لسة مشترى شاشة lcd philips ولكن فى مشكلة (عنوان معدل)

**hamada_88** · 11-03-2009, 06:17

انا بفضل الله لسة مشترى شاشة lcd philips ولكن فى مشكلة الكلام عندى بقى بيتهز مش عارف ليه ومش ممكن طبعا يكون عين كبل لان الشاشة لسة جديدة وانا كمان دخلت فى السيتينج بتاع الشاشة وشوفت الphase والcolorومفيش فايدة برده ارجوكم الافادة انا لسه دافع فيها دم قلبى هاهاه واسف عالاطالة بس انا لسة مشترك جديد وعايز اشوف ردود رجالة المنتدى بقى

**hanybasha** · 11-03-2009, 19:53

الكلام بيتهز- قصدك ال text بس ولا المشهد بالكامل؟
اتأكد ان الكابلات متثبته كويس في الشاشه وفي كارت الشاشة
حاول تغير الـ refresh rate
لو فيه جنب الشاشه حاجه مجالها مغناطيسي عالي - سبيكرز قوية مثلا - ابعدها (ولو ان المفروض متأثرش).
جرب لو فيه خيارات بمعنى auto adjustment أو reset settings

**hamada_88** · 12-03-2009, 03:26

اخى شكرا على اهتمامك اولا وردك السريع
ثانيا هو الكلام بس هو اللى بيتهز
وثالثا انا شاكك فى الrefresh rate و reset
بس الrefresh rate اظبطه منين
والreset اخليه yesولا no
ارجو من الله الافادة ثم منك

**hanybasha** · 12-03-2009, 07:44

هل تقصد ان الكلام كأن فيه ظل له او نسخه تانيه منه خفيفه تحته بتتهز ؟

مثال:

لو كده فده عيب اسمه ghosting - ممكن نشوف له حل بس حنتظر اجابتك

ال reset اختار yes

لتغيير الرفريش ريت:
right-click the desktop, and then click Properties
Click the Settings tab, and then click Advanced
Click the Monitor tab

اختار بعد كده رفريش ريت مختلف من القائمة المنسدلة

**hamada_88** · 12-03-2009, 23:08

هو العيب فى شبه من كده انا غيرت الREFRESH RATE لقيتها اتحسنت شوية بس فى سؤال تانى هى الRESET اظبطها YES ولا NO والPHASE اظبطها على كام ومشكور يا اخى على اهتمامك ومستنى ردك

**hanybasha** · 12-03-2009, 23:47

بتقول العيب شبه كده - يبأه مشكله ghosting - حسب معلوماتي ان فيه حلوها بطريقه غريبه شويه حاول تجربها وهي:
خلي الشاشه معروض فيها صفحه بيضاء تماما (ملىء الشاشة) لمده - مثلا نص ساعه - وبعدين شوف المشكله اتحسنت ولا لأ.
يعني اعمل صوره gif مثلا بحجم الشاشه وتكون بيضاء تماما واعرضها full screen او اعرضها عن طريق السكرين سيفر.

ال reset اختار yes وشوف ان كان حيفرق.
ال phase جرب قيم مختلفه لغايه متوصل لأفضل قيمه.

**Nasr1** · 04-04-2009, 23:04

أنا أعتقد أن المشكلة دي تظهر أحياناً بسبب أن الأبعاد الي تستخدمها للشاشة مش مناسبة

حاول تجرب أكثر من نوع من الأبعاد وشوف أيه الإبعاد الي متظهرش فيها دي المشكلة :ah27:

**hamada_88** · 05-04-2009, 05:09

المشاركة الأصلية كتبت بواسطة Nasr1

أنا أعتقد أن المشكلة دي تظهر أحياناً بسبب أن الأبعاد الي تستخدمها للشاشة مش مناسبة

حاول تجرب أكثر من نوع من الأبعاد وشوف أيه الإبعاد الي متظهرش فيها دي المشكلة :ah27:

فعلا يامعلم المشكلة دى طلعت فالابعاد ياريتنى كنت اعرف كده من زمان اصل انا ودتها التوكيل بس الحمد لله ان عرفنا الحل برضه شكرا لكل الرجالة ودخلت وردت على الموضوع