و السبب في تقلص دور المعالج على الدقات العالية هوضحه ببساطة في المثال الآتي:
دلوقتي انت بتلعب Crysis على 1024x768 , و اخترت Maximum Strength و مسكت برميل حديدي و حدفته على بيت خشبي!
لو مزود اعدادات ال Physics في اللعبة على الآخر, هتلاقي البيت هيتدمر بطريقة معينة و بحسابات فيزيائية
بيحسبها المعالج CPU و يبعتها لكارت الفيجا, و كارت الفيجا يحول الحسابات دي لمؤثرات مرئية انت تشوفها.
دلوقتي انت زودت ال Resolution الى 1920x1200, و عملت نفس الكلام في البيت الخشبي اياه.
برضو الحسابات الفيزيائية اللي المطلوب تنفيذها من المعالج متغيرتش لانك عملت نفس اللي عملته في
التجربة الأولى, و ال CPU هيخلص الحسابات دي, و يبعتها لكارت الفيجا عشان يحولها لمؤثرات تشوفها.
هنا بقا بيظهر الاختلاف:
في التجربة الأولى, كارت الفيجا مطلوب منه يحول الحسابات دي لمؤثرات على عدد 1024x768 Pixels,
انما في التجربة التانية, هيحول نفس الحسابات لمؤثرات على 1920x1200 Pixels, و دا بيتطلب
جهد اكبر من كارت الفيجا و بالتالي هياخد وقت اكثر (نسبيا) لتحويل نفس الحسابات اللي قام بيها ال CPU و بالتالي
الضغط على ال CPU (بالنسبة للضغط على كارت الشاشة) على ال Resolutions القليلة اكثر من ال Resolutions العالية,
عشان كدا انتوا لاحظتوا ان تأثيره قليل جدا على الاعدادات المذكورة و بالتالي النتائج قريبه جدا..
انا بصراحة في اختبارات المعالجات على الألعاب بهتم اكثر بأقل عدد من ال Frames اللي حققها المعالج لانها
ليها علاقة مباشرة بسلاسة اللعب (و الكلام دا ينطبق طبعا على كروت الشاشة), مثلا:
في Time Demo للعبة معينة, معالج بيحقق 60 فريم كأعلى نتيجة و 15 فريم كأقل نتيجة,
معالج آخر, بيحقق 50 فريم كأعلى نتيجة و 25 فريم كأقل نتيجة.
يا ترى تختار اي واحد فيهم افضل؟
بالتأكيد المعالج الثاني, لان الفرق بين 50 و 60 فريم كأعلى فريم, مش هتحس بيه, انما هتحس جدا بالفرق بين
15 و 25 فريم كأقل فريم, و دا هيفرق معاك زي ما قلتلك في سلاسة اللعب في المناطق اللي فيها حسابات كثير على المعالج.
المفضلات