استفسار

[مينا رضا]

اخواني الاعزاء واساتذتي الاجلاء في عرب هارد وير
أولاً أحب أن أحيكم علي جهودكم في الموقع وعلي ذوقكم واخلاقكم العالية وهي ظاهرة بوضوح من خلال تعاملاتكم

ثانياً أنا سني 24 وخريج معهد حاسب آلي قسم نظم معلومات إدارية وكنت اريد أن أعمل في مجال ال IT قسم الشبكات أو الصيانة وإن كنت أفضل الاخير ((أنا بدون عمل الان أي متفرغ)) المهم سألت مهندس أعرفه فنصحني بالكورسات التالية A+ و MCITP و CCNA و فيجوال بيسك فكنت عايز أستفسر من حضراتكم علي بعض النقاط وهي
1- هل المفروض أن احصل علي كل هذه الكورسات مرة واحدة حتي أستطيع أن أتقدم للعمل في أي شركة في مجال IT
2- ماهو الحد الادني من الشهادات اللي المفروض تكون معي علشان أقدر ألتحق بأي وظيفة في الاي تي وممكن أكمل عادي بعد العمل أقصد اللي ممكن تنفعني كمبتدئ
3- ما هي أسعار هذه الكورسات مع العلم ان الحالة المادية ضعيفة وهل من الممكن ان احصل علي البعض منهم أم لابد كلهم مرة واحدة

[Michael Youssef]

أهلا مينا
اولا اخي العزيز A+ و MCITP و CCNA و فيجوال بيسك ، الفيجوال بيسك لغة برمجة و مش فيه اي علاقة بينها و بين ادارة الشبكات.
مع احترامي الشديد القالك الكلام ده غلطان جدا.
اولا انا شايف انك مش عارف انت عايز تتخص في ايه و دي نصيحتي ليك ، انت تبدأ ب +Network و بعدين تقرر عايز تكمل و تبقي مدير انظمة ويندوز MCITP Enterprise Admin أو تتجه لسيسكو و الطريقين مختلفين طبعا.
الحد الادني من الشهادات؟ مينا في مفهوم خاطيء جدا عندنا ، بنفكر في الشهادات و بننسي العلم نفسه. انت لو معاك بس MCITP Enterpise Admin بس فعلا عارف بتعمل ايه و اجتهدت و تعبت في مشوارك هتشتغل و ربنا هيوفقك.
عموما لما تاخد معاها حاجة زي MCITP Exchange Server هتبقي كويسة اوي طبعا و بداية جميلة جدا.

انا هرد علي رسالتك الخاصة و لكن نكمل برده نقاش هنا علشان الاخوة يشتركوا معانا و ان شاء الله ربنا هيكرمك.

[مينا رضا]

شكراً لردك يابشمهندس مايكل وشكراً كمان لطلبك أني اضع استفساري علي العام ليستفيد الجميع وبالنسبة لموضوع اللغة اللي حضرتك بتتكلم عنها ايه الكورسات اللي ممكن تساعدني ممكن ينفع برنامج روستا ستون
وانا زي ما حضرتك عارف كنت سألت مهندس وقالي علي الكورسات دي a+ / mcitp /ccna /فيجوال بيسك فكنت عايز اعرف هل هناك فرق بين ccna وmcitp وانا علشان اتقدم للعمل لازم يكون معي الاتنين دول ولا لأ والاهم أبدأ بإيه مع العلم ان الحالة المادية ضعيفة يعني اللي هختاره صعب اني اغيره بعد كده واسف مرة اخري

[Michael Youssef]

العفو يا مينا ،
انت محتاج تطور مهاراتك في اللغة الانجليزية بشكل كبير جدا ، مش هقدر اقولك ازاي بس انت محتاج تتعب في اللغة اوي الفترة الجاية دي.
شهادة CCNA هي بتعلمك التعامل مع معدات شركة سيسكو للشبكات و هي كويسة جدا علشان تتعلم مباديء الشبكات بوجه عام و هتفهم ازاي الانترنت بتشتغل بفصة عامة ، اما MCITP Enterpirse Admin هي شهادة في ادارة نظام ويندوز سيرفر 2008 و هي طبعا اساسية لو هتشتغل في شركة بتستخدم النظام ده.
لو مستعد تتعب و تذاكر مثلا 12 ساعة في اليوم و تذاكر كتب بالانجليزي مش هتحتاج كورسات ، بس هتحتاج جهاز قوي و رامات عالية عشان تدرب علي ادارة الويندوز سيرفر.
طبعا انصحك تبدأ ب MCITP Enterprise Admin بس تذاكر صح ، و الكتب و كل حاجة متوفرة.
قبل كل حاجة ابدأ بكتاب ال +Network
بالتوفيق و ربنا معاك

[A Beautiful Mind]

مشكور جدا اخونا العزيز مايكل على تفاعلك هذا
وربنا يكرمك ويوفقك دايما يا رب
وجميل جدا الروح الجميله دى كونك تخلى الاسئله كده على العام علشان الكل يستفيد