مشكله كبيره فى الشبكه عندى (ارجو حلها ضرورى من اصحاب الخبره فى الشبكات

**GHOSTEID0** · 09-02-2009, 04:19

السلام عليكم و رحمة الله و بركاته

انا عندى مشكله و سؤال مهم لاصحاب الخبره فى الشبكات

انا موصل سلك شبكة من سوتش

و الشبكه عباره عن شبكه فى بلدنا و فيه واحد ماسكها و متحكم فيها عن طريق سيرفر

و محدد لكل واحد سرعة معينه و الدخول باسم و باسوورد

المهم

انا جيت ادخل النت ما دخلش مع ان علامه الشبكه ما فيهاش غلط و الانصال موجود و كل حاجه تمام
غيرت نسخه و عملت كل حاجه و برضه نفس المشكله

سالت اللى ماسك الشبكه
قالى العيب عندى فى السلك و قالى ان السلك اللى عندى لونه مش ابيض و لونه غامق
و الابيض احسن
و الغامق له عمر افتراضى
و قالى حاجات غريبه زى اسلاك النيكل و حاجات كده

انا دلوقت مش عارف العيب فى ايه و ايهما افضل فى انواع السلوك

و هل هوا اللى فاصل النت عنى
ارجو الاجابه يا بشمهندسين و جزاكم الله خيرا

و السلام عليكمو رحمة الله و بركاته

**kenzo** · 09-02-2009, 13:13

ممكن توضح نوع الكابل المستخدم حاليا والمسافة بين السويتش والجهاز الي عاوز تربطه

**flwcx** · 09-02-2009, 15:57

ارجو منك يا اخي ان تتأكد من ip وال DNS ممكن توكن المشكلة فيهم

**GHOSTEID0** · 10-02-2009, 03:04

اولا بشكركم على اهتمامك و ردكم الكريم

ثانيا

بالنسبة للكابل هو من النوع البنى الغامق و ليس الابيض

و بالنسبة للسويتش فيه ناس واخده منه وصله و شغال عندهم

الراجل اللى ماسك الشبكه قالى عيب سلك
و قالى ان السلك اللى لونه بنى له عمر افتراضى و بيبوظ و مش كويس

و قالى لازم السلك يتغير
مع ان المسافه بين السلك و السوتش حوالى 30 متر

انا حاسس ان الراجل هوا اللى بيقطع النت عليا

لانه عامل سيرفر و محدد سرعه لكل واحد
و فيه طلب لو سمحتم كمان
انا عايز اعرف ازاى اقدر احدد لكل مستخدم اسم و كلمة سر لو انا عندى سيرفر
و ازاى اقدر احدد لكل واحد سرعه معينه

و جزاكم الله خيرا على ردكم

**eslam zorina** · 10-02-2009, 15:29

يا اخى الكريم , سلك ايه اللى انت جاى تقول عليه

المسافة 30 متر فقط يعنى الاشارة هتكون قوية جدا الى اخره , وبعدين السلك مش بلونه غامق او فاتح , وبعدين مادام المسافة صغيرة كده يبقى نوع السلك مش هيفرق , اتأكد بس ان التاريجات متوصلة كويس عن طريق الكابل تيستر

اما بخصوص السرفر فده انا عامله لشبكتى برده , للحماية والتحكم , فانت هل صفحة الدخول اللى بدخل الاسم والباسورد بتظهر عندك .؟

لو بتظهر يبقى كده النت شغال ومش فاضل غير انك تدخل بياناتك , لو صفحة الدخول مش بتظهر يبقى فيه مشكلة تانية

**GHOSTEID0** · 10-02-2009, 17:03

الصفحه ما بتظهرش خالص

cannot find

انا عندى سؤال لو سمحت
انا لو اشتريت اكسس بوينت لوحدى و شغلته النت هيكون كويس عندى
و لا ايه

**dodzmano** · 11-02-2009, 16:11

لأ , الاكسس بوينت مش هتحللك المشكلة, السؤال : هل بتظهر عندك صورة الكونكشن(الشاشتين اللي بينورو :D)؟

**GHOSTEID0** · 12-02-2009, 04:03

اه بيظهروا تمام

و على فكره المشكله طلعت من الشبكه كلها مش من عندى لوحدى
و اشكرك جزيل الشكر و ربنا يزيدك علم

بس كنت عايز اعرف منك حضرتك حاجتين

الاولى : لو انا اشتريت اكسس بوينت هتكون السرعه عندى كويسه
الثانيه : ازاى لو انا مدير شبكه ممكن اعمل سيرفرو اتحكم بالمشتركين و اححد السرعه و اضع لكل واحد اسم و باسوورد
ممكن تقولى ازاى و باى البرامج
و اشكر جزيل الشكر

**dodzmano** · 24-02-2009, 10:34

شوف يا سيدي, والله أعلى و أعلم المشكله
في السوتش نفسه
أو الconfiguration اللي بتوصلك من الDHCP
أو أنو الشخص ده فعلا موقفك مكانك (بس بالشكل ده أنت ممكن تقطع الخدمه من عنده)!!!

و مدام الناس كلها, يبقى الشخص ده مش عارف هوه بيعمل ايه! :confused:

الاولى : لو انا اشتريت اكسس بوينت هتكون السرعه عندى كويسه
سرعه التوصيل بالكابل 100 ميجا بت في الثانية و أقصى سرعة للوايرلس 54 ميجا بت في الثانيه لكن انت كمستخدم هتحس بفرق بسيط في السرعة يكاد لا يذكر...

لثانيه : ازاى لو انا مدير شبكه ممكن اعمل سيرفرو اتحكم بالمشتركين و اححد السرعه و اضع لكل واحد اسم و باسوورد
ممكن تقولى ازاى و باى البرامج
أكيد ممكن لكن بالنسبه للمشاريع الصغيرة معنديش فكرة عن البرامج المستخدمه, ربنا يخليلنا Google :ah2: