استفسار بخصوص كتب سيسكو الأصلية

**medo_1988** · 20-05-2009, 17:51

السلام عليكم ورحمة الله وبركاته ..

أنا الحمد لله نجحت فى امتحان CCNA من شهرين تقريبا وكان فى Report فى آخره مكتوب إنى ممكن أحصل على 40% discount على كتب ال CCNP ..

الحقيقة أنا ساعتها كان فى دماغى أكمل CCNA Voice فمهتمتش بالموضوع الكتب ده .. لكن تحت تأثير إقناع البعض قررت إنى هكمل فى ال CCNP إن شاء الله ..

سؤالى بس لو تكرمتم أنا عاوز أشترى الكتب الأصلية لأنى مش هقدر أقرأ CCNP من على الشاشة (كتر ألف خير الدنيا انى عملتها فى CCNA وطلعت عينى) ..

فياترى هل حد عنده خلفية أقدر أشترى الكتب دى منين (أنا من مصر عموما) وازاى أقدر أحصل على الخصم ده .. وسعر الكتب دى هيكون فى حدود كام وياترى هل هى كتب ال CCNP كاملة ولا ال BSCI بس ..؟؟

معلش أسئلتى كتير بس محتاج أعرف كل ده عشان أبدا شغل علطول بعد ما أخلص امتحانات .. يالله دعواتكو معايا بالله عليكم ..

شكرا يا إخوانى ..

**medo_1988** · 21-05-2009, 01:16

يا جماعة لو سمحتم أى حد يعرف أماكن بيع الكتب دى يقول ..

**kamel_s_s** · 21-05-2009, 02:12

اخي العزيز انتا ممكن تجيب الكتب دي من اي سنتر معتمد من سيسكو وممكن تكون موجودة في نيوهوريزون لو تعرفه
بس الكتب دي غالية ياعني ال CCNA تقريبا من 1000 - 1100وتقريبا كل تراك في ال NP بنفس المبلغ بس هيا اكيد كتب محترمة والله اعلم طبعا

وده كل اللي اعرفه عن الموضوع

**medo_1988** · 21-05-2009, 12:54

شكرا يا باشموهندس كامل على ردك ده وهتصل بهوريزون واسالهم برضو .. بس لو الأسعار اللى بتقول عليها يبقى مش هينفع خالص لان CCNP هتكلفنى 4000 جنيه كتب !!!!!!!!!!!!!!!!!!

**kamel_s_s** · 21-05-2009, 20:05

اخي العزيز انا عارف ان القراءة من علي الكمبيوتر (كفاح) بس فيه طريقة حلوة ومن غير الفلوس دي كلها
انتا ممكن تجيب pdf اللي انتا عاوز تقراه وتتطبعه دي طريقه كويسة

**medo_1988** · 21-05-2009, 21:33

مظبوط يا باشا كلامك سليم 100 100 وشكلى هعملها وأخلص ..

**jeddah66** · 21-05-2009, 22:10

ياجماعة بالنسبة للقراءة على الشاشة

اعتقد انها فكرة غير صائبة ، تختلف عن الكتاب الحقيقي ، من ناحية الاستيعاب والله اعلم

**Eng.MagoooD** · 21-05-2009, 23:49

اظنك انك تطبع و تغلف النسخة الالكترونية يكون افضل

**medo_1988** · 22-05-2009, 13:34

أكيد يا jeddah كلامك اكيد صح وده اللى خلانى بفكر ف ال hard copy
وشكرا يا انج ماجود ع المرور الكريم وباذن الله بس اخلص امتحانات واشوف ايه موضوع الطباعة ده ..