أعتقد ال500 هيبقى كويس, لأن كارتين HD4770 بيستهلكوا طاقة أقل من كارت HD4850 لوحده.
لو خلاص اشتريت التجميعة يبقى مبروك عليك. لو لسا مشتريتهاش ياريت تجاوب الأسئلة اللي في توقيعي لأنك ممكن تجيب حاجة أحسن من اللي حضرتك ذكرتها و بنفس السعر.
إستفسار ضروري ياشباب بخصوص الـ Power Supplies الـ HEC المتاحه عندنا في مصر ....
السلام عليكم ياشباب ..
كان عندي إستفسار بخصوص باورات HEC المتاحه عندنا في مصر
سمعت ان مافيش 550 او 580
ليه 500 بس وبعدين 600 على طول ومافيش حاجه وسط ؟
وطبعا فارق السعر بينهم كبير
علشان كده كنت بسأل لو فيه حاجه وسط تقدر تشغل كارت 4770 كروس فاير
مع باقي الامكانيات اللي كاتبها ..
وحاجه تشغل الامكانيات دي مع كروس فاير 4770 " بدون قلق على حاجه "
يعني اقعد العب Heavy Games في الصيف
وانا مطمئن ان الجهاز مش هاينفجر والـ Save بتاعت اللعبه تضيع " هازعل على الـ Save اوي :D "
تاني إستفسار بخصوص باور 500 من HEC " في حالة عدم توافر 550 او 580 "
هل يقدر يشغل الامكانيات دي بعد 4 او اربع شهور عمل :
بروسيسور Q9550
رام 4 جيجا هايبر اكس 1066
مازر جيجا بايت X38
كارتين 4770 كروس فاير
هارد 320
3 او 4 مراوح " 4 للكيس وواحده للبروسيسور طبعا "
ديفيدي ريد / رايت
- سبب ذكر بند 4 شهور عمل اني ان شاء الله هاجمع ده كله بس بعدين هابقى اضيف بس كارت تاني 4770 فاهمني ؟؟ -
هل هايكون ساعتها الباور الـ 500 ده كافي لتشغيل الحاجات دي " بدون قلق على حاجه " ؟؟
بإنتظار الردود ياشباب منكم جميعا والكل يقول رأيه ووجهة نظره
خصوصا من حد معين ياريت ينورني في الموضوع " اكيد هو عارف طبعا :D "
وشكرا مقدما للجميع
أعتقد ال500 هيبقى كويس, لأن كارتين HD4770 بيستهلكوا طاقة أقل من كارت HD4850 لوحده.
لو خلاص اشتريت التجميعة يبقى مبروك عليك. لو لسا مشتريتهاش ياريت تجاوب الأسئلة اللي في توقيعي لأنك ممكن تجيب حاجة أحسن من اللي حضرتك ذكرتها و بنفس السعر.
شكرا ليك ياباشا نورت الموضوع
واهم شئ ياشباب حاولو تتأكدولي من الموضوع ده احسن داخلين على الصيف وخايف ملحقش اتهنى بالجهاز
هل فعلا الباور هايشغل الجهاز وهو مرتاح ومش قلقان من حاجه ؟
وبخصوص التجميعه انا تقريبا كده شبه استقريت عليها خلاص واشتريت منها فعلا البورده والكيس الفاضيه " Setto 1000 "
علشان كده امكانية التعديل محدوده شويه او ممكن تبقى في نطاق ضيق
لإني خلاص جيبت المازر فصعب طبعا انتقل للـ AMD
وكمان حاولت اشوف بروسيسور اعلى يركب عندي
بس لقيت ان ده اعلى حاجه ممكن تركب عندي واخر حاجه موجوده عندنا في مصر في الكواد كور
بس لو عندك اقتراحات ممكن تقدم اداء افضل بنفس السعر يبقى زي الفل
مع العلم ان الجهاز بإذن الله هايكون جيمز فقط مع بعض الفوتوشوب واحتمال اجيب شاشه سامسونج 23
وطبعا ماليش تُقل على الاوفر كلوكينج واخيرا مش ناوي اجدد الجهاز تاني قبل فتره " كام سنه "
مع الوضع في الاعتبار طبعا ان المازر خلاص تم شراءها وباقي المكونات لسه
مش لازم تعمل كروس فاير انت هات 4890 وريح دماغك و وفر تمن البوردة اللى فيها كروس فاير
فضل هذا المنتدى علىَّ -بعد الله- كبير , و أحب أن أقدم الشكر .
فليسامحنى الله أولا ثم كل من قد أكون ارتكبت مثل هذه الأفعال فى حقه , و أعلم أنى طلمتُ كثيرا من الناس بكلامى هذا , فليس أحد هكذا غيرى أنا , و ليس أحد بمثل هذه الصفات غير النبيلة غيرى , فليسامحنى الله إن كنت ارتكبت أياً منها يوماً ..
عذرا إذ أنه لضيق الوقت لا يسعنى تعديل الكلمات أو تنسيقها أو تشكيلها .
مع الاسف مش هاينفع ياباشاالمشاركة الأصلية كتبت بواسطة DR ! ZERO
لإني خلاص الحمد لله اشتريت البورده وبارك الله فيما رزق
علشان كده لقيت ان دي تقريبا افضل خطه
تجميع جهاز عادي على البورده دي وبعدين كارت تاني ان شاء الله لو اعطانا الله العُمر
من ناحيه هايكون الكرت رخص ومن ناحيه تانيه هاتكون العاب اشد نزلت
بس كل ده مش مهم
اهم حاجه لسه موضوع الباور اللي هايجنني
رأي دقيق تماما ، هات ال 500 واط وانت مطمئن .. بس ياريت ماتكترش في المراوح .. لان ده عبأ علي الباور سبلاي برضه .. وخليك في المراوح الضرورية بس .. حتي مفيش داعي لاي مراوح اضافية لو كيستك واسعة .. وانا شايف ان مفيش حاجة عندك في الجهاز حتطلع حرارة عالية تستاهل كل المراوح ديه .
وقف الخلق ينظرون جميعا كيف أبنى قواعد المجد وحدى
وبناة الأهرام فى سالف الدهر كفونى الكلام عند التحدى
أنا تاج العلاء فى مفرق الشرق و دراته فرائد عقدى
أى شئ فى الغرب قد بهر الناس جمالاِّ ولم يكن منه عندى
بصراحة اخى الفاضل انا مقدرش افيدك فيه مسألة ان 500 وات كافى ولا لا بس ممكن حضرتك تدور على النت على اى ريفيو اجنبي وتشوف اذا كان فيه مشاكل حصلت مع الكروس فاير مع الباورات القليلة ولا لا .
بس رأى الخاص ان 500 وات ليس كافى لسبب ان اغلب الكروس فاير بيعمل ضغط كبير على الباور صبلاى وبيستهلك اغلب طاقتة وبالتالى انت محتاج 600 عشان تبقى مستريح لو 750 يبقى افضل واريح ليك وحضرتك بدل ما تجيب كارت تانى 4770 لاما تجيب باور عالى مكان الكروس فاير وشوية وابقى اشرتى كارت تانى زى ما انت عايز وبعدين الله اعلم كمان 4 اشهر حيحصل اية ممكن تلاقى الباورات اسعارها بقيت 2 جنية ولا حاجه ههههههههههه فنصيحة اصبر اخى الفاضل لاما الحاجة ترخص لاما هات كارت واحد وزود فى الباور صبلاى احسن بكتير لان الباور صبلاى حيعيش ان شاء الله وسعره لو نزل مش حتخسر حاجة بس كروت الشاشة اسعارها نازلة نازلة لا مجال للنقاش ولو بصيت حتلاقى كله عمال يبيع دولقتى كروتة 4850 و 4870 عشان عارفين ان الكروت دية بعد نزول الكروت Dx11 مش حيبقى ليها قيمة والالعاب كمان حتتغير وحتبقى محتاجة كروت اعلى وانت قولت انك بتحب الالعابفحافظ على فلوسك واستثمرها كويس فى جهاز على الاقل تقدر تعيش بيه 2سنة قدام مش جهاز تجيبة تلاقى نفسك عاوز تغيرة والله اعلم
وربنا يوفقك فى جهازك اللى بيتجمعة
كويس انك متفق معايا, بس المراوح مبتستهلكش طاقة كبيرة على حد علمي.
اللي هيحصل ان بعد 4 أشهر هتلاقي ان تغيير الHD4770 بكارت من فئة HD5XXX هيبقى حل اقتصادي و عملي أكتر, و هيديك أداء أعلى من كارتين HD4770.
لو ناوي على Crossfire يبقى اشتري الكارتين دلوقتي, انما متشتريش واحد بعدين تستنى أربع شهور و تجيب التاني.
و نقطة تانية مهمة, انك مش هتستفيد من قوة أداء الHD4770 الا لو معاك شاشة كبيرة زي السامسونج اللي حضرتك ذكرتها, فرأيي انك تشتريها في أقرب وقت ممكن.
الماذر دي موديل قديم شوية, فغالبا حضرتك جبتها مستعملة. ياريت تقول جبتها بكام و امتى.
و حضرتك برضه محددتش ميزانية الجهاز. حضرتك معاك كام دلوقتي, و ناوي تزود عليهم كام في المستقبل القريب؟
أحب أختلف معاك في شوية نقط.
أولا الباور ال500 لو نضيف فعلا مفروض يسد, لأن استهلاك كارتين HD4770 أقل من كارت HD4850 وحيد.
الHD4770 مصنوع بتقنية 40 نانو, و تسعيره ضرب كروت كتير موجودة دلوقتي. فأنا حاسس انه بالفعل ينتمي للفئة المتوسطة من الجيل القادم الHD5XXX.
أكيد لما الHD5XXX بنزل, الأسعار هتقل كمان عن دلوقتي. بس لما ينزل هييجي حد و يقول له استنى الكارت ينزل مصر بأسعار كويسة. و لما ينزل بأسعار كويسة هيقول له استنى الCore i5. و لما ينزل الi5 هتقولوا له استنى الكروت بتاعت انفيديا. يعني دوامة مش هتخلص. لو صاحب الموضوع عاوز يشتري, يبقى يشتري دلوقتي, بس يركن ميزانية صغيرة على جنب يحدث بيها الجهاز على المدى البعيد.
مع الاسف مش هاينفع ياباشا
لإني خلاص الحمد لله اشتريت البورده وبارك الله فيما رزق
علشان كده لقيت ان دي تقريبا افضل خطه
تجميع جهاز عادي على البورده دي وبعدين كارت تاني ان شاء الله لو اعطانا الله العُمر
من ناحيه هايكون الكرت رخص ومن ناحيه تانيه هاتكون العاب اشد نزلت
معلش بس عايز اقولك حاجة انت لو جبت كرت زى ال 4770 ايه اللى هيخليك تجيب كمان واحد
يعنى زيادة اداء طيب انت الشاشة بتاعتك كام وبتلعب على ريسوليشن كام
لو العاب اشد الالعاب كده كده هتشتغل على كرت واحد على اقصى اعدادات يبقى ايه لازمة
الكرت التانى
انا رايى انك توفر الباور وتجيب باور 350 وات وكرت واحد .... و الفلوس اللى هتتبقى خليها
واستنى بكارتك سنة أو سنة ونص وهات كرت بقى من كروت ال DX 11
وكرت ال 4770 مش وحش يعنى يستحمل السنتين اللى جايين كمان .
فضل هذا المنتدى علىَّ -بعد الله- كبير , و أحب أن أقدم الشكر .
فليسامحنى الله أولا ثم كل من قد أكون ارتكبت مثل هذه الأفعال فى حقه , و أعلم أنى طلمتُ كثيرا من الناس بكلامى هذا , فليس أحد هكذا غيرى أنا , و ليس أحد بمثل هذه الصفات غير النبيلة غيرى , فليسامحنى الله إن كنت ارتكبت أياً منها يوماً ..
عذرا إذ أنه لضيق الوقت لا يسعنى تعديل الكلمات أو تنسيقها أو تشكيلها .
يمكنك استعمال الموقع الموجود في توقيعي للوصول الى استهلاك مكونات جهازك من الطاقة مما يعطيك انطباع عن الإحتياج الفعلي للجهاز.
https://www.extreme.outervision.com/psucalculator.jsp
ريسولوشن الشاشة السامسونج 1080×1920, و دي ريسولوشن كبيرة, فهو هيحس بفارق مع Crossfire.
شكرا ليكم جميعا ياشباب
ودلوقتي ممكن نقول الحيره زادت شويه
مابين شراء باور عالي انتظارا لكارت اخر ومابين شراء كارت واحد والتحديث بعدين وهكذا
عموما موديل البورده بالتحديد هو GA-X38-DS5
اشتريتها مستعمله لكن بحاله فوق الممتازه وبسعر تقريبا 600 جنيه وضمانها فاضل عليه لسه كتير
وجيبت كمان الكيسه وهي Setto 1000
ده اللي تم شراءه بالفعل
والميزانيه المتوفره علشان باقي المكونات حوالي 3500 جنيه
مع العلم ان الشاشه السامسونج مش داخله ضمن الميزانيه دي ومنتظر ان شاء الله الشهر القادم يجيلي تمنها لوحده
بمعنى اني ان شاء المولى عز وجل هاجمع كل المكونات دي واشتغل على الشاشه القديمه لمدة شهر تقريبا
وبعدين ان شاء الله ابقى اجيب الشاشه الشهر القادم بإذن الله
وبخصوص التحديث المستقبلي ممكن اكون قدرت اجمع مبلغ مماثل بعد 4 او 5 شهور مثلا
بس انا كده هابقى حاسس اني بشتغل علشان الكمبيوتر وبضيع فلوسي على الكمبيوتر في دوامة التحديث
إيه رأيكو في الموضوع ده تفتكروا ايه احسن حل ؟
حسب استخدام حضرتك للجهاز. عموما أنا لو مكانك هشتري الآتي:
Intel Core 2 Quad Q8200 Processor - 970
Kingston 2X2GB DDR2-800 CL6 RAM - 270
Sapphire HD4770 Video Card - 775
Sapphire HD4770 Video Card - 775
Western Digital WD6400AAKS 640GB (Blue) Hard Drive - 380
NEC Optiarc 7200S DVD-RW - 110
HEC 500W PSU - 380
------------------------
الاجمالي: 3660 جنيه
------------------------
تعليقاتي على المكونات:
البروسيسور: أنا شايف ان الQ9550 ميستحقش سعره, فرشحت الQ8200. و حضرتك ممكن بسهولة ترفع تردد الQ8200 من 2.33 ل2.8 عشان يوازي أداء الQ9550 بدون قلق على ثبات الجهاز.
الرامات: لو كان بيظهر أي فارق في الأداء الفعلي مع رفع تردد الرامات كنت رشحت لك حاجة أعلى من كده.
الهارد درايف: حاول تدور على الويسترن ديجيتال 640GB Blue لأنه مش بس بيدي مساحة أكبر بالضعف من ال320, الا و انه كمان أسرع.
ال640 الGreen أهدا و أرخص, بس أداؤه أقل و بالتالي مبنصحش ان ينزل عليه نظام التشغيل و البرامج. و الBlack رغم انه أسرع من الBlue, الا و ان سعره مبالغ فيه و صوته أعلى.
فحاول تجيب الBlue لأنه بيحقق معادلة الأداء مقابل السعر مقابل الهدوء مقابل المساحة. المشكلة انه مش منتشر دلوقتي فممكن تتعب على بال ما تلاقيه.
و الجهاز كده هيبقى ممتاز و ان شاء الله مش هتحتاج تحدثه في المستقبل القريب.
ضوابط المشاركة
المفضلات