الإمكانيات المادية 4500 جنية مصرى ولا استطيع اكثر من ذلك
الغرض منه العمل على برامج الجرافيك والفوتوشوب بشكل كبير جدا فأنا اعمل بالدعاية والاعلان وتصميم اليافتات للمحلات
تشغيل نظام تشغيل ويندوز 7 وأيضا ويندوز XP
سمعت ان ديل افضل الموجودين حاليا
ياريت لو يساعدنا احد بأى معلومات
شكرا جزيلاً مقدما
لو عايز تاخد نصيحه من مصمم جرافيك قديم
بلاش لابتوب الا لما يكون عندك ديسك توب كويس جدا لأن بالثمن ده مش هتلاقي حاجه بالصوره اللي دماغك فيها
و طبعا اذا جيت تشتغل على مطبوعات و ريزليوشن 300 هتندم على الجهاز اللي جبته
نصيحتي ليك تجيب ديسك توب عادي AMD
و هيظبطلك الدنيا و رامات 4 جيجا و ماذر محترمه و كمان كارت فيجا نار و هتستريح جدا
انا كنت زيك كده بس في الاول لقيت اني الاريح ليا اجيب ديسك توب ممتاز و بعدين افكر في اللابتوب
و بعدين شاشة اللابتوب بتتعب جدا و اسأل مجرب
و كمان الشحن بالكتير 4 ساعات لو مشغله كده على الخفيف
على فكره الديسك توب هيخليك تدخل في المجال اوي و هيزود امكانياتك الماديه كمان و يخليك تنجز في الشغل و بعدها هوه اللي هيجيبلك اللابتوب اللي تستريح فيه
فكر تاني و مش هتندم
بالتوفيق
المفضلات