ما هي افضل شاشه بقياس 24بوصه - في السوق المصري - لاعمال الجرافيك الاحترافيه - وسعرها لا يتخطي 2000ج ؟
متشكر يا جماعه على الردود القيمه - بصراحه مش عارف اقرا ايه ولا ايه !!!
تم شراء شاشه Benq E2400HD وهي ممتازه في كل شيء الا انها بالتأكيد مش مناسبه لشغل الجرافيك الاحترافي - لأنها تستخدم TN Panel وبالتالي الألوان بتتغير حسب زاوية الرؤية Color Shifting - لكن الشاشات LCD اللي بتتفادى هذه المشكله بتستخدم تكنولوجي أعلى وتجعل الألوان طبيعيه وسليمه سعرها أعلى بكتير من 2000 لو بنتكلم عن 24 بوصه - ومش موجوده في مصر اساسا (على حسب علمي).
الحل الثاني هو استعمال شاشه CRT محترمه لأن مفيهاش العيب ده.
مبروك عليك الشاشة يا أخ هاني .......و أنا قرأت لها ريفيو في newagg معظمهم بيشكرو ا فيها ..
بس شو قصدك إن اللون بتغير حسب زاوية الرؤية .....على حد علمي إن زاوية الرؤية فيها 160......
السلام عليكم ورحمة الله وبركاته
الله يبارك فيك - بالنسبة لزاويه الرؤيه المقصود بها أقصى زاويه لتمييز محتوى الشاشه.
معلومات مستفيضة هنا.
أما بالنسبة لموضوع جوده إظهار الألوان - فهذا الموضوع هام يخص التقنيات المستخدمه في بناء شاشات ال LCD - والمفاجيء انه لم يتم التطرق اليه في قسم الشاشات - الا اذا كنت لم ابحث جيدا.
اللوحة أو Panel المكونه لشاشه ال LCD هناك عده تقنيات تستخدم في صناعتها - أهمها هي:
1- TN: أو (Twisted Nematic) - وهي الأرخص في التكلفه - وبالتالي هي الأكثر انتشارا - وتوفر زمن استجابه عالي للشاشه من 2 الى 5 مليثانيه - لكنها الأسوأ في عمليه اظهار الألوان وتأثير زاويه الرؤية ودرجات التباين على جوده الصورة.
2-VA : أو Vertical Alignment technology - مثل S-PVA/MVA وهي تقنية متوسطة من حيث التكلفة والجوده فهي أفضل من تقنية TN فتوفر إظهار أفضل للألوان وتغيير زوايا الرؤية يؤثر بشكل أقل على جوده المشهد من TN وكذلك توفر درجات تباين أعلى - إلا انها توفر زمن استجابه أعلى قليلا من تقنية TN (ملحوظة:زمن الاستجابه كلما كان أقل كان أفضل).
3- تقنية IPS: أو (In Plane Switching) مثل S-IPS/H-IPS وهي الأفضل على الإطلاق من كافه الوجوه من التقنيتين السابقتين ولكنها غاليه ونادره الاستخدام لهذا السبب.
قائمة بشاشات تستخدم هذه التقنية
مثال عملي: شاشتي الجديده Benq E2400HD مثلها مثل أغلب الشاشات في السوق المصري تستخدم تقنيه TN في بنيتها - عندما انظر لهذه الصفحه (المكونه اغلبها من لونين ابيض وسماوي) - من مسافه متر - من زاويه علويه حاده قليلا قليلا ربما 45 درجه - أجد الأبيض تحول إلى سماوي والسماوي تحول إلى أبيض (والمشهد بشكل عام اصبح أفتح) أما اذا نظرت من زاويه سفليه حاده قليلا ربما 45 درجه - اجد الأبيض في المساحه البعيده في الشاشه يتحول إلى أصفر وفي المساحه القريبه تحول لرمادي فاتح (وبشكل عام المشهد اغمق).
نفس الحال تقريبا اذا نظرت من زوايا جانبيه.
كي ترى المشهد بالوانه ودرجات اضائته الطبيعيه يجب أن يكون نظرك مستقيما في امام الشاه تماما (مثل وضع الجلوس الطبيعي).
ملحوظة: هناك تقنيات جديدة بدأت تظهر إلا أن الغالبية العظمى لا زالت تستخدم TN.
مشكور أخي على التوضيح .....و تتهنا في الشاشة ...
و لكن ما هو إنطباعك عنها في مشاهدة الأفلام عالية الجودة و الألعاب ..
و بكام إشتريتها لأني نأوي على واحدة مثلها .....مشكور .
و هل يأتي معها كابل hdmi or dvi-d
مبروك عليك الشاشة .. وهي جميلة فعلاً بالنسبة لسعرها
وانا زيك أهتم بالجرافيك .. ودرجات لالوان هامة جدا جدا في الجرافيك ... والمفروض ان اللون اللي انت شايفه بعينك هو اللون الصح
لكن بما انك هتبقى قاعد في مواجهة الشاشة اثناء التصميم .. يبقى الالوان مش هتتغير لانك على زاوية مستقيمة ( طبعا مش زي الشاشة العادية بردو )
الحل : انك تضع شاشة عادية على جنب .. وتوصلها على كارت الشاشة ( يعني كارت الشاشة فيه مخرج للشاشة العادية ومخرج لل LCD )
وتشتغل على العادية اثناء ضبط الالوان .. وبنفس الوقت مش حارم نفسك من الشاشة ال LCD ..
والسبب اللي خلاني ماردتش عليك في الاول .. هو نفس الاسباب اللي انت ذكرتها .. مفيش هنا شاشة تناسب شغل الجرافيك
...سبحانك ربي ... لا اله الا انت
الأفلام: جربت فيلم واحد HD عالي الجوده وكان ممتاز - وهذا رأي معظم المراجعات للشاشه في النت.
الألعاب: أيضا رائعه - واجهت مشكله واحده في لعبة Fifa2009 ان الصورة كان بها بعض التقطيع Laggy اثناء الحركة - وتم الحل بتفعيل Wait for VSync للكارت - وربما السبب هو استخدام دقه عرض عاليه جدا 1920X1080.
بشكل عام انا راضي عن الشاشه بنسبه كبيره وسعيد بها.
لا يأتي معها كابل HD وانما يأتي معها كابل DVI بالرغم ان كل المواقع العالميه تذكر عدم وجود كابل مع الشاشه - ربما الكابل مع الشحنات الجديده فقط ! علما اني اشتريتها من مصر وقد يختلف ذلك عن فلسطين.
اشتريتها بـ 1850ج
من كمبيوداتا في مول الأسيوطي - روكسي.
فعلا ده حل كويس - وانا كنت عامل كده بالفعل مع الشاشه اللي قبلها - لكن دلوقت حكتفي بيها لأن شغل الجرافيك اللي بعمله (مش شغل للطباعه) وبالتالي موضوع الألوان مقبول عندي لو الألوان بدقه 90% من الطبيعي.المشاركة الأصلية كتبت بواسطة DreAmO
و الله سعر رائع جدا و الله يباركلك فيها ...........و تتهنا فيها إن شاء الله .
لكن هل عندك علم بخصوص سعرها في المهندسين....كام
معنديش فكره - لكن الطبيعي ان مكنش نفس السعر - حيكون قريب جدا منه لأن روكسي ولا المهندسين الأتنين في القاهره يعني الفروق ممكن تزيد اوتقل في حدود 50ج مش اكتر حسب الشركه اللي بتبيع.
السلام عليكم و رحمة الله و بركاته :
و الله اليوم شخص سأل عنها في المهندسين ووجدها في محل بـ 390 دولار يعني تقريبا 2200 جنيه
انت فاجأتني بالسعر .. انا مفكرها ب 2100
دة سعرها رااااائع كدة .. وكمان معاها كابل ال DVI
بجد ما شاء الله
بس قولي .. الضمان اد ايه .. وايه شروط الضمان .. يعني لو لا قدر الله ظهر ديد بيكسل او ما شابه
وهل هي 24 بوصة فعلاً .. ام 23.5 بوصة
وبالتوفيق لك
...سبحانك ربي ... لا اله الا انت
هي كانت بـ 2100 عند ماكسيمم هاردوير - وخلصت - فده يظهر سعر شحنه قديمه - لأنها بـ 1850 عند كمبيوداتا وشركه تانيه برده مش متذكرها قال لي نفس السعر (وده يوم الخميس 5 مارس تاريخ سؤالي عن السعر).
هي 24 بوصة كامله.
بس هي 16:9 زي أغلب الجديد دلوقت وبالتالي هي FullHD 1080 - لكن فيه بيفضل ال 16:10 وبيشوف انها مساحه أكبر للديسكتوب.
وأنا بصراحه مش عارف هل الجزء المستقطع من ال height بيتوزع على الwidth فبتكون المساحه الكليه واحده - ولا فعلا هي اقل في الحجم من ال 16:10- انا باعت بوست بالسؤال في قسم الشاشات لكن مفيش رد.
الضمان: 3 سنين - عدد الdead pixel لترجيع الشاشه:
LCD Monitor Size24”
Max Bright Dot2
Max Dark Dot
4
Max Total Dot
5
دي الأرقام من موقعهم وتخص منطقة الشرق الأوسط فقط - ربما تختلف في مناطق اخرى من العالم.
لو عايز ملف word بشروط الضمان تفصيليا لشاشات LCD (منطقه الشرق الأوسط): اضغط هنا
طبعا طالما انها 24 بوصة فعلا .. يبقى لازم مساحة الشاشة من الزاوية العليا اليمني : الزاوية السفلي اليسرى .. تديك 24 بوصة
فأكيد عرض الشاشة بيزيد طالما الارتفاع هيقل
ودة متوضح بالفلاش فى موقع الشاشة
https://benq.com/products/LCD/?product=1376
ومكتوب انها 24 بوصة فعلاً
لكن الشاشة ال 22 بوصة من نفس الموديل .. الموقع كاتب حجمها 21.5 بوصة
لأن ارتفاعها اقل .. لكن العرض كما هو ..
...سبحانك ربي ... لا اله الا انت
ضوابط المشاركة
المفضلات