ماذا افعل؟

[الانيق الاشقر]

السلام عليكم ورحمة الله وبركاته
لو سمحتوا يا جماعة انا طالب بالصف الاول الثانوى
بس الكمبيوتر والشبكات حياتى
وانا خدت منحتين من شركة ميكروسوفت
وعلى فكره انا حضرت فيديوهات
+ network
ccna
ورجعت شهادة
+A
وبحضر
ccnp
بس المهم انا درست كله ده بس معيش فلوس عشان امتحن
فانا ممكن اعمل ايه؟
انا قلت استشيركم



شكرا

[MAHMOUD_EN]

اشتغل فى الصيف
و ربنا يكرمك

[moza_GO]

انت لو بتتكلم جدا وانت ف الصف الاول الثانوى يبقى انت اكيد هتكون معجزه سيسكو
ونصيحه منى استلف بيع اللى حلتك اعمل اى حاجه ولو انت واثق من نفسك ادخل الامتحانات وكمل ان شاء الله مستقبلك هيكون مبهر جدا جدا
اصل انت كدا عقبال ما تخلص ثانوى تكون واخد ccie
وهنا بتتعهد شركه سيسكو بتوظيفك فى شركه من شركات اوربا تخيل انت

[الانيق الاشقر]

ههههههههههههههههههههههههههه
ربنا يكرمك انت رفعت من روحى المعنويه

[warior10]

هو الى بياخد ccie بيشتغل فى اوروبا اجبارى ؟؟؟؟؟

[moza_GO]

لا لا مش اجبارى بس الشركه تتعهد بتوظيفه لو هو بعتلهم وقلهم انه محتاج شغل
يا جماعه دى مش سهله بردو دنتا بتصرف بس ما لا يقل عن 50 الى 70الف عشان تتعلمها بس وامتحاناتها مش هنا يا اما فى دبى يا اما فى امريكا وكمان الفرع اللى فى نيودلهى مقفول مؤقتنا على حد علمى

[sysadmin2000]

السلام عليكم ورحمة الله وبركاته

حقيقى لولا اولاد الفقراء لضاع العلم بجد اتمنى لك التوفيق من كل قلبى وباذن الله لكل

مجتهدا نصيب وربنا حييسرلك اللى يساعدك بما تحتاج من المال وحتكون زى ما قال

اخونا معجزة سيسكو واتمنى لك التوفيق والحصول على كل ما تريد

[الانيق الاشقر]

شكرا خالص يا جماعة
والله انا مش عارف اقولكم ايه
يعجز اللسان عن الكلام

[warior10]

لا لا مش اجبارى بس الشركه تتعهد بتوظيفه لو هو بعتلهم وقلهم انه محتاج شغل
يا جماعه دى مش سهله بردو دنتا بتصرف بس ما لا يقل عن 50 الى 70الف عشان تتعلمها بس وامتحاناتها مش هنا يا اما فى دبى يا اما فى امريكا وكمان الفرع اللى فى نيودلهى مقفول مؤقتنا على حد علمى

خلاص اشد حيلي شوية علشان الحق اخلص ccie قبل نهاية الاسبوع لاني مش فاضي الاسبوع الى جاي

[الانيق الاشقر]

ربنا يكرمكم يا جماعة
اتمنى من الله التوفيق ليكم ولى وللمسلمين جميعا

[dooby__]

ماشاء الله تبارك الله عليك يا اخي الانيق الاشقر.
اذا حسيت نفسك متمكن من A+ , و N+ حاول تاخد تدريب عملي في مجال النتورم في الاجازة , على الاقل شهرين .
حتحس فعلا بجمال النتورك و حتاخد خبرة حلوة غير المكتوب في الكتب و الفيديو.

[GHOSTEID0]

بسم الله ما شاء الله ربنا يكرمك و يزيدك علم

على فكره انا عندى 20 سنه و انا فى الثانوى عمره ما فتحت كمبيوتر(هههههههههه)

حاول تركز اوى فى سيسكو و باذن الله تكون معجزة سيسكو

[الانيق الاشقر]

ربنا يكرمك يا جماعة
انا والله فرحان خالص من الردود الجميلة دى
بس بصراحة يا جماعة انا عايز اقولكم حاجة
انا رغم الشهادات ال انا درستها من غير امتحانات(هههههههههههههه)
الا انى حاسس انى معملتش حاجة لانى كل ال بعمله انى قاعد اتعلم وبس
انتوا ايه رايكم

[mahmoud saad]

بسم الله ماشاء الله عليك
حاجه تفرح اوى:D ربنا يوفقك بس نصيحه خلى بالك من اللى انت بتذاكره وركز فيه وابعد عن اي شيء يحبطك واستمر فى التعلم. وماتشيلش هم الفلوس ابدا المهم انك تتعلم وتتميز
ربنا يوفقك ونشوفك كدا اصغر ccie فى العالم من عرب هاردوير

[هندسه العاشر]

بص يا اخي في الله
اذا كنت فعلا عمرك كدا وانت فعلا في السن ده
الامتحان غير مهم بالمره او ممكن تمتحن CCNA بس مش اكتر
وتذاكر الباقي ان حبيت
بس اهم من كدا وكجا وعشان تبقي اسطوره الشبكات تشتغل عملي
قدم جميع شركات سيسكو وبنوك وكل الاماكن انك تدرب عندهم ولصغر سنك اكيد هتلاقي اقبال كبير اوي علي انهم يخدوك عندهم تدرب
وساعتها هتتعلم بجد وعلي متخلص جامعه يعني بعد 7 سنين شغل علي الاقل لوقلنا انك هتخش حاسبات ومعلومات
هتبقي راجل خبير 100 100 وساعتها سعرك هيبقي احسن من الف واحد من اللي لسه متخرجين من كليه زيك في وقتها
وهيبقي مرتبك رقم محترم
وانصحك تبحث عن سيرفيس بروفيدر زي تي اي داتا وكدا
وربنا يوفقك يا باشا واي شئ تحت امرك