النتائج 1 إلى 9 من 9

الموضوع: بدك تعرف شو صار بالتحديد وبالمختصر بغزة تعال هنا :كلام غزاوي من قلب الحدث مهم جدا‎

  1. #1
    عضو برونزي الصورة الرمزية باحث عن المعرفة
    تاريخ التسجيل
    Aug 2007
    المشاركات
    1,629
    معدل تقييم المستوى
    18

    بدك تعرف شو صار بالتحديد وبالمختصر بغزة تعال هنا :كلام غزاوي من قلب الحدث مهم جدا‎



    برغم كلّ مصابهم...إلّا أن مرح روحهم لا يزال فيهم


    واجا اليوم التنين و العشرين..
    وكل يوم بنقول هادة أقوى يوم.. وأعنف يوم ..
    لا بس بجد.. اليوم أعنف وأقوى يوم شفناه..
    كنا نشوف أغلب القصف على التلفزيون .. هلقيت صار قدامنا مباشر..
    طول الليل الدنيا تضوي وتطفي.. زي الألعاب النارية..
    بس العالم الألعاب النارية عندها من الأرض للسما.. إلا في غزة.. من السما للأرض..
    هيهم وصلوا تل الهوى.. يعني بشيكل بكونوا عنا.. مش بشيكل ونص حتى..
    أنا قاعد عالكمبيوتر.. وأهلي كلهم مجتمعين قالبين محللين عسكريين.. وعاملين غرفة عمليات مشتركة.. ومستغربين اني قاعد عالنت.. على أساس إنو الدنيا حرب لازم أضل قاعد ألطم..

    تلت أسابيع قاعدين في الدار لا طلعة ولا نزلة.. ولا شغلة ولا مشغلة.. فش كهربا ولا ميا.. من كتر الزهق من القعدة الواحد بتحير ايش يعمل في الدار..
    مرات بقعد أعد البلاط.. ومرات أكم كسرة في الستارة.. وأحياناً بقعد ألعب في الجوال (في حال كان فيه بطارية).. أو بقعد أتشغل في واحد من اخواتي..
    ما علينا.. الحلو في الموضوع انه شلومو بتبين حنيته في وقت الحرب .. بقولك حفاظاً على رفاهية الشعب.. اعطونا تلت ساعات تهدئة في اليوم.. الواحد يعمل فيهم اللي بده اياه..
    وأحلى ما فيهم انهم مشكلين.. يوم من الوحدة للأربعة.. ويوم من التمنية للحدعش.. ويوم من العشرة للوحدة..
    وبقولك احزر الفترة تاعت بكرة واتصل على رقم تلت تمنيات اتنين صفر وواحد احمر.. بتكسب جائزة..
    والله الواحد بتحير ايش يعمل في التلت ساعات .. مسافة ما يفكر وين يطلع (على أساس ضل مكان في غزة الواحد يروح عليه) بكونوا خلصوا..
    اليوم قعدت أفكر أفكر ايش أعمل.. لقيت احسن اشي أعمله اني أنام.. عشان الجو بكون هدوء وفش صوت قصف (نسبياً) ..
    لأنه طول الليل صوت الزنانات بخليش الواحد يعرف ينام.. الواحد بحس انه في واحد بخرق في نافوخه بمقدح..

    طول ما الواحد قاعد وهوة بسمع يا صوت صاروخ قريب.. يا بعيد.. يا بحس بهزة.. وبدينا نسمع مناطق غريبة صاروا يقصفوها..
    مرة مقبرة.. ومرة صالة أفراح.. ومرة عمارة سكنية.. ومرة دار مهجورة.. أو بقصفوا مكان قصفوه قبل هيك (للتأكيد)..
    طبعاً في هادي المناسبة بحب أتقدم بالشكر للطيار اللي بقصف بإنه بحدف صاروخ صغير عالدار قبل ما يجيبها نصين بالصاروخ اللي بعده..
    شايفين الإنسانية لوين.. وبتقولوا عنهم عاطلين.. يعني اللي ما بصيده الصاروخ الأول.. معاه خمس دقايق ينفد بجلده قبل ما يجيب أجله الصاروخ التاني..
    الأعمار بيد الله.. الواحد عنده يقين انه كل شي بأمر الله.. عالرغم بإنه الواحد بطل يخاف زي أول لما يسمع صوت صاروخ..
    بس إلا إنه الخوف من انه الطيار أخو الشلن تحلو دارنا في عينه ويمزعنا صاروخ بحجة الغسيل اللي عالسطح بأثر عالزنانات..
    دايما بحاول أواسي حالي بالمقولة اللي بتقول "متخفش من صوت الرصاص.. لأنه الرصاصة اللي حتقتلك مش حتسمع صوتها"..
    بس هالمقولة بتنطبقش عالصواريخ.. ولا ايش رأيكم..؟

    أكتر اشي بكيف عليه لما يرن تلفون الدار.. بنصير نتقاتل مين يرد عالتلفون أنا واخواتي.. عشان نحكي مع الناس اللي بتصلوا من الدول العربية..
    كل واحد وحظه.. يطلع الإتصال من المغرب.. الجزائر.. مصر.. ليبيا.. السعودية.. السودان.. أو يتخوزق ويطلعله واحد بقولك جيش الدفاع الاسرائيلي..
    ويطلع الشب بحزرك انه يكون عندك سلاح.. أو تتعامل مع واحد من المقاومة..
    بس اليوم حسيت انه فش إلا تلفونا بكل غزة.. مسكتش وهوة يرن..
    - ألو السلام عليكم...
    - وعليكم السلام..
    - معك فلانة من ليبيا.. الله معكم.. الله ينصركم.. الله يقويكم..
    - تسلمي يا حجة.. إدعولنا..
    - الله ينصركم ويحفظكم..
    - يلا سلام عليكم..
    - وعليكم السلام..
    هادي عينة من المكالمات اللي بتوصلنا.. مع انها صغيرة وفهاش رغي وطق حنك .. إلا إنها بتحسس الواحد انه مش لحاله وفي حد معاه..
    ويا حبيبي لو خلال المكالمة نزل صاروخ ولا الخمسمية تاعت الأباتشي اشتغلت.. شوف العياط على التلفون .. وبدل ما هما يصيروا يواسوك ويهدوا فيك.. احنا بنصير نهدي فيهم ونسكتهم..

    لأ والشغلة الجديدة اللي غايظاني قصة الفسفور.. أنا طول عمري بسمع انه الفسفور في السمك.. وإنه مفيد للشسمو.. وكل ما الواحد كان ياكل سمك.. كان يحس حاله صار يضوي من الفسفور..
    بس هان الوضع مختلف.. فسفور صح بخليك تضوي.. يعني أول ما تيجي عليك قذيفة فسفور.. وتهب فيك النار.. حيصير اللي يشوفك يقولك منور ياحج.. الله يلطف فينا..

    طبعاً وقت الفراغ الواحد بحاول يستغله بإشي مفيد.. أنا استغليت وقتي برياضة جديدة.. وهية رياضة براميل الميا..
    أول ما أفتح عنيا على طول بمارس الرياضة اليومية.. بطلع على سطح الدار بتفقد براميل الميا.. وقديش ضايل ميا.. طبعاً عن طريق الدقدقة على البرميل..
    الواحد صارت أذنه موسيقية برميلية.. وصار من صوت الدقة على البرميل يعرف إذا كان فاضي ولا مليان (طبعاً هادي الكل بعرفها).. بس الجديد واللي اكتسبته مع الخبرة انه لو كان البرميل مليان أعرف أكم لتر ميا فيه..

