GIGABYTE 945-GCMX-S2 تقبل كرت Nvidia 9800GT 1GB DDR3

**PRoF333** · 30-04-2009, 17:22

السلام عليكم ..

التسآؤل واضح في العنوان ... يا ليت تردون علي بأسرع وقت ممكن ..

و اذا ما تقبل بالرغم بأنها تدعم لحد 16x بس يمكن عشان الـ DDR3 (مدري)

على العموم انا لقيت الكرت بـ 800 و 7750 ريال سعودي بالقصيم- بريده ..يا ليت تدلوني على مذربورد تدعم و بسعر ما يتعدى 450 ريال سعودي ....

الامر مستعجل جدا جدا ..

**ALLSAIL999** · 30-04-2009, 18:02

الكرت يركب على المذربورد بدون اي مشاكل تذكر مادام فيها منفذ PCI-EX X16
ومالها علاقة نوع الذاكرة للكرت سواء كانت DDR2 OR DDR3 OR DDR4 OR DDR5

وبعلق تعليق بسيط ترى سعر الكرت غااالي مرره بـ 800 ريال
لو تاخذ كرت ATi HD4830 1GB أوفر لك وسعره بحدود 550 ريال وأداءه مماثل لأداء الكرت اللي تسأل عليه بل يتعداه في بعض الأحيان

**alayoubi** · 30-04-2009, 18:08

نعم أخي يركب الكرت بدون مشاكل.

**PRoF333** · 30-04-2009, 18:17

وبعلق تعليق بسيط ترى سعر الكرت غااالي مرره بـ 800 ريال
لو تاخذ كرت ATi HD4830 1GB أوفر لك وسعره بحدود 550 ريال وأداءه مماثل لأداء الكرت اللي تسأل عليه بل يتعداه في بعض الأحيان

اولا .. اشكرك و من الاعماق .. لردك الي اعفاني من شراء مذربورد حق الخساير ..

ثانيا .. اذا غالي .. كم سعره الحقيقي .. او هو غالي بالاصل ..

ثالثا .. كرت الـ ATi HD4830 1GB مدري وين الاقيه في بريده .. مع العلم اني دورته بكم بحل مالقيته ..

وراح آخذ لي لفه هالحين .. و ياليت تدليني على محلات تبيعه بأسعار مناسبه .. في بريده او الرياض ..

نعم أخي يركب الكرت بدون مشاكل.

مشكوررر يالغالي ..

**ALLSAIL999** · 30-04-2009, 18:31

الكرت هذا سعره المفروض مايتعدى 600 ريال بالكثير وحتى يوم تلقاه بـ 600 يعتبر غالي بس هذا هو السعر المتداول له
وبالنسبة للمحلات روح حراج العليا وشوف له عندهم وانا مثل ماقلت لك انصحك تاخذ الـ HD4830

**PRoF333** · 01-05-2009, 16:26

الحمد لله .. تم شارء كرت النيفيديا 9800 جي تي ... بـ 775 ريال سعودي + مروحه مجانيه >> ادري انها م تسوى .. بس راح احاول اني آخذ احس مروحه موجوده عنده .. مع اني من الخوف ناوي اشتري له مكيف ههههههههه

بالنسبه للـ ATi .. ما حصلته في بريده عند المحلات الي اعرفها مشهوره بالقطع ..

وأسأل الله البركه في هالكرت ..

**ALLSAIL999** · 01-05-2009, 16:36

ألف مبروك الكرت بس والله أخذته أنت بسعر خيالي لو تدري إن سعر كرت ATi HD4850 1GB اللي ينافس كرت 9800GTX+
بـ 720 ريال كان عرفت قد إيش إنت خسران

وكان أخذته من أخوي ياسر ( GoldenLion ) وموقعه في جده وكمان هو وكيل AMD عندنا هنا في السعودية

**PRoF333** · 01-05-2009, 17:14

^^^^

الله يبارك فيك حبيبي ..

بس انا شريته بحكم ان التكلفه راح تكون قريبه ..

1- هل السعر 720 شامل النفقات لين يوصل لحد البيت (القصيم-بريده)
2- فيه فريق بين اني اشتريه من محل قريب من البيت و بين من اني اشتريه على النت و في الرياض .. و فيه فرق لو حصل شي الله لا قدر الله .. راح يكون كلامي وجها لوجه يختلف ..
3- انا بصراحه مستعجل و خايف الدراهم تروح :D

و بيني و بينك .. السبب الاقوى هو خوفي على الدراهم لا تروح ..

و خلاص ياخي قفل على الموضوع .. لا تقهرني ..

و أنا الحين .. جالس ادور على طريقه ابرد فيها الجهاز ... بس المشكله ان الكيس ما يساعد .. و جالس افكر بوضعيه للمراوح تزبط مع الكيس ..

و يالت تدلني على برنامج يعلمني درجة حراره القطع ..

**ALLSAIL999** · 01-05-2009, 17:28

المشاركة الأصلية كتبت بواسطة PRoF333

^^^^

الله يبارك فيك حبيبي ..

بس انا شريته بحكم ان التكلفه راح تكون قريبه ..

1- هل السعر 720 شامل النفقات لين يوصل لحد البيت (القصيم-بريده)

ماني مجاوبك عشان لا تنقهر زيادة

2- فيه فريق بين اني اشتريه من محل قريب من البيت و بين من اني اشتريه على النت و في الرياض .. و فيه فرق لو حصل شي الله لا قدر الله .. راح يكون كلامي وجها لوجه يختلف ..

كمان ماني مجاوبك عشان القهر

3- انا بصراحه مستعجل و خايف الدراهم تروح :D

و بيني و بينك .. السبب الاقوى هو خوفي على الدراهم لا تروح ..

و خلاص ياخي قفل على الموضوع .. لا تقهرني ..

و أنا الحين .. جالس ادور على طريقه ابرد فيها الجهاز ... بس المشكله ان الكيس ما يساعد .. و جالس افكر بوضعيه للمراوح تزبط مع الكيس ..

و يالت تدلني على برنامج يعلمني درجة حراره القطع ..

عندك برنامج EVEREST أفضل برنامج يوريك درجة حرارة القطع

^_^.

**PRoF333** · 01-05-2009, 17:47

لاء عادي ^^ .. وش دعوة .. عم بمزح ..

بس عشان افيد الي اعرف .. و لي انا مستقبلا >> طبعا بعد ما تجي الوظيفه هههههه

و أمر اخير .. كيف الضمان ؟؟ مهم جدا ترى

**ALLSAIL999** · 01-05-2009, 19:09

أوك كرت ATi HD4850 1GB اللي قلت لك عنه بـ 720 ريال واللي يبيعه الأخ ياسر أو كما يعرف هنا في المنتدى ( GoldenLion )
وبالنسبة للشحن هو يشحن عن طريق أرامكس ومضمون الشحن ويوم سئلته عن الشحن للرياض قالي بـ 95 ريال
يعني لو تطلب منه كم قطعه بيطلع الشحن عليك رخيص وموقعه الأخ ياسر في جده يعني لو إنت في جده مايحتاج شحن
وتراه موزع معتمد لمنتجات AMD-ATi

وأنا أنصحك وأنصح أي شخص يبغى يشتري كروت شاشة أو معالجات من AMD أو ATi ياخذ من عنده وكلامي عنه مو والله دعاية
بس لأنه الأرخص في السوق وتعامله ممتاز مع العملاء

وبالنسبة للضمان تقدر ترجع لموقعه الرسمي وتستفسر عن أي شي تبغاه
ويوجد عنده قسم خاص بالدعم الفني بعد البيع