صفحة 1 من 3 1 2 3 الأخيرةالأخيرة
النتائج 1 إلى 15 من 38

الموضوع: كل شىء عن دورة agc و نظام تعاملهم

  1. #1
    عضو
    تاريخ التسجيل
    Apr 2006
    المشاركات
    60
    الدولة: Egypt
    معدل تقييم المستوى
    0

    كل شىء عن دورة agc و نظام تعاملهم



    بسم الله الرحمن الرحيم

    انا كنت قدمت من فترة فى ال agc و ما كملتش بس عرفت عنهم كل حاجة عن نظامهم و نظرا للجدل فى الموضوع ده حبيت اعرف الناس ايه النظام بحيث اللى يروح يبقى عارف كل حاجة

    - 12 مستوى بيبقوا تدريجى من 1 الى 12 كل مستوى ب 100 جنيه(تعليم عن بعد باسطوانات تشوفها فى البيت)
    - كل مستوى ليه مجموعة اسطوانات حوالى 2- 4 كلاسات و 2-4 لابات و2 او 3 برايفت الاسطوانة ب 5 جنيه اجمالى تقريبا 20-50 جنيه
    - المستوى الواحد مدته شهر فقط لا غير و سواء عملت مشروع المستوى او لا هتتنقل للى بعده
    - الاسطوانات ما تشتغلش من غير نت و اذا عدى الشهر بتاعك تتقفل الاسطوانات و ما تشتغلش يعنى ال 100 جنيه مش بتشترى الاسطوانات , لا ده انت بتشترى حق تشغيلها لمدة شهر
    - الدكتور عمرو موسى(اللى بيشرح الكورس) من افضل الناس اللى ممكن تفهم منهم
    - المبلغ فى الاخر بيعدى 1200 - 1300 جنيه يعنى مش فارق كتير عن كورس فى مكان تانى و تحضر فيه بنفسك مع واحد يشرحلك
    - كل فترة يعنى ممكن مرة فى الشهر يعملوا محاضرة عملية تحضر فيها بنفسك



    متهيالى انا قلت كل حاجة و اللى عنده اى استفسار انا فى الخدمة

  2. #2
    عضو
    تاريخ التسجيل
    Feb 2008
    المشاركات
    18
    معدل تقييم المستوى
    0

    رد: كل شىء عن دورة agc و نظام تعاملهم

    طيب انت كنت في فرع ايه عشان انا عاوز اقدم فيها وشايف ان كل الناس بتشكر فيها بس انا اول مره اعرف موضوع صلاحية الاسطوانات لمدة شهر دي وكمان المستوي بيقولو انو ب 80 جنيه بس وكل اسبوع محاضره بالاضافه للأسطوانات والمحضرات البرايفت

    لو حد ليه خلفيه عن الموضوع ياريت يقولي ااقدم فيها ولا لا عشان انا عاوز اتعلم البرمجه صح وشايف ان الكورس ده مناسب اوي من ناحية التكلف وكمان الشهادات اللي هتتاخد في الاخر وانا بفضل الدراسه عن بعد عشان انا مش فاضي اصلا اني اروح في حتي بسبب انشغالي بالكليه

    لو حد ليه اي رئ في الموضوع يتفضل اوكي

  3. #3
    عضو
    تاريخ التسجيل
    Oct 2008
    المشاركات
    220
    معدل تقييم المستوى
    0

    رد: كل شىء عن دورة agc و نظام تعاملهم

    السلام عليكم ورحمة الله وبركاته

    بما انك مش فاضي يبقى أنصحك تروح تسجل في الدورة ده لأنها بتعتمد بشكل أساسي على التعليم عن بعد وتقريبا المحاضرة الأسبوعية تقريبا قليل لما بتتعمل بس سعات يعملوا ورشات عمل

    بالنسبة لصلاحية الاسطوانات تقريبا هم عملوا الحكاية دع عشان الواحد ميكسلش ويعد في المستوى اكتر من شهر و لو عدى الشهر من غير ما يخلص المشروع بيدفع مبلغ زي الغرامة عشان ما يكسلش وعلى فكرة الشهر ده مدة كافية قوي لانهاء المشروع المطلوب منك ولو انت مجتهد ممكن تخلص المشاريع المطلوبة منك في أسبوعين
    ولو انت انشغلت بحاجة تانية عن البرمجة زي الامتحانات مثلا وخايف الشهر يعدي من غير ما تعمل حاجة في المستوى تقدر تأجل الوقت اللي انت عايز وانا في المستوى التاني حاليا وأجلت كذا مرة قبل كده

    بالنسبة للتكلفة هي جنيه 100 بالسيديهات لكل مستوى

    الكورس ده مايفرقش عن الكورسات اللي بتحضرها بنفسك في المراكز السيديهات فيها شرح كل حاجة بالصوت والصورة وغير كده انت بتطبق كل حاجة أول بأول وخصوصا الدكتور اللي بيشرح راجل محترم جدا في المجال ده

    انا في المستوى التاني ومبسوط من الدورة ده وانت لما تقدم فيها بتبتدى الأول بكورس مقدمة للبرمجة وده بيبقى برضه تعليم عن بعد تكلفته 15 جنيه مدته اسبوعين وبتقدم في اخره مشروع بسيط وسعتها تبقى تحكم انت بقى لو عايز تكمل وتدخل على ال 12 مستوى ولا لأ

    الكورس ده عبارة عن 12 مستوى بتاخد بعديها شهادة من وزارة التربية والتعليم وشهادة خبرة موثقة بالمشاريع اللي انت عملتها
    بعد كده فيها 6 مستويات الخاصة ب شهادات مايكروسوفت MCTS , MCPD للتطبيقين الويندوز والويب

    من اهم ميزات الدورة ده التعليم وانت في مكانك تاني حاجة كثرة التطبيق والمشاريع اللي انت بتعملها وده أهم حاجة هتنفعك في مجال البرمجة لان مثلا لو رحت مركز تاخد فيه كورس برمجة المحاضر هيعلمك بس لكن مش شرط يدربك على التطبيق الكتير للمعلومات اللي بتاخدها

    وبرضه ميزة الحوار ده انك بتاخد شهادة خبرة وبيتبقى موثقة بالخارجية بالعمل بمهنة مبرمج لمدة عام يعني لما تقدم في وظيفة بعد كده هيبقى معاك اثبات بخبرة العمل كأنك اشتغلت بالضبط يعني هتبقى اتعلمت وكمان اكتسبت شهادة خبرة ولكن لو انت اخدت الكورس في مركز هتاخد فقط شهادة اجتياز الدورة مثلا او شهادة مايكروسوفت فقط لكن بدون شهادة خبرة

    نهاية الكلام انصحك تقدم في الدورة ده وانت حتحكم لما تجرب الكورس الأول بتاع مقدمة البرمجة

    وفي الأول وفي الأخر كله بيعتمد عليك انت وعلى جهدك ومدى رغبتك انت تتفوق في المجال ده

    ارجو ان أكون افدتك واي استفسار تاني انا في العون باذن الله



  4. #4
    عضو
    تاريخ التسجيل
    Apr 2006
    المشاركات
    60
    الدولة: Egypt
    معدل تقييم المستوى
    0

    رد: كل شىء عن دورة agc و نظام تعاملهم

    بالنسبة للسعر ممكن يكون اتغير عن اما كنت انا فيها
    بالنسبة للتاجيل لو اجلت على ما تخلص حاجة وراك طوال فترة التاجيل الاسطوانات مش هتفتح معاك

    و بعد الكورس الاسطوانات ما بتفتحش يعنى لو انت خلصت الكورس كله و حابب تعمل مراجعة على اى نقطة مش هتعرف

    احلى حاجة فى agc بصراحة هى شرح ا/ عمرو موسى

    عامة فيه اسطوانات ليهم على النت دونلود فى المنتديات قبل ما يعملوا نظام التشفير ده انا جبت 1-12 و 17 و 18 و 19 و 21 و 23 و 24
    دول اللى لينكاتهم كانت سليمة

  5. #5
    عضو
    تاريخ التسجيل
    Oct 2008
    المشاركات
    220
    معدل تقييم المستوى
    0

    رد: كل شىء عن دورة agc و نظام تعاملهم

    كلامك صح فترة التأجيل مش هتشتغل الاسطوانات لأنك متوقف عن التدريب

    بعد نهاية المستوى ودخولك للمستوى اللي بعديه لو عايز تراجع حاجة في المستوى الأول تقدر تنقل نفسك للمستوى الأول بعد ما تغير مستواك من لوحة التحكم الخاصة بيك

    بعد ما تخلص ال 12 مستوى كلهم وتاخد الشهادات مش هتشتغل الاسطوانات معاك ولو عايز تجدد الاشتراك عشان لو حبيت تراجع حاجة بتدفع مبلغ صغير تقريبا 25 جنيه مقابل تشغيل الاسطوانات والدعم الفني لو في أي مشاكل قابلتك في البرمجة بعد كده

    الاسطوانات اللي مرفوعة على النت تقريبا ده منهجهم القديم

  6. #6
    عضو
    تاريخ التسجيل
    Apr 2006
    المشاركات
    60
    الدولة: Egypt
    معدل تقييم المستوى
    0

    رد: كل شىء عن دورة agc و نظام تعاملهم

    طيب و ال 25 جنيه دول هيشغلوا الاسطوانات كام يوم؟؟؟؟؟؟

    بصراحة هما فى ال agc علشان يضمنوا حقهم كلوا حق المتدربين
    انا من حقى بعد ما اكون دفعت اكتر من 1200 جنيه فى كورس -و ياريته كورس زى بقية الكورسات و فيه حضور وواحد تساله و تكلمه - يكون معايا الميديا و الوسائل التعليمية بتاعته مفتوحة بدون وجع دماغ

    ما فيهاش حاجة لما يربطوا برنامج التشغيل بتاع الاسطوانات مثلا برقم البروسسور او الهارد و بكده يتاكدوا انى مش هعرف اديها لحد تانى انما يسيبوها مفتوحة اشوفها زى ما انا عايز

    و بعدين اكتر حاجة ضايقتنى منهم انى كل ما كنت احب استفسر فى حاجة متقدمة شوية و ابعت بيها استفسار يرد و يقوللى هتاخدها فى المستوى الفلانى او يقوللى روح اشترى اسطوانة البرايفت طيب ما تدينى رقم الفيديو للدونلود

    لا وايه كمان الاسطوانات اللى بتاخدها تلاقى الاسطوانة مثلا الحاجة اللى عليها 200 ميجا و يديلك 6 اسطوانات طيب ما توفر عليا و تدمج كل 3 اسطوانات مع بعض و بدل ما ادفع 15 جنيه ادفع 5 بس

    بالنسبة للاسطوانات اللى على النت هى كويسة اوى انك تخش بيها كمبتدىء دول حوالى 20 اسطوانة

  7. #7
    عضو الصورة الرمزية MohamadRe
    تاريخ التسجيل
    Jun 2005
    المشاركات
    370
    الدولة: Egypt
    معدل تقييم المستوى
    13

    رد: كل شىء عن دورة agc و نظام تعاملهم

    يا جماعه الشركه دى على اللهيا بتديهولك
    هتلاقى نفسك اخر السنه ماخدتش حاجه فى البرمجه كلهم كام امر وخلاص
    والله والله والله
    انك لو اخدت كورس فى اى مركز بره هايكون احسن
    انا كنت مسجل فى ال AGC دى فى 2005 فى فرع كوبرى القبه كان الموضوع ماشى حلو وكنت مبسووووووووط قوى
    وبعدين دخلت الجيش بعد اربع مستويات من الكورس
    ولما خلصت ناس كتير نصحونى بكورس بره لكن انا قولت لأه انتو مش عارفين حاجه ده احنا بنعمل مشاريع
    والكلام الهجس ده مع انه كان فى الاول فى ناس بتشرح
    وبعد مطلعت من الجيش روحتلهم لاقيت الموضوع اتغير وبقى فى اسطوانات الشرح دى
    وبروح المركز عشان اسمع المحاضره وشوفها
    ولاقيت الموضوع مالوش لازمه لانى انا من محافظه خارج القاهره وكان فى ناس بتيجى احيانا من اسوان
    قولت احول الفرع اللى فى محافظتى احسن
    لانى كنت رايح فرع كوبرى القبه عشان اكيد فى اى مركز رئيسى بيبقى فيه احسن انستراكتورز
    ولما رجعت فرع محافظتى من معاناه فى التحويل
    كملت لاقيت المواضيع هايفه
    ولما تشوف اى برنامج مفتوح المصدر متفهمش منه حاجه لانك 90% من الحاجات اللى فيه ماخدتهاش اصلا
    ولو حتى كتاب كنت القى مصطلحات كتيره قوى مش عارفها
    والله تعبونى جدا وخلصت الكورس
    ومتعلمتش يعتبر حاجه لانك بتاخد قشور طول السنه اللى انت قعدتها هناك
    الدكتور عمرو موسى راجل شرح جميل وممتع
    بس للاسف مش هتاخدو غير قشوووووووووووووووور
    وبعد كده فضلت استنى فالشهاده تقريبا حوالى سنه
    وكل مره اسءلهم عليها يقولوا بعد يومين
    ومره بعد اسبوع
    كل مره اسبوع
    وهاتلاقو الناس كارهين نفسهم اللى شغالين هناك
    على فكره مش انا لواحدى اللى حاسس بكده
    اقولكوا اعملو سيرش فى جوجل باسم المجموعه العربيه للكمبيوتر
    وانتو تشوفو الصدمه
    وتشوفوا كمان اراء الناس كلها فيهم
    وربنا يوفقكو جميعا
    وبالنسبه للشهاده
    شهاده كده مالهاش لازمه وتبع مديرة التظامن الاجتماعى جمعية شباب مصر بالمنوفيه
    وحضرتك لو فى اى مكان هاتجيلك تبع محافظة المنوفيه وعليها شوية اختام هابله
    وكمان والله مكتوب عليها من ورا لا يعمل كمسوغ للتعيين
    وروحة اوثقها من الخارجيه قالولى دى ماتتوثقش هاتلانا عليها موافقة محافظ المنوفية والختم بتاعه
    كله نصب فى نصب
    الفلوس اللى انتو هاتدفعوها فى الكورس ده بماصريف مواصلاتك خد بيها كورس لمدة شهر ونص شهرين فى مكان محترم
    وان شاء الله انت الكسبان
    واللى مصدقنى يعمل اللى بقوو عليه
    واللى مش صدق بعد كل اللى قولتوا يفضل معاهم ويجرب
    بس ماتندمش لانى انا حذرتك
    لانى لما عملت سيرش فى جوجل كنت خلاص خلصت
    والله ولى التوفيق

  8. #8
    عضو
    تاريخ التسجيل
    Feb 2008
    المشاركات
    18
    معدل تقييم المستوى
    0

    رد: كل شىء عن دورة agc و نظام تعاملهم

    المشكله ان كلام الناس متناقد ناس خلصت الكورس وبتشكر فيه اوي وناس برضو خلصتو وبيقولو وحش اوي ياترا ده عيب بقا في اللي بيدرس ولا في ال agc !!!!!!!!!

    انا هتكل علي الله وانزل اقدم النهارده ولو مكسبتش حاجه منهم برضو مخسرتش حاجه


    بس انا كنت عايز اعرف انا هدرس كمان مجال تصميم المواقع والسكربتات والجافا ؟؟؟؟ عشان ده يهمني اكتر من تصميم البرامج

  9. #9
    عضو الصورة الرمزية MohamadRe
    تاريخ التسجيل
    Jun 2005
    المشاركات
    370
    الدولة: Egypt
    معدل تقييم المستوى
    13

    رد: كل شىء عن دورة agc و نظام تعاملهم

    والله مهما يدولك هتاخد قشور قشور قشور
    وانت حر
    وربنا يوفقك
    اقولك صلى ركعتين استخاره وتوكل على الله

  10. #10
    عضو برونزي
    تاريخ التسجيل
    Apr 2008
    المشاركات
    1,430
    معدل تقييم المستوى
    11

    رد: كل شىء عن دورة agc و نظام تعاملهم

    كلام الخ motta مظبوط فعلا يا جماعة ارجوكم خلوا بالكم

  11. #11
    عضو
    تاريخ التسجيل
    Oct 2008
    المشاركات
    220
    معدل تقييم المستوى
    0

    رد: كل شىء عن دورة agc و نظام تعاملهم

    بالنسبة للبرنامج ده انا مشترك فيه وفي المستوى التاني اللي قللي واحد صحبي في المستوى ال 12 دلوقت سألته على الدورة لما لقيت ناس بيشتكوا منها وكمان عملت بحث في المنتديات لاقيت اللي بيشتم ولاقيت اللي بيشكر فيهم وطلعت من اللفة ده بالاتي :

    لاقيت معظم الناس اللي بيعيب فيهم مشاركتهم بتاريخ قديم يعني بيكلموا عن المنهج والنظام القديم لكن دلوقت المنهج اختلفت وبقى احسن من القديم
    نظام التعليم عبارة عن سيديهات تتفرج عليها وتطبق اللي فيها ومحتواها عبارة عن حاجتين :
    ال class و lab ودول بيبقوا فيهم شرح للمستوى تتفرج عليهم وتعمل منهم المشروع
    وحاجة تالتة ال private و ده حلول لمشاكل قابلت طلاب قبلك وبرضه على صوت وصورة و ده بتنزلها من الموقع
    وانت ممكن تعدي المستوى وتفهمه من غير مشاكل ما تقابلك ومن غير ماتتفرج على ال private لكن صحبي قاللي ان ده غلط جدا لانه في المستوى اللي 12 اكتشف ان فيه حاجات واقعة وعرفها بعد كده لما اتفرج على ال private
    فلازم الواحد يتفرج على التلات حاجات ويمكن الاخ Motta بيقول انها قشور بس عشان مكانش مهتم بال private

    وكمان المنهج بتاعها اتغير وبقى أحسن عن منهج اللي درسته في 2005 ومنهجهم القديم ده هتلاقيه منتشر في المنتديات هم تقريبا سربوه عشان دعاية ليهم والكلام ده صحبي عرفه منهم لما سألهم عن الكورسات المرفوعة في المنتديات

    بالنسبة لعدد المستويات هم 12 مستوى اضافوا عليهم 6 مستويات بتوع شهادات مايكروسوفت MCTS ,MCPD للويب والويندوز وده اللي اتهمنا وهم لسه بيجهزوا فيها وده عرفته منهم برضه
    http://www.agcacademy.com/forum/cert.asp

    في المستوى التالت بيتم تدريس فيه تصميم ويب
    وصحبي قاللي كمان انك بتتعلم ازاي تعمل البرامج التجارية اللي مطلوبة في سوق العمل زي برامج الصيدليات والمخازن والمدارس والتطبيقات التجارية ... لكن مش هتبقى جاهز انك تعمل برامج ضخمة زي الويندوز مثلا أو الأوفيس يعني تقريبا مستواك هيبقى متوسط أو فوق المتوسط في البرمجة

    هي مناسبة للمبتدىء في البرمجة واللي مش لاقي وقت يروح لمراكز
    بالنسبة للي بتتعلمه طبعا مش كل حاجة لكن بتدرس كم جيد بسعر متوسط


    مميزاتها : التعليم عن بعد وكثرة التطبيق والمشاريع اللي بتنفذها
    عيوبها : حكاية تشغيل الاسطوانات لازم تكون متصل بالنت ومتكونش مؤجل ولما تخلص الدورة كلها وتاخد الشهادات مش هتشتغل عندك لانك خلاص معودتش مسجل عندهم الا لو دفعت اشتراك شهري تقريبا 25 جنيه عشان تستفاد من الاسطوانات عشان لو حبيت تراجع

    من الاخر مفيش حاجة كاملة كله بيطلع فيه عيوب وممكن يكون العيب في الشخص ذات نفسه لو كان مش مجتهد ومعندهوش طموح فلما يروح يحضر كورس مهما كان المكان محترم اكيد مش هيستفاد حاجة

    في حلول تانية بالنسبة للتعليم عن بعد لشركة مصرية تانية اسمها pc lab نفس النظام بس من غير اشراف وليهم موقعين على النت وكنت شايفهم في معرض الاهرام اللي فات بصراحة ناس شغلها محترم :
    http://www.pclabgfx.com/ar/index.asp
    http://www.pclabacademy.com/default.aspx

    ولو لغتك الانجليزية حلوة نزل كورسات CBTnuggets , learnkey وشركات تانية وهتلاقيهم على النت هلى هيئة تورنتات
    والاخ motta حاطط لينكات ليها في توقيعه

    ولو انت مش فارق معاك الوقت والميزانية يبقى الأفضل انك تروح تاخد كورس في مكان محترم

    ولو انت متخرج جهز نفسك لمنحة وزارة الاتصالات اللي نازلة في شهر 9 المنحة ده ومنحة ITI أفضل حاجة في تعليم المجال ده

  12. #12
    عضو
    تاريخ التسجيل
    Feb 2008
    المشاركات
    18
    معدل تقييم المستوى
    0

    رد: كل شىء عن دورة agc و نظام تعاملهم

    اقتباس المشاركة الأصلية كتبت بواسطة Ballack مشاهدة المشاركة
    بالنسبة للبرنامج ده انا مشترك فيه وفي المستوى التاني اللي قللي واحد صحبي في المستوى ال 12 دلوقت سألته على الدورة لما لقيت ناس بيشتكوا منها وكمان عملت بحث في المنتديات لاقيت اللي بيشتم ولاقيت اللي بيشكر فيهم وطلعت من اللفة ده بالاتي :

    لاقيت معظم الناس اللي بيعيب فيهم مشاركتهم بتاريخ قديم يعني بيكلموا عن المنهج والنظام القديم لكن دلوقت المنهج اختلفت وبقى احسن من القديم
    نظام التعليم عبارة عن سيديهات تتفرج عليها وتطبق اللي فيها ومحتواها عبارة عن حاجتين :
    ال class و lab ودول بيبقوا فيهم شرح للمستوى تتفرج عليهم وتعمل منهم المشروع
    وحاجة تالتة ال private و ده حلول لمشاكل قابلت طلاب قبلك وبرضه على صوت وصورة و ده بتنزلها من الموقع
    وانت ممكن تعدي المستوى وتفهمه من غير مشاكل ما تقابلك ومن غير ماتتفرج على ال private لكن صحبي قاللي ان ده غلط جدا لانه في المستوى اللي 12 اكتشف ان فيه حاجات واقعة وعرفها بعد كده لما اتفرج على ال private
    فلازم الواحد يتفرج على التلات حاجات ويمكن الاخ Motta بيقول انها قشور بس عشان مكانش مهتم بال private

    وكمان المنهج بتاعها اتغير وبقى أحسن عن منهج اللي درسته في 2005 ومنهجهم القديم ده هتلاقيه منتشر في المنتديات هم تقريبا سربوه عشان دعاية ليهم والكلام ده صحبي عرفه منهم لما سألهم عن الكورسات المرفوعة في المنتديات

    بالنسبة لعدد المستويات هم 12 مستوى اضافوا عليهم 6 مستويات بتوع شهادات مايكروسوفت MCTS ,MCPD للويب والويندوز وده اللي اتهمنا وهم لسه بيجهزوا فيها وده عرفته منهم برضه
    http://www.agcacademy.com/forum/cert.asp

    في المستوى التالت بيتم تدريس فيه تصميم ويب
    وصحبي قاللي كمان انك بتتعلم ازاي تعمل البرامج التجارية اللي مطلوبة في سوق العمل زي برامج الصيدليات والمخازن والمدارس والتطبيقات التجارية ... لكن مش هتبقى جاهز انك تعمل برامج ضخمة زي الويندوز مثلا أو الأوفيس يعني تقريبا مستواك هيبقى متوسط أو فوق المتوسط في البرمجة

    هي مناسبة للمبتدىء في البرمجة واللي مش لاقي وقت يروح لمراكز
    بالنسبة للي بتتعلمه طبعا مش كل حاجة لكن بتدرس كم جيد بسعر متوسط


    مميزاتها : التعليم عن بعد وكثرة التطبيق والمشاريع اللي بتنفذها
    عيوبها : حكاية تشغيل الاسطوانات لازم تكون متصل بالنت ومتكونش مؤجل ولما تخلص الدورة كلها وتاخد الشهادات مش هتشتغل عندك لانك خلاص معودتش مسجل عندهم الا لو دفعت اشتراك شهري تقريبا 25 جنيه عشان تستفاد من الاسطوانات عشان لو حبيت تراجع

    من الاخر مفيش حاجة كاملة كله بيطلع فيه عيوب وممكن يكون العيب في الشخص ذات نفسه لو كان مش مجتهد ومعندهوش طموح فلما يروح يحضر كورس مهما كان المكان محترم اكيد مش هيستفاد حاجة

    في حلول تانية بالنسبة للتعليم عن بعد لشركة مصرية تانية اسمها pc lab نفس النظام بس من غير اشراف وليهم موقعين على النت وكنت شايفهم في معرض الاهرام اللي فات بصراحة ناش شغلها بيان عليه محترم :
    http://www.pclabgfx.com/ar/index.asp
    http://www.pclabacademy.com/default.aspx

    ولو لغتك الانجليزية حلوة نزل كورسات CBTnuggets , learnkey وشركات تانية وهتلاقيهم على النت هلى هيئة تورنتات
    والاخ motta حاطط لينكات ليها في توقيعه

    ولو انت مش فارق معاك الوقت والميزانية يبقى الأفضل انك تروح تاخد كورس في مكان محترم

    ولو انت متخرج جهز نفسك لمنحة وزارة الاتصالات اللي نازلة في شهر 9 المنحة ده ومنحة ITI أفضل حاجة في تعليم المجال ده

    الله ينور عليك هو ده الكلام اللي من الاخر
    انا رحت امبارح واشتركت في الكورسات وخدت اسطوانة ال pcd وقلي ان المنهج اتغير وذاد عن المنهج القديم بنسبة 300% عشان كده مبقاش في محاضرات بتتعمل في السنتر غير كل فتره عشان المنهج ذاد اوي
    بس عندي استفسار عن الاسطوانه دي هي اذاكر الفديوهات اللي فيها دي بس ولا في فديوهات هتكون اون لاين
    وانا شايف ان الفديوهات ممكن تشتغل علي اي كمبيوتر ومن غير نت ؟؟؟؟ ولا هي ال pcd بس الي كده ؟؟؟

  13. #13
    عضو
    تاريخ التسجيل
    Oct 2008
    المشاركات
    220
    معدل تقييم المستوى
    0

    رد: كل شىء عن دورة agc و نظام تعاملهم

    ال pcd هي اللي بس بتشتغل عادي واللي هتتفرج عليه كله موجود على الاسطوانة مش محتاج تنزل حاجة من النت

    لكن المستويات من 1 -12 بيبقى فيها ال class و lab

    وال private تنزله من على النت وومكن تطلبه على سيديهات لما تروح تدفع المستوى بس الأوفر تنزله من على النت وده مهم قوي لانه حلول لمشاكل ممكن تكون مقابلتكش لكن اكيد هتقابلك في المستقبل وغير كده هم سعات بيقصدوا ميقلوش حاجة مهمة في ال class و lab ويجيبوها في private

    بالتوفيق

  14. #14
    عضو الصورة الرمزية MohamadRe
    تاريخ التسجيل
    Jun 2005
    المشاركات
    370
    الدولة: Egypt
    معدل تقييم المستوى
    13

    رد: كل شىء عن دورة agc و نظام تعاملهم

    اقتباس المشاركة الأصلية كتبت بواسطة Mishaelanwar مشاهدة المشاركة
    الله ينور عليك هو ده الكلام اللي من الاخر
    انا رحت امبارح واشتركت في الكورسات وخدت اسطوانة ال pcd وقلي ان المنهج اتغير وذاد عن المنهج القديم بنسبة 300% عشان كده مبقاش في محاضرات بتتعمل في السنتر غير كل فتره عشان المنهج ذاد اوي
    بس عندي استفسار عن الاسطوانه دي هي اذاكر الفديوهات اللي فيها دي بس ولا في فديوهات هتكون اون لاين
    وانا شايف ان الفديوهات ممكن تشتغل علي اي كمبيوتر ومن غير نت ؟؟؟؟ ولا هي ال pcd بس الي كده ؟؟؟
    بص يا اخى
    النظام ده نزل وانا كنت بخلص
    كل اللى عملوه انهم نزلو الفيديوهات اللى كانت على الموقع
    وحطوها فى اسطوانات
    لو جيت بصيت للموضوعات دى هاتلاقيها بردوا قشوووووور
    على العموم براحتك
    بالنسبه للا سطوانه اللى انت خدتها دى من زمااااااااان قوى
    والله انا خايف عليكو
    بس براحتكو
    بالنسبه للموضوع ان مفيش انستراكتور ده والله اعلم عشان توفير مرتبات الانستراكتور
    والله انا لما برد على الموضوع ده بتنرفز جدا
    بس استاذن حضرتك اروح اصلى وارجع كملك
    سلام
    فى حفظ الله

