بسم الله الرحمن الرحيم
احب اوجة شكر للقائمين على هذا المنتدى و الاساتذة اللذين نهلنا من علمهم و ارجو ان اكون مضيف شئ و لو بسيط فى وسط هذا الخضم الكبير من الاساتذة و المهندسن
فكرة الموضوع هوة تجميع المشكلات و عمل مكتبة للمشكلات علشان الى عندة مشكلة ممكن من غير ما يقول عنها تتحل و دة هيجى مع الوقت و علشان كدة برجو المشرفين لهذا القسم انهم يثبتوا الموضوع
كل من لة مشكلة و عايز لها حل فى الهاردوير بتاع حهازة يشرحها و يا ريت لو بالتفصيل و يا ريت اكتر لو فية صور يدعمها بالصور و ان شاء الله نعد مع بعض و نحاول نحلها
و يا ريت لو فية حد عندة معلومة فى مشكلة تفيد فى الموضوع يا ريت ميبخلش علينا بيها
و انا هبدا بمشكلة فى الظاهر بنحس انها كبيرة و لكنها فى الاساس صغيرة
ساعات كتير الجهاز بيقف و ميجبش اى حاجة على الشاشة و دية مشكلة كتير منا بيقول ان ممكن تكون البوردة اتحرقت او ان الرامة فيها مشكلة او كارت الشاشة بايظ او الشاشة فيها مشكلة
بص يا سيدى اولا لو الشاشة هية الى فيها مشكلة هتلاقى الجهاز يفتح و تسمع صوت الويندوز بيفتح و فى الاول هاتلاقى صوت رنة ( تيت ) فى بداية تشغيل الجهاز فكدة اعرف ان الشاشة بتاعتك فيها مشكلة و مش هنشرح مشكلة الشاشات دلوقتى علشان دية انا عايز اعملها موضوع لوحدة لا موضوع الشاشات موضوع كبير جدا يمكن يكون اكبر من شغل البى سى نفسة لان مشاكلة كلها هاردوير و مفيهاش جزئيات السوفت وير بتاعت البى سى العادى
ثانيا لو الجهاز مفتحش و معملش ( تيت ) الى فى الاول يبقى عندك تلت حاجات
اولهم الرامة فك الرامة و جرب تشغل الجهاز لو زمر الجهاز زمارة و وقف و رجع زمر نفس الزمارة و وقف اعرف ان المشكلة فى الرامة يا ريت تنضف الرامة فية سائل تنظيف اسمة اسبراى جاف ( و بقولها جاف ) لان فية فى السوق اسبراى زيت و دة للمكن و لشغل المسكانيكا عامة و لو انت ايدك كويسة فى مسك المادة فية سنفرة ناعمة انعم سنفرة فى السوق و تعلاى على سنان الرامة النحاس ممكن يكون فية جنزرة نحاس او بعض الاتربة الملتصقة و ابدا سنفر الرامة من الوجهين براحة و بحرص و نضف سوكت الرامات بفرشة اى فرشة صغيرة ممكن بتاعت الرسم لان التراب بيعمل عازل
تانيهم لو فى زمارة طويلة اوى ارعف انها من كارت الشاشة فتعمل فية زى ما عملت فى الرامة
اما لو مدتلكش زمارة خالص او اديتك زمارة و كانت عاملة زى ما تكون زمارة ملتوية او مختلفة فى النغمات بتاعتها يبقى البوردة فيها مشكلة و اول حاجة تفكر فيها هية جنبر ال ( cmos ) هاتلاقى فية جدول مكتوب فية ( clear cmos ) و هاتلاقى الجدول بيقولك ان مثلا 1و 2 لما تعملهم شورت يعملوا enable و لما تعمل شورت فى 2 و 3 يبقوا clear المقصود بكدة انك تعمل مس للزاكرة الثابتة للبوردة الى هية فى مقام الهارد بالنسبة للنسخة و بيبقى علية ملفات لعمل بوت و تشغيل البوردة و نقل الجهاز من العمل من على ال cmos الى السيستم الى نازل على الجهاز
اة و فية حاجة مهمة جدا و هية انك تتاكد من الباور سبلاى انة شغال و لزيادة التاكد اعلم فية شورت فى السوكت علشان يشتغل لوحدة بعيدا عن البوردة علشان تعرف ان المشكلة فية و لا فى حاجة من الى فاتت
ارجو ان اكون وفقت لما يحبة الله و يرضاة و ارجو ان اكون صديق لكل مرتادى المنتدى الكرام
اخوكم عامر
صيانة كمبيوتر
معلش المشاركة كانت ناقصة حاجة صغيرة
لو كل دة مجبش نتيجة يبقى تدور على فنى يحللك المشكلة او تشاركنا فى الموضوع بمشكلتك اية بالظبط و تشرحها و يا ريت شرح وافى علشان بالزات مشاكل الهارد وير بتحتاج بصة فعلية على الشئ و لو الموضوع اكبر من كدة بيحتاج قياسات و حاجات كتير معقدة بس ان شاء الله نحل اغلب مشاكلنا هنا
اهلا بك معنا استاذ عامر, نتمنى منك ان تفيد و تستفيد.
فكرة الموضوع جميلة, و تحتاج منك متابعة مستمرة, شد حيلك
هذا الموضوع قسمه المناسب هو قسم المشكلات و حلولها, هنا:
https://www.arabhardware.net/forum/f...splay.php?f=14
(ارجو من مراقبي القسم نقل الموضوع الى القسم المناسب)
[CENTER][COLOR=Black][SIZE=3][URL="https://www.arabhardware.net/forum/showthread.php?t=57861"]أسعار و أخبار الهاردوير في السوق المصرية[/URL][/SIZE][/COLOR][URL="https://www.facebook.com/group.php?gid=6972173005"][COLOR=orange][B][SIZE=3][/SIZE][/B][/COLOR][/URL]
[SIZE=3][URL="https://www.youtube.com/profile?user=stanforduniversity&view=playlists"]Stanford[/URL] [/SIZE][SIZE=3][COLOR=Red][B]|[/B][/COLOR][/SIZE][SIZE=3] [URL="https://www.youtube.com/user/mit?blend=1&ob=4#grid/playlists"]MIT[/URL] [B][COLOR=Red]|[/COLOR][/B] [URL="https://www.youtube.com/ucberkeley#grid/playlists"]Berkely[/URL] [/SIZE][SIZE=3][COLOR=Red][B]|[/B][/COLOR][/SIZE][SIZE=3] [URL="https://www.youtube.com/profile?user=nptelhrd&view=playlists"]NPTEL[/URL][/SIZE] @Youtube
[COLOR=Black][IMG]https://folding.extremeoverclocking.com/sigs/sigimage.php?un=_Fusion_&t=155660[/IMG][/COLOR]
[COLOR=DimGray]"اللهم إني أَعُوذُ بِكَ أنْ أضِلَّ أَوْ أُضَلَّ، أوْ أزِلَّ أَوْ أُزَلَّ، أَوْ أظْلِمَ أَوْ أُظْلَمَ، أوْ أجْهَلَ أَوْ يُجْهَلَ عليّ"[/COLOR]
[/CENTER]
مشكور على الموضوع المفيد..
ينقل للقسم المناسب..
[CENTER][/CENTER]
[url]https://sayat.me/ramyg[/url]
شاكر ليكم جدا التوضيح و ان شاء الله هكون متابع للموضوع و لكن اعزرونى لو اتاخرت فى بعض الاوقات و انا لسة جديد فى المنتدى و ليا جولة شاملة ان شاء الله
أشكرك على الفكرة انا كنت ناوي عليها من زمان بس المشغوليات
بس المشكلة في فكرتك -رغم حلاوتها طبعا- ان المشكلات و حلولها هتسيح على بعض
فأنا أرجح ان احنا نعمل قسم جديد يكون بمرتبة أرشيف مشكلات و حلولها
بحيث يتم وضع المواضيع فيه و تكون المواضيع واضحة و المشكلة و يتم وضع الرد مباشرة
كده العملية هتبقى منطمة
و يتهيأ لي كده أريح بردووو
الأخ agman،
أشكر لكَ مساهمتكَ التي تبتغي الفائدة لجمهور الأخوة الأعضاء، وأود أن ألفت إهتمامكَ الى مايلي:
1. ليس من العملي أبداً جعل موضوع واحد لحل جميع المشاكل. النظام عندنا أن المشكلة تُنشر لوحدها مُوضحة بأكبر كم من التفاصيل التي تخصها ويتم إقتراح الحلول لها، وغالباً ما تكون تلك الحلول كثيرة ومتعددة لكنها جميعاً تركز على حل مشكلة واحدة، وهذا يساعد صاحب المشكلة كثيراً في تبين طريقه للحل ويُساعد أيضاً مَن يفتشون عن حل مشكلة مشابهة مستقبلاً حيث لن يصعب على محرك البحث في منتدانا العثور عليها لأنها ستكون في موضوع واحد مستقل لوحدها.
2. لقد إستعملت اللهجة العامية بكثرة في موضوعك، وحيث أن منتدانا يتوجه لعموم العرب في كل البلدان العربية على إختلاف لهجاتهم... فإننا نفضل أن تكون العربية الفصحى هي لغة التخاطب الموحدة فيما بيننا كأسلوب مُوحد في التفاهم. لا ضرورة أن تكون كلغة النحويين وبلاغتهم لكن لغة عربية بسيطة تكفي.
وأهلاً وسهلاً بك.
النديم
عندى مشكلة فى برنامج windows Media center
بشغل TV live
بتظهر صفحة بتقول تونا هارد وير مشموجودة
ماذا افعل افدونى باحل
ضوابط المشاركة
المفضلات