اشحن موبايلك بدل من الشاحن العادي بوصلة يو اس بي (مجرب)

**طارق موسي** · 08-03-2009, 19:56

السلام عليكم ........
( توضيح بسيط وعك كتير ) :ah38: .. انا دائما ما انسي مفاتيحي و فلاشاتي و مذكراتي وكمان الشاحن بتاعي باختصار انا كتير مهمل .معلش في التوضيح
زي العاده دورت علي حل لموضوع نسيان الشاحن بتاعي لذا قمت بالتفكر و البحث والتدقيق لغاية ما قدرت اوصل لحل .

جبت ماوس يو اس بي وشاحن نوكيا و قطعتهم يعني ( بوظتهم) و بعدين لقيت مشكله ان الماوس فيه 4 سلكات باربع الوان و الشاحن 2 بس نعمل ايه في المشكله دي ؟؟؟؟؟؟؟؟؟؟؟
الماوس:- فيه 4 فردات سلك اتنين داتا وواحد كهربا وواحد ارضي للكهربا تما
الشاحن:- فيع اتنين بس ارضي و كهربا

نوصل الكهربا بالكهربا و الارضي بالرضي تمام بمعني اخر
كان عندي في الماوس لونين احمر و اسود وكذلك الحال في الشاحن وصل دول بس و اعملهم ميداله كده تقدر تحل مشكلة شاحنك لو كنت بتستخدم الحاسب كتيير .
معلش علي التقصير و التطويل ولو في اي استفسار انا هنا تحت امركم يا منتدايا العزيز بجد انا حبيت المندي ده
و لا تنسوني من صالح دعائكم
و في الختام سلام :ah27:

**magdymisr** · 08-03-2009, 22:00

فكرة رائعة وما اكثر الماوسات المعطلة لدى وما اكثر شواحن المحمول لدى ولكن
اتمنى ان اجد ضمان لديك لنسبة الفولت الموجودة فى ماوس
*كيف اضمن انى الكهرباءفى الماوس والشاحن بقدر واحد اعنى متساوية *

**طارق موسي** · 08-03-2009, 22:10

انا دلوقتي باشحن موبايلي بيها و لو مش مصدق براحتك

**طارق موسي** · 08-03-2009, 22:14

انا كتبت الموضوع و انا باشحن موبايلي دلوقتي لو مش مصدق براحتك

**__eRa__** · 08-03-2009, 22:42

أستغفر الله العظيم

هو كل فترة كده بيبقى فيه اختراعات غريبة بسبب تغيير الفصول

بص يا أخي الكريم

عملتها ازاي بالظبط؟
وعملتها ليه أصلا؟

اسمع يا سيدي الفاضل

عندي شاحن نوكيا عادي بصيت عليه ولقيت ال Output بتاعه كالتالي
5.7V /800mA
كمان الماوس بصيت عليها لقيت التيار اللي داخلها كالتالي
5V/15mA

يعني فيه اختلاف في الفولتات والأمبير بين الاتنين وده أظنه هيأثر عالبطارية (معلوماتي تقريبا صفر في الكهربا)
بس على الأقل لو مش هيأثر يبقى هياخد وقت طويل شوية علشان يشحن
مش مستاهلة أعرض البطارية للخطر

وطالما هتشحنها من كمبيوتر يعني هتكون في مكان فيه بشر وبيستخدموا كمبيوترات هتلاقي بردو معاهم موبايلات وشواحن وممكن تستلف شاحن دقيقتين تشحن بيه موبايلك ويامكترك يا سنترالات مصر

**طارق موسي** · 09-03-2009, 01:30

ههههههه (بس على الأقل لو مش هيأثر يبقى هياخد وقت طويل شوية علشان يشحن) .
شكرا اخي erg علي المعلومه دي اللي بتوضح بيها ان الموضوع ينفع

مشكور اخي علي ردك الجميل اللي حيخليني اذود في مواضيعي و مشاركاتي
اخوك في الله طارق موسي

**طارق موسي** · 09-03-2009, 01:33

و بعدين يا اخوان لو قريتو الموضوع ده انا قلت فيه ان المشكله مشكلتي اني بانسي و باتزنق في شاحن دي مشكلتي وده حلها للي عندو زيها
ولا تنسوني من صالح دعائكم

**MR-Razor** · 09-03-2009, 10:33

شـكـرا يــاغــالــي

اولا جــاري الــتــجــربــه

بــجــد انــا مــــقــدرش اقــول غــيــر انــك مــبـــدع

ويــاجــمــاعه بــدل مــن ان الكــل داخــل يــقــول اجـيــب شــحــن

هــو عــشــان لو مـفـيـش شــحــن او الوقت مـتـأخــر

يعني مجرد فكرة المفروض ان الواحد يشجعوا ويشكروا

**BLALBMW721** · 09-03-2009, 11:29

فعلا اللى بيدور بيلاقى وبيوصل لهدفه كمان
جزاك الله خيرا
استمر فى ابداعك

**طارق موسي** · 10-03-2009, 17:16

ال شكر اخواني علي الردود اللي حفزتني و شجعتني علي التواصل مشكورين.

**عتيق احمد محمد** · 10-03-2009, 18:23

تسسسسسسسسسسسسسسلم
----------------------------------------------------------
اضف الى الماوس والشاحن الكي بورد بتحصل على شحن موبايل بكهرباء ديجتال بس ماعليك الا تضغط صفر وواحد باستمرار