النتائج 1 إلى 3 من 3

الموضوع: شرح تفصيلى للعبة سيلك رود بالصور وفلوس وايتم والله ببلاش لكل العرب

  1. #1
    عضوية جديدة
    تاريخ التسجيل
    Apr 2009
    المشاركات
    13
    معدل تقييم المستوى
    0

    Thumbs up شرح تفصيلى للعبة سيلك رود بالصور وفلوس وايتم والله ببلاش لكل العرب



    السلام عليكم ورحمة الله وبركاتة


    شرح كامل للعبة سيلك رود بالصور
    الموضوع كامل فى هذا الرابط




    او


    www.silkroad-4arab.blogspot.com




    أولا أحب أن أنوة إن الموضوع غير منقول وانة بمجهودى الشخصى غير الملاحظات القليلة جدا من الموضوع وأترككم مع الشرح وأرجو أن أكون قد وفقت في طرح هذا الموضوع وهناك مفاجاءة أخرى في نهاية الموضوع أرجو أن تعجبكم سأخصص جولد وايتم مجانا لكل من يتم تسجيلة أو دخولة الموقع سأعطى 50 ك لكل من يقوم بدخول الموقع وايتم مجانا أيضا فرجاء اخبر أصدقائك حتى تعم الفائدة للجميع وسأقوم بشرح كيف تحصل على الجولد بالتفصيل في نهاية الشرح والله المعين كما أسالكم الدعاء أترككم مع الشرح



    الجزء الاول


    جئتكم اليوم بشرح وافى بالصور لللعبة الاسطورة سيلك رود انا لما لعبة اللعبة اول مرة حسيت انى مش فاهم حاجة خالص فكل ما دوس على زرار تطلعلى قائمة وانا مش عارف لزمتها اية بعد كدة الحمد الله بقيت حريف فى اللعبة دى علشان كدة انا حاسس باللى عايز يلعب اللعبة دى وهنبدا من الصفر لحد ما تبقى عشرة على عشرة بس ركز معايا شوية فالاول علشان حضرتك تلعب اللعبة دى لازم تعمل حساب او اكونت ليك فى موقع اللعبة ودة عبارة عن يوزر نام وكلمة سر علشان تخش بيهم بعد كدة والاكونت غير اسم الشخصية اللى هتلعب بيها طبعا ودة رابط وعنوان الموقع
    www.silkroadonline.net
    هتلاقى حاجات كتير سيبك منها دلوقتى ودور على كلمة كريت اكون
    creat acount دوس على
    هتطلعلك صفحة تانى بيطلب منك شوية بيانات كدة اسمك واسمك التانى او اسم العائلة المهم اكتب اى كلام بعد كدة هتلاقى النيك نيم حط اى اسم ودوس بعد ما تكتبة على كلمة تشك
    chek على اليمين
    علشان تتاكد ان الاسم مش محجوز المهم اكتب لحد ما يقلك
    valide nam
    يعنى كويس الاسم مش محجوز وبعدين هيطلب منك الاميل اكتبة صح ودوس تشك بردة زى الخطوة اللى عدت
    وبعد كدة السؤال السرى ودة مهم جدا لازم تركز وتشوف اللى هتكتبة لانك بعدين لو حبيت تغير كلمة السر هيطلب منك اجابة السؤال السرى دة بعد كدة هيعوز منك اليزر نام والباسورد ودول اللى هتخش بيهم اكتبهم زى ما انت عايز واعمل تشك بردة وبكدة يا صاحبى يبقى معاك الاكونت ودى الخطوة الاولى يا رب اكون وفقت فى الشرح



    شرح كامل للعبة سيلك رود بالصور
    الموضوع كامل فى هذا الرابط




    او


    www.silkroad-4arab.blogspot.com



    الجزء التانى


    بص يا باشا هنشرح دلوقتى نوع اللبس الاول عايزك تركز ان كل لبس لية قوة دفاعية جسدية وقوة دفاعية سحرية كل لبس لية ميزة ولة عيب فى 3 انواع من اللبس ليك حرية الاختيار الاول ارمور ودة يا برنس اعلى قوى دفاعية جسدية بس اقل دفاعية سحرية النوع التانى ودة جرمنت ودة اشد قوة دفاعية سحرية بس افل فوة دفاعية جسدية والنوع التالت بفى وسط بين الاثنين ودة اسمة بردوكتر ودى صورة للتوضيح


