هنا تجمع التّواقيع بخصوص الشّكوى على أسعار ASUS في سوريا

[haniwasim1]

اخي رامي اشكرك لانك رايق وانشاء الله هيك نحن واياك على طول.

بس تم توجيه اساءات للوكيل وهذا ما جعلني استاء انا وصديقي واتنيناتنا زباين اشتيرنا بيوم من الأيام آزوس واحسسنا انو من كلام البعض في حط من قدر قرارات اكلت معنا وقت لإتخذناها.

الذي زعمتم انه دخل بعضوية جديدة انما فقط استعمل كمبيوتر لأني بزرزر وما في غير هالـمحمول معي. وابو البر ما هو نكرة بس هو زلمة ما بيدخل النت الا كتير قليل لأنو موظف 11 ساعة يوميا وصديق وهو اللي قللي علا اللينك. ثم انو اذا قلت انو في البعض عم يتجنى او يفتري انا قلتا بس ما قصدت شخص بذاتو وكل مين حس انو مقصود انا بعتذر امام المنتدى منو.

انا كلا هالشهر وشوي وبعدا بسافر ومابتشوفوني مع انو عندي 2M بس بدخل بمكينة الإستهلاك الإماراتي

[alayoubi]

رامي اذا خلصتوا موضوع الشكوى قولي منشان أنا ناوي على نية .. وهي :
.
.
.
.
.
.
.
.
أغلاق الموضوع من بعد اذنك :mad: بالمناسبة :

.
.
.
.
.
شو هاللون الخمري لابقلك :D

[ramy]

بس تم توجيه اساءات للوكيل وهذا ما جعلني استاء انا وصديقي واتنيناتنا زباين اشتيرنا بيوم من الأيام آزوس واحسسنا انو من كلام البعض في حط من قدر قرارات اكلت معنا وقت لإتخذناها.

أخي العزيز..
أيّة إساءة لشخص لوكيل من قبيل أو بعيد راسلني بها على الخاصّ أو ارفع بها تقرير مشاركة سيّئة و لك منّي وعد بالتّعامل معها على الأقلّ بالحذف و التّعديل..

و بعد إذنك تمّ حذف السّطر الأخير من مشاركتك، ليس لأنّه لا علاقة له بالموضوع، لكن لأننّا كلّنا عرب و هذا الكلام يفرّق أكثر ممّا يجمع، مع تقديري الشّديد لمشاعرك الوطنيّة..

أخي الأيّوبي..
مرّة ثانية منوّر الموضوع..
و بخصوص الشّكوى فاليوم رفعتها مرّة تانية، رفع على طريقة المنتديات و منتظر ردّ الشّركة..
يعني كلها كم يوم و ينتهي الموضوع إن شاء الله..
و مشان اللّون الأحمر، فأنا كمان أشعر أنّه "لابقلي" :D
و على الأقلّ أنت و يزن انضممتم للرّابطة قبلي بوقت طويل و كان لديكم وقت لتجربة اللّون الأحمر، بينما هذه أوّل مرّة أقوم بتجربته، و بصراحة أعجبني جدّاً..


تعديل:

آسف جدّاً لم أنتبه لهذا الرّد:

اخي رامي المحترم، اكرر اسفي انو عم جاوب قبل ما لحق اقرالك يمكن عند 2M نحن بتاع الدايل آب. هذا الكلام أعلاه اساءة للزلمة وتشهير بإسمه. يعني انا لليوم صار لي زبون الماركة زمان مابعرف انو اسمو كذا لليوم شفت الكلام أعلاه وسألت قام ناس قالتلي انو هو الوكيل وناس قالت انو وراه الوكيل الآخر الفلاني والعلاني وما عرفت شي للحين وبصراحة مابيهمني.

على فكى اذا بيفيدكون انا راجع ثاني اسبوع من رمضان وراح زور مكتب التسويق الإقليمي حصلت عنواني من النت وهو بالحرة بمطار دبي.

لا عليك..
بخصوص الكلام الوارد في المشاركة المذكورة فهي عبارة عن كلام ورد على لسان تاجر من تجّار السّوق، و لا أعتقد أنّه يعتبر إساءة للوكيل..
فلو اعتبرنا الأمر كذلك فالأولى وقتها إغلاق سيريا نيوز و كافّة الجّرائد التي تنقل كلام التّجّارو الششّعب بمختلف فئاته..
سأقوم ببالنّظر بمزيد من التّدقيق بهذا الشّأن غداً إن شاء الله لأنّي الآن مرهق و أحتاج للنّوم..

[ramy]

بصراحة كتبت ردّ طويل عريض لكن لا أعلم أين ذهب..
المهمّ، خلاصة الرّدّ أنّني نزلت للسّوق مساء البارحة و لاحظت انخفاض أسعار أجهزة ASUS المحمولة بشكل كبير، و أتمنّى للوكيل التّوفيق في توسيع حصّته السّوقيّة من أجهزة المحمول بعد هذا التّخفيض..

و للأخ هاني، فاستخدام كلمة زعم يعني ضمناً أنّنا ندّعي أنّها عضويّة مزدوجة و نعلم أنّها ليست كذلك، و سأنظر في لوحة التّحكّم فإذا كان العضو قد سجّل من جهاز آخر فسأعيد عضويّته للعمل هذا المساء..

الذي زعمتم انه دخل بعضوية جديدة انما فقط استعمل كمبيوتر

[ramy]

تمّ إزالة الحظر عن عضويّة الأخ burrosultan

[suliman_syria]

اخي رامي شو صار بالشكوى؟

[ramy]

البارحة ردّوا و قالوا أنّهم سيردّون عليّ خلال 48 ساعة، أي غداً..

[toot-alsham]

@الفجر القادم
رابط من اليوتيوب :D :D
1- اليوتيوب محجوب في سوريا.
2-لا يوجد أحد لديه خط أسرع من 64 كيلو حتّى يتمكّن من مشاهدة الملفّ..

اوووووف .... اليوتيوب محجوب :eek:

أول مرة بعرف .. خصوصا أنو صارلي فترة ما نزلت عل سوريا

[haniwasim1]

الاخ خليل المحترم،
راجعت قوائم الأسعار وكنت الليوم كمان بالبحصة واتصلت بمركز الصيانة للوكيل بالشام وعرفت وين الغلط. انتو عم تسألوا البياعين وبتعتبوا على الوكيل، اي هاي مو ظابطة بنوب يامعلم. ليش ما تسألو للمركز مباشرة. بجبلكون مثال: انا لما بدي سافر براجع كل المعلومات المتاحة عن الخطوط الجوية المتوفرة ومواعيدها على الإنترنت وبتصل بشركات الطيران بشكل مباشر وبسئل عن الخيارات والأسعار المواعيد واذا في تغييرات وكل شيىء. بس لما بدي أعرف السعر الحقيقي بتصل بمكاتب الطيران اللي كلها بتعطي اسعار اقوى من شركات الطيران ذاتها وبشتري وبسعر من عندن.

اذا بدكن تعرفو توفر و اسعار مواد لازم تسألوا الوكيل بس مو لازم ابداً تشتروا لا من عندو ولا من عند غيروا قبل ما تسالو عند البياعين لأنن بيكونو ارخص من الوكيل واحيانا بكتير. وانتو عملتو العكس. صحيح البياعين بدون يبيعو بس كلنا منعرف مدى قلة تنظيم عمل معظمهن. وبضربلك مثال على ذلك: كرت ال 4870 اي ماعندن منو من زمان وهنن اكدولي انن ماجابو منو من اكثر من ثلاث اشهر ولما قلتلن انو موجود على موقعن على الانترنت جاوب السيد "مبيعات" انو هدا طبيعي لانو بيجوز في حدا من البياعين لسة عندو منو قطعة ومابحرجو بأنو يشيلو من الموقع او قائمة الأسعار بسرعة.

اكتر من هيك لما قلتلو انو أسعار كروت الشاشة كتير عالية مقابل ماركات تانية اعترف بأنو ها الأمر ماهو بإيدو وانو كموظف مبيعات ناقش الموضوع مع ادراتو وانو الإدارة ناقشتا مع الشركة بس كانت بدون جدوى من فترة 6اشهر بس راح تتغير. واكدلي وانا شفت بعيني انو اسعار البوردات سياستها عند اسوس مختلفة تماماً وانا لاحظت ها الشيى بعيني حتى والله سعر البورد rampage II extreme ارخص عند البياع بالشام مما استريتها بخالد بن الوليد بشيى 200 درهم. مع انو بنفس الوقت وللمقارنة المعالج ذاته اللي ركبته 920 core7 (والي مالو وكيل...الله وكيلكن) كان اغلى بالشام من دبي بشي 80 درهم.

اما عن اللابتوب اخي رامي، لا والله اسعارن دايما كتير كويسة بينزلوها عطول لأني بتجيني نشرتن بالإيميل وبرجع بكررلك قصتي اني السنة هاي صار اشتريت اربع لابتوبات اسوس (واحد لرفيقي بالبلد نوع core2 مع كرت شاشة ati 3470 (512mb dedicated) بسعر 40500 موديلو x59 بالشهر الأول وللحين ايصال الشراء معي. والتاني بالشهر التالت هدية لأمو لرفينقنا كان موديل x59gl وكان سعرو 35000 واشتريتو ب 33500 والتالت موديل m51a لأبي الشهر الخامس بسعر 41000 مع بصمة وcore2 وانا عم استعملو للكتابة لآن. والرابع اشتيرتو من اللإمارات للشغل بفاتورة محلية موديل f80 ليصرفولنا ياها بالشغل. اسعار لابتوباتن دايما مناسبة لألي مقابل كفالتا وميزاتا بس لاقيت اسعارا نزلت كمان في البحصة اليوم. ومع انو في اتشبي وايسر وماركات كتيرة بالدنيا بس انا تعودت اشتري اسوس من سنتين وماعم غير وماعم اندم.

من قلبي بتمنى تجيب شكوتكن نتيجة لانو اللي بيستفيد هو الزبون متلنا بس ردت انو ماينظلم الزلمة وانو الظلم يجي على ايدين شباب عم تشتغل بجد متلكون وتصبحو على خير.:ah22:

[shaker3]

اعذرني فلم استطيع ادخال هذه الفكرة في راسي واقنع نفسي بها انو بيبقى السعر مرتفع بالموقع الرسمي للوكيل مع انه الوكالة لا يوجد فيها الكرت بل كرمال عيون بائع عنده كرت
في هذه الحالة يا عزيزي يتم تخفيض الكرت عند البائع عن طريق الشركة يعني لوصار الكرت يسوى 1000 ليرة هل من الطبيعي والمألوف ومن المنطق والحكمة والشطارة ابقائه بسعره عندما دخل لاول مرة عالبلد كرمال عيون بائع
طيب فهمنا كرت واحد وبقي سعره عالي مشان البائع
وبقية الكروت :confused::confused::confused:
هل الوكالة خالية من كل كروت الشاشة المسعرة بالموقع الرسمي وموجودة عند الباعة فقط ومن اجلهم بقيت التسعيرة عالية :D:D عزيزي الاخوة حكوا عن تجارب واقعية وليس قصص خيالية برد بقلك متل ما قلك غيري ارجع وراجع الموضوع من اوله لحد اخر مشاركة ولا تجي تشوف شو اخر شي انكتب
واكتر من مرة نحن موضوعنا يتناول قضية الاسعار اللتي تسهم في ابتعاد الناس عن اسوس وليس تعرضا لشخص الوكيل اللي قد يكون تصله البضائع بسعر مرتفع قليلا ((قليلا)) وليس الضعف وانا اول الناس لو اسعار اسوس مثل غيرها كنت بختارها

[ramy]

اما عن اللابتوب اخي رامي، لا والله اسعارن دايما كتير كويسة بينزلوها عطول لأني بتجيني نشرتن بالإيميل وبرجع بكررلك قصتي اني السنة هاي صار اشتريت اربع لابتوبات اسوس (واحد لرفيقي بالبلد نوع core2 مع كرت شاشة ati 3470 (512mb dedicated) بسعر 40500 موديلو x59 بالشهر الأول وللحين ايصال الشراء معي. والتاني بالشهر التالت هدية لأمو لرفينقنا كان موديل x59gl وكان سعرو 35000 واشتريتو ب 33500 والتالت موديل m51a لأبي الشهر الخامس بسعر 41000 مع بصمة وcore2 وانا عم استعملو للكتابة لآن. والرابع اشتيرتو من اللإمارات للشغل بفاتورة محلية موديل f80 ليصرفولنا ياها بالشغل. اسعار لابتوباتن دايما مناسبة لألي مقابل كفالتا وميزاتا بس لاقيت اسعارا نزلت كمان في البحصة اليوم. ومع انو في اتشبي وايسر وماركات كتيرة بالدنيا بس انا تعودت اشتري اسوس من سنتين وماعم غير وماعم اندم.

طيّب سؤال بسيط، منذ متى صرت تقارن أسعار محمولات ASUS بالماركات الأخرى في السّوق السّوريّة؟
إذا كان الأمر منذ 3 أو أو 4 أو 5 أشهر فعلى الدّنيا السّلام..أنا كتبت أنّ كلامي مضى عليه عدّة أشهر و أحسبها 6 أو 8 أشهر..
أمّا إذا قلت أنّك متابع أسعار ASUS و مقارنها بالأسعار الثّانية في السّوق السّوريّة منذ عامين، فوقتها سأسأل نفسي:
هل كنت أحلم طوال تلك المدّة بخصوص الأسعار؟
طبعاً لم أكن أحلم، و لكن المقيم في البلد و الذي يستطيع في أيّة لحظة النّزول للسّوق و إحضار عروض من مختلف الماركات و الموديلات هو الأقدر برأيي على تحديد كيف كانت الأسعار (طبعاً فقط في ذلك الوقت الذي كنت أجلب فيه العروض و أتابع الأسعار)..

سأحاول خلال هذا اليوم (لكن ليس وعداً لأنّني قد لا أتمكّن من ذلك) سأحاول الحصول على ورقات عروض أسعار المحمولات التي جمعناها أنا و صديقي في تلك الفترة و سأمسح الورقات بالماسح الضّوئيّ Scanner و أرفع الصّور إلى موقع رفع ملفّات و أضع الصّور هنا..
عسى أن تنتهي الشّكوك بخصوص أسعار المحمول في تلك الفترة..

عموماً تعلّمت درس مهمّ بعد أن علمت بانخفاض أسعار المحمول لدي ASUS و أنا الذي كنت أتكلّم عن أسعار قديمة أعتقد أنّها لا تالز كما هي (بسبب أنّها استمرّت طويلاً) و الدّرس هو:
العالم الذي عرفته أمس، تغيّر اليوم..

[Kh@LiL]

اذا بدكن تعرفو توفر و اسعار مواد لازم تسألوا الوكيل بس مو لازم ابداً تشتروا لا من عندو ولا من عند غيروا قبل ما تسالو عند البياعين لأنن بيكونو ارخص من الوكيل واحيانا بكتير. وانتو عملتو العكس. صحيح البياعين بدون يبيعو بس كلنا منعرف مدى قلة تنظيم عمل معظمهن. وبضربلك مثال على ذلك: كرت ال 4870 اي ماعندن منو من زمان وهنن اكدولي انن ماجابو منو من اكثر من ثلاث اشهر ولما قلتلن انو موجود على موقعن على الانترنت جاوب السيد "مبيعات" انو هدا طبيعي لانو بيجوز في حدا من البياعين لسة عندو منو قطعة ومابحرجو بأنو يشيلو من الموقع او قائمة الأسعار بسرعة.

