صفحة 1 من 10 1 2 3 4 5 6 7 8 9 10 الأخيرةالأخيرة
النتائج 1 إلى 15 من 139

الموضوع: لازم نتعاون كلنا علشان نقضي علي جشع التجار علشان تبقي الحاجة ام 100 $ بـ 550 جنيه

  1. #1
    عضو الصورة الرمزية zo0omaa
    تاريخ التسجيل
    Nov 2008
    المشاركات
    17
    معدل تقييم المستوى
    0

    لازم نتعاون كلنا علشان نقضي علي جشع التجار علشان تبقي الحاجة ام 100 $ بـ 550 جنيه

    من غير مقدمات اخش في الموضوع علي طول. علشان نقضي علي جشع التجار والسرقة العلنية اللي بتحصل علي مرأي و مسمع الجميع وغصب عننا كلنا بقولكوا ان الحل هو:
    إضراب !

    ايوة إضراب. في العالم كله لما بيبقي في سلعة معينه التجار مزودين سعرها جامد المستهليكن بيضربوا عن شراء السلعة دي لمدة معينه علشان السعر يتظبط تاني مستغلين قانون العرض والطلب.

    الفكرة كلها ان احنا هانمتنع عن الشراء نهائيا ً لمدة معينه نتفق عليها نقول مثلا ً اسبوعين بس ، في المدة دي ماحدش يشتري اي حاجة خالص ولا حتي سلك ، في الاسبوعين دول المولات لازم تبيقي فاضية ، المحلات هاتبقي بتنش ، اللي هايدخل مول من المولات مش هايسمع سريخ ابن يومين فيها ، وبعد المدة دي ماتخلص اتفرجوا علي الاسعار هاتبقي عاملة ازاي ، وانا بقولكوا اهو من دلؤتي هاتلاقوا تغيير شامل في السوق لان التجار هايحسوا ان احنا لينا تأثير ، لينا صوت ، لينا دور وعندنا القوة اللي نأثر بيها عليهم وبكدة نبقي وجهنالهم ضربة قوية ولو فكروا يغلوا الاسعار تاني هايشوافوا اللي هايحصلهم.

    احنا لازم مانقللش من روحنا ونفهم ان احنا الاقوي واننا نقدر نعمل كتير ، ببساطة لاننا كتير مش عدد قليل ، حد مكن يقولي بس طبعا ً احنا مش كل المستهلكين ، هاقولوا طبعا ً عند حق بس احنا نسبة كبيرة ماتقلش عن 80 % لـ 85 % وممكن كمان نوصل لـ 90 % من المستهلكين ، انا مش اصدي اعضاء عرب هاردوير بس لكن انا اصدي كل الناس اللي كل واحد فينا يعرفهم يعني كل واحد يقول لاصحابه و قرايبه وبكدة يبقي كلامي صح ان احنا مش اقل من 80 % مثلا من المستهلكين ، وتخيلوا معايا لو ان نسبة الشرا قلت بنسبة 80 % ايه اللي هايحصل ؟! :ah26:

    ممكن حد يقولي برضه ان التجار مالهومش زنب وان الوكلاء هما السبب هاقولوا ان برضه الإضراب دة هايربي الوكلاء والاسعار برضه في النهاية هاتتظبط.

    و برضه في نقطة احب اوضحها: كل التجار يعدوا يقولوا النقل والضرايب والجمارك والشحن والمشعارف ايه هو اللي بيخلي الحاجة هنا سعرها اغلي من برة ، حلو اوي طيب ليه مثلا ً الهارد WD1001FALS ( اللي هو الـ 1000G Black ) تمنه علي النت 130 $ ( يعني 714 جنيه )وآخر سعر ليه هنا هو 740 جنيه (من غير فصال) - ( وطبعا ً كلنا عارفين ان تمنه كان 700 جنيه من شهر بس هانقول ايه علي اللي ماعندهمش ضمير) ، هو مش السعر دة شامل الضرايب والنقل والشحن والجمارك وكل حاجة ولا لا ؟ طيب ليه تمنه هنا اغلي من برة بـ 26 جنيه بس ؟ يبقي كل دي حجج بس ، والضرايب والجمارك و إلخ مش كتير و مش غالية و مش هاتفرق في تمن الحاجة خالص والفرق اللي بيبقي في تمن قطع تانية دة - اللي بيبقي بين سعرها هنا وبرة - بيبقي في جيب التاجر مش جمارك وضرايب والشحن زي مابيقولوا.

