هل عرب هاردوير عاجز و مخوخ و مبقاش نافع

**toblina63** · 20-03-2009, 16:28

العنوان غريب حبتين و خصوصا في قسم المشكلات و حلولها

لكني ملاحظ ان كتير من المواضيع اللي بيحطها الأعضاء في القسم ده

يا إما مش بيترد عليهم خالص

يا إما بيترد عليهم رد مختصر جدا و ميحلش المشكلة

يا إما بيترد عليهم رد ملوش علاقة بالمشكلة اللي حاطينها

و بلاحظ قلة الزيارات على هذا القسم مش عارف ليه

ابسط مثال

هتكلم عن نفسي انا

كنت حاطط موضوع بعنوان /

مشكلة في الويب كام مع الياهو ماسنجر فقط !

وكان محتواها :

انا جبت ويب كاميرا جديدة بتتعرف لوحدها لا تحتاج لإسطوانة تعريف

و بمجرد ان اوصلها تتعرف تلقائيا تحت مسمى

USB Video Device و اجدها في الماي كمبيوتر و شغالة تمام

المشكلة اني جربت الكاميرا في السكاي بي و الهوتميل ماسنجر و الكاميرا شغالة تماااااااااام و حلوة جدا

انما

الياهوووووووووووووو ماسنجررررررررررررررررررررررررررررررررر

هوا المشكلة

كل ما افتحها في الياهو ماسنجر تظهرلي شاشة سودا

جربت كل الحلول و مفيش فايدة

جربت أولا :
من قائمة الياهو ماسنجر
messenger/
My Webcam/
File/
Preference/
و بلاقي في الCamera Source قاريها عادي و كله تمام
لأن مفيش غيرها متوصل بالكمبيوتر
يعني متعرف عليها في الCamera Source و كله تمام

و للأسف برده الشاشة سودااااااااااااء

جربت ثانيا :
messenger/
Preference/
Connection/
و اخترت No Proxies عشان ميبقاش في اي مشكلة

و للأسف برده الشاشة سودااااااااااااء

و جربت ثالثا :
اني اطفي كل الفايروول Firerwall اللي في الويندوز عشان ميبقاش في مشكلة

و للأسف برده الشاشة سودااااااااااااء

و جربت رابعا :
اني احمل النسخة الجديدة من الياهوو ماسنجر 9 بيتا لعل و عسى
و اجرب برده النسخة 8 من الياهوو ماسنجر لعل و عسى

و للأسف برده الشاشة سودااااااااااااااااااااااااء

ما الحل ؟

الا يوجد حل ؟

الغريب ان الياهوو قاري الكاميرا لكنه بيظهر الشاشة بتاعتها سوداااااااااااااااااا ليه ؟؟؟؟؟؟؟؟؟؟؟؟

و الغريب ان الكاميرا شغالة تمام مع كل البرامج زي الهوتميل ماسنجر و السكاي لكن الياهووو بس المشكلة دي فيه

منتظر ردكم لأني في حيرة من أمري

و الغريبة ان محدش رد عليا و لا قال حتى اقتراح و لو غلط

و فضل الموضوع ينزل لغاية ما بقى في صفحة تانية غير الصفحة الأولى

ده مثال صغير للإهمال و اللامبالاة

انا اسف اذا كان كلامي صعب شويه

او جامد شويه

لكن دي الحقيقة

و مش بموضوعي بس

لا في كتير من المواضيع هنا مش بيترد عليها و بتتساب لغاية لما بتبقى في أخر صفحة المنتدى

فهل من وقفة ؟

و هل من حل لمشكلة المنتدى اولا

ثم مشكلتي؟

**nedal2007** · 21-03-2009, 16:43

السلام عليكم
اخى الكريم كون ان حد يرد على موضوعك او يقدم لك مساعدة من عدمه فى حرية شخصية
ثانيا كون ان فى ناس مش بترد او بتعطى حلول مختصرة فيمكن لان ده اللى يعرفوه
وعموما مهما كانت الاسباب ليس من اللائق انك تقول كده على المنتدى لانه حتى لو فيه عيوب فله مميزاااات اخرى كثيرة

**eslam mo7amed** · 21-03-2009, 17:42

أخي كن بشوشاً عند طلب المساعده

وكما قال الأخ nedal2007 الموقع لا يتأخر على أحد بأى مساعده

الصبر .....

أما مشكتك احذف الياهو ونزل اصدار احدث او اقدم المهم تغيرها وجرب وقولى بالتوفيق

**UNREAL** · 21-03-2009, 18:24

اللي يشوف موضوعك يقول قاعد تصرف مرتبات شهرية للمشرفين الله يهديك بس؟
أخي ولو كنت فضاً غليظ القلب لانفضوا من حولك... وما كان الرفق في شيء إلا زانه...

وترى طبيعي وضعك، أنا كمثال مشترك في المنتدى منذ قرابة السبع سنوات وأكثر الأحيان لا أجد إجابة شافية على تساؤلاتي,,,
ولكن لا أتذمر وأتأمر... لأنني متأكد لو أن أحد عنده الحل لكان سيرد علي دون تردد.

سؤال جانبي: إيش معنى يخوخ؟

أتمنى لك التوفيق

**Mubarak** · 21-03-2009, 19:22

أخي بارك الله فيك، نشكرك على نقدك البناء، لكن هذه الالفاظ التي استخدمتها ربنا حيحاسبك عليها.
ونعتذر لك على عدم وجود رد شافي ولكن مثل ما قال الاخ Unreal هناك اسباب كثيرة لعدم وجود الرد.
مع ذلك سيتم اخذ موضوعك بعين الاختبار وليتك وضعته في قسم الشكوى، هناك تستطيع ان تشتكي دون ان تستفز مشاعر الادارة والاعضاء.

**toblina63** · 21-03-2009, 19:45

اعتذررررررررررررررر و بشدة اذا كان في اسلوبي شيء من الفظاظة

فأنا ايضا اتعلم الكثير و الكثير من الموقع

و لكني حزنت على المشاركات في هذا القسم

و هذا ما جعلني اقول هذا الكلام

و اكرررررر

اعتذر عن اي اسلوب قد يفهم بسوء للموقع

و اسف للإطالة

**النديم** · 21-03-2009, 21:06

الأخ toblina63،
طلبتُ ذات يوم - وكنتُ عضواً حديث العهد بالمنتدى - أن يزودني مَن يقدر من الأعضاء بأحد البرامج التي كنتُ أحتاجها، وظل طلبي دون إجابة دون أن أعلق بشيء على ذلك، ثم بعد ثلاثة أشهر لبى أحد الأخوة الطلب بأن وضع البرنامج المطلوب على موقع إستضافة وكتب الرابط في رده على طلبي، فكتبتُ أشكره على مساعدته.
من حقك أن تحظى بإجابة سؤالك أو طلبكَ، لكن لاحظ أننا منتدى تطوعي صرف... فالجود من الموجود كما يقول المَثل، ليس هناك من شيء إجباري هنا. أنا مررتُ على مشكلتكَ ولم أهتدِ فيها لبصيص حل ( العقدة أن الكاميرا تشتغل مع جميع برامج المحادثة الفورية الأخرى) وكنتُ أستطيع أن أشير عليكَ بمراجعة إعدادات الكاميرا من داخل الياهو، لكن المنطق لايقبل هذا الحل كون الكاميرا تشتغل بذات الوضعية مع بقية البرامج، فقلتُ في نفسي لعل غيري عانى من ذات المشكلة وسيكتب الحل. لم ينبري أحد للحل، وهذا شيء إعتيادي جداً. وكان المطلوب منكَ إعادة تأكيد الموضوع بطريقة أو بأخرى ليعود للصدارة.
يكفي إعتذاركّ عما وصفتَ به المنتدى لتفهم جوهر الموضوع وعسى أن يكون الصبر وحُسن التدبر وسيلتاك وأنت معنا.
حتى الآن لم تقل لنا معنى "مخوخ":p
النديم

**crashplant** · 21-03-2009, 21:07

سؤال جانبي: إيش معنى يخوخ؟

أتمنى لك التوفيق[/quote]

:D يخوخ يعني يبقي عجوز و اجوف من جوه او يشيخ :D:D:D:D

**nedal2007** · 22-03-2009, 22:32

السلام عليكم
والله شئ جميل اسلوبكم واحتوائكم للموقف يا عرب هاردوير وياريت يكون الاسلوب كده على طول
وجزاكم الله خيرا
اما بالنسبة للاخ toblina63 فصدقنى الغرض من الرد على موضوعك هو محاولة انك تفهم الوضع ونصحح الاسلوب فى النقض لان الواحد ساعات بيبقى محتاج حاجة فبيضايق لما مش يلاقى مساعدة
وجزاك الله خيرا