محتاج مساعدة في شراء لاب - مصر

[T3V4]

السلام عليكم ورحمة الله وبركاته

أنا من مصر وبالتحديد من المنصورة وبفكر اشتري لاب الفترة دي ان شاء الله.

أنا سألت في المنصورة وشفت موديلات وعجبني اتنين أو ثلاثة منهم بس انا بفكر أشتري من القاهرة أو اسكندرية خصوصا ان الموديلات هتبقى أكتر .

فياريت حد يقولي أماكن تكون مشهورة ومضمونة أشتري منهم في القاهرة أو اسكندرية ويايرت يحط رقم تليفونات ويحدد المكان بالظبط لأني معرفش قوي فيهم من الأخر :D

وكمان فكرت في الشراء من على الانترنت بس لسه خايف من الخطوة دي وكمان مش عارف اعمل ايه فاذا كان حد جربها ياربت يقولي .


الحاجة التانية بالنسبة للماركات
هو مش فارق معايا قوي بس حاجة للزمن عشان الضمان , ايه الماركات اللي ليها مراكز خدمة في مصر والماركات اللي عبارة عن مستورد بس , وايه نظام الضمان فيهم؟

بالنسبة لنسخة الفيستا اللي باخدها مع اللاب , أنا سمعت ان في شركات ممكن تديني اللاب من غير الاسطوانة , وفي الحقيقة أنا مش محتاجها أصلا فهلي ممكن حاجة زي دي تتعمل فعلا , لأني لما سألت في المنصورة مرضوش !!


كمان خدمة
هل في مواقع بتقدم خدمة مقارنات بالنسبة للموديلات المختلفة زي مواقع الموبيلات كده , لو كان في ياريت تدلوني !!




بارك الله فيكم

[aborody]

يا اخي الكريم :
انزل المول في شارع جامعة الدول العربية اسمه كمبيوسيتي مول فوق سوبر ماركت مترو الدور الثاني او الثالث محل اسمه الشرق الاقصي . ناس محترمين جدا و عندهم مختلف الاشكال و الانواع .
ربنا يوفقك

[T3V4]

بارك الله فيك .

طيب بعد إذنك لو تعرف تجيبلي رقم التليفون بتاع الشركة أو ايميلهم أتواصل معاهم قبل ما اروح واعرف عندهم ايه الأول ,
لأن انت عارف مش لسه هنزل والف واختار , انا هروح على مكان ابقى عارف ان اللي انا عايزة موجود ان شاء الله بدل ما اروح على الفاضي ..

شكرا

[T3V4]

طيب بالنسبة لباقي الاستفسارات متقدرش تفيدني ؟

[SeeNoEvil]

النسخه الاصليه لو نازله مع الجهاز مش شرط تكون على اسطوانة
بتكون متسطبة عليه
ومعمول ليها ريكوفري برضو على الهارد
ممكن تشيله على dvd

[T3V4]

شكرا يا دكتور حسام

بس انا مش عايزها اصلا ,,, فهل لو ما أخدتهاش هيزل في السعر ولا مش هيرضوا أصلا ؟

[Mezoxin]

لأ هي النسخة بتنزل مع الجهاز كدة كدة فحتشتريها إجباري
زائد ايه ميزانية حضرتك و استخدامك ؟

[T3V4]

واضح أن دا مطلب شعبي :D

طيب بالنسبة للويندوز مش مشكلة , عوضنا على الله وخلاص

بالنسبة لاستخداماتي انا بشتغل شغل متوسط مش عالي قوي يعني على قد النظام وتصفح النت وشوية البرمجة على virtualization و شوية جرافيك بس على خفيف مش تقيل قوي.

والميزانية في حدود 4000 الي 4500 , وممكن أهزها ل 5 بس لو حاجة تستاهل :D


شكرا لاهتمامك يا فندم

[Mezoxin]

https://www.e3050.com/Itemdesc.asp?i...9M006AR&eq=&Tp=


شوف دة

[T3V4]

امممم

هو جميل جدا الصراحة

بس أنا نسيت أقول ان الافضليه عندي لل AMD لو أمكن !

وكمان حضرتك الموقع ممكن يبعتلي اللاب للمنصورة لو اشتريته اونلاين ؟

[Mezoxin]

امممم

هو جميل جدا الصراحة

بس أنا نسيت أقول ان الافضليه عندي لل AMD لو أمكن !

وكمان حضرتك الموقع ممكن يبعتلي اللاب للمنصورة لو اشتريته اونلاين ؟

الأفضلية لل-core2duo بالنسبة لأجهزة المحمول كى أداء و حرارة و إستهلاك طاقة ، بالنسبة للموقع أنا متعاملتش معاه قبل كدة بس بيديك فكرة عن اللاسعار بشكل عام

[T3V4]

الأفضلية لل-core2duo بالنسبة لأجهزة المحمول كى أداء و حرارة و إستهلاك طاقة ، بالنسبة للموقع أنا متعاملتش معاه قبل كدة بس بيديك فكرة عن اللاسعار بشكل عام

موضوع الحرارة دا اختفى تقريبا والكفاءة تقريبا متقاربة حاليا
أنا بستخدم AMD على الدسكتوب ومفيش منه أي مشاكل وأكتر من ممتاز الصراحة :ah4:

أيا كان أنا مش قافل دماغي على حاجة معينة لسه ومش هتفرق لو جبته amd او intel دا اذا مدخلتش اعتبارات المقاطعة لاسرائيل في الحسابات :D

بالنسبة للموقع اللي حضرتك قلت عليه فهو كويس الصراحة وانا لقيت على الموديل دا

ولو بصينا لمعالجات amd & intel اللي موجودين في المودلين وهما ZM-82 & T6400 هنلاقيهم قريبين جدا من بعض !! بالذات في الاستهلاك اللي حضرتك بتتكلم عنه ..

أيا كان أنا شاكر لحضرتك جدا ومعلش تعبتك معايا .
هكمل انا بحث عن الموديلات وإذا حضرتك لقيت حاجة مناسبة ياريت تقولي وابقى شاكر لحضرتك

بارك الله فيك .

[Mezoxin]

موضوع الحرارة دا اختفى تقريبا والكفاءة تقريبا متقاربة حاليا
أنا بستخدم AMD على الدسكتوب ومفيش منه أي مشاكل وأكتر من ممتاز الصراحة :ah4:

أنا مش قصدي على موضوع الحرارة اللي كان زمان ، أنا قصدي إن ال-turion بيسخن أكثر من ال-c2d شوية
أنا مش بقول إن انتل أحسن من amd أو العكس لكن في رايي ال-c2d أفضل من ال-turion ، ل لو جيت تقارن سلسلة ال-turion بال-c2d و شفت المقارنات اللي معمولة مابينهم حتلاقي ال-c2d متفوق عند نفس ال-clock speed
https://www.notebookcheck.net/Mobile...st.2436.0.html

بالنسبة للموقع اللي حضرتك قلت عليه فهو كويس الصراحة وانا لقيت على الموديل دا

ولو بصينا لمعالجات amd & intel اللي موجودين في المودلين وهما ZM-82 & T6400 هنلاقيهم قريبين جدا من بعض !! بالذات في الاستهلاك اللي حضرتك بتتكلم عنه ..

أيا كان أنا شاكر لحضرتك جدا ومعلش تعبتك معايا .
هكمل انا بحث عن الموديلات وإذا حضرتك لقيت حاجة مناسبة ياريت تقولي وابقى شاكر لحضرتك

بارك الله فيك .

ال-toshiba أفضل في كرت الشاشة ال-HD3650 أحسن بكتير من ال-hd3470 و الفرق مابينهم 100 جنيه بس

[one-zero]

في اسكندرية ارشح لك كارفور
او خد معاك واحد اسكندرني فاهم الاسعار و روح مول الكومبيوتر في سموحة

HP . LEVANVO , DELL

وبالتوفيق ان شاء الله

[T3V4]

شكرا wobooo لاهتمامك

ان شاء الله هحاول