استشارة بخصوص CCNP

[m.fekry]

السلام عليكم ورحمة الله ..

فى الحقيقة انا كنت عايز اخد رأى الأخوة الأعضاء فى فكرة بخصوص CCNP
وهى انى كنت بفكر فى ترجمة كورس CCNP من CBT Nuggets

بس مش عارف هى هتتكلف كام..
وهل هى أفضل وأوفر ولا أروح اشترى الكورس من CBTME .. للمبدع ياسر رمزى

وعلى فكرة أنا سألت على سعر الكورس ولقيته غالى شوية.. حيث أنه يصل الى 5000 جنية مصرى..

فأرجو من الأخوة الأعضاء أن يفيدونى برأيهم ..
وايضا اذا كان فى حد يعرف تكلفة ترجمة الفيديوهات الأجنبية الى العربية .. كيف يتم حسابها (بالوقت مثلا ولا اية)

وجزاكم الله خيرا .

[أحمد المنصور]

اتقن الانجليزية واستمع لها باللغة الانجليزية واتعب ثم اتعب ثم اتعب.... هذا أفضل بكثير وأوفر لك

اسمعها أول مرة ممكن تلاقي نفسك مش فاهم حاجة او فاهم طشاش!!!

اسمعها مرة تانية هتفهم أكتر

اسمعها مرة تالتة هتفهم 100% + هتزيد قدراتك في اللغة الانجليزية

وده كله في المادة الأولى

ده غير طبعا اطلاعك على الكتب وكتب الابات + الاستعانة بقاموس

هتيجي بقى في المادة التانية هتكون أحسن

لحد ما تخلص الـ CCNP بإذن الله هتكون كويس شبكات وانجليزي

اللغة الانجليزية هتفيدك في مسار حياتك وفي دراسة الشبكات .....لا أتخيل ابدا أحد يدرس شبكات أو آي تي ولا يتقن الإنجليزية...ما تركبش إلا لو كان هيشتغل في نطاق محدود !!!


ده رأيي ولو معجبكش ولا يهمك ولا كأني قلته....




ولو اتزنقت خالص وعايز حد يترجملك ممكن تستعين بمدرس لغة انجليزية أو حتى يكون لسه بيدرس في الكلية ويترجملك الفيديوهات بأجر هيفرح بيه ويعتبرها وظيفة مؤقتة

بس أخاف إنه يتعثر في مصطلحات هندسية يترجمهالك بصورة تانية تأثر على فهمك أو تكون غير المعاني الشائعة في الشبكات

أنا تقريبا لمحت أو شفت كورس من كورسات سيسكو أكاديمي للـ CCNP بالعربي هتأكد منه وأردلك خبر برضو يمكن يفيدك




.

[medo_1988]

رأيى من رأى الباشموهندس أحمد جدا .. اسمع بالانجليزى ولو مفهمتش اسمعه هو نفسه تانى وتالت ورابع ومية .. لحد ما تفهمه خش ع اللى بعده وهكذا .. وفعلا ف الناهية هيبقى معاك CCNP وانجليزى listening .. وبعدين CBT Nuggets ف ال CCNP الانجليزى بتاعها سهل اسهل مليون مرة من الراجل الفظيع اللى كان بيشرح ال CCNA .. وبعدين هيبقى معاك الكتاب تبص فيه الاول وتاخد خلفية عن الموضوع وبعدين اسمع الفيديو .. وشوف يوتيوب برضو هتلاقى عليه شروحات كويسة .. وربنا يوفقك ..