    واديكوا مثال تاني البروسيسور Q9650 اول مانزل كان هنا بـ 3700 جنيه والسعر دة في المجلة (في شهر 11) وكان تمنه علي النت بـ 350 $ (يعني بـ 1925 جنيه - يعني قول يا سيدي 2000 جنيه ) ودلؤتي سعره بقة 2150 جنيه مع ان سعره برة زي ماهو والجمارك والضرايب والشحن برضه زي ماهما ، يبقي الفرق في السعر دة راح فين ؟! :confused: في جيب التجار برضه ، لان اكيد لو اللي كان مغليه و مخلي تمنه 3700 جنيه الضرايب او الجمارك كان هايفضل تمنه ثابت علي كدة ، ويعني هم لما رخصوه كل دة بيخسروا ؟ لا طبعا ً - ولو تاخدوا بالكوا ان دلوئتي تمنه يفرق عن تمنه بره 150 جنيه بس شاملة الضرايب والجمارك والنقل وكل حاجة - .

    انا برضه بقترح لو نعمل برضه مثلا ً جروب علي الـ Facebook علشان نوسع دايرة الناس المشتركة معانا في الاضراب دة - كل دة في حالة لو ان اقتراحي لاقي قبول عن حضراتكوا طبعا ً - .

    بس خلاص.

    مستني ردودكوا و ارائكوا في الاقتراح دة

    سلام عليكم ورحمة الله وبركاته.
    A HERO DOES NOT CHOOSE HIS DESTINY... BUT DESTNEY CHOOSES HIM
    ---------------------------------------------------------------------------------------------------------------------------

    ممكن نتعاون كلنا في الفكرة دي عشان نقضي علي الاسعار الغالية و جشع التجار ؟!

  2. #2
    عضو
    تاريخ التسجيل
    Oct 2008
    المشاركات
    283
    الدولة: Egypt
    معدل تقييم المستوى
    17

    رد: لازم نتعاون كلنا علشان نقضي علي جشع التجار علشان تبقي الحاجة ام 100 $ بـ 550 جني

    ربنا يوفقك و يوفقنا و يارب الناس فعلا تعمل كده
    أنا واحد من الناس اللي كنت ححدث جهازي في الاجازة لكن بعد اللي شوفتة من الاسعار مش محدث خالص دلوقتي الا لما الاسعار تتعدل مع اني حموت و اغير الجهاز لكن لازم استحمل شوية و لازم كلنا نستحمل شوية

  3. #3
    عضو ذهبي الصورة الرمزية Mezoxin
    تاريخ التسجيل
    Oct 2007
    المشاركات
    1,949
    الدولة: Egypt
    معدل تقييم المستوى
    37

    رد: لازم نتعاون كلنا علشان نقضي علي جشع التجار علشان تبقي الحاجة ام 100 $ بـ 550 جني

    علشان نبقي عادلين بس , معظم أسعار الhardware هنا كويسة جداً ، مقارنةً بالخليج أو حتى في أوروبا ، أكيد في منتجات هنا سعرها بيبقي خيالي مقارنةً بسعرها بالخارج ذي ال-Q9650 لكن السبب في كدة انها بتبقي قطعة واحدة أو التاجر مستوردها بنفسه ، لاكن عندك مثلاً ال-Q6600 و ال-E8400 كان فيه فترة اسعارهم هنا كانت أقل من سعرها بال USA

    الشاشة ال-benq ال-t2200HD سعرها بالخارج في حدود 240 $ يعني 1320 LE و سعرها هنا بيتراوح مابين 980 و 1100 LE
    https://www.getprice.com.au/BenQ-T22...onitor.htm.htm

    https://www.newegg.com/Product/Produ...82E16814127359
    ال-hd4850 سعره بالخارج 150$ يعني 825LE و هنا سعره وصل 850-900 و دة سعر كويس جدا

    https://www.newegg.com/Product/Produ...82E16822136218
    الهارد ال-WD6400AAKS ب 75$ يعني 413LE و هو هنا ب-370 LE