  15. #15
    عضو الصورة الرمزية MohamadRe
    تاريخ التسجيل
    Jun 2005
    المشاركات
    370
    الدولة: Egypt
    معدل تقييم المستوى
    13

    رد: كل شىء عن دورة agc و نظام تعاملهم



    فلازم الواحد يتفرج على التلات حاجات ويمكن الاخ Motta بيقول انها قشور بس عشان مكانش مهتم بال private
    لا يا خى كنت مهتم بالبرايفت لدرجة انى كنت با طلب برايفت وانا من محافظه خارج القاهره
    وكان فيه واحد بيشرحلى
    بس ده خلاص كان زمان
    ولما طلعت من الجيش مكنش فيه الكلام ده
    ولو عاوز تاخد برايفت كنت تروح هناك تشوف المحاضره عندهم
    ومكناش بناخد اسطوانات غير اسطوانات العملى
    الموضوع كله بيوفرو فى مرتبات الانستراكتورز وبيطسبو اكتر من الاسطوانات


    بالنسبة لعدد المستويات هم 12 مستوى اضافوا عليهم 6 مستويات بتوع شهادات مايكروسوفت MCTS ,MCPD للويب والويندوز وده اللي اتهمنا وهم لسه بيجهزوا فيها وده عرفته منهم برضه
    الموضوع ده كان قبل كده وبردوا كان فيه مشكله بصراحه انا مش فاكرها تقريبا مكنش كامل ايوه وكان فى مشاكل فى الفيديوهات
    وهيا كانت ماده واحده بس MCP مش MCPD وده اللى هتاخده


    في المستوى التالت بيتم تدريس فيه تصميم ويب
    لكن بالنسبه للويب مكنش فيه الكلام ده بس اللى اخدناااااااااه وكان بردو مبادئ بلاش قشووووووووور فى ASP2.net

    وصحبي قاللي كمان انك بتتعلم ازاي تعمل البرامج التجارية اللي مطلوبة في سوق العمل زي برامج الصيدليات والمخازن والمدارس والتطبيقات التجارية ... لكن مش هتبقى جاهز انك تعمل برامج ضخمة زي الويندوز مثلا أو الأوفيس يعني تقريبا مستواك هيبقى متوسط أو فوق المتوسط في البرمجة
    ويندوز ايه يا استاذى الفاضل واوفيس ايه
    انا كنت فاكر زيك كده بس الموضوع هما كام امر هاتاخدهم مكررين فى كل موضوع جديد بشكل مختلف
    واعمل سيرش وشوف فضايحهم والناس اضحنهم الزاى وتقريبا كان فى منتدى برامج نت بس انا لاقيت مانعين
    فيه دلوقتى لما عملت سيرش على الموضوع ده ولاقيت المنتدى بتاع برامج نت عامل تحذير عن عدم تشويه سمعتها وتقريبا مسحوا الحاجات دى
    على العموم هاتلاقى مواضيع كتير بتبين اللى بقوله ودور كوييس قوى
    انا منكرش انى ليه فضل كبير انهم عرفونا بالبرمجه بس ضيعوا وقتنا فى قشور بسيطه بردو
    كنت ممكن تاخد حاجات اكتر منها فى حوالى شهر ونص او شهرين وتنجز وتشوف حالك


    هي مناسبة للمبتدىء في البرمجة واللي مش لاقي وقت يروح لمراكز
    بالنسبة للي بتتعلمه طبعا مش كل حاجة لكن بتدرس كم جيد بسعر متوسط
    حضرتك هاتصرف زى مهتصرف فى مكان كويس فى شهر ونص

    مميزاتها : التعليم عن بعد وكثرة التطبيق والمشاريع اللي بتنفذها
    المشاريع كتير ومش زى ماانت بتقول ومش هاتلاقى حد يقولك تعلم ايه لما تقابلك مشكله
    كان ايامى فيه واحد محترف موجود بيديلك البرايفت ولو حاجه وقفت معاك فى اى وقت بيقولك عليها
    دلوقتى خلاص انت والكمبيوتر ولو معرفتش هايقولك ان شاء الله هانزل فيديوهات فيها كل المشاكل اللى قابلتكو دى ونحلهالك

    عيوبها : حكاية تشغيل الاسطوانات لازم تكون متصل بالنت ومتكونش مؤجل ولما تخلص الدورة كلها وتاخد الشهادات مش هتشتغل عندك لانك خلاص معودتش مسجل عندهم الا لو دفعت اشتراك شهري تقريبا 25 جنيه عشان تستفاد من الاسطوانات عشان لو حبيت تراجع
    والله والله والله جبت منهم اسطوانات كتير فى لما بدأت تنزل الاسطوانات ده ومشتغلتش عندى اساسا
    ولما اقولهم الاسطوانات مش مش شغاله يقولو هانحلهالك ولا اتحل حاجه والله
    وكانت اسطوانات ال C#
    والاسطوانات اللى حضرتك واخدها دى نظامها انك بتاخد الكورس لمدة شهر وبعديه متروح مقفوله طب ايه اللى انت استفادته
    ده على كده احنا كنا احسن منكو عندنا الاسطوانات القديمه لغاية دلوقتى وشغاله
    افرض حضرتك عاوز تراجع حاجه تدفع فلوس يا سلام وهايشغلوهالك قد ايه بال 25 جنيه دى ممكن يكون اسبوع

    في حلول تانية بالنسبة للتعليم عن بعد لشركة مصرية تانية اسمها pc lab نفس النظام بس من غير اشراف وليهم موقعين على النت وكنت شايفهم في معرض الاهرام اللي فات بصراحة ناش شغلها بيان عليه محترم :
    http://www.pclabgfx.com/ar/index.asp
    http://www.pclabacademy.com/default.aspx
    شركة PC Lab شركه محترمه جدا واسطواناتها حلو بردو جيبها وان شاء الله هاتستفاد ان شاء الله

    ولو لغتك الانجليزية حلوة نزل كورسات CBTnuggets , learnkey وشركات تانية وهتلاقيهم على النت هلى هيئة تورنتات
    والاخ motta حاطط لينكات ليها في توقيعه
    للاسف كلها اسطوانات خاصه بالشبكات
    بس دور على النت وهاتلاقى كتب كتيره واسطوانات
    وفى كتب الاتاذ تركى العسيره كويسه بالعربى
    وفى
    vb.net Mastrring
    وكتير قوى وفى موقع arabteam2000
    موقع حلو قوى متخصص اكتر فى البرمجه وقواعد البيانات

    ولو انت مش فارق معاك الوقت والميزانية يبقى الأفضل انك تروح تاخد كورس في مكان محترم
    هو ده اللى بتكلم عنه

    ولو انت متخرج جهز نفسك لمنحة وزارة الاتصالات اللي نازلة في شهر 9 المنحة ده ومنحة ITI أفضل حاجة في تعليم المجال ده
    يبقى عملت خير بردوا
    ومنحة ITI افضل وافضل وافضل وخليك فى الفرع الرئيسى عشان انا روحت فى سنة 2007 تقريبا لاقيتهم بدأو يعملو مراكز فى المحافظات
    وطبعا المراكز الفرعية بيبقى مافيهاش نظام ولا رقابه زى الفرع الرئيسى
    بس يمكن دخولها صعب لا ن ليهم شروط كتيره رخمه منها
    بيحدد سنة التخرج ودده طبعا منفعنيش عشان انا خريج 2004 وهما كانو طالبين اقل حاجه 2005

    بس قدم واتوكل على الله يمكن العمليه اتغير ت
    وجهز نفسك فى الانجليزى كويس عشان فيه امتحان انجليزى
    وفيه امتحان ذكاء IQ وها تلاقى منوا كتير على النت
    ابحث فى جوجل ب iq test وانت تلاقى بلاوى
    وامتحان it وده بيبقى سهل وحلو بس بردوا بالانجليزى هو وال IQ
    وفيه انترفيو يعنى شد حيلك من دلوقتى استعد لها لو ناو تدخل وبيخلوك تمتحن TOEFL
    وتقريبا بيبدأ التقديم فيها من شهر 7 او 8 تابع على النت وفى الجرايد

    ومنحة وزارة الاتصالات بتبقى بعدها تقريبا فى شهر 9
    دى معرفش نظامها بس بيبقى فيها بردوالامتحانات السابقه بس خفيفه تقريبا شوسيه مش متأكد
    وبردوا تقريبا فيها انترفيو
    وربنا يوفق الجميع

    وانا اسف لو كنت قولت حاجه تزعلى حد بس ده راى من غير اى شتايم او كلام مالوش لازمه
    انا قولتلكم تجربتى كلها عشان متكلمش فى الموضوع ده تانى عشان بتنرفز لما بتكلم فيه
    وبتخنق قوى

    واسف عن اى اخطاء املائيه تكون حصلت سهوا
    لانى بكتب فى الموضوع ده من اول ما جيت من صلاة العشاء
    يعنى حوالى ساعه
    وجزاكم الله خيرا
    والسلام عليكم ورحمة الله وبركاته

صفحة 1 من 3 1 2 3 الأخيرةالأخيرة

المواضيع المتشابهه

  1. مشاركات: 0
    آخر مشاركة: 21-07-2013, 00:34
  2. مشاركات: 12
    آخر مشاركة: 11-02-2013, 21:13
  3. دورة شرح نظام التشغيل لينكس ubuntu 11.04
    بواسطة pro.eng في المنتدى الأرشيف
    مشاركات: 10
    آخر مشاركة: 14-10-2012, 14:30
  4. مشاركات: 8
    آخر مشاركة: 03-01-2012, 21:07
  5. دورة : نظرة عامة حول نظام ويندوز 7 إصدارة RC
    بواسطة NaAZoOR في المنتدى الأرشيف
    مشاركات: 26
    آخر مشاركة: 29-05-2011, 14:30

الكلمات الدلالية لهذا الموضوع

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •