صفحة 1 من 2 1 2 الأخيرةالأخيرة
النتائج 1 إلى 15 من 25

الموضوع: --((هل الشهادات التقنيه ناجحة جدا ام فاشله جدا (تصدق الاتنين صح !!!) ))-- وجهة نظر

  1. #1
    عضو
    تاريخ التسجيل
    Aug 2005
    المشاركات
    196
    الدولة: Egypt
    معدل تقييم المستوى
    13

    Lightbulb --((هل الشهادات التقنيه ناجحة جدا ام فاشله جدا (تصدق الاتنين صح !!!) ))-- وجهة نظر



    بسم الله الرحمن الرحيم

    احبائي الاعزاء اعضاء ومشرفي المنتدى المحترم بعد السلام والتحيه اتمنى انكم تكونو بالف سلام وصحة .
    استسمحكم باني اقدم لكم وجهة نظر متواضعة في موضوع دائما ما يكون مثير وسيظل مثير وهو الشهادات التقنيه هل هي ناجحة ام فاشله
    اتمنى يا رب اني انقل وجهة نظري من خبرتي المتواضعة في الموضوع ده وكلامي في هذا المقال موجهة فقط فقط للطامحين والمجاهدين في العلم وعاشقي التحدي والنجاح والناس الي مش فاهمة المجال ده كويس وكيفية النجاح فيه بصراحة الي دفعني اكتب المقال ده هو هذا الموضوع


    هذا الموضوع في مجمله صحيح لانه واقع لناس وشباب كتير ويشكر صاحب الموضوع على نقله لانه عاوز يحذر الناس من مشكله انك تاخد شهادة وبس ولكــــــــن
    1- المقال في اسلوبه محبط جدا جدا دي حقيقه
    2- لا يقدم الموضوع اي نصيحة او حل واضح .
    3- هذا المقال لا يساعد الشخص على التقدم ابدا للامام بصراحة.
    4- هناك بعض العبارات صعبة بصراحة زي (يعرف ياكل) لا تعليق.
    ----------------------------------------------------------------------
    تعالو بقى نتكلم بصراحة وواقعيه اكتر هل الشهادات التقنيه ناجحة ام فاشله ؟؟؟؟؟؟؟؟؟
    بس قبل ما اجاوب على هذا السؤال عاوز كل شاب يسال نفسه لو مكنش في حاجة اسمها شهادات تقنيه الي بتحيي الامل في الشغل على الاقل كان حيعمل ايه؟؟؟؟؟؟؟؟؟؟ وهو عارف ان شهادة الكليه بس لا تكفي ابدا !!!
    واقبل ما اجاوب على هذا السؤال احب اوضح معلومه وظاهره واضحة جدا جدا في شباب صغير في السن وعاملين في هذا المجال وناجحين ومرتباتهم مرتفعة مقارنة بالوظائف الاخرى يا جماعة انا شوفت نوعين من الناس ناس بتقول الحمدلله يا رب دي الشهادات دي نعمه من عند ربنا وناس تقول يا بني انت عبيط ولا اهبل شهادات ايه وكلام فاضي ايه
    والله الشيء ده حيرني جدا جدا بس بالامانه المتفائلين قليلين بس الشيء ده خلاني افكر مليون تفكير اين الحقيقة الشهادات ناجحة ولا لا واسال واستشير وكده اصل من النوع الي بيسمع اكتر ما بيتكلم انا اقول لكم
    رايي الخاص الشهادات التقنيه ومجال ال IT اكبر واقوى المجالات في كل زمان وفي اي مكان طيب المهم معلش اسف طولت عليكم قول بقى يا عم
    ahmedhalo ناجحة ولا فاشله بجد الاجابه الاتنين والله !!!!
    طبعا مش حتكمل الموضوع وتقول ده بيهرج انا حقولك ازاي الاتنين ان شاء الله بس اسمحولي اوضح معلومتين صغيرين ونصيحة صغيره للشاب
    الي عاوز يفهم المجال ده وحقول ليكم ليه في ناس معاه شهادات ناس ناجحة بيها جدا وناس لا للاسف وليه ناس ودي ملحوظة جدا مثلا في 10 بياخدو كورس مثلا تلاقي في 2 او 3 نجحو جدا واشتغلو في شركات كبيره والباقي لسه !!
    -----------------------------------------------------------------------
    متطلبات مجال ال IT :-
    1- انك تكون حاصل على شهادة جامعيه
    2- انك تكون عارف انجليزي كويس جدا كقراءة وكتابه وتحدث يبقة ميزة
    3-انك تكون موهوب في انك تجيب المعلومة الي انت محتاجها في اي
    وقت وفي اي مكان وتحسن استغلالها جدا
    4- موهوب في حل المشاكل بتيجي بالتدريب والتطبيق والخبره
    5- ذكي في المعامله مع الناس ولبق ويعرف يكسب الناس
    6- انه يكون عندة معارف في المجال يستشيرهم وياخد رايهم
    7- انه يكون رهيب جدا في معلوماته وواثق منها مذاكر كويس ومطبق
    كويس
    8- انه يكون عارف في مجالات كتير بمعنى مثلا شبكات يبقى عارف
    سوفتوير وهاردوير ابسط الامور ويزيد بقى لينوكس سيكيوريني
    والاخ لومارك الرائع قال هذة النصيحة في بدايه شروحاته
    9-انه يكون شغوف بالكمبيوتر بياخد المعلومه حبا في العلم وليس علشان
    يبقى جامد ويتكبر بيها على غيره او حتى يشتغل بيها
    نصيحة مني : ان شيلت هم شيل هم المعلومة لانها هي الي حتكبرك
    ولا تشيل هم الرزق فالرزق دايما على ربنا
    10- السي في CV بتاعك يكون ملفت للنظر
    11- عندك نظرة اثتسنائيه عن النجاح والشغل والرزق بعنى عندك وعي
    ونوع بالارتقاء الفكري دايما بيحثك دايما على العمل والتدين والعلم
    12- انك تكون من النوع الي بيسمع اكتر ما تتكلم الي بيتكلم كتير فاقد
    ويهلل ويهول الامور فاقد الشيء
    وغيره وغيرة من نصائح مشرفين واعضاء اعزاء ياما ياما استفدت منهم
    ولهم جزيل الشكر.
    -----------------------------------------------------------------------
    مشكلة الخبره :-
    فعلا الخبرة مطلوبه ومهمة جدا جدا ولكن اي نوع من الخبرة شغل دماغك معايا فعلا الخبرة شيء رهيب جدا و5 سنين غير 10 سنين ولكن هل المدير على شبكة فيها 30 جهاز في شركة زي المهندس الي بيشتغل في شركة solution كل يوم يشوف اجهزة ومشاكل وانظمة جديدة ومتطورة جدا كل يوم طبعا فرق كبير جدا يعني مش كل واحد يجي يقولك انا في السوق اديلي 3 سنين معناه جامد اعرف في ال3 سنين اشتغل في ايه بالظبط وبعدين احكم المهم عاوز اقول وجهة نظري وحل لمشكلة الناس الي معاها شهادات بس ممعهاش خبرة حلها ايه ؟
    اقول ليكم من خبرة شخصيه وخبرة اصدقاء اعزاء بمنتهى الامانه المجتهد والي عارف المعلومة كويس جدا ومطبق يعني من الاخر تعب جدا ربنا بيكرمه يا جماعة الشهادة مهمة والسي في مهم انت متقدرش تقدم ولا تعتب ناحية الشركة كويسه من غير ال cv علشان فيها قسم HR لازم يعرف سيرتك الذاتيه كويس تمام المعلومة بقى مهمة جدا شوفو انت لو ممعكش خبرة بس شاطر ومذاكر حيبان عليك في الانترفيو وحيبان من كلامك وتصرفاتك واجاباتك مدى قوتك حتيجي عند سؤال يقولك اممممم ما شاء الله عليك كويس طيب يا بشمهندس انت عندك خبره؟؟ طبعا تقوله ايه وانت واثق من نفسك مثلا لا يا فندم بصراحة بس انا مطبق ومذاكر وفاهم كويس كل الي طالبه من حضرتك فرصه مش اكتر وممكن اشتغل في الاول فتره بمرتب قليل ولما اثبت جداره يبقى ربنا يكرم
    (وانت الي كسبان انا شخصيا الخبرة عندي اهم من الفلوس ولو حشتغل ببلاش دي خطوة للنجاح) وربنا يوفقك لكن افترض واخد شهادات ومعلوماتك مش جامده من اجاباتك بيبان والله مش حيتعاطف حتة معاك لانهم عاوزين ناس تشتغل مش لسه تتعلم عاوزين ناس مخهم فعلا صاحي
    واقنعهم انك كويس خليك ايجابي مضيعش فرص من ايدك والمجال دايما في تقدم والله وفي وظايف وفرص بس الي يدور ويظبط نفسه ويسبها على الله يا جماعة اهل نفسك كويس جدا جدا للسوق ووالله مش صعبة
    عاوزة منك شويه مجهود في ظل وجود الانترنت وبرامج virtual و simulation وحبيب قلبي Google تقدر تاهل نفسك كويس جدا جدا في السوق وبدل ما تاخد4 شهور تحت التدريب يبقو 1 شهر واحد
    الي انصحك بيه متفكرش في السوق خالص والرزق فكر في العلم والسي في وبعد كده السوق ظبط بس شخصيتك وخلي فكرك ومعاملتك وتصرفتاك كويسه وان شاء الله ربنا يكرمكم واتمنى ليكم التوفيق من القلب
    ---------------------------------------------------------------------
    هل تعلم ؟؟
    بفضل الله رب العالمين انا اعرف الحمدلله ناس ناجحة جدا في هذا المجال وهذا المنتدى فيه ناس رهيبة مثلا لومارك و CEH و المهندس محمد سمير و woboo و والمهندس مصطفى و هندسة العاشر وغيره وغيره
