لاهل الخبرة في مصر موضوع هام

**egyptman1** · 21-06-2009, 12:26

أرجو أن تفيدوني أنا عندي عقدة نفسيه من المؤهل بتاعي

أنا حاصل على بكالوريوس حاسب آالي
وعمري 26 سنه ومعاي كل شهادات مايكروسوفت الدوليه

ولكن أرغب أن ألتحق بكلية الهندسه كيف السبيل الى ذلك
هل أدرس الثانويه العامه من جديد أو هناك حل لمعادلة المؤهل بتاعي أو وسيلة للدخول كلية الهندسه وهل لو درست الثانويه العامه هل يمكن ان يقبلوني في الهندسه هيكون عمر 30 سنه ينفع ولا له
أرجو منكم أخواني المشرفين والاعضاء أن تفيدوني في هذا الموضوع بالرد السريع مع العلم أن هذا الموضوع مؤثر جدا بالنسبه لي ومن لديه حل يرسل على على الايميل التالي engineerlogin@hotmail.com
أنا منتظر ردودكم

**tamer hassan** · 21-06-2009, 12:59

شوف يا ريس روح اسئل فى شئون الطلاب فى الجامعات الخاصة ,لان الجامعات الحكومية مظنوش انهم هيقبلو بس روح اسئل فى وزارة التعليم العالى عشان تتاكد..............كمان حكاية انك تعيد الثانوية العامة تتعمد انك كنت علمى ولا ادبى......وطبعا لو ادبى يبقى لازم تعيد........انا بقو ل كدة عشان انا معرفش انت خريج جامعة حكومية ولا خاصة ,لان فى معاهد كتيرة بتاخد ناس ادبى ....

**اابراهيم** · 21-06-2009, 13:34

ربنا يوفقك يا صحبى انا برضة نفسك ياريت تشوف كدة وياريت تقول اية ايلى حصل لان انا برضة نفسى ادرس فى هندسة وكمان نفس السن بس انا لسة ما خلصتش الميكرو سوفت كلها انا لسة فى الاول

**amanyy** · 21-06-2009, 14:02

ربنا يوفقكو
بس علي ما اظن انك لازم تعمل معادله
وعادي انك تلتحق بالجامعات الحكوميه
بس مش متاكده

**egyptman1** · 22-06-2009, 06:36

يا جماعه جزاكم الله خير على الردود بس انا حاليا مش موجود في مصر أنا شغال في دولة من دول الخليج وأنا خريج التعليم الخاص بس أنا أقصد أن هل في معادله حكوميه تأهلني أني أدخل هندسه من الاول أو أدخل ثانويه عامه منازل وربنا يساعدني على الموضوع الشاق وأرجو منكم الردود والاهتمام وأنا عاوز أبعد عن الجامعات الخاصه علشان مش معترف بيها أو بأغلبها فنتجنب الشبهات وجزاكم الله خير

**tamer hassan** · 22-06-2009, 08:47

شوف يا اخى مادام حضرتك شغال فى الخليج ,تب ما تسال عندك احسن ,على اساس الدراسة هناك بنظام الساعات وممكن تدرس وتشتغل فى نفس الوقت,لان فى محاضرت بليل وكده أما فى مصر نظام ترمات ودا نظام عقيم لازم يكون الصبح فقط,بالاضافة قسم علوم الكمبيوتر دا قسم من اقسام كلية الهندسة يعنى مثلا فى قطر وبعض الجامعات فى السعودية وعمان وتقريبا البحرين القسم دا من اقسام كلية الهندسة ,يعنى ممكن تعمل معادلة لبعض المواد وتبقى خريج هندسة ,بس لما ترجع مصر هيعدلوها بكلية الحاسبات مش هندسة عشان فى مصر هيا كلية مستقلة وباردو هتكون مهندس ,بس لازم تستنى موضوع النقابة اللى مفروض يعملوها الى هيا نقابة مهندسى النظم ,وربنا يوفقك..........J

**egyptman1** · 22-06-2009, 09:14

أشكرك أخي تامر على الرد بس هنا أساسا علشان تعمل أي حاجه لازم تجيب معادله من مصر لمؤهلك علشان تعمل اي درسات عليا أو حتى تعادل أي ماده

**ahmedhalo** · 23-06-2009, 00:14

اخي الحبيب اتمنى انك تكون بخير يا خي بجد اتمنالك التوفيق من القلب
بس انا عندي سؤال ليك محيرني جدا انت بتقول انك عندك 26 سنه سؤالي عندك استعداد انك تعد 5 خمس سنين من عمرك كمان علشان تاخد شهاده هندسه !!!!!! وكمان مستعد تعيد ثانويه عامه
ليه ؟؟؟؟ ولا انت سمعت او اتاكدت ان المهندسين بياخدو رواتب خياليه ممكن تعوض السبع سنين الي ممكن تعدهم علشان تطلع مهندس !!! ارجو انك تفيدني يمكن انت تعرف حاجات عن المهندسين انا معرفهاش بص يا اخي العزيز لو عاوز نصيحة اخ ولو محتاج شهاده الهندسه مضيعش عمرك على الفاضي خد شهاده هندسه زي ما قال الاخ الفاضل بنظام الساعات المعتمده من اي معهد مثلا العاشر من رمضان طيبه اي معهد نظام ساعات معتمده علشان تقدر تنجز في الوقت وانت واجتهادك
تمام او خد شهاده من جامعات بس اسال عن الاعتراف بتعها في دول الخليج من الجامعات التعليم عن بعد الي في النت الي تناسب ظروفك الماديه ووقتك احسن واحسن بس اتاكد من انها معترف بيها
لكن نصحتي ليك مضيعش عمرك في كليه نظام الترمات العقيم مش حتستحمل الوقت سواء خاص او حكومي . ولو في نيتك تاخد شهاده جامعيه علشان تشتغل في مجال ال it خد computer scince ابعد عن هندسة الكمبيوتر .
اخي العزيز ارجو ان تفكر جيدا في مثل هذا القرار من السهل انك تجني اي حاجه في الدنيا بالاجتهاد الا الوقت الي بيروح مبيرجعش تاني فمضيعش عمرك على الفاضي والمفروض دايما تبص لادام مش ترجع لورا ومع احترامي للتعليم في مصر ده ملهوش لزمه اساسا (وجهة نظر) يا خي لو حتعد 3 4 5 او حتى 6 سنين تعد تذاكر وتصرف وتصبر وتتحمل وتتعب وتجتهد اعدهم ياخي في مجال ال IT وطور نفسك جدا يعني لو واخد مايكروسوفت طور نفسك فيها خليك اجمد واجمد ادخل في سيسكو خد CCNP كويس الي معاه وفاهم ccnp كويس وهيا شهاده تقيله مطلوب وبعدين يا خي انت حاصل على بكالريوس حاسب الي امال الي مش في المجال اساسا وبينجح ازاي!! السوق يا اخي ليه معطيات اخرى وعموما دي وجهة نظر وانت سيد قرارك في الاول وفي الاخير بس كل الي عاوز اوصله اني مش عاوزك تضيع وقتك في شيء يضيع عمرك وممكن ميوصلكش للي انت عاوزة في الاخر.
وفي جميع الاحوال بجد ربنا يكرمك واتمنالك التوفيق يا رب .

**egyptman1** · 23-06-2009, 07:30

أشكرك يا أخ أحمد على الكلام الجميل هي والله مش الفكره في مرتبات المهندسين أوغيرهم أنا شغال والحمد لله أنا مرتبي أحسن من المهندسين وبالعكس أن الحمد لله شغال وفي كتير منهم مش لاقي شغل والحمد لله متميز في مجالي بس الموضوع مش هدفه مادي نهائي هي والله مسألة إحساس بالذنب والتقصير أنه مدخلش هندسه وعلشان كده نفس الواحد يحصل عل المسمى بجد لكن ليس هذا مقياس مرتبات أو حتى عقليات أنا أغلب أصحابي مهندسين ولكن هناك فرق كبير بين وبينهم في الخبره والتميز وأنا الحمد لله الاحسن ومتميز أكتر ومطور نفسي على الاخر أدي الموضوع وعلى الفكره التعليم عن بعد مش معترف لحد الان ولا الجامعات الافتراضيه

**abadsharona82** · 23-06-2009, 12:16

اخى العزيز انا مش شايف اى لازمة انك تورط نفسك فى دراسة اكاديمية عقيمة لمدة خمس سنوات فاذا كنت شغال فى مجال IT ممكن تطور نفسك فى المجال اللى انت شغال فية من خلال الشهادات الدولية وتأكد ان مجال العمل يعتمد بشكل كبير على مدى الخبرة المكتسبة فارجو اعادة النظر فى هذا الموضوع وحاول لا تشتت نفسك والموضوع مش انك تبقى خريج هندسة عشان تاخد لقب مهندس فياما مهندسين متخرجين من كلية الهندسة مش عارفين اى حاجة فرأى العبرة بخبرتك وذكائك وسيبك من المسيمات وخليك رجل عملى

**tamer hassan** · 24-06-2009, 18:18

شوف اخى الفاضل ..........ممكن تسال فى الاكاديمية العربية للعلوم والنقل البحرى ,دى نظام ساعات وممكن تخلص هندسة فى 3 سنوات ,بس دى عايزة تفرغ + المصروفات حوالى 21000 هو 22000 ,بس مش عارف بيدو محاضرات بليل ولا ايه النظام ,اتصل بيهم احسن عشان تعرف تستفسر على كل حاجة ......هيا موجدودة فى القاهرة والاسكندرية ..........وطمنا عنك

**__eRa__** · 24-06-2009, 20:05

السلام عليكم .... كيف الحال جميعا؟

إلى الأخ صاحب السؤال: لا أعلم أي داع من أن تضيع من عمرك سنوات جديدة في دراسة لن تغير من حياتك الكثير. خصوصا وأنك خريج لحاسب آلي. وأنصحك باستثمار هذا الوقت في دراسات أخرى تنمي قدراتك.

موضوع العقدة النفسية أنصحك بعلاجها بتغيير وجهة نظرك عن نفسك. غير صورتك الذاتية عن نفسك. وإذا كان في الموضوع ما لا نعلمه فأبشرك بالآتي:
تم تغيير نظام التعليم في مصر بخصوص هذه النقطة بالتحديد. إذا كنت خريج ثانوية عامة من المجموعة العلمية فإنك تستطيع دخول الكليات الهندسية. وإن كنت درست الأحياء مثلا بدلا من رياضيات 2 فإنك ستدرس هذه المادة في أول تيرم لك في الكلية إن شاء الله.

**egyptman1** · 25-06-2009, 11:30

أشكركم على هذه الردود الجميله ويريت حد يجيبلي أرقام تليفونات الاكاديميه العربيه للنقل سواء فرعها في مصر أو الاسكندريه وحد يرد علي حتى لو أرقام ناس موظفين فيها