    شرح كامل للعبة سيلك رود بالصور
    الموضوع كامل فى هذا الرابط



    او

    www.silkroad-4arab.blogspot.com




    الجزء الثالث


    هاشرح هنا نوع الاسلحة وهبدا بالصينبة وفى 4 اواع من الاسلحة التى يمكن ان تمسكها
    اولا السبير
    spear
    ودة عبارة عن رمح القوة الهجومية كبيرة اوى وبيضرب من مسافات بعيد بس عيبم مش ماسك درع
    ثانيا الجليف
    glive
    ودة ضربتة شديدة بس بطى اوى فى الضرب وبيضرب مسافات قريبة
    ثالثا البليد و السويرد
    blade & sowerd
    ودة اللى هو السيف والدرع ضربتة ضعيفة شوية وبيضرب من مسافة قريبة بس ميزتة الحلوة الدرع اللى بيعمل بلووك او تفادى لبعض الضربات اللى احيانا بتقلب مسار المعركة
    رابعا الكرسبو
    cres bow
    ودى النبلة او القوس وضربتها شديدة ويتضرب من مسافات بعيدة بس من عيوبها انها بتضرب وحش واحد كل مرة انما الاسلحة اللى عدت بتضرب تجميعات يعنى اكتر من وحش فى وقت واحد
    اما الاسلحة الاوربية هشرح بس الويزرد او الساحر
    والسلاح دة اسمة ستف
    staff
    ودة بيستخدم عناصر الطبيعة فى الضرب الارض والرعد والكهرباء وهى من الشخصيات المميزة جدا بس من عيوبها انها ضعيفة اوى وبكدة يبقى خلصنا من الاسلحة

    شرح كامل للعبة سيلك رود بالصور
    الموضوع كامل فى هذا الرابط



    او

    www.silkroad-4arab.blogspot.com



    الجزء الرابع


    كدة يا سيدى يبقى خلصنا الجزء النظرى نخش على الجد بقى بعد ما تختار الشخصية واللبس والسلاح دوس كنفيرم وبعدين ستارت هتحمل اللعبة وهتلاقى نفسك فى المدينة واقف وحواليك ناس كتير غيرك طبعا هتتحرك بالفارة للمكان اللى عايزة هتنزل ما شاء الله لفل 1 ومفلس وممعكش فلوس خالص دلوقتى يا باشا هنشرح اية كل الحاجات اللى انت شايفها دى

    هنشرح كل رقم بالتفصي
    1 الصحة او الدم ودة سلم الحياة بتاعك لو خلص يبقى انت مت ودة بنزودة لما بشترى دم من عند واحد فى المدينة هنقول مكانة بعدين ونخلى الدم يزيد تلقائى ودى بردة بعدين وبكدة مش هتموت
    2 الطاقة ودى بتحتجها يا سيدى لما تكون بتضرب ضربات سحرية زى الكهرباء والنار والتلج وكدة بس دى لسة شوية لما تحتاجها لما تعلى فى الليفل شوية
    3 ودة بقى مستواك فى الليفل اللى بيعرفك انت ليفل كام
    4 اما الكور دى لما بتتملى ودوس على اخر واحدة او تاب بتبقى الشخصية فى حالة هيجان وبتزيد قوتها الهجومية الى الضعف وبتكون سرعة الشخصية كبيرة جدا بس معلش بقى هى بتاخد ثوانى وتروح وتتملى تانى بعد كدة
    5 دة اسم المنطقة اللى انت فيها
    6 ودى لما بدوس عليها بتظهرك خريطة بتبين انت فين او دوس حرف m
    7 ودى خريطة المكان اللى انت فية والدواير الحمراء يعنى الوحوش والخضراء يعنى الناس اللى زيك والزرقاء هى الناس االى بتبيع الحاجات اللى بتحتاجها واسمهم nbc
    8 والشريط اللى تحت دة ممكن تحط فية اللى انت عايزة والضربات المفضلة ليك وبتستخدمها بلارقام من 1 الى 9 وهى عبارة عن 4 اشرطة من f1 الى f4 تحط فيهم اللى عايزة
    9 ودة عداد السكيل بوينت والسكيل بوينت دى عبارة عن نقط بتتحسبلك كل ما تموت وحش ودى بتساعدك بعدين لما تيجى تفتح ضربات جديدة زى التلج والنار فكل ضربة بتحتاج سكيل بوينت معين وهنشرحها تانى المهم انو كل ما بتزيد السكيل بوينت دى بيكون افضل يعنى موت قد ما تقدر من الوحوش
    10 ودى النقط بتاعتك كل لما تعدى 100% تزيد لفل ودى بتزيد بردة من قتل الوحوش يلا شد حيلك يا معلم
    11 دة عدد السكيل بوينت اللى عندك وبكدة يكون انت جاهز وفاهم اللى بيحصل يلا بقى نخش على الجد


    شرح كامل للعبة سيلك رود بالصور
    الموضوع كامل فى هذا الرابط



    او

    www.silkroad-4arab.blogspot.com





    الجزء الخامس




    بعض الملاحظات الهامة قبل البدء فى اللعب
    1 حضرتك كل ما بتعلى ليفل بتظهر ضربات جديدة علشان تشغلها بتحتاج كل ضربة عدد معبن من السكيل بوينت اللى عندك وهنشرحها بالتفصيل بعد كدة
    2 قبل اللعب لازم نظبط حاجة اسمها auto recavry للـ hp و mp ودى عن طريق حرف ال T فمثلا لو بصيت على الصورة اللى فوق هتلاقى فى الشريط اللى تحت ان ال HP موجودة فى رقم 0 اللى هى باللون الاحمر وال MP فى رقم 9 اللى باللون الازرق كلهم فى F1 زى ما مكتوب ناحية اليمين تمام كدة لما هدوس على حرف T حط علامة صح على كلمة HP AUTO RECOVRY وبعدين حدد مكان ال HP مثلا F1 وبعدين اختار رقم 0 بعد كدة تحتها هتعمل نفس الحكاية لل MP بس هنختار رقم 9 بدل 0 ومتنساش هتلاقى شريط بيبين هيعمل ركفرى امتى حدد اللى يناسبك علشان لما تنقص يزيد الدم والطاقة لوحدها علشان متمتش يا معلم والحركة دى لازم تعملها اوك
    3 انت بعد ما توصل للفل 20 ممكن بقى تبقى صاحب وظيفة محترمة وعندك 3 وظائف هتختار اللى يناسبك 1- تاجر وتعيش فى جو قديم لانك هتبقى صاحب تجارة وهتحميها من الحرامية 2- حرامى ودة اللى بيسرق التجار وهما ماشين 3- هانتر او صياد ودة بيصطاد الحرامية دول وممكن تاجرة علشان يحميلك التجارة بتاعتك
    4 فى حاجة عندك اسمها انفرتى بتاعتك او الحقيبة ودى اللى هتلاقى فيها الحاجات اللى لمتها من الوحوش وتعرف منها معاك كام فلوس واللبس بتاعك ودى بتيجى لما ندوس حرف I ودى صورة ليها


    شرح كامل للعبة سيلك رود بالصور
    الموضوع كامل فى هذا الرابط



    او

    www.silkroad-4arab.blogspot.com







    5 فى حاجة كمان مهمة اسمها بارتى PARTY ودى مشاركة بين ا لاعبين يعنى يضربو مع بعض وتتقسم بينهم النقاط والحاجات اللى بتقع من الوحوش لو هما عايزين ودى بتساعدك علشان تتعرف على اصدقاء فى اللعبة اللى هيحصل هتجيلك رسالة من واحد بيطلب منك بارتى انت حر ممكن تقبل وممكن ترفض
    فى اربع انواع party