    الي بيجتهد بيلاقي جي انا لسه في الكلام ليه ناس بتنجح جدا وناس لا بس حقلكو حاجة رهيبه محدش حيصدقها في الوقت الي ناس بتكتب في مقالات فيها نوع من الاحباط ان مفيش شغل وطبعا ده غلط كل يوم في ناس بتشتغل وناس بتسيب الشغل وناس بتسافر وشركات بتفتح وشركات بتكبر وشركات بتندمج وشركات بتستثمر والشغل برضة سيستمر المهم هل تعلم كان معانا مره في كورس مهندس غايه في العلم رهيب في المجال معاه شهادات كتير وشغال في شركة solution المهم قالي معلومه رهيبه هل تعلموا ان في ناس معاها شهادات ويترفضو علشان معاهم شهادات طبعا كله خاف وحط ايده على قلبه هههههههههه
    لا افهمكم في ناس بيترفضو علشان هما بيسموهم
    OVER QUALIFIED
    يعني ناس معاها شهادات كتير جدا وخبرة ويترفضو علشان كده علشان طبعا حيطلبو مرتبات كبيره وكده فيفضلو الشباب الاصغر علشان شهاداته قليله ومحتاج خبره وطبعا الشركة حتوفر مرتب والطرفين كسبان بس طبعا المرتب كويس وربنا يكرم الناس الي عاوز اوصله هنا فعلا شوف الناس بتفكر ازاي ناس وصلت بالعلم انها معاها شهادات وخبره وعلم وناس لسه مش عارفه تنجح ولا عارفه ازاي تنجح وبيجلها
    احباط وبتحبط غيرها !!!!
    -----------------------------------------------------------------------
    شغل دماغك كويس فكر كويس :-
    مما لا شك فيه لاشك فيه بتاتا بان العلم سلاح قوي جدا جدا ونحن في زمن العلم يعني الي مبيفكرش ويتعلم ويطور نفسه وفكره حيفضل دائما محلك سر انا عاوز اقول هنا مشكله رهيبه عند الشباب واخطر من الحصول على الشهاده بدون علم عارفين ايه هيا مشكله عدم تقدير النفس بالشكل الصحيح والاخذ بالشيء بدون تفكير صحيح حفهمكم نوعين من الشباب سمعو عن المجال والشهادات سواء من منتدى من صديق من النت المهم سينقسم الشباب لنوعين في التفكير
    التفكير السلبي المدمر (من وجهة نظري):-
    شاب يقولك والله المجال جامد وعلى كده فيها فلوس كتير اهم حاجة فيها مرتبات جامده جدا طب ده اهم حاجة خلاص الواحد يضربله كام شهادة كده في السريع على كام كلمه من هنا او من هنا او هنا او من هناك يا سلام على التست كينج والباس فور شور ويجيب 1000 من 1000 ويستوهم في نفسة وفرحان اوي ويعيب على غيره شوفت انا جبت كام انت مش قدي على فكره روح العب بعيد ملكش فيها يقدم في شغل بالفهلوة متمشيش الامور مع مرور الوقت يا راجل بلى شهادات بلى بطيخ
    هيا اساسا البلد بايظه ومفهاش شغل والشركات كلها نصابه (التعميم مبدا من مباديء الجهل) وعلى فكره هذا الشاب والله افضل من الي الي فكر من الاول وقال نعم اخد شهادات واشتغل يعني هيا جت عليا انا وانا الي حشتغل ما هو كله قاعد على القهوة ياه ه ه الناس دول كتيييييييييييير اقولها صريحة وباختصار الي بدايته غلط اذن نهايته غلط وفي هذا المجال لا يمكن انه يرجع يبتدي صح بسهوله الا الي عنده اصرار رهيب لان ساعتها الاحباط حيبقى اكبر بكتير من التفاؤل
    التفكير الايجابي الرهيب (من وجهة نظري):-
    شاب سمع عن المجال علطول يفكر مليون فكره هل قدراتي تسمح بذلك
    هل انا موهوب يجي مني في الكمبيوتر صادق مع نفسه بيعرف يقدرها صح طيب المجال ده متطلباته ايه الناس بتنجح في ازاي الطريق ازاي المدخل منين الاساس منين يفضل يبحث ويسفسر استغرب جدا جدا مع احترامي لكل الاعضاء عضو يدخل يكتب موضوع يقولك من فضلك لو سمحت علشان خطري بعد اذنك (ممكن اعرف الشهادة دي بتاعت ايه وتخصص ايه وايه مجالات شغلها وياريت بالمره ترفع كتبها على اسطواناتها وكل حاجة عنها ) ياسلام !!!! طب ما تبحث في google ودور وفتح واجتهد ولما تتعب خالص وملقيتش معلومات يبقى اسال امال انت ازاي عاوز تكبر في مجال اساسا القوي فيه الي بيعرف يتعلم ويحل المشاكل افرض وقفت مشكلة في الشغل وعاوزة حل فوري تقول ثواني اكتب القصه في المنتدى لعل وعسى يكون الحل موجود ؟ ولا يمكن جوجل مبقاش يجيب معلومات كتير اليومين دول ممكن!!!
    المهم هذا الشاب يقدر ميزانيته هل يستطيع الدراسه الذاتيه ام كورس ويصبر ويجتهد ويستشير ويتعلم ويطبق ويكافح وهذا الشاب واثق في الله اولا واخيرا وواثق من نفسه ويفكر بهذة الطريقة يقول في نفسه ( ده في اعداد كتير جدا جدا من الناس الي بتتخرج والمجال مفتوح للجميع اممممممممم يبقى الواحد لازم يتعب جدا جدا علشان
    يقدر يتميز وان لم يمتيز يكسب شرف المحاوله وعلى الاقل اهو الواحد بيتعلم لغايه لما ربنا يرزقنا او على الاقل الواحد يعمل الي عليه علشان لو ربنا ساله قضيت عمرك في ايه ....... كده شيء من هذا القبيل ولا يحبط ولا يمل وكله امل ونشاط متفاءل ربنا ان شاء الله حيكرمة لان برضه ربنا مبيضيعش تعب حد ابدا
    نصيحة مهمة جدا :-
    اذا كنت طالب او خريج هندسة كمبيوتر او اتصالات او computer science اذا الشهادات ستفيدك
    اذا كنت خريج اي كليه اخرى وكانت عندك ميول جدية وفكره جيدة وعاوز يكون ليك نصيب في المجال
    احب ابشرك في ناس مش خريجة كمبيوتر ولا هندسة وبيشتغلو شغل يمكن بتاع الهندسة لو اعد 5 سنين ما
    حيوصله ولكن خريجي اي كليه غير هندسة او كمبيوتر محتاجين يعملو مجهود مضاعف في المعلومه
    ويكونو جامدين جدا في معلوماتهم علشان يقدور ينافسو من الي شوفتو في ناس مش خريجي هندسة ولا كمبيوتر قدمو لشغل جالهم احباط مبيعرفوش يقنعو الي قدامهم بقدراتهم لكن في فئة من الناس دي
    شعورهم بانهم علشان مش خريجي هندسة ميشتغلوش في المجال بيدفعهم لمزيد من الاجتهاد مش الاحباط والله بيقبو اجمد بكتيييييييييييير من بتوع الهندسة
    انا في كليه هندسة واحترم كل من يجتهد في المجال وبيفيد غيره سواء خريج هندسة او مش هندسه
    بس احب اقول معلومه كل يوم بحمد ربنا جدا على اني عرفت مجال ال IT وشهداته وكل يوم برضه
    بندم جدا جدا جدا على اليوم الي دخلت فيه الهندسه بدون ذكر اسماء
    ----------------------------------------------------------------------
    هل الشهادات ناجحة ام فاشله ؟؟؟؟؟؟؟؟؟؟
    اخواني معلش طولت عليكم بس عاوز افيدكم بناء على الكلام الي فات ده كله والي انا شوفته توصلت لمعلومه قاتله ان الشهادات التقنيه ناجحة جدا وفاشله جدا على حسب تفكير صاحب الشهاده فيها فان كان
    على يقين بان الشهادات حتنجحة حينجح ان كان على يقين بان ملهاش لزمة حيبقى ملهاش لزمة ان كان على يقين بانها فاشله فانه حيفشل في استغلالها لان مش المهم الحصول على الشهادة المهم كيفيه الاستفادة منها وتفعيلها معقوله الكلام ده يا ahmedhalo اه فعلا من وجهة نظري والله خير العالمين حقلكم لان ده شيء مدروس في نظريات علم نفس متطوره في دراسات طلعت في علم وسبقها طبعا ديننا الحنيف
    وهذة الدراسات تدل على ان ما يفكر فيه الانسان هو ما سوف يحصل عليه دائما وفسروها على صوره قانون اسمه قانون الجذب فيه تشبيه الانسان كمغناطيس هو الذي يجذب واقعة الحالي نتيجة افكاره للمزيد من المعلومات في youtube فيلم رائع اسمة the secret
    http://www.youtube.com/watch?v=rbK2qIQc0cQ

    انا بعد ما شفت الفيلم ده وقريت شويه عن قانون الجذب مبقتش استغرب
    لما واحد يقولي انا مرتبي في الشهر 13 الف جنيه وواحد غيره يقولي بلد بايظه
    وشركات بايظه وكله بايظ طبعا يجي سؤال في دماغ واحد يقول يعني كله بياخد
    12 الف في المجال لا يا سيدي بس مشفتش حد بيبتدي باقل من 2000 الى 1500

    بس طبعا الفيلم كل الي في الفيلم ده فكر غربي دنيوي بحت
    في دينا العظيم في حديث قدسي عظيم ما معناه ان الله عند ظن العبد به ان كان خير فخير شر فشر فبجد الشهادات دي مصدر من مصادر القوة ومجال وفكر ال IT كل يوم فيه جديد وتطوير الي عاوز اوصله يا ما تلاقي نقيضين في الموضوع ده ما بين مؤيد ومعارض مش المهم انك تؤيد ولا المهم انك تعارض المهم انك تفكر صح وتجتهد وتتعب وتتعلم والباقي على ربنا فمن الاخر هل الشهادات ناجحة ام فاشله طبعا الاتنين على حسب فكرك فيهم والله اعلم وسواء كانت ناجحة او فاشله اتمنى ان منحبطش بعض ونشجع بعض ونعلى بفكرنا اكتر وربنا يوفقني ويوفقكم باذن الله

    اخوكم AHMEDHALO
    حان الوقت لكي تصبح محترف
    www.ahmedhalo.com

  2. #2
    عضو برونزي الصورة الرمزية 7amasa7
    تاريخ التسجيل
    Dec 2007
    المشاركات
    1,304
    معدل تقييم المستوى
    0

    رد: --((هل الشهادات التقنيه ناجحة جدا ام فاشله جدا (تصدق الاتنين صح !!!) ))-- وجهة نظ

    الف شكر يا ابوحميد على المقال القيم دا اللى اكيد انت سهران عليه من امبارح ربنا يقويك ويكرمك ان شاء الله \\

    طبعا مليش تعليق على المقال لان المقال مفسر نفسه وعارض وجهة نظر اقرب ما تكون الى الواقع والحياه اللى احنا شايفينها وعايشنها

    اهم حاجه يا جماعه تحديد هدفك ثم الاصرار والاصرار والاصرار للوصل ليه وان شاء الله هتوصل

    بالتوفيق
    [CENTER][B][SIZE=5][COLOR=blue]لا اله الا انت سبحانك انى كنت من الظالمين[/COLOR][/SIZE][/B][/CENTER]

  3. #3
    عضو الصورة الرمزية Foadd
    تاريخ التسجيل
    May 2008
    المشاركات
    868
    الدولة: Egypt
    معدل تقييم المستوى
    0

    رد: --((هل الشهادات التقنيه ناجحة جدا ام فاشله جدا (تصدق الاتنين صح !!!) ))-- وجهة نظ

    السلام عليكم ورحمة الله وبركاته
    أتفق معك كثيرا أخي الحبيب أحمد وأرى أن مجال ال IT هو مجال المثابرين والباحثين عن الجديد دائما
    جزاكم الله خيرا وبارك الله فيكم
    CCNA certified

  4. #4
    عضو فضي الصورة الرمزية internetworld
    تاريخ التسجيل
    Jul 2008
    المشاركات
    1,735
    الدولة: Egypt
    معدل تقييم المستوى
    14

    رد: --((هل الشهادات التقنيه ناجحة جدا ام فاشله جدا (تصدق الاتنين صح !!!) ))-- وجهة نظ

    جزاك الله كل خير موضوع جميل جدا ومعلومات اكثر من رائعه

  5. #5
    عضو
    تاريخ التسجيل
    Apr 2006
    المشاركات
    70
    معدل تقييم المستوى
    0

    رد: --((هل الشهادات التقنيه ناجحة جدا ام فاشله جدا (تصدق الاتنين صح !!!) ))-- وجهة نظ

    كلام جميل جداااااااااااااااااااااااااااااااً

  6. #6
    عضو برونزي الصورة الرمزية VancouverEG
    تاريخ التسجيل
    Mar 2009
    المشاركات
    1,665
    الدولة: Egypt
    معدل تقييم المستوى
    19

    رد: --((هل الشهادات التقنيه ناجحة جدا ام فاشله جدا (تصدق الاتنين صح !!!) ))-- وجهة نظ

    السلام عليكم :

    موضوع رااائع و أوافقك الرأي والله.

    وأسأل الله أن يجعل كل حرف في ميزان حسناتك - والظاهر أن الكفة سترجح بالحسناااات

    وهذا لكثرة كلامك الرائع

    :D



    وكـمْ منْ عائِـبٍ قـولاً صحـيـحًا * وآفـتـُهُ منَ الـفـهم الـسـقيـم
    [CENTER]

    [FONT=Arial][SIZE=4][COLOR=red]
    [COLOR=black]والذي أَحلَّ الزواج وحَرَّم الزِّنا، وأَحلَّ البيع وحَرَّم الرِّبا؛ أنا لا أتجاهل أي أحد يراسلني على الخاص، أو أضعه خلف أُذُني!
    لا، ولكني غير متفرغ هذه الفترة تمامًا.
    وأعتذر - أشد الاعتذار - لكل من راسلني، وتأخر ردي عليه، أو لم أرد عليه حتى الآن.[/COLOR]
    [/COLOR][/SIZE][/FONT]

    [/CENTER]

  7. #7
    عضو
    تاريخ التسجيل
    Feb 2009
    المشاركات
    119
    معدل تقييم المستوى
    0

    رد: --((هل الشهادات التقنيه ناجحة جدا ام فاشله جدا (تصدق الاتنين صح !!!) ))-- وجهة نظ

    اخي الكريم

    دراسه وافيه للسوق تقريبا

    جزاك الله كل خير
    انته درست الموضوع نفسيا كويس جدا
    وغعلا المهم ان الانسان بيكون يفكر بشكل اجابي ويكون مقتنع ان رزقه موجود في مكان ما وان مفيش حد هياخده غيره

  8. #8
    عضو فضي
    تاريخ التسجيل
    Nov 2008
    المشاركات
    3,014
    الدولة: Kuwait
    معدل تقييم المستوى
    19

    رد: --((هل الشهادات التقنيه ناجحة جدا ام فاشله جدا (تصدق الاتنين صح !!!) ))-- وجهة نظ

    بجد يعنى يا احمد بسم الله ما شاء الله عليك

    موضوع جامد جامد ربنا يباركلك

    الحمد لله ان فيه ناس زيك كده بتحب تفيد الاخريين بالمواضيع المشجعه

    ربنا يكرمك

    و مرة تانيه باهنيك على المقاله

  9. #9
    مشرف عام سابق الصورة الرمزية UNREAL
    تاريخ التسجيل
    Aug 2002
    المشاركات
    6,488
    الدولة: Saudi Arabia
    معدل تقييم المستوى
    124

    رد: --((هل الشهادات التقنيه ناجحة جدا ام فاشله جدا (تصدق الاتنين صح !!!) ))-- وجهة نظ

    Ahmedhalo......................... انت بطل وموضوعك بطل برضه

    جزاك الله خيراً

  10. #10
    عضو
    تاريخ التسجيل
    Nov 2007
    المشاركات
    155
    الدولة: Lebanon
    معدل تقييم المستوى
    0

    رد: --((هل الشهادات التقنيه ناجحة جدا ام فاشله جدا (تصدق الاتنين صح !!!) ))-- وجهة نظ

    اخي شكرا لك على موضوع انت أجبت على ألأسئلة ألتي كانت أدخلتني في دوامة كبيرة حمد الله عاى هذا المنتدى ألحبيب و ألأخوة ألحبيبة و الأستاذة ألكبار كأمثال لومارك و CEH و iraqi IT و غيرهم و ألعذر على نسيان ألباقين ولكم كامل الأحترام ذاته ولله أنكم ألأمل من بعد الله عز وجل الحمد ألله و لكم جزيل الشكر ارجو تثبيت ألموضوع

  11. #11
    عضو برونزي الصورة الرمزية one-zero
    تاريخ التسجيل
    Jul 2007
    المشاركات
    8,296
    معدل تقييم المستوى
    59

    رد: --((هل الشهادات التقنيه ناجحة جدا ام فاشله جدا (تصدق الاتنين صح !!!) ))-- وجهة نظ

    مقال ممتاز و متعوب عليه وواقعي لحد كبير يا احمد و فيه فائدة تعم على الجميع
    ربنا يبارك لك و بالتوفيق دائما
    [CENTER][SIZE=4]{[COLOR=red]وَإِذْ يَمْكُرُ بِكَ الَّذِينَ كَفَرُوا لِيُثْبِتُوكَ أَوْ يَقْتُلُوكَ أَوْ يُخْرِجُوكَ وَيَمْكُرُونَ وَيَمْكُرُ اللَّهُ وَاللَّهُ خَيْرُ الْمَاكِرِينَ[/COLOR]}[/SIZE][SIZE=4]…[/SIZE][SIZE=6][SIZE=4](الأنفال:30)
    [URL="http://www.facebook.com/pages/yasserauda/215036411882800"]للتواصل معي عبر الفيس بوك اضغط هنا
    [/URL][URL="http://www.youtube.com/watch?v=37LoZWjv1HE&feature=player_profilepage"][/URL][URL="http://www.facebook.com/pages/yasserauda/215036411882800"] صفحتي الخاصه على الفيس بوك
    [/URL][URL="http://www.facebook.com/pages/Mentored-Learning-New-Horizons-Dubai/234720379925819"]صفحة التعليم الارشادي على الفيس بوك
    [/URL][URL="http://www.youtube.com/user/yasserramzyauda"]قناتي على اليوتيوب
    [/URL][/SIZE][/SIZE][SIZE=3][URL="http://yasserauda.blogspot.com/"]مدونتي الخاصه[/URL][/SIZE][/CENTER]

  12. #12
    عضو
    تاريخ التسجيل
    Jul 2007
    المشاركات
    90
    معدل تقييم المستوى
    0

    رد: --((هل الشهادات التقنيه ناجحة جدا ام فاشله جدا (تصدق الاتنين صح !!!) ))-- وجهة نظ

    في الحقيقة يدي تعجز عن كتابة اي تعليق
    مشكووووووووووور اخي ,كلام واقعي واسلوب ممتاز

  13. #13
    عضو الصورة الرمزية محمد أبو خضرة
    تاريخ التسجيل
    Mar 2006
    المشاركات
    95
    معدل تقييم المستوى
    12

    رد: --((هل الشهادات التقنيه ناجحة جدا ام فاشله جدا (تصدق الاتنين صح !!!) ))-- وجهة نظ

    OVER QUALIFIED
    يعني ناس معاها شهادات كتير جدا وخبرة ويترفضو علشان كده علشان طبعا حيطلبو مرتبات كبيره وكده فيفضلو الشباب الاصغر علشان شهاداته قليله ومحتاج خبره وطبعا الشركة حتوفر مرتب والطرفين كسبان
    يعنى يا جماعة الواحد ياخد شهادات على الأد مياخدش كل الشهادات علشان ميحصلش لا قدر الله ويترفض ههههههههه
    والسلام ختام

  14. #14
    عضوية جديدة
    تاريخ التسجيل
    Nov 2008
    المشاركات
    6
    معدل تقييم المستوى
    0

    Thumbs up رد: --((هل الشهادات التقنيه ناجحة جدا ام فاشله جدا (تصدق الاتنين صح !!!) ))-- وجهة نظ

    السلام عليكم ورحمة من الله وبركاته :

    جدا الموضوع ممتاز وكنت أبحث عن شخص يتحدث معي بهذا الإسلوب الراقي وفي نفس الموضوع ونفس الدائرة الكبيرة المتعلقة في تفرعات ومسائل وحلول الشهادات الدولية ، بس عطيني مجال أحكي عن واقع أمر به بصراحة شخصيا

    في البداية درست في معهد إلكترونات في 4 سنوات دراسية كانت السنتين الأولى والثانية عامة وكانت درجات ضعيفة فيها ولكن عندما بدأت في السنة الثالثة كانت لدي الرغبة والطموح الجامحين لتعلم كل حرف في كل محاضرة لأنني كنت راغب جدا جدا هذا المجال والحمد لله في السنة الثالثة وفي الفصل الأول منها تحصلت على الترتيب 3:D ، والفصل الثاني تحصلت على الترتيب :D4 " واللي قدامي كلهم بنات :ah42:" بس كنت بصراحة راغب هالمجال رغبة قوية جدا جدا والحمد لله ومنذ ذلك الزمان كنت قد دخلت لمجال الإنترنت والمنتديات العلمية وكان لدي منتدى رائع جدا جدا جدا من دون ذكر اسمه كانت بداية فكرة الشبكات والشهادات من خلاله وكنت حريص جدا جدا على أخذ شهادة مايكروسوفت لأنني كنت متابع جدا لهذه الشركة العملاقة ، مع العلم أنني أقطن في بلدة صغيرة ليس لدينا تلك التكنولوجيا الموجودة في طوكيو :D:D ، ولكن الحمد لله وبفضل من الله بعد نهاية دراستي ذهبت لأعمل في مكتب خدمات كمبيوتر لتركيب اجهزة الكمبوتر والشبكات البسيطة والطابعات وشيئا من ذلك القبيل لأنني قررت أن أضرب عصفورين بحجر واحد وهما الحصول على المال للسفر وأخذ كورس مايكروسوفت وكذلك الحصول على الخبرة البسيطة في السوق ، والحمد لله تحصلت على كامل القيمة المالية للسفر لمصر واخذ الكورس في شركة سينرجي والحمد لله على قد نيتي كانت الدورة ممتازة جدا جدا وأخذتها مع عملاقة الشركة " رشا - ماجد حبشي - مها " ورجعت ودخلت للسوق ثاني كنت بأخذ 450 ، وبعد الكورس ده تحصلت على 1600 وتعلمت الكثير وبدأت في تركيب الشبكات AD - DNS - DHCP - ISA - VPN - Termainl Server - File Server ، ....وبعد مشاكلي الشخصية تركت الشركة ورجعت للبلدة ونمت نوم عميق لفترة شهرين :ah22::ah22::ah22: ، ورجعت ولله الحمد لشركة ثانية وكانت استرتيجيتي ولازالت الأن أن أتحصل على الجديد في ويندوز2008 والأكستشنج وSCCM ، مع العلم بأن مكانتي الأن مدير لشبكة لشركة جنوب افريقية للإنشاءات ولدينا 3 مواقع مربوطة ببعضها والشغل ماشي عال العال .... ويستمر الإبداع ويستمر النجاح لو انك ناوي اصلا على النجاح والتحديث دائما ..لأن بصراحة السوق لايرحم لايرحم ابدا الناس القدماء في مجال IT ، لو انت ماعندي ادنى فكرة على الدومين وخدماته وتركيبه أرجوك ثم أرجوك أن لاتحرجنا معاك وتدخل في صراع للبحث عن عمل مع الشركات النفطية والشركات الكبرى لأن الأن وقت الإبداع والعمل:ah2: وليس وقت ال Workgroup:ah22: . شكرا

    لي عودة

  15. #15
    عضو
    تاريخ التسجيل
    Aug 2005
    المشاركات
    196
    الدولة: Egypt
    معدل تقييم المستوى
    13

    رد: --((هل الشهادات التقنيه ناجحة جدا ام فاشله جدا (تصدق الاتنين صح !!!) ))-- وجهة نظ



    شكرا جدا على الردود واتمنى انها تفيدكم واتمنى ليكم التوفيق
    naji1020 بجد احييك برافو عليك استمر والى الامام :ah4:
    حان الوقت لكي تصبح محترف
    www.ahmedhalo.com

صفحة 1 من 2 1 2 الأخيرةالأخيرة

المواضيع المتشابهه

  1. الشاشة فاصله بور
    بواسطة Ahmedhelmy في المنتدى مشاكل الحاسب وحلولها
    مشاركات: 2
    آخر مشاركة: 19-01-2010, 09:23
  2. مشاركات: 4
    آخر مشاركة: 03-03-2009, 19:43
  3. مشاركات: 13
    آخر مشاركة: 04-09-2007, 22:04
  4. يد واحدة+أفكار واحدة+هدف واحد= أمة واحدة
    بواسطة semsem2005 في المنتدى الأرشيف
    مشاركات: 3
    آخر مشاركة: 21-09-2005, 19:43
  5. ما هذه التقنيه PCI EXPRESS
    بواسطة Nabaster في المنتدى الأرشيف
    مشاركات: 3
    آخر مشاركة: 02-02-2005, 11:31

الكلمات الدلالية لهذا الموضوع

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •