مشكلة كبيرة في WD 1TB ياريت يا جماعة حد يساعدني بسرعة

**TheMiller** · 10-03-2009, 05:34

إشتريت هارد جديد WD GREEN 1 TB 10EACS
وذلك بعد أن إمتلأ الهادين 320 و 250 تماما
لدرجة اني كنت حاطط حاجات مهمة على c
و يوم ما جيبت الهارد الجديد ولسة ما ركبتوش السيستم ( ويندوز xp sp3 ) وقع .... ما كانش راضي يدخل و كان مكتوب
NTDLR is missing please enter Ctrl + Alt + Del to Restart

نعمل ايه انا بقى .... هسطب ويندوز ....... طاب و البيانات اللي على الدرايف بتاع الويندوز

فكرت ... قلت أسطب ويندوز فيستا و بالمرة أقسم الهارد الجديد بأسطوانة الويندوز و أنزل الويندوز على أحد الدريفات بتاعة الهارد الجديد

مساحة الهارد الفعلية 935 GB

و قسمته من خلال خيار NEW - عند إختيار الدرايف الذي سيتم تسطيب الفيستا عليه - في ويندوز فيستا إلى 4 دريفات و لم يقبل أبدا إنشاء درايف جديد و لذلك قسمته إلى 4 درايفرات مساحتهم
400 , 400 , 50 , 50 . و بالتالي تبقى مساحة 35 GB unallocated

و عند التقسيم جعل الويندوز كل الدريفات primary و تعجبت من هذا الأمر و لم أعمل لهم format عند التسطيب

ونزل الويندوز على أحد الدريفات 50 gb
و بعد ما نزل رحت عامل new partition من Disk management عشان أعمل درايف جديد ياخد ال 35 GB الباقيين و فرمته و بعدها ظهر الهارد الجديد بالأصفر و كتب عليه Dynamic و بعديها فرمت باقي الدريفات quick format من My Computer

بعدين عملت شوية حاجات كدة نزلت أنتي فيرس و قعدت أظبت في الويندوز و عمل ريستارت بناء على طلب أحد البرامج

بعديها الويندوز ما رضاش يفتح وفتحلى شاشة كدة مكتوب فيها boot failed

سطبت الويندوز تاني مع العلم أن هذه المرة لم يظهر إلا درايفين من الهارد الجديد اللي هما كل واحد 50 gb عند إختيار البارتيشن اللي هينزل عليه الويندوز و بعدين بعد ما الويندوز نزل عمل ريستارت لوحده و عمل نفس الخطأ و مارضاش يشتغل

جبت أسطوانة herins boot cd 9.7 وحاولت أعمل تقسيم الهارد مرة أخرى من خلال برنامج Partition Magic المدمج بالإسطوانة بس عملي عليه لون أصفر و لم يجرى عليه أي عملية و طبعا مكتوب عليه Dynamic

و كان فيه برامج تصفح ملفات على الاسطوانة بس للأسف ما كانتش بتشوف الهارد خالص مع العلم إن البرنامج يدعم ال NTFS

و دلوقتي أنا سطبت ويندوز فيستا مرة أخرى و حاولت تقسيم الهارد من خلال Partition Magic أو management
و لكن الهارد متعلم بالأصفر و مكتوب عليه Dynamic :mad:

دي صورة من ال disc management

و دي صورة لل Partition Magic

و البارتيشنات بتاعت الهارد الجديد باينة في الmy computer

أنا دلوقتي مش عارف الحل إيه في الموضوع ده .... أرجو من السادة الأعضاء الإفادة بالحلول :confused: :confused:

**TheMiller** · 10-03-2009, 12:56

إيه يا جماعة انتو رحتو فين
مفيش حل ولا ايه :confused:

**The Black Death** · 10-03-2009, 13:44

السلام عليكم:

بص يا اخى هو اللى انا فهمته من مشكلتك إن اولا الملفات اللى على c اللى كانت موجودة محصلهاش مشكلة

دلوقتى إنت بتقول إن مشكلتك فى الهارد الجديد اللى إتحول بقى ديناميك ديسك

بص انا بحثت فى النت على الديناميك ديسك وعلى طريقة التحويل

لاقيت تقريبا والله اعلم إنك يستحسن إنك تحول لويندوز اكس بى علشان تعرف تحول الهارد لبيسك ديسك تانى وتقسمه من اول وجديد

بص هنا طريقة التحويل من ميكروسوفت

هنا

لذلك رايى إنك تحول لاكس بى وبعديت تتبع الطريقة اللى فى اللينك وتشوف المشكلة هتتحل ولا لاه

بالتوفيق

شكرا

**TheMiller** · 10-03-2009, 15:27

ألف شكر يا باشا ... الطريقة واضحة و سهلة جداً و أنا مش عارف أقولك ايه والله
و أعتقد أنه يمكن عمل ذلك من ويندوز فيستا بنفس الطريقة لأن أنا لقيت الخيارات دي في Disc management بتاع ويندوز فيستا
بس المشكلة برده إني لازم اسطب ويندوز على الهارد القديم عشان أعرف أحول الهارد الجديد إلى بيسيك
و إن شاء الله هجيب هارد أحط عليه الحاجات دي بعدين أسطب الويندوز و أجرب الحل ده