    الحاجات الواحيدة إلي شايف إن اسعارها مبالغ فيها هي منتجات gamma وHEC بيغلوها براحتهم عشان مفيش منافس في السوق تماماً إلا الحاجات العالية أوي
    [CENTER]

    [/CENTER]


    [CENTER][IMG]https://folding.extremeoverclocking.com/sigs/sigimage.php/un=Mezoxin/t=155660[/IMG][/CENTER]

  4. #4
    عضو الصورة الرمزية zo0omaa
    تاريخ التسجيل
    Nov 2008
    المشاركات
    17
    معدل تقييم المستوى
    0

    رد: لازم نتعاون كلنا علشان نقضي علي جشع التجار علشان تبقي الحاجة ام 100 $ بـ 550 جني

    اقتباس المشاركة الأصلية كتبت بواسطة scorpion9003 مشاهدة المشاركة
    ربنا يوفقك و يوفقنا و يارب الناس فعلا تعمل كده
    أنا واحد من الناس اللي كنت ححدث جهازي في الاجازة لكن بعد اللي شوفتة من الاسعار مش محدث خالص دلوقتي الا لما الاسعار تتعدل مع اني حموت و اغير الجهاز لكن لازم استحمل شوية و لازم كلنا نستحمل شوية
    انا علي فكرة زيك بالظبط والله انا هاموت واحدث الجهاز بتاعي وكنت فعلا ً هاحدثه في الاجازة لكن بعد الاسعار اللي شوفتها قولت لا مش محدث إلا لما الاسعار تتظبط
    A HERO DOES NOT CHOOSE HIS DESTINY... BUT DESTNEY CHOOSES HIM
    ---------------------------------------------------------------------------------------------------------------------------

    ممكن نتعاون كلنا في الفكرة دي عشان نقضي علي الاسعار الغالية و جشع التجار ؟!

  5. #5
    عضو الصورة الرمزية zo0omaa
    تاريخ التسجيل
    Nov 2008
    المشاركات
    17
    معدل تقييم المستوى
    0

    رد: لازم نتعاون كلنا علشان نقضي علي جشع التجار علشان تبقي الحاجة ام 100 $ بـ 550 جني

    وبالنسبة لـMH علي فكرة الاسعار عندهم حاجات وحاجات يعني مثلا ً الرامات الـ DDR3 الـ A-DATA سعرها علي النت 135 $ وبتتباع عندهم وعند غير هم بـ 1300 جنيه ، هل دة عدل بقة ؟!!
    وادي اللينك بتاعها علي النت:
    https://www.newegg.com/Product/Produ...82E16820211367
    A HERO DOES NOT CHOOSE HIS DESTINY... BUT DESTNEY CHOOSES HIM
    ---------------------------------------------------------------------------------------------------------------------------

    ممكن نتعاون كلنا في الفكرة دي عشان نقضي علي الاسعار الغالية و جشع التجار ؟!

  6. #6
    عضو فضي
    تاريخ التسجيل
    Jan 2007
    المشاركات
    1,661
    الدولة: Aaland
    معدل تقييم المستوى
    25

    رد: لازم نتعاون كلنا علشان نقضي علي جشع التجار علشان تبقي الحاجة ام 100 $ بـ 550 جني

    الحاجات اللي ليها توكيلات أسعارها كويسة.
    الحاجات اللي مش منتشرة و ملهاش توكيل (أو لسه منزلتش عنده زي الi7) هيبقى سعرها على مزاج التاجر.

    الأسعار في أمريكا أحسن من أي دولة تانية فمينفعش نقارن نفسنا بيها. مفروض نقارن نفسنا بأوروبا أو الدول المجاورة لنا.

    رأيي متكبروش الموضوع. أنا شايف ان الأسعار بشكل عام معقولة.

