الشركات المتاح التقديم بها في مجال الشبكات سيسكو

**lesa_hena** · 02-04-2009, 20:08

يا جماعة ياريت بجد حد يفيدنا بمعلومات عن الموضوع دا لانه لايفل اهمية عن الحصول علي الشهادة .يعني بعد اما اخلص ccna و ccnp او voice اروح اقدم فين واسال فين مع ولو كمان كنت مهندس اتصالات_طبعا في مصر_.
لاني بدات اسمع عن ناس كتير بتاخد الشهادة وبتكون فاهمة كويس ومش بتلاقي شغل علي الرغم اني اسمع ان المجال دا من اكتر المجالات نموا وشغله متاح نسبيا.
وياريت ياجماعة كل واحد ربنا وفقه في شغل يقولنا قدم ازاي وحصل معاه اية وبياخد كام _طبعا الشغل دا مسالة نصيب وتوفيق من ربنا _بس مفيش مانع يعني نستفاد من خبرة من سبقونا في هذا المجال يعني انا اسمع ان بعض الناس اول مابتروح شركة زي تي داتا او لينك بيروحوا الاول كول سنتر

**م/ أحمد بخيت** · 02-04-2009, 23:18

بوص سيبك م الكلام دا
انا اقول لك قدم في كل قطاع الشركات الموجودة في مصر
ليه ؟؟؟
لأن كله دلوقتي محتاج IT
وكمان اللي عاوز اقوله انت صعب شوية عليك انك تبدأ مع شركة كبرى
لكن الاهم حاول تاخد مجال خبرة
والله ولي التوفيق

**lesa_hena** · 03-04-2009, 17:22

شكرا علي ردك يا استاذ eebng علي فكرة انا فاهم ان عمري ما هبدا بشركة كبيرة واني لازم اخد خبرة بس السؤال اخد الخبرة دي فين واية هي اسماء الشركات وعناوينها والتفاصيل اللي انا كرتها
شكرا ليك مرة اخري

**م/ أحمد بخيت** · 04-04-2009, 03:32

اوك
بوص شوف انا كنت عاوز اقول لك حاجة
انا مش اقدر اقول اسامي شركات لأن الكلام دا يعتبر دعاية ليهم
ع العموم
انت تقدر تدور بنفسك
والكلام دا مش مشكلة
روح عند شركات الاتصالات او الاقمار الصناعية او الشركات الكبرى في اي مجال غير الاتصالات راح تلاقي عندهم اكيد سيستم شبكات تقدر تستفيد منه
او اي شركة فيها قسم IT

**lesa_hena** · 04-04-2009, 18:48

merci eebng

**GHOSTEID0** · 04-04-2009, 18:59

بالتوفيق باذن الله

**الونين الخالد** · 05-04-2009, 13:52

حبيبي بسال لو تقدر تقولنا كم ارواتب حقها لانه احنا مهندسين اتصلات فمتحمسين للتخرج (من باب التحفيز)

**م/ أحمد بخيت** · 05-04-2009, 21:46

في مصر ؟؟؟
البداية مش بتكون أقل من 3200 جنيه مصري
ودا مبلغ محترم جداً كبداية
لكن خليني أقول لك
مش مهم الفلوس على قد ان البداية في شركة ليها اسمها بتخلي السي في بتاعك ممتاز
وكمان انت تقدر تروح بعدها شركة كبيرة برضو لكن الراتب راح يكون عالي ان شاء الله

**eng_aamer** · 05-04-2009, 22:48

انت متاكد من موضوع مش اقل من 3200 جنيه مصري دي؟

**lesa_hena** · 05-04-2009, 23:11

انا اعرف ان الواحد لما بيروح في الاول بدون خبرة بياخد بحد اقصس 2000 جنيه والموضوع دا تحديدا بالنسبة لشركات الانترنت في مصر وطبعا ممكن يزيد بعد كدة
بس انا اعتقد ان في الاول خالص لو قديمت هتروح call center بس اعتقد انك هتاخد اقل من 2000 جنية لو روحت هناك
اتمني ان يكون موضوع 3200 جنية صحيح بس معتقدش يعني(مع كامل الاحترام للاستاذ eebng)