مشكلة فى الهارد

**tifa_party** · 09-05-2009, 17:39

انا عندى مشكلة فى الهارد
مبيدخلش ويندوز ومبيتستبش لوه ويندوز
مساحة الهارد 160 جيجيا ويسترن
عند تستيب الويدنوز بعد كلمة windows is starting بتاخد فترة كبيرة فى البدء وبعد كده بتيجى شاشة زرقاء مكتوب فيها كلمة دامج
برنامج بارتيشن ماجيك مبيقراش الهارد وكمان لما اوصلو بهارد تانى ويكون الهارد الى بايظ سليف مبيتقراش واوقات مبيبداش ويندوز

المازر بتقرا الهارد عادى

ياريت الافاده

**وليد البصرى** · 09-05-2009, 18:04

الشاشة الزرقاء اية اللى مكتوب فيها بالضبط حاول ان تاخذ صورة للشاشة الزرقاء وتعرضها فى المنتدى عسى ان نستطيع مساعدتك
ولكن اولا حاول ان تتاكد من ان كابلات الهارد موصلة وسليمة 100 %
وقبل كدة الهارد كان شغال وتمام واية اللى حصل قبل حدوث المشكلة دى يعنى الهارد بتاعك وقع منك على الارض او اتخبط فى حاجة
بالتوفيق ان شاء الله

**rezoufda** · 10-05-2009, 16:52

أنصحك باستعامل برنامج kill disk الموجود على اسطوانة الصيانة Hiren's boot بعد نسخ هذه الاخيرة على سي دي والغقلاع بها ثم الدخول لتبيوب برامج التعامل مع الهاردسك، تجده هناك وامثاله من البرامج التي تنفعك في حل هذا المشكل

**محمود فوزى** · 13-05-2009, 23:33

انا عندى مشكلة ان الهارد بيطقطق كل شويه يعنى كدة جاب اخرة ولا اية ارجو الافادة

**وائل الحلو** · 14-05-2009, 14:18

لو كان صوت الهارد عالى او تكتكة عشوائية غير منتظمة يبقى كدة ميديا ولو كان طقطقة بسيطة حاول شوف لحامات البوردة كويس وتاكد من جميع التوصيلات لان قد تكون عندك مشكلة بالبوردة الخاصة بالهارد الافضل انك تعرضة على فنى هاردات فقد تكون المشكلة اما من ايسى السوفت او ايسى البور او احدى مقاومات 120 او 50 لو كان الهارد ويسترن ديجيتال

**osamasamir** · 15-05-2009, 16:23

المشاركة الأصلية كتبت بواسطة tifa_party

انا عندى مشكلة فى الهارد
مبيدخلش ويندوز ومبيتستبش لوه ويندوز
مساحة الهارد 160 جيجيا ويسترن
عند تستيب الويدنوز بعد كلمة windows is starting بتاخد فترة كبيرة فى البدء وبعد كده بتيجى شاشة زرقاء مكتوب فيها كلمة دامج
برنامج بارتيشن ماجيك مبيقراش الهارد وكمان لما اوصلو بهارد تانى ويكون الهارد الى بايظ سليف مبيتقراش واوقات مبيبداش ويندوز

المازر بتقرا الهارد عادى

ياريت الافاده

المشكلة بتاعك متعلقة بالبوردة بتاعة الهارد وفي حالة الهارد بتاعك ممكن ان يكون في تلف في ic السوفت او في اي مقامة من المقاومات الرئيسية الثلاثة او اي م الترانسوسترية الاساسيين ولا يممكن معرفة اي منهم الا في عند الكشف على البوردة طبعا كل دا بعد ما تكون انت متاكد من سلامة كابل الداتا الخاص بالهارد بي غالبا هي البوردة ودا تصليحها مش مشكلة كبيرة بس طبعا محتاجة فني

**osamasamir** · 15-05-2009, 16:27

المشاركة الأصلية كتبت بواسطة محمود فوزى

انا عندى مشكلة ان الهارد بيطقطق كل شويه يعنى كدة جاب اخرة ولا اية ارجو الافادة

بالاضافة للكلام الجميل اللي قاله الاخ ( الحلو ) ممكن ان يكون صوت التكتكة من باد سيكتور موجودة بس المطلوب ان تعرف انها باد سيكتور فيزيكال وفي الحالة جي تكون بدا في الميديا او انها باد سيكتور لوجيكال وفي الحالة دي ممكن انها تتحل وهتعرفها وهتحلها باستخدام اسطوانة الهيرنس

**وائل الحلو** · 15-05-2009, 21:04

فعلا ممكن يكون صوت الطقطقة جاى من باد سيكتور ومعظم حلها بيكون من اسطوانة هيرنز او برنامج ez فهما فعالين فى حل مشاكل البادسيكتور للهارد وليس كل انواع البادسيكتور فى منها قادر على حلها وفى منها بيكون فيزيائى بيكون ساعتها صعب العلاج والله اعلى واعلم _