  7. #7
    عضو محترف الصورة الرمزية شلاع العتر
    تاريخ التسجيل
    Nov 2007
    المشاركات
    11,465
    معدل تقييم المستوى
    98

    رد: لازم نتعاون كلنا علشان نقضي علي جشع التجار علشان تبقي الحاجة ام 100 $ بـ 550 جني

    بصراحة الاخوة في مصر يتمتعون بأسعار ممتازة ... صحيح بعض المنتجات أسعارها مرتفعة بشكل اكثر من اللازم ولكن بعد اطلاعي على الاسعار لديكم ومن خلال الموضوع المثبت للاخ محمد wmgc ... أقول لكم ان الاسعار لديكم بشكل عام أرخص من الاسعار التي تتوفر عند اليهود رغم كل ما نسمعه عن التطور الحاصل لديهم ... (طبعا هذه المقارنة بسبب اطلاعي على الاسعار لدى الجهتين ...

    مثال : معالج أثلون X2 5200 ... سعر لدينا قريب 400 شيقل (100$)
    بينما المعالج يباع لديكم بسعر 355 جنيه فقط .

  8. #8
    عضو الصورة الرمزية VOICEY2010
    تاريخ التسجيل
    Feb 2009
    المشاركات
    31
    معدل تقييم المستوى
    0

    رد: لازم نتعاون كلنا علشان نقضي علي جشع التجار علشان تبقي الحاجة ام 100 $ بـ 550 جني

    انتوا عارفين ليه الحاجات سعرها اقل من بره او سعرها مضبوط زى بره لان معلهاش اقبال كبير فالبتالى هما عايزين يبوعها فمنزلين سعرها AMD ملوش سوق فى مصر (سوقه ضعيف جدا) بالنسبة للهاردات فابيتباع منها كميات خيالية فمكسب التاجر من البيع كتير منها مش من رفع سعرها خالص وفعلا كل المصريين متضررين من الارتفاع الغير مبرر فى اسعار الهاردوير لان لو اتسكت عليها هتبقى فى كل الهاردوير وتبقى مهزلة بعد كدا فلازم فعلا ولو لمدة شهر واحد محدش يشترى حاجة خالص عشان نكون افضل من بره حتى ايه المشكلة يعنى فى الاسعار وبعدين حاجة يبقى سعرها 1000 جنيه بعديها باسبوع يبقى سعرها 1200 وسعرها ثابت بره ليه؟؟؟ ايه السبب يعنى لا جمارك ولا حاجة طمع بس وجهل من المشترى
    وياريت يبقى فى الحملة دى عدد مشتركين كبير لحد مالاسعار تتزبط تانى لو ماتخدش موقف يبقى التجار بقوا يغلوا زى ماهما عايزين من الناس بتشترى فى اوضع بقى ياريت الناس تتفاعل اكتر مع الحملة

  9. #9
    عضو الصورة الرمزية DreAmO
    تاريخ التسجيل
    Aug 2005
    المشاركات
    424
    الدولة: Egypt
    معدل تقييم المستوى
    19

    رد: لازم نتعاون كلنا علشان نقضي علي جشع التجار علشان تبقي الحاجة ام 100 $ بـ 550 جني

    انا مش هكلم و اقول الاسعار هنا عالية او عادية ... لا يا سيدي

    انا هعتبرها اسعار زي برا .. مثلاً

    طيب .. هل انت دخلك .. زي دخل الراجل الامريكي ولا الفرنسي ولا الاسباني .. الخ

    عندنا فى مصر الدولار = 5.5 جنيه .. يعني لو حاجة برا سعرها 100 دولار .. عندنا هتساوي 550 جنيه .. لو اتباعت هنا بنفس سعر برا


    ما بالك بقى هي اصلا بتبقى اغلى من برا كمان


    المفروض الحاجة برا سعرها 100 دولار .. عندنا تبقى سعرها اقل من 100 دولار مش اكتر .. علشان احنا مش اغنية يعني

    لأن الكمبيوتر 90% تقريبا بيستخدموه فى الترفيه و اللعب .. يعني مش شىء اساسي بالنسبالهم .. و اي جهاز هيشغل نت و افلام واغاني


    ويا عيني في شباب بتشوف صور وافلام الالعاب .. بتتحمس وبتبقى عايزة تجيب امكانيات عالية عشان تلعب

    والواحد صعبان عليه والله الشباب دي ..

    الواحد بيقول يارب استرها .. ودي ناس محسسني انهم ملياردرات .. وهما اغلبهم عاطل واللي بيدرس .. واللي ابوه بيطلع من صباحية ربنا يرجع بالليل عشان يصرف على البيت


    اللي بيتعب فى القرش وعارف قيمته صحيح .. مش هيرميه فى الارض كدة

    خاصة ان الجهاز اللي هتجمعه النهاردة ب 5000 جنيه بعد سنة هتبقى عايز ترميه وتجمع غيره ..

    التطور سريع جدااا فى الكمبيوتر الفترة دي .. غير زمان .. كان ممكن تقعد على الجهاز سنين

    دلوقت الجهاز كبيره سنة .. وتحس انه ملوش لازمة .. لأنك باصص للجديد ديماً .. ومش راضي وقنوع وبتقول الحمد لله ان عندك كمبيوتر اصلاً

    ولاحظوا ان دي سلعة مستهلكة .. والطلب عليها كتير .. يعني الربح والمال داير في سوق الكمبيوتر .. والتجار بيكسبوا حلو اوي من وراكم


    فمش لازم يعني التاجر .. يبني العمارة فى سنة .. مافهاش حاجة لو بناها فى سنتين


    من الاخر .. المفروض اسعار الكبيموتر تبقى فى الارض .. عشان نتحمس نرمي فلوسنا فيه .. غير كدة مايلزمانش


    الواحد منكم ..

    ما نفسكش يبقى عندك شقة خاصة بك ؟

    مانفسكش يبقى عندك عربية بدل بهدلتك فى المواصلات ؟

    ما نفسكش يبقى عندك رصيد فى البنك تأمن بيه مستقلبلك للظروف والطوارىء لا قدر الله ؟

    مانفسكش تجوز ؟


    ممكن تحقق كل اللي فات دة و اكتر .. لو حكمت عقلك


    بالتوفيق لكم جميعاً .. و شكرا لصاحب الموضوع جدا
    .
    .
    .
    سبحانك ربي ... لا اله الا انت

  10. #10

    تاريخ التسجيل
    Feb 2009
    المشاركات
    653
    معدل تقييم المستوى
    52

    رد: لازم نتعاون كلنا علشان نقضي علي جشع التجار علشان تبقي الحاجة ام 100 $ بـ 550 جني

    على فكره يا جماعه والله التجار ما ليهم ذنب انا واحد
    والله انتا بتصحى الصبح بتلاقى الوكيل رفع السعر لوحده وهو يرد يقلك ده عرض وطلب مش عايز متشتريش
    وبعدين الاسعار مش اغلى بكتير جدا اوى عن بره منبص على اسعار العربيات او الموبيلاات اشمعنى اوى مركزين على اسعار الكمبيوتر وشكرا وارجوا ان محدش يزعل

  11. #11
    عضو الصورة الرمزية VOICEY2010
    تاريخ التسجيل
    Feb 2009
    المشاركات
    31
    معدل تقييم المستوى
    0

    رد: لازم نتعاون كلنا علشان نقضي علي جشع التجار علشان تبقي الحاجة ام 100 $ بـ 550 جني

    على فكره يا جماعه والله التجار ما ليهم ذنب


    فعلا الذنب هوب المشترى لما ميشتريش انتو هتعالجو مشاكلو مع بعض مش تصدروا مشاكلكو للمستهلك والطلب هيقل فالتاجر مش هيقلك عرض وطلب هيبقى عرض بس ومفيش طلب وبعدين التجار بيبقووا مصممين على مكسب معين رغم انه لو باع بسعر اقل هيكسب بردوا بس هنعمل ايهاحنا ميهمناش السبب ايه المهم النتيجة

    واحنا مش هنبص على اسعار حاجة تانية خالص ان هنبص بس على اسعار الهاردوير والحملة مستمرة

  12. #12
    عضو فضي
    تاريخ التسجيل
    Jan 2009
    المشاركات
    530
    الدولة: Egypt
    معدل تقييم المستوى
    18

    رد: لازم نتعاون كلنا علشان نقضي علي جشع التجار علشان تبقي الحاجة ام 100 $ بـ 550 جني

    الله ينور على الموضوع رائع علشان كده الواحد بيشجع اصدقاؤه على تحديث الاجهزه الى عندهم وبقائها فى الخدمه على الاقل كمان سنه بدال مايرمى جهازه القديم ويجيب جديد فى ظل الاسعار المتغيره بطريقه عجيبه ده وخلينا صابرين لما نشوف اخرتها فى الاسعار عامة فى البلد ده

  13. #13
    عضو فضي
    تاريخ التسجيل
    Jan 2007
    المشاركات
    648
    الدولة: Egypt
    معدل تقييم المستوى
    29

    رد: لازم نتعاون كلنا علشان نقضي علي جشع التجار علشان تبقي الحاجة ام 100 $ بـ 550 جني

    اقتباس المشاركة الأصلية كتبت بواسطة zo0omaa مشاهدة المشاركة

    واديكوا مثال تاني البروسيسور Q9650 اول مانزل كان هنا بـ 3700 جنيه والسعر دة في المجلة (في شهر 11) وكان تمنه علي النت بـ 350 $ (يعني بـ 1925 جنيه - يعني قول يا سيدي 2000 جنيه ) ودلؤتي سعره بقة 2150 جنيه مع ان سعره برة زي ماهو والجمارك والضرايب والشحن برضه زي ماهما ، يبقي الفرق في السعر دة راح فين ؟! :confused: في جيب التجار برضه ، لان اكيد لو اللي كان مغليه و مخلي تمنه 3700 جنيه الضرايب او الجمارك كان هايفضل تمنه ثابت علي كدة ، ويعني هم لما رخصوه كل دة بيخسروا ؟ لا طبعا ً - ولو تاخدوا بالكوا ان دلوئتي تمنه يفرق عن تمنه بره 150 جنيه بس شاملة الضرايب والجمارك والنقل وكل حاجة - .
    .
    معلومات حضرتك ‎غلط فالنقطه دي , 3700 جنيه في شهر 11 كان سعر بره ‎525$ أما ‎325$ ده بعد تخفيض أسعار Intel في شهر يناير و علشان كدة بقى 2150 جنيه
    PC1 : Intel Core I7 920 D0 + Gigabyte X58-UD3R + 6GB OCZ PC12800 + eVGA GTX275 + WD 1TB Black + Silverstone Zeus 750W + Antec 900 case

    PC2:Intel Core i7 920 D0 3.8GHZ + Asus X58 P6T + 6GB OCZ PC12800 + XFX HD5870 + WD 1TB Black + Corsair TX850W+ HAF 922

    PC3:Intel Core 2 E8400 C0 @ 3.6GHZ + Gigabyte EP31-DS3L rev 2.0 + 2X2GB Kingston DDR2 + Gigabyte HD4850 1GB OC Zalman + WD Blue 640GB HD + HEC 500W PSU +Gamma(350) case + Dell 19" LCD

  14. #14
    عضو الصورة الرمزية zo0omaa
    تاريخ التسجيل
    Nov 2008
    المشاركات
    17
    معدل تقييم المستوى
    0

    رد: لازم نتعاون كلنا علشان نقضي علي جشع التجار علشان تبقي الحاجة ام 100 $ بـ 550 جني

    اقتباس المشاركة الأصلية كتبت بواسطة Mezoxin مشاهدة المشاركة
    علشان نبقي عادلين بس , معظم أسعار الhardware هنا كويسة جداً ، مقارنةً بالخليج أو حتى في أوروبا ، أكيد في منتجات هنا سعرها بيبقي خيالي مقارنةً بسعرها بالخارج ذي ال-Q9650 لكن السبب في كدة انها بتبقي قطعة واحدة أو التاجر مستوردها بنفسه ، لاكن عندك مثلاً ال-Q6600 و ال-E8400 كان فيه فترة اسعارهم هنا كانت أقل من سعرها بال USA

    الشاشة ال-benq ال-t2200HD سعرها بالخارج في حدود 240 $ يعني 1320 LE و سعرها هنا بيتراوح مابين 980 و 1100 LE
    https://www.getprice.com.au/BenQ-T22...onitor.htm.htm

    https://www.newegg.com/Product/Produ...82E16814127359
    ال-hd4850 سعره بالخارج 150$ يعني 825LE و هنا سعره وصل 850-900 و دة سعر كويس جدا

    https://www.newegg.com/Product/Produ...82E16822136218
    الهارد ال-WD6400AAKS ب 75$ يعني 413LE و هو هنا ب-370 LE

    الحاجات الواحيدة إلي شايف إن اسعارها مبالغ فيها هي منتجات gamma وHEC بيغلوها براحتهم عشان مفيش منافس في السوق تماماً إلا الحاجات العالية أوي
    اولا ً بلاش تجيب سيرة الخليج خالص لان انا كل قرايبي هناك وبيقولولي ان الاسعار هناك رهيبة ، انا لسه جايب من هناك موبايل NOKIA 5800 بـ 1400 ريال سعودي (وتمنه في الامارات 1300 درهم) وتمنه هنا 2500 جنيه !!!!

    ثانيا ً الامثلة اللي انت قايلها دي تدين التجار مش يبرأهم اولا ً: الجمارك والضرائب والشحن بالشكل دة يساوي (0) ، ومكسب التاجر اكيد قليل جدا ً (لكن هو بيعوضه لما بيبيع كتيييييير) ، طيب اشمعنه بقي في حاجات تانية بتبقي اسعارها اغلي من برة و التجار بيتحججوا بـ السحن والجمارك ؟؟؟؟ !!! ، يبقي اكيد دي كلها حجج واهية مالهاش اي اساس من الصحة وكل الفرق دة مكسب في جيب التاجر ...... لان في حاجات اهو زي مابتقول بتتباع بنفس تمن برة (او اقل كمان) دة بعد الجمارك والضرايب والشحن ، وعلي فكرة دة برضه دليل ان التاجر بيجيب بسعر اقل كتير من سعر التجزئة اللي احنا بنشوفه علي النت ، لان كل المواقع اللي احنا بنشوفها دي زي Newegg مثلا ً بيبيع بسعر التجزئة مش سعر الجملة اللي التاجر بيشتري بيه لانه بيشتري وبيدفع جمارك وشحن و ... وكمان بيكسب والحاجة تمنها ارخص من سعر التجزئة اللي برة ، يبقي دة معناه ايه ؟ - معناه ان السعر اللي هو بيشتري بيه اقل كتيييييييييير من سعر التجزئة اللي احنا بنشوفه علي النت .


    وانا يا سيدي الفاضل كل اللي انا عايزه بس ان كل الحاجات تبقي اسعراها زي الامثلة اللي انت ذكرتها دي مش اكتر من كدة ، لكن زي مافي حاجات سعرها حلو في حاجات تانية كتير اوي سعرها وحش جدا ً ، لكن لو كل الاسعار حلوة كدة كنت انا عملت موضوع زي دة ؟؟ !!!
    A HERO DOES NOT CHOOSE HIS DESTINY... BUT DESTNEY CHOOSES HIM
    ---------------------------------------------------------------------------------------------------------------------------

    ممكن نتعاون كلنا في الفكرة دي عشان نقضي علي الاسعار الغالية و جشع التجار ؟!

  15. #15
    عضو ذهبي الصورة الرمزية Mezoxin
    تاريخ التسجيل
    Oct 2007
    المشاركات
    1,949
    الدولة: Egypt
    معدل تقييم المستوى
    37

    رد: لازم نتعاون كلنا علشان نقضي علي جشع التجار علشان تبقي الحاجة ام 100 $ بـ 550 جني

    اقتباس المشاركة الأصلية كتبت بواسطة zo0omaa مشاهدة المشاركة
    اولا ً بلاش تجيب سيرة الخليج خالص لان انا كل قرايبي هناك وبيقولولي ان الاسعار هناك رهيبة ، انا لسه جايب من هناك موبايل NOKIA 5800 بـ 1400 ريال سعودي (وتمنه في الامارات 1300 درهم) وتمنه هنا 2500 جنيه !!!!

    ثانيا ً الامثلة اللي انت قايلها دي تدين التجار مش يبرأهم اولا ً: الجمارك والضرائب والشحن بالشكل دة يساوي (0) ، ومكسب التاجر اكيد قليل جدا ً (لكن هو بيعوضه لما بيبيع كتيييييير) ، طيب اشمعنه بقي في حاجات تانية بتبقي اسعارها اغلي من برة و التجار بيتحججوا بـ السحن والجمارك ؟؟؟؟ !!! ، يبقي اكيد دي كلها حجج واهية مالهاش اي اساس من الصحة وكل الفرق دة مكسب في جيب التاجر ...... لان في حاجات اهو زي مابتقول بتتباع بنفس تمن برة (او اقل كمان) دة بعد الجمارك والضرايب والشحن ، وعلي فكرة دة برضه دليل ان التاجر بيجيب بسعر اقل كتير من سعر التجزئة اللي احنا بنشوفه علي النت ، لان كل المواقع اللي احنا بنشوفها دي زي Newegg مثلا ً بيبيع بسعر التجزئة مش سعر الجملة اللي التاجر بيشتري بيه لانه بيشتري وبيدفع جمارك وشحن و ... وكمان بيكسب والحاجة تمنها ارخص من سعر التجزئة اللي برة ، يبقي دة معناه ايه ؟ - معناه ان السعر اللي هو بيشتري بيه اقل كتيييييييييير من سعر التجزئة اللي احنا بنشوفه علي النت .


    وانا يا سيدي الفاضل كل اللي انا عايزه بس ان كل الحاجات تبقي اسعراها زي الامثلة اللي انت ذكرتها دي مش اكتر من كدة ، لكن زي مافي حاجات سعرها حلو في حاجات تانية كتير اوي سعرها وحش جدا ً ، لكن لو كل الاسعار حلوة كدة كنت انا عملت موضوع زي دة ؟؟ !!!
    أسعار الموبايلات حاجة و أسعار حاجات ال-pc حاجة ثانية صدقني
    و لسة واحد صاحبي بردو شاريه في أبوظبي ب-1350 DHMS :D

    ثانياً الحاجات هنا إلي سعرها غالي هي القطع ال-high end , و برضه غلو معقول , و أكيد احنا كبلد ماينفعش تبقي اسعارنا زي أمريكا , مفيش بلد اسعارها زي أمريكا , ياريت نبقي واقعيين , شوف أسعار أمريكا في كل حاجة و الأسعار هنا في مصر حتلاقي إن حاجات ال-pc هي الحاجات اللي الفارق فيها مش كبير , كون إن احنا قريبين منها دة شيء كويس :D , أنا معاك اننا نقاطع الحاجات اللي بيستهبلو في اسعارها ، زي ما قاطعنا توكيل XFX قبل كدة لم كانت أسعار منتجاته غريبة .
    [CENTER]

    [/CENTER]


    [CENTER][IMG]https://folding.extremeoverclocking.com/sigs/sigimage.php/un=Mezoxin/t=155660[/IMG][/CENTER]

صفحة 1 من 10 1 2 3 4 5 6 7 8 9 10 الأخيرةالأخيرة

المواضيع المتشابهه

  1. هل البور دة كافى لجهازى علشان التناقض و علشان استريح
    بواسطة peter magdy mon في المنتدى الأرشيف
    مشاركات: 6
    آخر مشاركة: 26-07-2011, 16:20
  2. دعوة للتميـــز: علشان تبقى مبرمج ناجح و تلاقي شغل
    بواسطة adam_321 في المنتدى البرمجه والتصميمات الفنيه ( الجرافيكس )
    مشاركات: 2
    آخر مشاركة: 02-03-2010, 17:37
  3. مشاركات: 3
    آخر مشاركة: 03-12-2009, 07:08
  4. لازم اعمل ريستارت علشان الماوس يشتغل
    بواسطة soreta_love في المنتدى مشاكل الحاسب وحلولها
    مشاركات: 1
    آخر مشاركة: 04-04-2009, 00:57

الكلمات الدلالية لهذا الموضوع

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •