سؤال بخصوص شبكة lan

[الانيق الاشقر]

السلام عليكم ورحمة الله وبركاته
فى اسألة محيرانى يا جماعة ولو سمحتوا ساعدونى بخصوص شبكة lan
انا عندى روتر متوصل بيه ثلاثة سوتشات وكل سويتش متوصل بيه ثلاثة اجهزة
السؤال الأول:- انا كده عندى كام شبكة لان
السؤال التانى:- هو ايه ال بيحدد ان الشبكة دى شبكة لان السويتش ولا الرتر بمعنى تانى فى الصورة ال ظاهرة
الاجهزة ال متوصلة بسوتش رقم واحد دى شبكة لان والاجهزة ال متوصلة بسوتش رقم اتنان دى شبكة لان و الاجهزة ال متوصلة بسوتش رقم ثالثة دى شبكة لان ، ولا الصورة كلها شبكة لان وحدة عشان متوصلة بروتر واحد
السؤال الثالث:- لو كان كل سوتش والاجهزة ال متوصله بيه شبكة لان ، ينفع التسعة اجهزة كمبيوتر بالوضع ده يكلموا بعض ولا لازم subinterface
السؤال الرابع:- انا اشتركت فى خدمة النت وهعمل شبكة نت فى البلد ايه هى احتياجاتى ولو سمحتوا ياريت يكون فى مخطط يوضح الشبكة

مشكووووورين

[tagwar]

اخي الكريم
ما شاء الله انته عاوز تعرف كل حاجه في سؤال واحد

عموما الي اقدر اقلهولك دلوقتي ان الشبكه المرسومه فوق دي كلها شبكه واحده

علي حسب كلامك لانهم كلها بياخدو من سيرفر واحد او راوتر واحد فاكيد بيديهم من نفس الIP Range فكده دي شبكه واحده

اعتقد ان اجابتي الاولي بتوفر اجابه لل 3 اسئله الاولي


لو عاوز تعمل شبكة نت في البلد مش بتحتاج حاجه غير اشتراك نت سريع مع كابلات مع سويتشات مع ربيترز والشبكه بتكون بنفس الشكل الي انته راسمه ده
دي طبعا ابسط حاجه واسهل حاجه

[الانيق الاشقر]

لو سمحت يا اخى انا عندى سؤال تانى معلش هتقل عليك
على كلامك يا اخى انا فى الصورة دى شبكتين لان



طب انا لو حبيت اخلى الاجهزة ال فى الشبكة رقم واحد تكلم الاجهزة ال فى الشبكرة رقم 2
اعمل ايه
تانى حاجة يا اخى انا لم بعمل vlan الاجهزة ال فى كل لان مينفعش تكلم الاجهزة ال فى لان تانيه
طب ازاى هم كذا لان وهم بخدوا من روتر واحد
مشكوووووووووور اخى وبارك الله فيك وفى كل القائمين على المنتدى

[yasser3da]

أولا أسمحلي أخ tagwar اني أرد علي السؤال ده
أولا حبيبي هانفترض ان الشبكتين workgroup يعني peer to peer ماشي
الحلول قدامك كتيير عشان الاجهزة من كل شبكة يقدروا يكلمو بعض
1-remote assistant
كمان في remote desktop
ثالثا عندك vpn أو Virtual private network

لكن كل ده لازم ب real ip
الموضوع بأختصار ال real ip هو ال ip اللى انتا بتأجره من موزع خدمة الانترنت وبيكون خاص بيك
ال static ip هو ال ip اللى انتا بتكتبه بأيدك فى فى الجهاز سواء كان real او virtual

في عندك حل تاني بقي وهو بتاع الشركات وهو عمل server ودي بقي قصة كبييييييرة جدا
أرجو اني أكون وفقت في التوضيح
تحت أمرك في أي استفسارات

[Black Bird]

السلام عليكم


اخي العزيز اجوبت اسألتك بأختصار ...

السؤال الاول : عندك شبكه واحده ..

السؤال الثاني : الي بيحدد عدد الشبكات الرواتر

السؤال الثالث : اكيد في كونكشن بين التسعه اجهزه ولا مالفائده اصلا من الشبكه ؟!!

السؤال لارابع : وظح السؤال اكثر ؟

وبالنسبه لسؤالك في الرد الثاني ..

تقدر توصل الشبكه الاولى والشبكه الثانيه .. عن طريق توصيل الرواترين بسلك ( السيريل ) .. وبعدها بيكون اي جهاز في الشبكه الاولى يتصل بأي جهاز بالشبكه الثانيه ..


علماً انك تحتاج برمجه او اعدادت بروتوكولات الرواتر ؟؟

واي مساعده انا في الخدمه
تحياتي