بشرى لمرضى فيروس سى

**White Ghost** · 09-09-2009, 23:22

المشاركة الأصلية كتبت بواسطة tiito2005

كلام الاخ صحيح مع الاعتراض على طريقتك يا وايت جوست
اسم الدكتور مكتشف العلاج
د.جمال شوقى عبدالناصر
ابحث عنه لتعرف
ولمعلوماتك نسبة الاستجابة للانترفيرون هيه 40%
والشركات المتجة لل الانترفيرون لها مصلحة فى تعطيل الدواء الجديد عدة اعوام وذلك للارباح الخيالية العائدة عليها جراء استخدامه

شكراً على المداخلة أخي

أولاً , أنا مش شايف سبب للاعتراض على طريقة الكلام (مع احترامي لرأيك)
ثانياً , بخصوص نسبة الاستجابة للانترفيرون فهي كالآتي:-
Roferon A و هو الجيل الأقدم النسبة 40% كما ذكرت حضرتك
Pegylated Interferon النسبة هي 60%
مع استخدام النوع التاني مع عقار Ribavirin تصل نسبة الاستجابة ل80%

كل هذا بشرط أن لا يكون هناك فشل في وظائف الكبد , لأن الانترفيرون يحاول تقوية المناعة للقضاء على الفيروس , و ليس استعادة عمل الكبد التالف الذي لا علاج له سوى زراعة الكبد

ثالثاً , أنا لا أعترض على اكتشاف الدكتور(يا ريت حد يخترع علاج للمرض ده , انت متعرفش الناس في مصر بتعاني منه ازاي) و لكني أعترض على تسرع المرضى نحو استخدام دواء تحت الاختبار و لم تثبت فعاليته حتى الآن , عندك مثلاً الدكتور مصطفى السيد اللي اكتشف علاج للسرطان عن طريق استخدام جزيئات النانو الخاصة بالذهب , و رغم انه تم تجريبه على الثدييات مثل الفئران و أثبت نجاحه على مدار سنتين , إلا أن الرجل قال العلاج أمامه سبع سنوات حتى يتم اعتماده حتى يتم التعرف على مزاياه و عيوبه و أعراضه الجانبية و كل ما يخصه

رابعاً , كان في دكتور من جامعة الاسكندرية ( مش فاكر الحكاية بالضبط) , كان طلع في التلفزيون من كام سنة و قال انه اكتشف علاج شافي لمرض خبيث (اللوكيميا على ما أتذكر) , و قال أن شركات الأدوية بتحاربه و الوزير (اللي فعلاً ملوش مصلحة ) و غيره و الناس كلها بتحاربه , المهم عمله معاه لقاء تليفزيوني و الراجل ظهر على حقيقته و شكله كان يطمح للشهرة و الكسب السريع من العيادة الخاصة به , و فيالآخر لا في علاج و لا غيره

خامساً , صحيح شركات الأدوية بتكسب من الانترفيرون , بس برده هتكسب تمام من العلاج الجديد , إن وجد

**عشان كده أنا لا أثق في أي دواء جديد إلا لو نشر في دوريات طبية محترمة أو لو تم اعتماده و تجريبه على نطاق واسع , حتى تكون فاعليته و آثاره الجانبية معروفه

المشاركة الأصلية كتبت بواسطة Amarantine

جماعه لدي مداخله

هل هناك مايعرف باسم حالة الكمون لمرض فايروس سي للكبد؟
وماهي اعراض الفايروس الكامن وهل التحاليل الطبيه للدم بهدف الكشف عن الفايروس تكشفه؟

بداية فيروس C تم اكتشافه للمرة الأولى في عام 1989 أو أوائل التسعينات (مش متذكر بالضبط)
و في بدايته كان لسة شيء جديد و كان قبلها نسبة 50% من أي التهاب كبدي يقال عليه انه التهاب لسبب غير معروف
و ظهر بعدها نظريات كتيرة للعلاج , منها موضوع الفيروس الكامن
المهم أن آخر كلام بيقول , كامن و لا مش كامن طالما الكبد لسة شغال كويس و في فيروس , يبقى ياخد الانترفيرون
لأن الكامن ده الفيروس بيبقى شغال عادي بس مناعة الجسم قادرة على المقاومة و إن كانت مش قادرة على التخلص التام منه , فهو الأحق بالعلاج لأنه بنسبة كبيرة سيتحقق شفاؤه التام بإذن الله , لأنه ممكن في أي لحظة الكامن يتحول لنشيط بالإضافة لأنه مصدر لعدوى الناس حوله
و الكامن يتفرق عن اللي عمل تحليل مضادات الفيرس و طلع التحليل ايجابي , لأن الشخص ده ممكن يكون مريض أو شخص أصيب بالفيروس و ربنا شفاه بدون ما يحس
و التحليل بتكتشف الكامن بسهولة

**tiito2005** · 09-09-2009, 23:34

ها تثق تماما فى المسئولين عن صحة المصريين فى انهم لم يعرقلوا مثل هذا الدواء وغيره وليس الدواء فقط بل كل ما هو فى صالح مصر؟

**White Ghost** · 10-09-2009, 00:20

المشاركة الأصلية كتبت بواسطة tiito2005

ها تثق تماما فى المسئولين عن صحة المصريين فى انهم لم يعرقلوا مثل هذا الدواء وغيره وليس الدواء فقط بل كل ما هو فى صالح مصر؟

و الله ردك فكرني بموضوع كنا لسة بتكلم فيه مع ناس من شوية
كنا بنتكلم عن استطلاع هلال شهر رمضان و كان هو بيقول أن السعودية اصح لأنهم بيسخدموا العين المجردة في الرؤية بعكس مصر اللي بيستخدموا فيها التلسكوبات
هو بيقول أن الحكومة عندنا بتعند عشان تقول أن كلامها صح , فرديت و قلت و ايه مصلحة الدولة فإن رمضان يكون 29 أو 30 يوم أو حتى 60؟؟؟
و بعدين نتجه للأصح , عمرك سمعت أن الناس في مصر صاموا رمضان 28 يوم؟؟!!
حصلت مع والدي اما كان هناك مرة , أعلنوا أنه حصل مشكلة في الرؤية و صاموا يوم متأخر , و حصلت مع واحد جارنا كان هناك في السبعينات , و انا سمعت ان السعودية قررت مؤخراً اعتماد موضوع الرؤية الفلكية و ده أكيد اتجاه حميد نحو الصح
ممكن تكون الحكومة ضد مصلحة الشعب ان تعارضت مع مصالحها , انما في مواضيع مصلحة الشعب متفرقش معاها زي المواضيع دي
و على فكرة لو العلاج اتحارب عندنا , أكيد في دول تانية محترمة هتسعى إليه و هيتعرف و الدولة هتجيبه غصب عنّها

**tiito2005** · 10-09-2009, 02:09

اخ وايت جوست

ايه مصلحة الحكومة فى التدهور ده فى كل حاجة ؟
حضرتك تعرف كم برائات الاختراع الى بتتسرق او بتتقتل فى مصر كل سنة اد ايه؟؟؟
لو عارف يبقى اكيد وصلك معنى كلامى

**tiito2005** · 10-09-2009, 02:23

وللعلم انا كنت لا اصدق الا ما ينشر فى الدورات والنشرات العالمية
ولكن فكر معى مين اللى بينشر الدورات دى
بشر زيهم زيك بس عندهم ضمير مش زى عندنا بيكتموا العلم ولا يخرج الا بالوراثة
المسئلة اصبحت اكبر من الحكومة لان شركات الادوية اكبر من اى حكومة فى العالم وتعرف كيف تستفيد من تازم المواقف وتعرف اساليب الضغط الملتوية على الحكومات تارة والشعوب اخرى
خلاصة القول
ان موضوع علاج الطحالب اعتقد انه تم نشر الكثير من الكلام عن مصدرة ولم يكن من اكتشفه عطاراً او بدويا (مع الاحترام لهم )
+ نتائج حقيقة مع المرضى + تعتيم الحكومة + شلة الفساد من الاطباء وشركات الادوية + احنا فى مصر = اانتيجة اللى احنا فيها حاليا

**Brigadier** · 31-10-2009, 20:02

مداخله ومساهمه طيب يا ام اسامه , لكن الموضوع يعتمد على درجه المرض و عمره و عمر المصاب و قدرته الجسمانيه والمناعيه لذلك الامر نسبي ومتفاوت.

**المبرمج المصرى** · 29-11-2009, 02:37

الحمد الله الذى عافاك من هذا المرض اللعين الذى كان سببا فى أن افقد اعز شخص لدى

**moriatte** · 29-11-2009, 03:13

طيب هل العلاج دا مفيد لمرضى فيروس B؟
انا ليا واحد صاحبى مصاب بفيروس B وكان فى مصل بتنتجه وزارة الصحة عبارة عن سم النحل...ولكن لأسباب مجهولة توقفت الوزارة عن انتاجه.
فهل هذه الطحالب مفيدة فى علاج B أيضا؟

**يقيني بالله** · 07-03-2010, 16:40

السلام عليكم ورحمة الله وبركاتة
بارك الله فيكي يا ام اسامة لو فعلا شفيتي
تماما من الفيرس تطمنيني لانك عارفة ومقدرة مدي
الماساة اللي انا فيها الان
نفسي بس اكبر اولادي شوية
انا فعلا اتصلت من فترة بالاستاذ احمد في المحلة
ولكن لم اذهب مش عارفة لية
انا منتظرة اي حد يدخل ويكون عارف علاج لفيرس سي لا
يبخل علي المرضي الكثير به
اسعد الله الجميع بالشفاء ورضي الرحمن