شرح شخصية التروجان للنسخة العربية Arabic conquer on line
بسم الله الرحمن الرحيم
النهاردة سوف نستكمل الحديث عن شخصيات لعبة كونكر النسخة العربي .
هنتكلم عن اهم شخصية فى لعبة كونكر وهية شخصية التروجان . والتروجان كلمة يونانية بمعنى محارب طروادة . التروجان هو اقوى شخصيات اللعبه لانة يمتلك اقوى دفاع واعلى هجوم .
مميزات الشخصيه :
1 - اعلى طاقة اللى هية الدم واعلى هجوم واقوى دفاع .
2 - هو الشخصية الوحيد اللى ممكن تمسك سلاحين من الاسلحة دى :
3 - الشخصية الوحيدة اللى ممكن تقتل اى عدو من غير ما تستنى رد عليها .
ترقيات التروجان :
تتم عملية الترقية فى مدينة التوام عند تروجان ستار كلاتى :
1 - لما بيوصل التروجان الى ليفل او مستوى 15 بترق وبيكون تروجان وبيتعلم مهارات اكس بي .
2 - لما بيوصل التروجان ال ليفل او مستوى 40 بيترقى وبيكون تروجان مخضرم وممكن ساعتها يمسك سلاحين.
3 - لما بيوصل التروجان ال ليفل او مستوى 70 بيحتاج الى زمردة عشان يترقى ويكون نمر تروجان .
4 - لما بيوصل التروجان الى ليفل او مستوى 100 بيحتاج الى نيزك عشان يترقى ويكون تنبن تروجان وبياخد جوهرة قوس قزح عادية .
5 - لما بيوصل التروجان الى ليفل او مستوى 110 بيحتاج الى صندوق القمر عشان يترقى ويبقى سيد تروجان وبياخد كر تنين .
دى كانت مراحل ترقي التروجان كلها .
مهارات التروجان :
1 - مهارة اتساع المدى :
ودى مهارة المضرب ومهمة جدا لما الواحد بيكون بيلفلف نفسة لان المهارة دي بتضرب مجموعة على هيئة دايرة فبيزود كويس .
2- اريج السيف :
ودى مهارة للسيف بس وعبارة عن خط مستقيم من السيوف .وتستخدم فى قتل الاعداء مش فى اللفلفة .
3 - سرعة النصل :
والمهارة دى من المهارات المهمة زى اريج السيف وتستخدم فى الخناقات وقتل الاعداء .
4 - مهارة العنقاء :
المهارة دى مهمة جدا للتروجان ومبيتظهرش غير لما يكون ماسك سيف وهية 9 مستويات وتعتبر من اصعب المهارات ف اللفلفة وافضل مكان تلفلفها فية بوابةمنطقة النقابات .
5 - هرقل :
المهارة د مبتظهرش غير لما تكون ماسك سلاحين من نفس النوع
و فايدتها انك بتدرب الارض فى دايرة حواليك .
6 - شفاء الروح :
والمهارة دى فايدتها انها بتزود طاقتك او دمك . وهية تلات مستويات الاول بيزود الدم بمعدل 600 والثانى بمعدل 800 والمستو الاخير بيزود دمك بمعدل 1300 .
7 - الزوبعة :
وداة اسكيل مهم جدا بالنسب للتروجان لان لما بيجيلة بيزود وتيرة الهجوم خلال الفترة اللى موجود فيها .
دلوقتى بق نتكلم ازا نلفلف التروجان :
من ليفل 1 الى ليفل 70 :
انتا تروح الى مدين الطيور وتحاول تدخل فى فريق وهوة هيزودك لحد ليفل 70 وانتا فى الفريق حاول تجمع اكبر كمية من الفلوس اللى بتقع من الوحوش عشان تقدر تشترى بعد كدة اى حاجة تلبسها .
طب لو ملقناش فريق نعمل اية يبقى مفيش حل غير انك تعمل الكويست .
من ليفل 70 الى ليفل 90 :
تعمل حسابك بقى انك تعتمد عل نفسك من ليفل 70 لان مفيش فريق هيردى يلفلفك خالص فهتروح الى مدينة الصحراء وهناك هتعمل التلات مهمات وتلفلف ف الوحوش الحمرة او السودة عشان تزيد بسرعة وومكن بردة تروح مدينة الطيور تلفلف هناك لحد ليفل 90 .
من ليفل 90 الى ليفل 103 :
من ليفل 90 انتا هتلفلف ف البيرد وتعمل التلات مهمات بتوع كل يوم وفى الوقت اللى انتا في بتلفلف ف البيرد حاول تخلى اى رامى يجبلك vps نقط عشان بعد كدة هتخش اللاب وانتا محتاج ا 2000 نقطة ف كل مر تخش فيها اللاب . هتفضل تلفلف ف اللاب لحد ليفل 103 .
بعد كدة هتروح بقى مدينة الصحراء ومنها الى قلعة الاسرار هتعمل التلات مهمات هناك وبردة تلفلف نفسك فى قلعة الاسرار لحد متوصل ليفل 120 ومدينة الاسرار احسن من اللاب لانك هتحتاج لاكتر من توكن عشان تدخل اللاب مكلفة والمشكلة الاكبر ان في ناس بتحب تقتل اى حد تشوفة فى اللاب فخد باللك . وبردة تعمل مهمة صندوق القمر اللى ممكن تخليك باشا لو عملت المهمة دى كل يوم تلات مرات او زى ماتحب لحد متوصل ليفل 130 .
اتمنى ان اكون غطيت كل حاجة عن التروجان وانا فى شرحى بتكلم عن النسخة العربية مش الانجليزية .
...شكراً على الشرح الممتاز...
ضوابط المشاركة
المفضلات