مراجعة لل ASUS M4N82 لوحة الأم التي تدعم أخر معالجات AMD و بها خاصية SLI حتي 3 كروت

[spidermohmd1]

أصدرت شركة ASUS لوحة الأم بشريحة nforce 980a و تعتبر من أول الشركات في أصدار لوحة بهذة الشريحة.



- هذة اللوحة تدعم AM2/AM2+/AM3.



- هذة هي المعالجات التي تدعمها اللوحة : Phenom II و Phenom x4 و Phenom x3 و Athlon x4 و Athlon x3 و Athlon x2 و Athlon و Sempron



- اللوحة تدعم حتي 16GB رامات DDR2 1300(O.C.)/1066/800/667




- اللوحة بها ثلاثة PCI-E 2.0 و طريقة عملهم أذا كان فية كارتين يبقي 16X-16X أما أذا فية 3 كروت يبقي 8X-8X-8X



- اللوحة بها 5 مخارج Sata 3g/s



- اللوحة عليها كرت شاشة مدمج GeForce 8 Series لعمل Hybird SLI فقد لكن لا يمكن أستخدامة لوحدة لأن لا يوجد مخارج فيديو في البوردة


- اللوحة تتميز بقابليتها الكبيرة في كسر السرعة و بها خاصية ال ACC التي يعطي أحتمال لفتح النواة المغلقة في بعض المعالجات


- لمزيد من التفاصيل ن هذة اللوحة هذا رابط من موقع الشركة


- بعض الصور
















كل هذا فقد ب 170$

شركة ماكسيموم هاردوير يمكنها أن تطلب Special Order لمن يريد هذة اللوحة بشرط أن لا تقل الكمية عن 5 أو 4 قطع للطلب ..يعني أنتا عايز واحدة و واحد تاني عايز و هكذا ... الذي يريد هذة البوردة يرسل لي رسالة علي الخاص لتنظيم الأمور مع ماكسيموم هاردوير و البوردة هتكون في حدود 1000-1200 ... لكن من فضلكم الجــــادين فقد

أرجوا أن تكون المراجعة أعحبتم....

[Ҝ ђ Λ Ł Є δ]

شكرا لك علي المراجعة وبوردة قوية فعلا

[BlacK ShaDoW]

بورد قوية فعلا

الف شكر على الريفيو

[spidermohmd1]

شكرا لك علي المراجعة وبوردة قوية فعلا

بورد قوية فعلا

الف شكر على الريفيو

فعلا فهي تحفة فنية ... أشكركم علي مروركم

[nidal9000]

مشكور اخي
على التقرير
بورد قويه

[-M7mD]

شكراً أخي لكن مكان الموضوع غير صحيح

[فوزان]

مبروك مقدما علي البورده وانا حاسس ان sli و cf واكلين دماغك اليومين دول انا شايف ان الكروس فير خيار افضل

والا حكلم مينا يتصرف معاك

[spidermohmd1]

مبروك مقدما علي البورده وانا حاسس ان sli و cf واكلين دماغك اليومين دول انا شايف ان الكروس فير خيار افضل

والا حكلم مينا يتصرف معاك

المشكلة أني أنا مش معايا ATI ... أنا معايا Nvidia

[spidermohmd1]

علي فكرة يا جماعة كروت Nvidia رخصت فهيكون فية فرصة كبيرة لل SLI


Gigabyte GTX 295 1792MB = 3200

Gigabyte GTX 285 = 2300

Gigabyte GTX 280 = 2000

Gigabyte GTX 275 = 1750

Gigabyte GTX 260 216 core = 1400

[HD5870X2]

مبروك مقدما علي البورده وانا حاسس ان sli و cf واكلين دماغك اليومين دول انا شايف ان الكروس فير خيار افضل

والا حكلم مينا يتصرف معاك

شبيك لبيك

يا عم شبايدر

فقط تكتب هكذا وليس فقد

:D

حرام عليك

بالنسبة لأسعار كروت Nvidia

برضو لسه غالية

[spidermohmd1]

أنا شايف أن الأسعار حلوة ... لية؟؟

ال sapphire 4890 سعرة علي Newegg 110$ عني حوالي 1176 جنية يعني زيادة 324 جنية

ال GTX 275 سعرة علي NewEgg 240$ يعني حوالي 1344 جنية يعني زيادة 406 يعني مش بطال .. بعدين خلي بالك أن دي مجرد بداية .. ال 4890 أول ما نزل كان ب 1800 ......

[HD5870X2]

مقارنة غريبة جداً مفادها انك بتشجع الناس تشتري كروت إنفيديا بالسعر ده ويسيبوا كروت من ATI أفضل وأرخص :confused:

ثم انك بتفترض ان سعر ال GTX275 هينزل .......... ليه لم تفترض المثل لل HD4890 ؟!! :rolleyes:

[spidermohmd1]

فقد الوقت اللي هيحدد و أنا معرفش أية اللي هيرخص و اللي هيغلي ....و أنا لا أشجع الناس أنها تشتري Nvidia و الدليل أن معظم التجميعات اللي بعملها للناس شاملة كروت ATI

لكن الوضع أختلف الأن!!

[UNREAL]

البوردة في الموضوع اختلفت التقييمات حولها بشكل كبير...

أكبر مآخذ عليها:

1- مشاكل في دعم رامات بسرعة 1066... حيث ستضطر للعيش بقطعتي رام فقط عند إختيار أي سرعة فوق 800.
2- أنها بوردة نصب هي نفسها نفسها شرائح 780 ولكن عملولها أبديت للبايوس بحيث تدعم فينوم 2 وسموها 980.
3- عدم دعمها لذواكر DDR III   رغم أنه يسوق لها على أنها تدعم AM3
4- عدم جدوى خاصية الهايبرد على كلام المراجعات.

باختصار البوردة ليست مبهرة بتاتاً وأقل جداً من المتوقع من نفيديا... وحتى الآن على حد علمي لم يتم إعتماد طقم شرائح 980 سوى من آسوس.

[spidermohmd1]

أخي الكريم Unreal هل فية حاجة تثبت كلامك؟ .. يا ريت لو فية تشاركها معانا...

بالنسبة لموضوع نصب هي مش نصب بس فعلا ال nforce 980a أعادة تسمية ل 780a و الله و أعلم