    اول نوع هو exp each get ... items distribution... و النوع ده هو المنتشر لانه لا يسمح بالتشارك فى الexp و ال drops او ال loots فكل واحد بياخد ال exp و ال items اللى بيلاقيها بدون ما يشارك فيها مع حد ... الميزة الوحيدة فى البارتى دى هى ال bonus exp
    يعنى بتاخد exp زيادة شوية عن ال exp بتاعتك مقابل انك عملت party ...
    و النوع ده من ال party مينفعش يزيد عن اربع اشخاص

    تانى نوع هو exp auto share ... item distribution
    و النوع ده بيخلى كل الشتركين فى ال party يتقاسموا ال exp اللى بيحصلوا عليها مع بعض
    يعنى نفرض ان ال party فيها 10 اشخاص و ال 10 دول قتلوا 200 وحش ال 200 وحش دول ال exp اللى طلعت منهم تتقسم عليهم بالتساوى ... بس طبعا فيه قيود ... لازم تكون فى مسافة قريبة من ال party يعنى لو بعدت عنهم هتلاقى لونك اتغير و ده معناه انك مش هتاخد اىexp و لو صاحب ال party لقاك قاعد مبتحاربش و بتعمل زكى و بتاخد exp ببلاش ممكن يطردك
    و النوع ده ميزته انه بياخد عدد كبير من الناس بس عيبه اللى معظم الناس مبتحبوهش انه بيحسسك انك فى نظام شيوعى ... يعنى ممكن واحد يقتل وحوش كتير وواحد تانى يقتل وحش واحد و فى الاخر بيتشاركوا مع بعض ... عشان كده النوع ده بيتنفذ بين الاصحاب لما يكونوا عايزين يحاربوا وحش قوى ...

    النوع التالت بقى هو exp auto share items auto share
    و زى ما واضح من الاسم فانتوا مش بس بتتشاركوا فى ال exp ده انتوا كمان بتتشاركوا فى الدهب و ال items اللى بيقع من الوحوش .... و النوع ده نادر اوى انوا يستخدم لان مفيش حد بيرضى يشارك الدهب و ال items مع حد تانى ....

    النوع الرابع اكيد هيكون exp distribution... item auto share
    و طبعا عرفتوا معناه ايه من غير ما اشرحوا
    6 فى حاجة تانية فى اللعبة اسمها كويست او مهمات QUEST ودى معناها انك هتاخد مهمات من NBC وقلنا دول الناس اللى بتبع فى المدينة والمهمة عبارة عن قتل عدد معين من الوحوش او تسليم رسالة وترجع بعد ما تخلص تسلملة المهمة وهو هيزودك فى EXP او النقط اللى تحت يعنى كل ما بتخلص مهمة بتعلى فى الليقفل بسرعة جدا ودى هنجبها من حرف Q ولو واخد مهمات هتلاقيها مكتوبة ودى صورة


    7 فى حاجة مهمة جدا لازم تعرفها علشان تتعامل مع الشخصيات التانية كلها فى حرف A بس هنشرح المهمين بس
    1 EXCHANGE ودى معناها تبادل الايتم او الاسلحة والحاجات اللى بتقع من الوحوش او الفلوس مع شخصية اخرى يعنى لو عايز تدى حد حاجة علم على شخصيتة بالفارة ودوس A واختار EXCHANGE لو قبل العرض هتطلع قائمتين فوق بعض بتاعتك انت اللى تحت حط فيها الحاجات اللى انت عايز تتهالة او فلوس وتدوس CONFIRM هتروح عندة فى الانفرتى او الحقيبة زى ما قلنا قبل كدة
    2 PARTY ودى شرحناها قبل كدة ودى لو عايز تعمل بارتى مع حد وزى اللى فاتت علم علي الشخصية بالفارة ودوس A وبعد كدة دوس كليك يمين على PARTY
    3 TRACE ودى معناها لو انت عامل بارتى مع حد وعايز تمشى وراة من غير ما انت تحركة علم على الشخصية التانية اللى عايز تعملها تتبع او تراس بالفارة وبعدين دوس A ودوس كليك يمين على TRACE
    AUTO GRAB 4ودى بتخلى الشخصية تلم الحاجات اللى وقعت من الوحش لوحدها
    والباقى سهل وهتعرفة لوحدك بس دول اهم حاجة علشان مطولش عليك
    8 فى حاجة مهمة جدا اسمها بيلد BULDE ودى معناها انك بتبنى شخصيتك ودى ليها تلات انوع بردة تبنى بيها شخصيتك ومعنى دة يعنى اية الكلام دة بص يا سيدى انت كل ما بتعلى ليفل بيظهر فوق عند خط الدم والطاقة علامة + دوس ودى معناها انك تقدر تزود فى خط الدم او الطاقة او الاتنين لحد ما تختفى علام + واستنى بقى لما تعلى ليفل تانى المهم دوس على ال + هتظهر الصورة دى
    اعتقد ان الصورة واضحة جدا تدوس على STR لو عايز تزود فى الدم و تدوس على INT علشان تذود الطاقة بس فى حاجة مهمة انت ممكن تزود كل ليفل STR بس وكدة يبقى اسمة PUR STR والدم بتاع شخصيتك هيبقى عالى اوى بس الطاقة ضعيفة جدا وممكن تزود INT بس يبقى اسمها PUR INT وبكدة يكون خط الطاقة عالى جدا او السحر عالى جدا بس الدم قليل اوب وعيب الاختيار دة انك بتموت بسرعة وممكن تكون وسط وتخليها هايبر HAYBR وليها نسب بردة يعنى ممكن تزود ليفل STR ولفل INT او 2 دم الى 1طاقة او 3 دم الى 2 طاقة وليك حرية الاختيار يا صاحبى شوف اللى يناسبك


    9 ازاى تفتح ضربات جديدة كل لفل الموضوع دة مهم جدا جدا يعنى ركز معايا بص يا سيدى لو عليت لفل وحبيت تفتح ضربات دوس حرف S هتظهرك قائمة فيها حاجات كتير هتلاقى فوق كلمتين
    9 ازاى تفتح ضربات جديدة كل لفل الموضوع دة مهم جدا جدا يعنى ركز معايا بص يا سيدى لو عليت لفل وحبيت تفتح ضربات دوس حرف S هتظهرك قائمة فيها حاجات كتير هتلاقى فوق كلمتين

    1 WEPON وجمبها هتلاقى 2 FORCE ركز علشان احنا مس هنفتح فى كل حاجة علشان متضيعش منك سكيل بينت بالفاضى هنشرح واحدة واحدة زى للى فى الصورة دى

    اولا WEPON وهتلاقى 3 حاجات هتفتح فى واحدة بس دة يرجع للسلاح اللى معاك يعنى لو انت معاك سلاح BLAD او SWORD هتفتح فى الاولى اللى هى BICHEON
    ولو معاك سلاح SPEAR لاوم تفتح فى التانية اللى هى HEUKSAL
    ولو معاك كريسبو او القوس لازم تفتح فى التالتة والاخيرة اللى اسمها PACHEON
    انا عارف انك بتسال افتح ازاى بص هتلاقى كلمة LEVEL UP عك فى الصورة دوس عليها هيجبلك قائمة تانية بيقلك هنحتاج 100 سكيل بينت مثلا دوس CONFIRM هتلاقى ضربات ظهرت تحت دوس على كلمة ADD علشان تضيف الضربة هيقلك بردة عايز 50 سكيل بينت دوس CONFIRM بردة وبكدة يكون فتحت ضربة جديد شدها بالفارة وحطها فى الشريط اللى تحن علشان تستخدمها بسهولة وهكذا كل لفل

