الرجاء المساعدة فى شراء كارت شاشة

**قتيل القيصر** · 15-03-2009, 16:00

السلام عليكم ورحمة الله وبركاته

اخوانى انا فكرت اشترى كارت شاشة فلما دورت فى المنتدى لاقيت كلكم بتشكروا فى 9600 gt فقلت اشتريه ونزلت ادور عليه مش لاقيته فى المنصورة - مصر والقاهرة نزلتها يوم ادور برده ملاقيتوش
فالرجاء اى حد يقول لى كارت شاشة جيد جدا بميزانية 800 جنيه مصرى
انا بصراحة كنت هشترى كارت 9600 مهما كان ثمنه لكن دلوقتى انا اريد واحد جيد سواء كان geforce او ati بهذه الميزانية
وكنت عايز اسال برده على ثمن ال 9600 gt فى مصر
والرجاء المساعدة بسرعة
ولكم جزيل الشكر

**HD5870X2** · 15-03-2009, 16:50

ما هو الباور سبلاي عندك ؟

أفضل كارت في فئة سعر ال 800 جنيه من حيث الأداء هو ATI HD4830 1GB من Sapphire

مراجعتي الشاملة عليه هنا :

https://arabhardware.net/forum/showthread.php?t=110090

كم حجم الشاشة لديك ؟

**-M7mD** · 15-03-2009, 17:18

ATI HD4830 1GB خيار جيد

**قتيل القيصر** · 15-03-2009, 19:26

اخى بالنسبة للباور سبلاى انا جايب كيسه جاما وكانوا قالو انها احسن كيسه علشان الباور سبلاى بتعها جامد وهو 300 وات
وياريت تقول لى كذا نوع علشان لو مش لاقيت نوع معين اجيب الاخر اصل المكان عندنا هنا ضعيف فى بيع كروت الشاشة
وكنت عايز اعرف سعر 9600 كام فى مصر مش مهم 1 جيجا ممكن 512 ميجا
والشاشة عندى 17 بوصة lcd ومش ناوى اغيرها دلوقتى خالص ممكن اعطيها لاخى واخد انا بتاعته اللى هيا 15 بوصة lcd برده
واى معلومات اخرى انا حاضر وشاكر جدا مساعدتك
شكرا

**HD5870X2** · 15-03-2009, 20:01

آخر سعر سمعته لل 9600GT (اشتريته لواحد صاحبي كمان) هو 720 جنيه للنسخة ال 512MB وسعر ال HD4830 1GB وهو أقوى من ال 9600GT بفارق محترم هو 800 جنيه

بالنسبة للباور سبلاي أقترح تغيره بال Gamma HEC 400 وات على الأقل لأن حتى ال 9600GT علشان يشتغل كويس عايز 350 من نفس شركة Gamma HEC

**nemo_spider** · 15-03-2009, 21:55

طيب انت ممكن تجيب ati 4670 ومش هتحتاج تغير ال psu وهيكون ممتاز خصوصا ان الشاشة عند 17 بوصة
وسعره للنسخة ال 1 جيجا 570 جنيه

**moatez** · 15-03-2009, 23:19

المشاركة الأصلية كتبت بواسطة nemo_spider

طيب انت ممكن تجيب ati 4670 ومش هتحتاج تغير ال psu وهيكون ممتاز خصوصا ان الشاشة عند 17 بوصة
وسعره للنسخة ال 1 جيجا 570 جنيه

انا مع الكلام ده احسن خيار لك HD4670 ومش هتحتاج تغير الباور ولا حاجه وعموما هو اداؤه قريب جدا من 9600GT و بيتفوق عليه كمان فى نقطة السعر مقابل الاداء

**skyboyextreme** · 16-03-2009, 06:51

بدل الباور ال HEC 300W بتاع الكيسه الجامه بباورHEC 350W او HEC 400W من نفس اليباع الى هتجيب منه ال GAMA CASE و ادفع فرق بسيط و خد ال 4830 ! بجد على الشاشة ال 17 هيعيش معاك سنتين كمان تلعب على اعلى اعدادت و من غير تقطيع او تبطيء نهائى لانه بيتقارن مع 9800GT يعنى احسن من ال 9600GT و ال4670 و الكلام ده كله بكتير و فرق تافه جدا فى السعر !!!!! اسمع كلامى و خد ال 4830 ده احسن خيار مع شاشة 17 بوصه !

**قتيل القيصر** · 16-03-2009, 15:26

انا شاكر مساعداتكم جميعا
انا فعلا بمعمل حسابى انى اشترى كارت شاشة 4830 ati بس بردة المشكلة انى مش لاقيه دلوقتى فى السوق لكن وانا بسال عن الاسعار وكنت نازل اشترى فى واحد شكرلى فى 4670 ati لكن كان سعرة 680 جنيه مصرى فهل كان بيضحك عليا ولا الاسعار عليت ولا ايه والكلام ده من يومين بس
وشكرا لكل من شارك

**moatez** · 16-03-2009, 16:32

المشاركة الأصلية كتبت بواسطة قتيل القيصر

انا شاكر مساعداتكم جميعا
انا فعلا بمعمل حسابى انى اشترى كارت شاشة 4830 ati بس بردة المشكلة انى مش لاقيه دلوقتى فى السوق لكن وانا بسال عن الاسعار وكنت نازل اشترى فى واحد شكرلى فى 4670 ati لكن كان سعرة 680 جنيه مصرى فهل كان بيضحك عليا ولا الاسعار عليت ولا ايه والكلام ده من يومين بس
وشكرا لكل من شارك

ال HD4830 و HD4670 هتلاقيهم فى القاهره بسعر 800 و 570 جنيه بالترتيب والاثنين 1 جيجا والشركة المنتجه سافير وهتلاقيهم فى شركه اسمها ماكسيمم هاردوير - سوق العصر - الدور الثانى ورقمهم 0160771001

**skyboyextreme** · 17-03-2009, 07:07

680 جنية لل HD 4670 طبعا لاااااااا بيضحك عليك ساعتها حط 30 جنيه و هاتGIGABYTE 9600GT احسن منه ب 15 % ~ 20 % , انت ساعتها الكسبان :D هو سعره معروف من شركة SAPPHIRE و هو 570 جنيه ما يزيدوش تعريفة :ah50: