Iphone

**ezz_20072000** · 06-05-2009, 11:09

إطلاق الجيل الثالث من iPhone الشهر القادم

محيط: تعتزم شركة Apple الأمريكية طرح الجيل الثالث من هاتفها المحمول iPhone الشهر القادم، وهو الجيل الذي يركز على تقنية الفيديو عبر الهاتف.
وسيسهل الجيل الجديد من هاتف iPhone تصوير الفيديو، حيث وصفه مطوروا iPhone بالأفضل من حيث تسجيل وتحرير وعرض ومشاركة ملفات الفيديو.
وسيتم الكشف عن الجيل الجديد مطلع يونيو القادم خلال مؤتمر مطوري الشركة WWDC .
وسيدعم الجيل الجديد من iPhone ميزة iMovie المكتبية والتي تمكن المستخدمين من حفظ مقاطع الفيديو بسرعة فائقة مع إمكانية تحريرها لرفعها مباشرة على موقع YouTube والمواقع المشابهة.
ويستفيد نظام الفيديو المتوفر في الجيل الجديد من خدمة الرسائل متعددة الوسائط المتوفرة في iPhone والتي تمكنك من إرسال المستخدم مقاطع فيديو عبر رسائل الوسائط المتعددة بسهولة تامة.

المصدر : https://www.moheet.com/show_news.aspx?nid=253116&pg=10
بتاريخ 6/5/2009

بس انا مش فاهم ه بتكلمو عن ايفون جديد ولا بيتكلمو عن السوفت وير الجديد

**VancouverEG** · 06-05-2009, 13:39

أخي الكريم أنا أعلم أن I Phone 3g موجود بالأسواق من زماااااان !!!!

فكيف هذا الخبر

**yehia2amer** · 06-05-2009, 16:28

المشاركة الأصلية كتبت بواسطة ezz_20072000

بس انا مش فاهم ه بتكلمو عن ايفون جديد ولا بيتكلمو عن السوفت وير الجديد

هو الاتنين هيكون فيهم المميزات دي بس اعتقد التارخ بتاع الاصدار ده خاص بالسوفت وير

**ezz_20072000** · 06-05-2009, 17:29

يا شباب انا عايز اعرف هو في ايفون جديد ولا ايه النظام وبعدين دول بيقولو اليل الثالث من الهاتف يعني المفروض انو تليفون جديد

لأن اللي اعرفو ان كان في ايفون واحد بس قبل الـ3G يعني معنى الكلام دة ان في ايفون جديد قادم

ويمكن يقصد السوفت وير لأن كلنا عارفين ان الايفون السوفت وير الجديد V3.0 الجيل التالت برضو

الموضوع محيرني شوية رغم ان في اخبار فعلا عن صدور ايفون جديد قريبا بس انا عن نفسي اعتقد ان المؤتمر هيتحدث عن تدشين السوفت وير الجديد V3.0

**yehia2amer** · 07-05-2009, 14:36

هو في اخبار عن اي فون جديد لكن مش قريبا ومفيش حد يعرف نازل امتي الا ستيف جوبز طبعا

, لكن السوفت وير نازل قريبا

**0 cool** · 07-05-2009, 23:57

أغلب التوقعات كان بصدور جهاز جديد خصوصا بعد ما تم فك شفرة السفوير 3 التجريبي وجدو أكواد تدل على أجهزة غير الحالية !!

**yehia2amer** · 08-05-2009, 04:45

المشاركة الأصلية كتبت بواسطة 0 cool

أغلب التوقعات كان بصدور جهاز جديد خصوصا بعد ما تم فك شفرة السفوير 3 التجريبي وجدو أكواد تدل على أجهزة غير الحالية !!

اه ده فعلا :confused: يا ريت تقولنا علي المصدر للخبر ده عشان نقراءه بالتفصيل ومشكووور مقدما

**noor omar** · 07-06-2009, 15:59

في حدا بعرف برنامج unlock iphone 3G

**aelzohry** · 08-06-2009, 02:55

دا موبايل اي فون جديد خالص غير 3g فيه كاميرا امامية وذاكرة 32 جيجا ورامات الضعف ومعالج الضعف يعني تقريبا اغلب الامكانيات الضعف والكاميرا الاساسية 3.2ميجا بكسل بدل 2ميجابكسل وهيبقى فيه تحرير فيديو، وهينزل فيه احدث سوفت للايفون اللي هو 3 وهو مخصص ليه وفي نفس الوقت السوفت 3 هينزل للايفون 3g برضه وتقريبا والله اعلم مجاني...... واحتمال يكون سعر الايفون الجديد بنفس سعر ال3g الحالي وفيه اشاعه ان اسمه هيكون Iphone Pro زي فئة Mac Book Pro ههههههههه....... مشكلتي اني قريت عن الايفون كتير علشان اعرف الاخبار دي بالرغم ان مش معايا ايفون ولا عمري شفته حقيقي ولا اشتغلت عليه بس عشقته من غير ما اشوفه وشفت كمان صور متسربة للجديد بس مش عارف حقيقة ولا تخيلات مصممين، على العموم يا خبر بفلوس..........

ربنا يكرمنا بواحد قديم او جديد اي حاجه انا لاقي ههههههههههه

**ezz_20072000** · 09-06-2009, 00:37

الاي فون الجديد تم الاعلان عنة امبارح(في الامس باللغة الفصحى)

اسم الهاتف : Iphone 3G S وهنا حرف الـS = Speed
المميزات الجديدة : اضافة كاميرا 3 ميجا بكسل تصوير فيديو 30 فريم في الثانية :ah46: زات سرعة الرامات بقت 256 ميجا وبيقولو ان البروسيسور زادت سرعتو بس مفيش تصريح عن سرعتو حتى الان . مفيش منو 8 جيجا اللي نازل كوللو 16 و 32 جيجا

سعرو في الولايات المتحدة الامريكية 199 دولار لل16 جيجا و 299 دولار لل32 جيجا طبعا بعقد مع شركة AT&T
اما بالنسبة الايفون 3G العادي فبيتباع حاليا بعقد بـ99 دولار

التليفون هيكون متاح في يوم 18 من الشهر الجاري اللي هو شهر 6 وهيكون متوفر في باقي دول العالم في الفترة من 18/6 حتى شهر 8 (يعني المفروض ينزل مصر في شهر 8 بالكتير )

طبعا المفروض سعر الايفون 3 جي العادي يرخص في مصر على اساس ان في تليفون جديد نازل والمفروض يتخلصو من اللي موجود بس على مين الكلام دة (هي دي مصر يا عبلة)

الايفون الجديد لة نفس شكل الايفون 3G

دة كل اللي قدرت اعرفو لحد دلوقت
انا طبعا بحلم يكون عندي اي فون 3G S بس انا مش ممانع لو بقى 3G بس معنديش اعتراض

اه نسيت اقوللكو يا جماعة الايفون 3G S بقى اسرع بكتير من الاول حتى في عملية قلب الشاشة (الروتيت)

وشكرا....

**ezz_20072000** · 09-06-2009, 00:51

نسيت يا جماعة

اللي عايز تفاصيل اكتر يدخل على الموقع بتاع www.gsmarena.com
وكمان على موقع ابل (التفاحة اللي مجنناني) www.apple.com

**moataz1983** · 10-06-2009, 02:26

طب محدش عنده فكرة عن الاسعار مبدأيا كده كام

**ezz_20072000** · 10-06-2009, 23:55

السعر في الولايات المتحدة الامريكية
Iphone 3GS 16GB =199$

Iphone 3GS 32GB =299$

طبعا بنظام تعاقد مع شركة AT&T

الجدير بالذكر ان الايفون 3G لم يسحب من الاسواق كما حدث في العام الماضي ولكن تم تخفيض سعة الى 99$ بتعاقد اي ان سعرة نزل النص

عقبال ما ينزل في مصر النص كدا زي البلاد بتاعة ولاد الناس

في تأكيد من شركة ابل ان الايفون الجديد هيكون متاح في جميع الدول في حلول شهر اغسطس 8/2009

**yehia2amer** · 11-06-2009, 00:19

المشاركة الأصلية كتبت بواسطة ezz_20072000

وكمان على موقع ابل (التفاحة اللي مجنناني) www.apple.com

ههههههههههههه , هي مجنناك انت بس دي مجننة العالم كله , خاصة انا :D

المشاركة الأصلية كتبت بواسطة ezz_20072000

عقبال ما ينزل في مصر النص كدا زي البلاد بتاعة ولاد الناس

امين يارب , انا نفسي كل الاجهزة الخاصة بابل يكون سعرها معقول او مقبول مش الارقام الخرافية دي
دول تقريبة بيكسبوا اكتر من 5 الاف جنية في الmacbook يارب يهديهم ويهديني من عشقي لابل