أخي الفاضل أنا داخل الامتحان كمان أسبوعين إن شاء الله لو في أي نصائح ممكن تنصحني بيها وأي باس فور شور أذاكر منه والمذاكرة منه بتكون إزاي
السلام عليكم ورحمة الله وبركاته
اخواني الاعزاء لكم كل التقدير والحب والاحترام علي المجهود الضخم الذي تبذلونة
انا حاصل علي شهادة MCP امتحنت ويندوز اكس بي منذ اكثر من عام والحمد لله نجحت والشهادة وصلت وكل حاجه كويسه وزي الفل
ولكن اريد ان استكمل باقي المواد حتي اكون MCSE ولا اعلم ما هو المطلوب او الخطوات التي يجب علي اتباعها كي احصل علي الشهادة
بارك الله فيكم وسدد خطاكم
اتمني مساعدتكم لي وارشادي حتي احصل علي الشهادة لانني في أمس الحاجة اليها
أخي الفاضل أنا داخل الامتحان كمان أسبوعين إن شاء الله لو في أي نصائح ممكن تنصحني بيها وأي باس فور شور أذاكر منه والمذاكرة منه بتكون إزاي
السلام عليكم
يا باشمهندس انا امتحنت منذ اكثر من عام
ومش عندي اي حاجه دلوقتي
معلش يا ريت اقدر اساعد
يا جماعه الخير حد يعبرنا عاوز ابدأ اذاكر
اخى الفاضل رفعت لك ملف وورد به كل ما تحتاجه وهو نقل لموضوع المهندس احمد حالو جزاه الله عنا كل خير به كل ما تحتاجه للبدايه فى عالم الشبكات بكل قوه واحتراف
https://www.2shared.com/file/4938818...8/_online.html
اتمنى لك التوفيق
وجدت لك اصل الموضوع الرابط هنا
https://arabhardware.net/forum/showthread.php?t=89938
لاداعى للتحميل
بالتوفيق ان شاء الله
لية مفيش تركيز على امتحانات 2008 لية فى ناس بتمتحن اكس بى مادام فى فيستا مجرد تساول
السلام عليكم ورحمة الله وبركاته
الاخ المحترم احمد
جزاك الله خيراً علي هذا المقال الجميل وزادك من علمه قول اللهم آمين
ولكن يبقي لدي سؤال انا لازم اخد MCSE 2003 وبعدين اعمل Update لــ 2008 ولا ينفع ابدأ مع 2008 مباشرة
وايه هو الفرق بين 2003 و 2008 يعني في 2003 احنا نعرف ايه التراكات اللي بندرسها بس في 2008 تقريبا الفكرة مش كاملة عندي
وبارك الله فيك
اخوك في الله محمد فتحي
اخى فالله محمد
علشان تعمل تحديث ل 2008 مايكروسوفت لازم تاخد مناهج معينه ومحدده تختلف بحسب نوع الشهاده المراد الحصول عليها
ادخل الموضوع ده فيه كل المواد وانواع الشهادات ولو في اي استفسار انا تحت امرك
https://www.arabhardware.net/forum/s...ad.php?t=95044
يا اخي الكريم جزاك الله خيرا علي اهتمامك
ولكن معلش انا معلوماتي ممكن تكون علي قدها
انا عندي MCP امتحنتها منذ اكثر من عام ونصف العام
وانا بحب مجال الشبكات ونفسي اكمل فيه علي طول والي ما لا نهاية
محتاج من حضرتك تقولي انت تمتحن كذا وكذا
وانا قلت لحضرتك ان انا عندي MCP
وجزاك الله عنا خير الجزاء
الاخ internetworld
اتمني ان ترد علي وتسدي لي النصيحة
وباركك الله فيك ورزقك علماً نافعاً ورزقاً واسعاً وعملاً متقبلاً ونجاة من النار انت وجميع اخواننا في المنتدي
يا اخي الكريم موضوعك واضح جدا تستطيع ان تختبر 3 امتحانات كمان علشان تصير MCSA
وبعد 3 حتى تصير MCSE
اما بالنسبة لل 2008 انا انصح الناس انو يبدا يفكروا فيها كثير والفيستا للتواكب مع المستقبل
اخى الفاضل
انت حصلت على mcp يتوجب عليك الحصول على mcsa
كورس 290-70 ثم بعد اجتيازه تاخذ كورس 291-70 ثم بعد اجتيازه تاخذ 293-70 ثم تاخذ كورس الايزا ويبقي لك حريه الاختيار اما ايزا 2004 وهو كورس 350-70 او ايزا 2006 وهو كورس 351-70
بعد اجتياز اربعه الامتحانات السابقه بالاضافه الى شهادتك تكون بفضل الله mcsa بعد الانتهاء منهم اذا اردت ان تكمل تاخد كورسات mcse
ويتبقى لك للحصول فى هذه الحاله على هذه الشهاده امتحانين وهما كورس 297-70 وكورس 294-70
اتمنى ان اكون وفقت في توصيل المعلومه واسف على تاخيري فالرد
اهتم فقط فى الحصول على شهاده mcsa اولا وبعد اتمامها ابدا بالبحث عن تطوير نفسك وزياده معلوماتك خطوه خطوه
يعنى الاول توكل على الله وزاكر كورس 290-70 الان وسوف تجد المزيد من شروحاته في هذا المنتدى وباللغه العربيه كما يوجد العديد من الشروحات الاجنبيه لهذا الكورس وهو موجود ايضا سواء بالموضوعات المثبته او تجده فى موضعات الكثير من الاعضاء جزاهم الله كل خير
حاول تتمكن من كل كورس باحتراف وطبق كل اللى تذاكره عملى بايدك وبلاش تكتفي بانك عرفت الطريقه من الشرح فيديو
لا لازم انك تطبق بايدك واوعى تقول دا امر سهل او الشابتر دا تافه او كذا .........الخ
اوعى تقول لنفسك انك متاخر عن زمايلك اللى بداوا معاك مثلا فى كورس mcp وانك لازم تسرع وتخلص كل الكورسات بسرعه وفى اقرب وقت لالالا والف لا دا تفكير خاطىء جدا مش مهم تخلص امتى ولا حتى انك تحصل على الشهادات المهم انك تكون متمكن من المعلومات اللى فدماغك وان كنت شايف نفسك وصلت لادراك 90% من الكورس فدماغك حاول انك تجتهد علشان توصل تمكنك من المعلومه وادراكك ليها 99.9% بكدا تكون افضل وافضل
العبره ليست بكم الشهادات الموجوده بملفك ولكن العبره بكم المعلومات الموجوده في عقلك
اجعل المعلومات محفوره كانها نقش على الحجر ولا تاخذ الشهادات وتفرح بها وانى وصلت لمستوى كذا وكذا وتجى للتطبيق تلاقى نفسك بتبدا من الاول تراجع وكانك تبدا من بدايه المشوار مره اخرى
لو كان عندك العزيمه وكنت تحب المجال فعلا كما تقول -ارجو ان تعزرنى- ماكنت سالتنى عن نوع الكورسات او متطلباتها لانه ليس بالامر الصعب او العسير الحصول على مثل هذه المعلومات
ان محب العلم والشغوف به يسعى اليه كما يسعى الظمان فى الصحراء الى بئر الماء
حاول تتتعب وتبحث وتجتهد واوعى تكتفى بالمعلومه اللى توصلك سهله يسيره ولكن اعتبرها بدايه الطريق فتحت لك ابواب المعرفه وانارت لك الطريق لمعرفه اول الطريق الصحيح واكمل متوكلا على الله
حاول ان تزيد من معارفك اللغويه وحاول ان تتمكن فاللغه الانجليزيه ولنقل فالبدايه الجزء السماعى بمعنى انك تفهم الكلام المشروح باللغه الاجنبيه وبالتالى هيكون دا من شانه انه يزيد من مستوى معرفتك لان اصل المعلومات ومصادرها -للاسف- يكون باللغه الاجنبيه
اتمنى ان تساهم هذه الكلمات فى زياده حافز كل طالب علم وشغوف به واعتزر لكل اخ فاضل وكريم قرا هذا الموضوع على اطالتى
جزاكم الله كل خير ووفقكم الله
بالتوفيق ان شاء الله
الاخ internetworld
بارك الله فيك وفي نفعك بعلمك
والله انت وفرت علي وقت كتير جداً في البحث عن تلك المعلومات التي قمت بسردها وان شاء الله تعالي سوف ابدأ من اليوم في مذاكرة كورس 70-290
بالنسبة لمسألة اني مش مجتهد ومش بدور علي المعلومات اللي محتاجها والله ظروف شغلي بتعمل فيا كدا انا مصري مقيم في الكويت واستيقظ صباحاً في الخامسة وبفضل الله اصلي الفجر في جماعة ثم استعد للذهاب الي العمل حيث يبدأ في السابعة تماماً ولا ينتهي قبل الثانية مساءأ واخرج من هذا العمل الي الدوام المسائي والذي يبدا في الرابعة والنصف وينتهي الثامنة والنصف ولا اجد اي وقت لعمل اي شئ اخر حتي مش قادر افتح النت
يا اخي الكريم اسف علي كل الحاجات اللي كتبتها وهي متهمكش بس حبيت اوضح لحضرتك حاجه
وفي الحقيقة انا محتاج لأخ كريم زي حضرتك علشان يشجعني
وبارك الله فيك وفي اكل اخواننا في المنتدي
تقبلني اخ في الله لك
محمد فتحي
اخى فالله محمد
تقبل منى وافر الاحترام وتقديري
انا لم اقصد الاساءه ابدا اليك او انى اقول انك غير مجتهد ولكن السبل متاحه ومتوفره لديك اذا كان لديك وقت للسؤال فستجد وقت للاجابه ودا مقصدى من الكلام اللى ذكرته مش اقصد ابدا انك فاضى وبتسال لمجرد انك تريح دماغك دى نقطه
اما بالنسبه للمعلومات او للمواضيع فانا بفضل الله كفيل انى اوفر لك اى شي تحتاجه من شروحات للكورسات واى شيء تحتاجه باذن الله انت ما عليك سوى ان تطلب وان شاء الله سوف البي طلباتك فى اسرع وقت ممكن
وحتى لا تنتظر التحميل المباشر فى مكتبه تورنت وروابط سريعه لتحميل المنهج يعنى كل ما عليك هو انك تشغل الجهاز وتشغل التحميل وتروح شغلك بالسلامه
هترجع باذن الله هتلاقى الشروحات على جهازك وزاكر واجتهد وربنا يوفقك ويعينك
اذا كنت محتاج اى منهج ومش لاقى له لينكات تحميل اكتب اسم الكورس ورقمه وانا ابحث لك عنه وان شاء الله اوفره لك
بالتوفيق ان شاء الله
ويشرفنى دائما ان اكون اخ لك ولجميع اعضاء المنتدى الكرام بارك الله فيكم وبارك الله لكم وجزاك خير الجزاء
المفضلات