اكتر من هيك لما قلتلو انو أسعار كروت الشاشة كتير عالية مقابل ماركات تانية اعترف بأنو ها الأمر ماهو بإيدو وانو كموظف مبيعات ناقش الموضوع مع ادراتو وانو الإدارة ناقشتا مع الشركة بس كانت بدون جدوى من فترة 6اشهر بس راح تتغير. واكدلي وانا شفت بعيني انو اسعار البوردات سياستها عند اسوس مختلفة تماماً وانا لاحظت ها الشيى بعيني حتى والله سعر البورد rampage II extreme ارخص عند البياع بالشام مما استريتها بخالد بن الوليد بشيى 200 درهم. مع انو بنفس الوقت وللمقارنة المعالج ذاته اللي ركبته 920 core7 (والي مالو وكيل...الله وكيلكن) كان اغلى بالشام من دبي بشي 80 درهم.

هو فعلا كرت 4870 غير متوفر حاليا ولكن حين توفره كان أغلى من باقي الشركات ب5000 ل.س ولكن لماذا لم تذكر باقي الكروت التي وضعتها لك في المقارنة(250-9800....) هي متوفرة الآن في المحلات وبإمكانك السؤال عن سعرها ومقارنتها مع غيرها من الشركات!، أما في مسألة سؤال الوكيل عن توفر القطع وسعرها فعادةً معظم المنتجات الموجودة في الوكالة موجودة عند المحلات وأسعار الأخيرة تكون أرخص بقليل وهذه ميزة إيجابية وليست سلبية بالنسبة للأسعار....كما أنني عند سؤالي عن أسعار منتجات لشركات أخرى أسأل المحلات أيضاً وقليلة هي المرات التي سألت الوكيل عنها.
إن قرأت الموضوع من بدايته ستجد أن هذه الشكوى موجهة بشكل رئيسي لكروت الشاشة بشكل خاص وبعد البوردات أما بالنسبة لي فأجد أسعار اللابتوبات معقولة ومنافسة لأسعار الشركات الأخرى.
وأعود وأكرر ليس هناك شيء شخصي على وكيل أسوس وإنما نحن طرحنا موضوع الشكوى لاستمرار تلك السياسة منذ مدة طويلة ولاستمرار ارتفاع أسعار كروت شاشة مثلا من اسوس حيث لم أجد منذ فترة سنتين إلى الآن كرت من اسوس بسعر منافس أو يقل عن أسعار الشركات الأخرى!، وإن كانت هذه سياسة الشركة الأم أو لا فنحن لم نقم بظلم أحد وإنما كانت الشكوى ضد سياسة الأسعار فقط.

[shaian74]

الأخ هاني وسيم كلامك غريب ... أنا ببيروت بطلب الأسوس من شركة ... بدفع شحن وتخليص ..وأنا عم قلك مش طالب كمية يا أخي أن فلقت حالها بتضل أرخص من حلب والشام .... وبعدين أذا جيتها من دبي أغلى من الشام..... أسمحلي وما تزعل لقد خورفوك يا بني .... قلي من وين جايبها وأنا بتصل فيهم مباشرة وبجبلك سعرها الحقيقي..... أنت عم تحكي مع شخص بيشتغل بالأسوس من قبل ما تنعرف بلبنان أو سوريا يا صديقي.... وعلى فكرة بعطيكم عنواني وأهلا وسهلا بكل شخص حابب يتأكد من صدق كلامي.

[ABDALLAH_4]

حول ديجتال بلاس

منذ انطلاقتها عام 1991 شهدت مؤسسة "ديجيتال بلاس" نمواً وتطوراً كبيرا في ميدان حربها على المواطنين السوريين وتوزيع لهم منتجاتها باسعار باهظة الثمن بإستملاكها الواضح لاكبر الشركات العالمية بصورة بشعة وصيانة قطع الحاسوب بشكل كيفي وادراج كلمة سوء استخدام من قبل الزبون ضمن مخططاتها الهادفة للإبقاء على سمعتها أمام الشركة ونقل صورة مميزة عنهم للإستفادة فقط وعدم إفادة شعبهم العظيم وتعمل أيضا في تحطيم المواطنين السوريين والقضاء على اموالهم واعصابهم بالإضافة لأعمال ذكية في بيع القطع المستعملة والتي اساء من سمعة الشركة المنتجة إلى سابع ارض .

وعودت ديجتال بلاس زبائنها على تقديم خدماتها بامتياز ببيعها القطع المستعملة على انها جديدة وواضح سمته معايير الجودة الصارمة !! واعتبار منتجاتها بانها الأفضل على الإطلاق والشركة المصنعة ليست معصومة عن الخطأ لان شركة asus ناجحة 100 % ولولا نجاح asus على الصيد العالمي لما نجحت ديجيتال بلاس 0 % في ميدان السوق السورية وعدم الالتزام الدقيق بدقة العمل فأصبحت بذلك مصدرهم الأخير في السوق بتقديم حلول فاشلة ومنتجات مستعملة وباهظة الثمن وللأسف لاتتفق وحاجاتهم المباشرة على المستوى المحلي وليس الإقليمي وبذلك تحاول تقديم 10 % من منتجات asus فقط وهذا من اجل المصلحة العامة بحسب تقديرهم وترك 90 % من منتجات asus يحلمون بها الشعب السوري من خلال متابعة اخبارها على النت وفي اسواق الخليج لتحرق اعصابهم وتجعلهم في عالم مليئ بالإحباط وخيبة الأمل .

ديجيتال بلاس كرست نفسها تماما لهدم زبائنها ووضعتهم في نصب عينيها لتجعلهم كعصف ماكول , وعمدت على افتتاح مراكز خدمة لنفسها لزيادة عدد ارجلها في استملاك الشعب السوري ودعم منتجاتها الباهظة الثمن في كل من المنطقة الجنوبية والشمالية وتوفر المراكز المذكورة أعلى مستويات الخدمة الرديئة ..

أما بعد :

يطيب لي ان اشارك معكم في هذه الشكوى الصادقة وأرجو أن يكون إسمي في هذه الائحة العادلة لانني أكبر الخاسرين حيث منذ أكثر من 10 سنوات وانا اتعامل مع وكلاء أسس في سورية في /حلب /حي المحافظة / ومنذ ذلك الوقت حتى اليوم تذوقت المر منهم بل الامر والله العظيم لم ينصفوني رغم مصداقيتي معهم .

خدمتهم سئية وحججهم كثيرة وأسلوبهم ماكر يعاملون الناس في البداية على انهم طيبون ولديهم الأسلوب لعمل ذلك بطريقة احترافية ثم يلسعون ولن يردعهم عن فعل ذلك سوى نار جهنم وبئس المصير .

للأسف لاأثق بهم .

أسعار غير مدروسة باهظة الثمن هم كالشفرة في اسعارهم ودائما يقولون بالصدق هاد احسن سعر , لديهم الأسلوب لكي يجعلو الزبون مريضا بسبب شطارتهم في اقناع الزبون في السعر وغيره.

عموما إن الله غفور رحيم ( الله يهديهم ) ومن هذا المنطلق بعثت لهم رسائل كثيرة لكي يغيرو سياستهم لكن للأسف رؤوس عنيدة كالحديد .

عند الاعطال الناجمة احيانا عن سوء الصنع فلديهم الأسلوب المقنع لكي يجعلو الزبون مريضا بسبب شطارتهم في اقناع الزبون بان العطل حصل بسبب سوء الإستخدام .

أما عن المغامرات المرة التي حصلت بيني وبينهم سيتم ذكرها بالتفصيل إن شاء الله قريبا ً وحسب الوقت .

[ABDALLAH_4]

سيتم بناء موقع خاص بخصوص توكيل أسوس في سوريا .