    أنا لقيت حالي لهلقيت عايش قلت أكتبلكم أحكيلكم عن وضعنا.. بكرة يمكن أكون عايش بس مش قادر أكتب.. أو مش عايش من أصلو..
    إدعولنا.. إدعوا تنحل هالقصة على خير.. إدعوا للمقاومين.. إدعوا للشهدا.. إدعوا للجرحى.. إدعوا للناس الله يصبرها.. إدعوا للكل..
    ونشوفكم على خير..
    [CENTER][SIZE="5"][COLOR="Red"]كلّنا ليبيّون[/COLOR][/SIZE][/CENTER]

    [CENTER]
    [IMG]http://www.arabhardware.net/forum/picture.php?albumid=282&pictureid=1037[/IMG]
    [/CENTER]

  2. #2
    عضو برونزي الصورة الرمزية ameer_s
    تاريخ التسجيل
    May 2008
    المشاركات
    1,808
    الدولة: Qatar
    معدل تقييم المستوى
    11

    رد: بدك تعرف شو صار بالتحديد وبالمختصر بغزة تعال هنا :كلام غزاوي من قلب الحدث مهم جدا

    وان شاء الله بعد المحن تاتي المنح ....

  3. #3
    عضو برونزي الصورة الرمزية moriatte
    تاريخ التسجيل
    Aug 2006
    المشاركات
    2,057
    معدل تقييم المستوى
    29

    رد: بدك تعرف شو صار بالتحديد وبالمختصر بغزة تعال هنا :كلام غزاوي من قلب الحدث مهم جدا

    هههههههه
    حمدا لله على سلامتك ياأخى
    سبحان الله
    الغريب انك ماشاء الله والله أكبر عليك روحك المعنوية مرتفعة جدا وبتحكى عن تلات اسابيع كاملين شفت فيهم الموت فى كل لحظة بأسلوب ساخر وبتتكلم عن السمك والفوسفور
    ياراجل دانا لو مكانك كان زمانى قطعت الخلفة
    هههههههه
    حمدا لله على سلامتك وبلغ سلامنا لكل اخواننا فى غزة
    [CENTER][B][SIZE=4][COLOR=blue]ولا تهنوا ولا تحزنوا وأنتم الأعلون ان كنتم مؤمنين[/COLOR][/SIZE][/B][/CENTER]
    [CENTER][SIZE=4][COLOR=blue]--------------------[/COLOR][/SIZE][/CENTER]
    [CENTER][B][SIZE=4][COLOR=blue]لكي لا تأسوا على مافاتكم ولا تفرحوا بما آتاكم والله لا يحب كل مختال فخور[/COLOR][/SIZE][/B][/CENTER]

  4. #4
    عضو برونزي الصورة الرمزية one-zero
    تاريخ التسجيل
    Jul 2007
    المشاركات
    8,296
    معدل تقييم المستوى
    59

    رد: بدك تعرف شو صار بالتحديد وبالمختصر بغزة تعال هنا :كلام غزاوي من قلب الحدث مهم جدا

    ههههه احيك على هذة الروح فبها وبقوة العقيدة ندحر العدو
    يعيشك كما يقول الاخوة بتونس
    [CENTER][SIZE=4]{[COLOR=red]وَإِذْ يَمْكُرُ بِكَ الَّذِينَ كَفَرُوا لِيُثْبِتُوكَ أَوْ يَقْتُلُوكَ أَوْ يُخْرِجُوكَ وَيَمْكُرُونَ وَيَمْكُرُ اللَّهُ وَاللَّهُ خَيْرُ الْمَاكِرِينَ[/COLOR]}[/SIZE][SIZE=4]…[/SIZE][SIZE=6][SIZE=4](الأنفال:30)
    [URL="http://www.facebook.com/pages/yasserauda/215036411882800"]للتواصل معي عبر الفيس بوك اضغط هنا
    [/URL][URL="http://www.youtube.com/watch?v=37LoZWjv1HE&feature=player_profilepage"][/URL][URL="http://www.facebook.com/pages/yasserauda/215036411882800"] صفحتي الخاصه على الفيس بوك
    [/URL][URL="http://www.facebook.com/pages/Mentored-Learning-New-Horizons-Dubai/234720379925819"]صفحة التعليم الارشادي على الفيس بوك
    [/URL][URL="http://www.youtube.com/user/yasserramzyauda"]قناتي على اليوتيوب
    [/URL][/SIZE][/SIZE][SIZE=3][URL="http://yasserauda.blogspot.com/"]مدونتي الخاصه[/URL][/SIZE][/CENTER]

  5. #5
    عضو برونزي الصورة الرمزية alsadinet
    تاريخ التسجيل
    Feb 2007
    المشاركات
    1,319
    الدولة: Netherlands
    معدل تقييم المستوى
    12

    رد: بدك تعرف شو صار بالتحديد وبالمختصر بغزة تعال هنا :كلام غزاوي من قلب الحدث مهم جدا

    شعب الجبارين
    [CENTER][SIGPIC][/SIGPIC][/CENTER]

    [CENTER][IMG]http://www.upload4arab.com//files/894/rapita5.gif[/IMG][/CENTER]

  6. #6
    عضو برونزي الصورة الرمزية rezoufda
    تاريخ التسجيل
    Jun 2007
    المشاركات
    3,180
    الدولة: Morocco
    معدل تقييم المستوى
    17

    رد: بدك تعرف شو صار بالتحديد وبالمختصر بغزة تعال هنا :كلام غزاوي من قلب الحدث مهم جدا

    بارك الله فيك وفي كل اهل غزة
    انتم رمز غزتنا والله، انتم الرجال والشجعان
    انتم ناس عهد الرسول صلى الله عليه وسلم
    أقبل أيديكم ورؤوسكم يا شجعان
    الله يطيل في عمرك يا أخي الكريم وفي عمر عائلتك ويخلي شملكم ملموم ويرحم الشهداء ويهون على الجرحى
    ياااااااا رب يا أرحم الراحمين

    طمئنا على حالك أولا بأول
    تحياتي
    [CENTER][COLOR="#000000"][B]اللهم اغفر للمؤمنين والمؤمنات الأحياء منهم والأموات إنك سميع مجيب الدعوات[/B][/COLOR][/CENTER]
    [B][COLOR="YellowGreen"][CENTER][url]www.rasoulallah.net[/url][/CENTER][/COLOR][/B]

    [CENTER][SIZE="4"]ت.م/ رضا - المغرب
    [/SIZE][/CENTER]
    [CENTER][SIGPIC][/SIGPIC][/CENTER]
    [CENTER]آخر [COLOR="#000000"][/COLOR]مواضيعي:

    [URL="http://www.arabhardware.net/forum/showthread.php?p=1153286#post1153286"][SIZE="2"][B]روتر Wigate الجديد، لمشاركة الـ 3G[/B][/SIZE][/URL]

    [URL="http://www.arabhardware.net/forum/showthread.php?p=960990#post960990"][SIZE="2"][B]كل ما تود معرفته عن معالج intel Atom[/B]
    [/SIZE][/URL]

    [/CENTER]

  7. #7
    إداري سابق
    محرر مجلة عرب هاردوير

    تاريخ التسجيل
    Mar 2007
    المشاركات
    7,602
    الدولة: Jordan
    معدل تقييم المستوى
    65

    رد: بدك تعرف شو صار بالتحديد وبالمختصر بغزة تعال هنا :كلام غزاوي من قلب الحدث مهم جدا

    شر البلية ما يضحك .. الله يعينكم فعلا .

    لكن مازال لايوجد كهرباء كيف قاعد عالنت وبتكتب عن الي صار .

    الله معاكم

  8. #8
    عضو برونزي الصورة الرمزية Nightspy
    تاريخ التسجيل
    May 2007
    المشاركات
    1,573
    معدل تقييم المستوى
    12

    رد: بدك تعرف شو صار بالتحديد وبالمختصر بغزة تعال هنا :كلام غزاوي من قلب الحدث مهم جدا

    ههههههههههههههههههههههه

    والله شاب زى العسل

    الله معنا
    [SIZE=1][B][B]..||..[/B][/B][/SIZE][SIZE=1][B][B][URL="http://www.arabhardware.net/forum/showthread.php?t=125858"]حمل جميع محاضرات احمد نبيل R&S من رفعى[/URL]..||..[/B][/B][B][B][COLOR=Red][URL="http://www.arabhardware.net/forum/showthread.php?t=119516"]شرح IS-IS[/URL][/COLOR]..||..[/B][/B][B][URL="http://www.arabhardware.net/forum/showthread.php?t=108310"][B]شرح IPv6,OSPFv3 [/B][/URL][B]..||..[URL="http://www.arabhardware.net/forum/showthread.php?t=108310"].[/URL][/B][/B][URL="http://www.arabhardware.net/forum/showthread.php?t=100662"][B]شرح كامل للOSPF[/B][/URL][B][B]..||..[/B][/B][URL="http://www.arabhardware.net/forum/showthread.php?t=91625"][B]حصريا شرح الEigrp[/B][/URL][B][B]..||..[/B][/B][B][URL="http://www.arabhardware.net/forum/showthread.php?t=93682"]كن خبير لتحليل ترافيك شبكتك مع شرحWireShark[/URL][/B][B][B]..||..[/B][/B][URL="http://www.arabhardware.net/forum/showthread.php?t=94484&highlight=iptv"][B]مقال عن تقنية الIPTV[/B][B][B]..||..[/B][/B][/URL][B][URL="http://www.arabhardware.net/forum/showthread.php?t=93854"]جميع اوامر الروتنجIOS[/URL][/B][B][B]..||..[/B][/B][B][URL="http://www.arabhardware.net/forum/showthread.php?t=94813"]أفضل برنامج لرسم وتخطيط الشبكات وبدون تنصيب[/URL][/B][B][B]..||..

    [/B][/B] [URL="http://badr-call-manager.blogspot.com/"][IMG]http://muslimtech.files.wordpress.com/2010/06/blog-badr-banner.jpg[/IMG][/URL]
    [URL="http://mohammad.islamway.com/"][B]سيرة أشرف من مس هذا الكوكب بقدمه وبجميع اللغات[/B][/URL]

    [/SIZE]

  9. #9
    عضو برونزي الصورة الرمزية باحث عن المعرفة
    تاريخ التسجيل
    Aug 2007
    المشاركات
    1,629
    معدل تقييم المستوى
    18

    رد: بدك تعرف شو صار بالتحديد وبالمختصر بغزة تعال هنا :كلام غزاوي من قلب الحدث مهم جدا



    فقط للتوضيح مرّة أخرى إخواني الكرام...الشخص الكاتب حماه الله موجود في غزة أنا فقط ناقل عنه...حتى يرى إخواننا روح أهل غزة أعانهم الله وسلط غضبه ونقمته على من أذاهم وتآمر عليهم.
    [CENTER][SIZE="5"][COLOR="Red"]كلّنا ليبيّون[/COLOR][/SIZE][/CENTER]

    [CENTER]
    [IMG]http://www.arabhardware.net/forum/picture.php?albumid=282&pictureid=1037[/IMG]
    [/CENTER]

المواضيع المتشابهه

  1. يوميات مواطن غزاوي اثناء الحرب
    بواسطة $ABU FAHAD$ في المنتدى الأرشيف
    مشاركات: 2
    آخر مشاركة: 30-01-2009, 02:44
  2. اريد بالتحديد(ati r9ooo 128m ddr dvi+tv)
    بواسطة mahmod2002 في المنتدى السوفتوير العام
    مشاركات: 6
    آخر مشاركة: 20-05-2005, 03:49
  3. تبي تعرف كيف تنصب الويندوز 2000 سيرفر تعال وشوف
    بواسطة ابو راية في المنتدى الأرشيف
    مشاركات: 15
    آخر مشاركة: 12-11-2003, 13:20

الكلمات الدلالية لهذا الموضوع

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •