النتائج 1 إلى 5 من 5

الموضوع: موضوع بخصوص شهاده mcse

  1. #1
    عضوية جديدة
    تاريخ التسجيل
    Jun 2009
    المشاركات
    18
    معدل تقييم المستوى
    0

    موضوع بخصوص شهاده mcse



    السلام عليكم ورحمه الله وبركاته
    انا ناوي ان شاء الله اخد كورس شبكات mcse

    ايه رايكو فيها وليها مستقبل كويس ولا لاء وكمان سهله ولا صعبه و انا كمان لسالي سنه من الدراسه في الجامعه هل من الممكن نسيان الدوره
    وياريت لو حد عنده تفاصيل اخري يقولهالي

  2. #2
    عضوية جديدة
    تاريخ التسجيل
    Jun 2009
    المشاركات
    18
    معدل تقييم المستوى
    0

    رد: موضوع بخصوص شهاده mcse

    ايه يا جماعه محدش عارف يرد عليه ليه انا مش شايف ان الموضوع صعب

  3. #3
    عضو فضي الصورة الرمزية internetworld
    تاريخ التسجيل
    Jul 2008
    المشاركات
    1,735
    الدولة: Egypt
    معدل تقييم المستوى
    14

    رد: موضوع بخصوص شهاده mcse

    كل شيء سهل طالما انت عايز تتعلم وعندك نيه انك تذاكر بجديه
    توكل على الله وبلاش تسوف وتعتمد على اراء الناس اذا عزمت توكل على الله وطل مانت مستنى حد يقولك سهل ولا صعب يبقي انت لسه مش مستعد للكورس
    مجال IT مجال متطور بسرعه لا تتخيلها هتفضل مستنى الردود وواحد يكون ناجح يقولك سهل وواحد يكون مذاكر باسفورشور بس وميعرفش اى حاجه يقولك صعب وواحد وواحد وتدخل فمتاهه كبيره انت فى غنى عنها
    بس انا عايز حضرتك قبل ماتبدا تاخد الكورس تسال نفسك انت عايز تاخده ليه؟؟؟؟؟؟
    لان الاجابه هتفرق فحياتك فرق السماء من الارض
    شوف انت اخترت المجال دا ليه .............
    وتاكد تماما ان اللى عايز حاجه بيوصلها طول ماعنده صبر وامل وعزيمه واصرار انه يحقق هدفه ويوصل يبقي هيوصل
    بالنسبه لانك طالب يبقي اول حاجه تفكر فيها دراستك وفالاجازه تاخد الكورسات واحده واحده وعلى مهلك
    بالنسبه لسهوله الكورس
    فدى مساله نسبيه تختلف من واحد للتانى حسب قدراتك ومدى اهتمامك بالعلم والتعلم
    ومن وجهه نظرى ان الكورس بسيط بس محتاج مجهود وصبر لانه طويل شويه
    اما بالنسبه للنسيان
    طول منت بتطبق عملى عمرك ماهتنسي وحتى لو افترضنا انك نسيت فلو رجعت تراجع المعلومه من تانى مش هتبقي صعوبتها عليك زى اول مره تتعرف فيها على المعلومه
    اما تطبق ازاى وانت مش بتشتغل فالمجال ولسه بتدرس فعندك برنامج رائع اسمه vmware هيقوم معاك باحلى واجب
    لو انت مش عندك خلفيه عن الشبكات خالص ومعلوماتك بسيطه فالكمبيوتر يبقي عليك وعلى كورس A+ و N+
    تذاكرهم بس ومش تمتحن فيهم هيدولك خلفيه كويسه عن الشبكات وتبدا بيها كورس MCITP الخاص بمايكروسوفت 2008
    في خلال السنه اللى انت فيها فالكليه تابع المنتدى واقرى المشاركات اللى فيها مشاكل الاعضاء مع تشغيل السيرفرات حتى لو مش تعرف عنها حاجه اقرى وشوف الناس دى بتتكلم فايه هتستفيد معلومات كويسه
    ادخل على مواقع وابحث عن معلومات ودور واتعب شويه
    ابدا اسمع كورس 70-270 ودا الخاص ب xp وكورس 70-620 الخاص بالفيستا اسمعهم كدا كانك بتتفرج على مسلسل وانسي حكايه انك تمتحن فيهم لغايه ماتخلص الكليه عشان مش يبقي عليك ضغط عصبي وبدل مايبقي حمل امتحانات الكليه وامتحانات مايكروسوفت كمان
    دور كدا على المعلومه بروقان واتمتع بقي بالمعلومات الجديده وشوف نفسك وانت بتنزل الويندوز بطرق جديده وبتعمل شبكه كمبيوترات على برنامج vmware استمتع بالعلم والمعلومات
    وبعد ماتخلص الكليه وتنتهى من حكايه الجيش
    ابدا بقي بالطحن
    ذاكر وادخل امتحن هتلاقى كل المعلومات مش بتفهمها بس لاء دى كمان بتتحفر فدماغك لانك ذاكرت وانت بعيد عن اى ضغط عصبي ولا حتى تفكير فشغل ولا امتحانات
    ملحوظه صغيره
    حاول انك تذاكر من الكتب بالانجليزي وانك تسمع فيدوهات الانجليزيه
    وحط قاعده فحياتك
    ان الشروحات العربي مجرد رفاهيه ومش تتعود عليها
    لان حياتك بعد كدا تبقي كلها انجليزي مزاكره وتحديث شهادات وممكن تسبق كل الناس طول منت معاك الاساس سليم وهو اللغه ودماغك شغاله وبتحب المجال دا
    حط لنفسك برنامج تمشي عليه عشان تقدر تحكم على مدى تقدمك ونجاحك وكمان عشان مش يطول على الوقت وتحس بالملل
    افتكر كلامى دا كويس وبعد سنه ان كان لينا عمر نتقابل وتقولنا عملت ايه
    اتمنى لك دوام التوفيق والنجاح


  4. #4
    عضو الصورة الرمزية egy_semooo
    تاريخ التسجيل
    Apr 2008
    المشاركات
    201
    الدولة: Egypt
    معدل تقييم المستوى
    0

    رد: موضوع بخصوص شهاده mcse

    أخي الفاضل internetworld لكم أستمتع بقراءة ردودك على كافة المواضيع لكم أستمتع باحترامك لنفسك وللآخرين لكم أستمتع بتواضعك وأنا أعلم أنك على قدر كبير من العلم تقبل من هذه الكلمات من أخ لك في إسلام وجزاك الله ألف خير

  5. #5
    عضوية جديدة
    تاريخ التسجيل
    Jun 2009
    المشاركات
    18
    معدل تقييم المستوى
    0

    رد: موضوع بخصوص شهاده mcse



    شكرا ليك internetworld كلامك 10/10 وجميل جدااااااااااااا
    انا بالفعل حجزت الكورس وهبدا كمان اسبوع كده ان شاء الله
    وحكايه اني اركز في دراستي دي انا هركز فيها ومش عاوز ازنق نفسي في اخر سنه ليه علشان الجيش وكده فكرت ان اخدها الصيف ده لان مش ورايه حاجه علشان ميبقاش عليه ضغط زي ما انت بتقول وافصل بين امتحانات الكليه والكورس لانها هتخلص قبلها ان شاء الله وربنا معانا ان شاء الله ونخدم ديننا في حاجه ان شاء الله
    وشكرا ليك مره تانيه علي المجهود الرائع ده
    وتقبل تحياتي
    السلام عليكم ورحمه الله وبركاته

المواضيع المتشابهه

  1. استفسار بخصوص موضوع شروحات شهاده MCSE
    بواسطة الانيق الاشقر في المنتدى منتدى الشهادات العام
    مشاركات: 2
    آخر مشاركة: 02-05-2010, 14:13
  2. سوال بخصوص شهاده mcse وارجو الافاده بسرعه
    بواسطة mady2006 في المنتدى منتدى الشهادات العام
    مشاركات: 3
    آخر مشاركة: 28-07-2009, 15:40
  3. ارجو المساعده من كل الاعضاء بخصوص شهاده mcse ( بالله عليكم)
    بواسطة GHOSTEID0 في المنتدى منتدى الشهادات العام
    مشاركات: 7
    آخر مشاركة: 20-03-2009, 19:38
  4. الى الاخوه المصريين سؤال مهم بخصوص شهاده mcse
    بواسطة egyptman1 في المنتدى الأرشيف
    مشاركات: 26
    آخر مشاركة: 12-10-2008, 22:32

الكلمات الدلالية لهذا الموضوع

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •