محتار بين منحة سيسكو + 9 شهادات اخري بمبلغ مغري أو CCNA فقط , أفيدوني أفادكم الله

[elgomz]

السلام عليكم ورحمة الله وبركاته

السادة اعضاء ومشرفي ومراقبي منتدانا الكرام

كنت محتاج ادرس CCNA لكن محتار ادرسة فين??

فوقع بيدي اعلان وهو كالتالي

منحة مقدمة من 00000 بالتعاون مع مركز Harvest بالاتفاق مع أكاديمية سيسكو
احصل علي 9 شهادات دولية معتمدة
IT Essentials I
EUCIP
IT Essentials II
CCNA (IT Administrator certification)
CCNA (Routing protocols and Concepts)
CCENT
CCNA (Lan Switching and Wireless)
CCNA (Accessing the WAM)
CCNA


+ كل الامتحانات مجانا بما فيهم CCNA

مدة الدراسة 3 أشهر بمبلغ 2600 جنية
طبعا قالولي يوجد لاب سيسكو + انستراكتور من سيسكو اكاديمي.

فأنا محتار بصراحة بين هذه المنحة كما يسمونها وبين اني اخد كورس CCNA منفرد
ودا هيكون (CCNA < 1200 جنية + امتحان <1000 جنية) ايضا داخل نفس المركز Harvest

بالمناسبة Harvest في مدينة المنصورة لان عل حد علمي لا يوجد سيسكو لاب اخر في المنصورة

فانا كنت خايف ليكون الانستراكتور مش تمام , لذا فكرت في اني ادرس الكورس في YAT القاهرة أو الاسكندرية.
لكن أولا واخيرا انا ببحث عن مستوي الشرح + المكان طبعا

افيدوني أفادكم الله
برجاء كل من لدية نصيحة الا يبخل علي بها علي

[kamel_s_s]

اخي العزيز من وجهة نظري الشخصية انك تبدء بدراسة CCNA لان كما سمعت من الاخوة الافاضل في منتدانا الحبيب هذا ان شهادة
IT Essentials
اصبحت لاقيمة لها وسيسكو سوف تقوم بالغائها والله واعلم
وبعدين انا شايف ان باقي المواد التسعة اللي انتا بتقول عليهم اللي هما
CCNA (IT Administrator certification)
CCNA (Routing protocols and Concepts)
CCENT
CCNA (Lan Switching and Wireless)
CCNA (Accessing the WAM)
CCNA
دول موجودين في منهج الCCNA
اخي الفاضل هذا ما اعلم و الله اعلم ففكر كويس وبعدين اتكل علي الله وبالتوفيق

[elgomz]

اية يا شباب معقول 77 مشاهدة ولايوجد الا رد واحد

[amrseleem]

دراسة المنحه افضل لان الوقت اكبر وكذلك الاستيعاب بالتوفيق

[medo_1988]

سيدى الفاضل وعن تجربة شخصية لا تمثل إلا رأيى الشخصى .. لا تثق فى كلام الإعلانات .. انا من المنصورة برضو واخذت كورس ال CCNA فى مركز كان كلامه ف الاول زى الفل لكن المستوى كان بطيخ وده اللى خلانى سبت الكورس ف نصه وكملت الباقى self study وبعد فترة اكتشفت ان الجزء اللى اتشرحله اضريت برضو اكمله self study لان كان ناقصه كتير ..

خلاصة الكلام متصدقش اوى موضوع عدد الساعات محدش هيمسك لك stop watch ويشوف الانستراكتور شرح كم ساعة .. اضف الى ذلك مدة التهريج والهزار والكلام فى مواضيع جانيبه ومحسوب منهم لو المحاضر جه متاخر .. كلام كتير ..

اللى اقصده يا اما تحاول تمشى ف الموضوع لوحدك وهو مش صعب صدقنى والمنتدى هنا مش سايب حاجة ماشاء الله الا ومتكلم عنها يا اما تاخد كورس بس تسال حد اخد هناك وكان مستواه كويس ..

انا فى واحد صاحبى اخد ف مركز الحساب العلمى ف جامعة المنصورة وبيشكر ف المحاضر اللى هناك بس حقيقة معرفش فى لاب هناك ولا لا ..

ونصيحة برضو .. انا مش شايف ان اللاب الحقيقى يفرق معاك كتير ف ال CCNA .. يعنى ال simulation بيقوم بالدور تمام ..

وابقى بلغنا عملت ايه .. وبالتوفيق يا صاحبى ..

[ISLAMIC.TR]

نصيحتى الشخصية - انا مررت بنفس التجربة تماما - خليك ccna فقط كل الشهادات التانية مالهاش طلب فى سوق العمل - وحاول تبعد عن المراكز - نزل شرح اخونا محمد سمير لـ ccna وزاكره جيد جدا - وخش الآمتحان - سيبك من المراكز - همهم فلوس وبس - وبيجيبو ناس تشرح مش فاهمين حاجة

عندنا نفس المنحة بس 13 شهادة - وفى الآخر طلعت ccna بس / وحسبى الله ونعم الوكيل

[هيثم حسين على]

على فكرا يا صديقى كل الشهدات الانت زكرتها موجودة فى ماتريل سسكو ccna وانا درستها دى اكنر من كدة بكتير جدا

[elgomz]

شكرا جزيلا لكم علي ردودكم المفيدة

[hady31]

السلام عليكم
اخى العزيز ارغب فى التحدث معك فى هذا الموضوع
واحب ان يكون نقاشنا عملى وذى ما بيقولو نحسبها صح
اول هام نشوف الفرق بين المكان ال انت هتدرس فيه وبين المنحه ال انت قلت عليها
هنلاقى ان اى مكان بيدرس ccna هنلاقى ان مدة الدراسه للكورس 80 ساعه اما المنحه فهى 280 ساعه تقريبا يبقى فيه فرق 200 ساعه مهما تخللهم من كلام ومن مواقف ومن تاخير هتستفاد بمده دراسه اكبر
نيجى لثانى هام انت بتدرس هنا سيسكو اكاديمى وده هتفرق معاك بعد كده لو حبيت تكون انستراكتور
نيجى للموضوع الثالث اوعى فى اى حاجه تدرسها من شهادات انك تعتمد فقط على الانستراكتور لانو مهما كان بشر ممكن ينسى حاجه وربنا اكرمنا بمنتدى جميل جدا وهو عرب هاردوير فاهم حاجه انك تذاكر من المحاضرات بتاعت المهندسين ال ذى العسل هنا وتكمل مع الانستراكتور وهتلاقى فرق كبير انك بتستفاد فعلا
نيجى لموضوع الاخير وهو سعر الكورس
انت بتقول انو 2600 للعلم ده بيبقى شامل امتحان ال ccna يبقى الكورس شرح وتدريب مش هيفرق كتير لانك لو اخدتو بره هيكون بمبلغ 1000 جنيه وكمان 1350 جنيه امتحان هتلقيها مش فررق عشان كده انصحك بالكورس الاكاديمى

[superayman124]

أنا دخلت المنحة إلي إنته قايل عليها دي في مكان تاني (Cisco Networking Academy برده)
ال it essentials بتتكلم في HARDWARE + SERVER + LINUX
أما بقى ال CCNA فهي الأهم
و أنا عن نفسي شايف إن ال CCNA ACADEMY مهما كان الINSTRUCTOR فهيا فائدتها تكمن في التدريب على الأجهزة الحقيقية:ah17: ، و الوقت الطويل (3 شهور مش قليلة) إلي إنته بتاخده عشان تتمكن من المفاهيم :ah24: ، و بالنسبة لل Instructor فإنته برده مش ضامن إن أي مركز مهما كان مشهور ، إن الراجل إلي بيشرح جوه هيفهمك كل حاجة ، فيه جزء مذاكرة برده عليك إنته لازم تعمله لوحدك .
و شكرا

[medo_1988]

لى تعقيب بسيط على كلام الأخ hady31 ..

هنلاقى ان اى مكان بيدرس ccna هنلاقى ان مدة الدراسه للكورس 80 ساعه اما المنحه فهى 280 ساعه تقريبا يبقى فيه فرق 200 ساعه مهما تخللهم من كلام ومن مواقف ومن تاخير هتستفاد بمده دراسه اكبر

كما قلت يا أخى الفاضل محدش هيمسك لنا stop watch ويعد احنا خدنا كام ساعة كله كلام إعلانات لكن الحقيقة عمر ما ال ccna تاخد 280 ساعة .. ليه هيقولوا فيها ايه .. ده حتى ال 80 ساعة بتاعت المراكز العادية كتير عليها .. الباقى كله هيبقى لاب .. طبعا كتير جدا والكلام كله كلام إعلانات .. على فكرة ده اعتقادى الشخصى ولا تعبر عن أكثر من وجهة نظر شخصية نتيجة أكثر من تجربة مع مراكز التدريب انتهت هذه التجارب بقرار شخصى بعدم اخذ اى كورس فى اى مركز ..

وكمان 1350 جنيه امتحان هتلقيها مش فررق عشان كده انصحك بالكورس الاكاديمى

الامتحان بالظبط ثمنه 123 جنيه استرلينى يعنى بالمصرى حوالى 1000 جنيه بس . وممكن اللى عاوز يتاكد يراجع www.vue.com

وجزاكم الله خيرا ..

[CBT ME]

اخي العزيز منحة يعني مافيش دفع فلوس وجهة هي اللي بتتحمل التكلفة،في رأي دي اشتغالة للأسف والله اعلم

[alamkoky]

يا حبيبي انا واحد من ضمن الناس اللى اخذوا المنحة وهي ممتازة جدااااااااااااااااااااااااااااااا وكانت في القاهرة والناس متعاونيين جدا والمدربين اكثر من رائعين بل هناك تدريب عملي على اجهزة سيسكو بالإضافة الى انه يوم السبت مفتوح للطلاب للتدريب بأنفسهم وانا والحمد الله اتممت المنحه وعلى فكرة المنحة تشمل الشهادة التجارية ...
فنصيحتي التحق بالمنحة الموجودة بالقاهرة وانا لست على علم بالمحافظات الأخرى .
ملحوظة :
هم في المنحة يبدأ التدريب على كورس CCNA ثم باقي المنحة وهذا من وجهة نظري أفضل

وبالله التوفيق

[shitosss]

يا صديقي انا في نفس المنحة التي تتكلم عنها في (gate)
بالامارة فلا تفوت الفرصة فانها منحة رائعة و الامتحانات لن تكون مجانية الا
لو كنت متفوق و سوف تتفوق علي نفسك ان شاء الله
و غير ذلك انك تتدرب علي اجهزة سيسكو الحقيقية
و الله الموفق ان شاء الله

اخوك shitosss
و اي استفسارات ارسلي رسالة خاصة علي الوقع