    بعد كدة هنخش على الFORCE وهتفتح فى الكل ما عدا ال FORCE او الاخيرة بص على الصورة
    اولا WEPON وهتلاقى 3 حاجات هتفتح فى واحدة بس دة يرجع للسلاح اللى معاك يعنى لو انت معاك سلاح BLAD او SWORD هتفتح فى الاولى اللى هى BICHEON
    ولو معاك سلاح SPEAR لاوم تفتح فى التانية اللى هى HEUKSAL
    ولو معاك كريسبو او القوس لازم تفتح فى التالتة والاخيرة اللى اسمها PACHEON
    انا عارف انك بتسال افتح ازاى بص هتلاقى كلمة LEVEL UP عك فى الصورة دوس عليها هيجبلك قائمة تانية بيقلك هنحتاج 100 سكيل بينت مثلا دوس CONFIRM هتلاقى ضربات ظهرت تحت دوس على كلمة ADD علشان تضيف الضربة هيقلك بردة عايز 50 سكيل بينت دوس CONFIRM بردة وبكدة يكون فتحت ضربة جديد شدها بالفارة وحطها فى الشريط اللى تحن علشان تستخدمها بسهولة وهكذا كل لفل

    بعد كدة هنخش على الFORCE وهتفتح فى الكل ما عدا ال FORCE او الاخيرة بص على الصورة
    لحد ليفل معين انت تختارة يعنى لو مفتحتش لحد لفل 20 يبقى انت فارم 20 وميزة الفارم دة بيخلى الشخصية جامدة وكمان بيخلى عندك عدد سكيل بينت عالى اوى هينفعك لما تبقى لفل 80 او 90 او 100 بس مشكتك انك بتعلى فى الليف بطىء جدا جدا ومبتفتحش ضربات يعنى بتضرب ضربات سلاح بس ودى متعبة اوى وغير حالة الملل اللى هتجيلك لانك ممكن تاخد 15 يوم فى الفارم دة المهم ربنل معاك لو فكرت تعمل فارم بس هو مفيد وبيخلى الشخصية جامدة اوى اوى
    11 فى حاجات عندك هتلاقى تمنها 1 جولد متبعهاش لان بيبقى ليها استخدامات تانى وبتبقى غالية بردة وفى اسلحة بيبقى حوليها حاجات بتلف ومكتوب عليها SEAL OF STAR او SEAL OF MOON او SEAL OF SUN ميبعهاش لان الاسلحة دى بتبقى اعلى من الليف بتاعها يعنى اولا اعلى 10 ليفل والتانى اعلى 20 لفل والتالت اللى هو SUN دة نادر جدا جدا جدا ابقى سبلى رسالة على المةقع وانا اقلك بعها يكام وفية حاجة تانية اسمها الكسي ELAXIR بردة غالية يعنى اسالنى فى الموقع او على الاميل قبل ما تبعها وربنا معاك يا صاحبى


    شرح كامل للعبة سيلك رود بالصور
    الموضوع كامل فى هذا الرابط



    او

    www.silkroad-4arab.blogspot.com




    بعض المصطلحات الهامة

    char. : اختصار لكلمة character و هى الشخصية اللى هاتلعب بيها ..
    NPC : أشخاص موجودة فى اللعبة و مش بتلعب .. بتديلك المهمات اللى تنفذها و تاخد جائزة على تنفيذها .
    Mob : اللى هيا Monsters و دى الوحوش اللى هاتقابلها أثناء اللعب .
    SP : skill points و هى النقط اللى بتتعللم بيها القوى السحرية .
    XP : experience points و دى النقط اللى لما بتاخدها المستوى بتاعك بيعلى .
    lvl : اللى هى level و ده المستوى بتاعك فى اللعبة ..
    int : اختصار intelligence و ده عبارة عن القوة بتاعتك فى استخدام الفوى السحرية . ( ممكن نقول فى بعض الاحيان MP )
    str : strenght و ده عبارة عن القوى الجسدية بتاعتك . ( ممكن نقول فى بعض الاحيان HP )
    phy. : اختصار بيعبر عن القوة الجسدية .
    mag. : اختصار بيعبر عن القوة السحرية .
    لما نقول ( mag attack ) يبقى يعنى الضربة السحرية و لما نقول ( phy. attack ) يبقى يعنى الضربة الى بتعتمد فى قوتها على سلاحك فقط بدون سحر
    لما نقول ( mag defence ) يبقى قوتك فى صد الضربه السحرية و أظن طبعا عرفت معنى ( phy defence )


    نخش على الجد معلش انا طولت عليك بس حبيت ابسط الامور اوى اغفرلى لو طولت عليم
    كل اللى المطلوب منك يا باشا انا تطلع من باب المدينة هتلاقى وحوش لفل 1 اضرب فيهم هيقع منهم فلوس وحاجات لمها كلها وافضل اضرب لحد ما تموت قصدى الشخصية تموت الف بعد الشر عليك يا صاحبى وبعدين وبعد ما تموت هتطلع كلمتين اختار اول واحدة هتصحى فى مكانك اضرب تانى ولم فلوس على قد ما تقدر واضرب تانى هتلاقى نفسك بقيت لفل 2 روح واضرب فى وحوش لفل اتنين ولم لفلوس هتلاقى نفسك بقست لفل 3 وهكزا ارجع بقى المدينة فى مرة واشترى دم من عند الراجل بتاع الدم واعمل الايتو ريكفرى وعيش وبكدة يا صاحبى يبقى انا عملت اللى عليا ووضعت قدمك فى اول طريق احتراف اللعبة واسالك الدعاء ليا ويا ريت تقل لصحابك وتعم الفائدة على الجميع ومتنساش فى روابط عندك فوق بتبين اماكن الوحوش بالصور واماكن الناس اللى بتبيع فى المدينة وصور للعبة وصور لشخصيتى علشان تبقى عارفها لما هتاخد الفلوس بتاعتك وكمان اماكن الوحوش النادرة بالصور والخرائط واستنى المفاجاة فى اخر الموقع
    :ah4::ah4::ah4::ah4::ah4::ah4::ah4::ah4::ah4::ah4: :ah4::ah4::ah4:

  2. #2
    عضوية جديدة
    تاريخ التسجيل
    Apr 2009
    المشاركات
    3
    معدل تقييم المستوى
    0

    Smile رد: شرح تفصيلى للعبة سيلك رود بالصور وفلوس وايتم والله ببلاش لكل العرب

    والله مشكوووووووووووووووور على المجهود الرائع والموقع الاكثر من رائع وشكرا اخى على الجولد
    سارة الى الابد
    :cdcd::cdcd::cdcd::cdcd::cdcd::cdcd::cdcd::cdcd::c dcd::cdcd::cdcd::cdcd::cdcd::cdcd::cdcd::cdcd::cdc d::cdcd::cdcd::cdcd::cdcd::cdcd::cdcd::cdcd::cdcd: :cdcd::cdcd::cdcd:

  3. #3
    عضوية جديدة
    تاريخ التسجيل
    Aug 2009
    المشاركات
    1
    معدل تقييم المستوى
    0

    رد: شرح تفصيلى للعبة سيلك رود بالصور وفلوس وايتم والله ببلاش لكل العرب



    شكرا جزيلا على هذا الشرح المفصل و الجيد




    MY AC
    m_sara
    lvl58

المواضيع المتشابهه

  1. شرح لعبة سيلك رود بالصور وايتم و فلوس والله ببلاش
    بواسطة way2milion في المنتدى منتدى العاب PC - PS4 - Xbox
    مشاركات: 24
    آخر مشاركة: 14-09-2015, 21:34
  2. شرح لعبة سيلك رود بالصور وايتم و فلوس والله ببلاش
    بواسطة way2milion في المنتدى الأرشيف
    مشاركات: 20
    آخر مشاركة: 19-09-2012, 22:17
  3. مشاركات: 14
    آخر مشاركة: 24-08-2010, 23:40

الكلمات الدلالية لهذا الموضوع

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •