكني غير متأكد اذا كان لكثرة التقسيمات سبب بالمشكلة أو لا .

[مكسرات]

شكرا لك أخى alayoubi على ردك

يوجد شخص قال لى حل بس أنا لست مقتنع بة الشخص قال لى أصغر حجم الدرايف c لان أنا عاملة 24 أخلية أقل من ذلك بس أنا مش مقتنع أن دى ممكن يكون حل للمشاكل دى مع العلم أن كل الدرايفات عاملها NTFS

طيب هل يوجد أى شخص قد صادفة نفس المشاكل اللى عندى

[alayoubi]

لا ليس لها علاقة بالعكس أنا شايف ان حجمه صغير واحتمال يمتلىء بسرعة يفضل على الأقل 50 جيجا مثلا .

أنصحك بتغيير طريقة عرض الملفات أو الأيقونات من Thumbnails الى Icons لأنها غير ضرورية وتسبب التأخير الذي ذكرته , ممكن تستخدمها فقط بشكل مؤقت للبحث عن ملف معين بسرعة داخل المجلدت .

[مكسرات]

شكرا لك أخى العزيز على المتابعة

لكن أنا تعقدت واللهى من هذا الهاردسك لان الجهاز أصبح أدائة سئ جدا بسبب هذا الهادرسك وعلى فكرة أنا جربت هارد أخر علية ويندوز أكس بى كان قديم عندى لكن عند وضع الهارد هذا وجدت الجهاز ردت فية الروح مرة أخرى وأصبح سريع وجميل جدا رغم أن هذا الهارد الذى وضعتة 200 جيجا و 2 ميجا كاش .
وهاردى الذى بة المشاكل 500 جيجا و 16 ميجا كاش وسرعة السابق أحسن بكثير من الـهارد 500

أنا جالى إحباط واللهى بفكر أشترى هارد 1 تيرا جديد بس فية ناس بتقولى بلاش تشترى هارد كبير عشان من ساعة ما الهاردات مساحتها كبرت والمشاكل ظهرت فيها وأنا معرفش أشترى ولا بلاش ؟؟؟؟؟؟؟

[alayoubi]

أنا مش شايف ان في مشكلة ,, انت بس مزودها حبتين والمشكلة صغيرة وأنا قلتلك أكثر من اقتراح والحل بايدك .

اذا فكرت تجيب هارد جديد عندك ويسترن ديجيتال 640GB من الفئة Black Edition ممتاز مع بفر 32 ميجا .

[مكسرات]

طيب أنت رأى حضرتك أية أنا عاوز أجيب 1 تيرا هل هيبقى كوايس ولا فية ناس أشتكت منة ولو جبتة أجيبة الموديل بتاعة أية بالظبط عشان ما أشتريش واحد يكون فية مشاكل زى اللى عندى وطبعا هجيبة 32 ميجا بفر

وياريت تقولى سعر الـ 1 تيرا 32 ميجا بفر أنظف موديل عاملة كام حاليا

[No name4me]

الاول السلام عليكم_--
انا بقى مش عارف اوصف المشكلة اللى عندى بس هحاول وارجوكو اللى يعرف ليها حل يقوللى
انا عندى الهارد 320 جيجا ساتا المشكلة هية ان الهارد عليه نسخة ولما اجى اشغل الجهاز بيشتغل ولحد كلمة Windows
ويقف وبيظهر شاشة سودة وفيها اختصارات غريبة معظمها من الارقام ومعظمها 00000 و 33 ولما حاولت اغير النسخة مبيرضاش يبوت على السى دى
ارجوكو ايه هية المشكلة وايه هوة الحل (__--- حراااااام انا شغال بهارد 80 جيجا انا حاسس ان انا مربوط ---___)وشكرا لكل اللى حاول المساعدة

[Dr_ahmed2010]

السلام عليكم
بالنسبه للأخ صاحب الهارد 500 الذي يعاني من بطئ الهارد
يعلم الله اني لا أرد ع مشاركات الا نادرا ولكن لما رأيته من معاناه وألم من خلال نبرات صوت الفاظك فقلت أقدم لك الحل ف هذه المشكله آملا به وجه الله عز وجل
استمع أخي الكريم هذه المشكله تكمن ف سطح الهارد او السيرفس
طيب ايه الحل
اولا انت هتفرمت السي عندك باسطوانة هيرنز من ع الدوس فورمات بطيئ مش كويك
ثانيا هتقسم ال سي عندك لأتنين موقتا
كدة ال سي اصبح سي ودي وتنزل نسخة عادية ع ال سي
ثم تقوم بدمج ال سي مع ال دي بالبارتشن ماجيك واعطاء امر الفورمات من البارتشن ماجيك ع السي
ثم نزل نسختك ال انت عايزها وستجد ان المشكلة زالت
اما عن السبب فهتفظ بيه لنفسي
ثانيا فك البروسيسور عندك وامسح المبرد كويس وحط كولر نضيف واربط التبريد كويس جدا
مشكلتك أخي الكريم لن تتخطي هذين الأمرين ابدا مع العلم ان جهازك عليه فيرس ومتقليش معلهوش نزل كاسبر وحدثه واعمل سكان وشوف بنفسك
وأخيرا مايسبب بطيء الجهاز هي الألعاب ف لو راماتك قليله ارفعها شوية
وقلي ايه ألأخبار بعد متعمل الحاجات دي
وادعو الله ان ينفعنا بما علمنا ويجعله ف ميزان حسناتنا أمين
بالتوفيق أخي الكريم