كيف تحسب حاجتك الحقيقية من الطاقة ؟

[kts_2001]

انا عارف طبعا ان التحميل علي البروسيسور بالشكل اللي انا كتبته مبالغ فيه ومش بيحصل ..لكن انا كتبت كدة عشان اوصل لحضرتك قصدي وعشان اتاكد من ان حسبتي للطاقة اللي هحتاجها هتكون كافية لكل الاحتمالات
وكلام حضرتك واضح بس برضه هستسفر بعد اذنك قبل ما اشتري واتدبس
دلوقتي لو انا حابب اكسر سرعة البروسيسور لاقصي حاجة ونويت في المستقبل اغير كارت الفيجا لـ 4870 مثلا وهارد 640
فهبقي محتاج باور اد ايه بحيث انه يكون كافي جدا للتغيرات دي ؟
هل باور 500 وات هيكون مناسب ويفي بالغرض ؟

عشان أسهل عليك مواصفاتك قريبة من مواصفات جهازى يعنى نفس المعالج وهتجيب هارد زيه وهتكسر سرعة لحد 3.6 وكارت 4870 يبقى على الاقل 500 وات عشان تبقى فى حد الامان تماما بس يكون مزود طاقة محترم وإبقى قول ميزانيتك وإن شاء الله مع بعض نختار أفضل مزود فى السوق بأنسب سعر

[forzaredz]

عشان أسهل عليك مواصفاتك قريبة من مواصفات جهازى يعنى نفس المعالج وهتجيب هارد زيه وهتكسر سرعة لحد 3.6 وكارت 4870 يبقى على الاقل 500 وات عشان تبقى فى حد الامان تماما بس يكون مزود طاقة محترم وإبقى قول ميزانيتك وإن شاء الله مع بعض نختار أفضل مزود فى السوق بأنسب سعر

ربنا يخليك ياشا
انا ان شاء الله ناوي اجيب يا اما HEC او OCZ لاني عارف اهمية الباور جدا
وانا عندي باورين HEC ..واحد 300 والتاني 350 ..فناوي ابيعههم باذن الله واكمل واجيب ال 500 (وياريت لو حضرتك عندك فكرة ابيعهم بكام ..واحد منهم استعمال اقل من سنة اما ال 350 استعمال حوالي 4-5 شهور)
وبالمناسبة انا مش هجيب الكارت دلوقتي ..بس عايز اعمل حساب المستقبل عشان هيبقي صعب اغير الباور مرة تالتة :D

[0 cool]

معلومات ممتازه مشكور

[Hassan.Ali]

الله الله الله عليكم مش عارف اقول ايه اكتر من ممتاز وطبعا تم التقييم الف الف الف شكر
موضوع رائع

[madboy2002]

تسلم ايدك يا دكتور كريم على الموضوع الرائع ده

وشكرا ايضا لدكتور محمد على المشاركة فى الموضوع

تحياتى اليكم جميعا

[kts_2001]

أقتباس هام لدكتور محمد hameedo

ما الفارق بين HEC 500 W و OCZ 500W ؟

الفارق أن مزود HEC قام بتحديد قدر معين من الواط لكل خط فولتي : فقام بتحديد 386 واط لخط 12 فولت ، و عدد (س) من الواط لخط 3.3 فولت وعدد(ص) من الواط لخط 5 فولت ، بنما قام مزود OCZ بضمّ كل تلك الخطوط ، وأوكل لها وظيفة اخراج 480 واط ، وبهذا يستطيع أي خط اخراج تلك القدرة متي زاد الحمل عليه .

من الأفضل ؟ الأفضل هو مزود OCZ ، لماذا ؟ لأنه يوفر مرونة أكثر في توزيع الطاقة حسب الحمل علي كل خط ، وهو أيضا أفضل لأن خطوط 3.3 فولت و 5فولت أصبحت أقل أهمية في الوقت الحالي ، وهي في العادة لا تسحب قدرا كبيرا من الطاقة لأنها تغذّي اللوحة الأم فقط ولا تغذّي اي شئ آخر ، حتي بطاقات الرسوميات لا تأخد طاقتها من اللوحة الأم الا عن طريق خط 12 فولت .

ويعني هذا ببساطة أن مزود OCZ ، أكثر مواكبة لمتطلبات العصر الذي نعيش فيه ، ذلك لأن خط 12 فولت في هذا العصر يغذّي المعالج والأقراص الصلبة والبطاقات الرسومية والمراوح وكل شئ تقريبا .

أما عن ايهما أكثر في شدة التيار (الأمبير) ، فلا يوجد فارق كبير بينهما والخطأ الشائع الذي يحدث هو أن المستخدمين يقيسون كفائة المزود بعدد الأمبير الخارج منه ، وهو ماليست له أي قيمة ، فكل المزودات الآن تستعمل عدة خطوط 12 فولت ، وكل خط مقيّد بحمل 20 امبير فقط ، والأمبير أصلا مرتبط بالواط في معادلة الواط = الأمبير x الفولت ، لذا فالنظر يجب أن يكون لعدد الواط علي خط 12 فولت .

بالنسبة لمزودOCZ GameXstream :

1-مراجعة jonnyguru ، كانت بتاريخ يونيو عام 2006 .

2-مراجعة PCper ، كانت بتاريخ ديسمبر 2006 .

يمكننا اذن أن نفترض أن مشاكل التموّج Ripple التي نوّه عنها johnny ، قد تم حلّها والتعامل معها .

3-يجب أن نضع في اعتبارنا أيضا أن المزود يأتي بضمان عامين ، وهو ضمان كافي للحماية ضد المشكلات التي قد تنشأ عن التموّج ، وعلي العموم فلا يوجد مبرر لشراء مزود بقدرة أعلي من 600 واط ، اذا لم تكن تنتوي وضع عدة بطاقات رسومية في وضعية SLI أو Crossfire ، فحتي معالج Core i7 920 ، مع بطاقة GTX295 ، مع كافة الملحقات الأخري ، لا يستهلكون أكثر من 500 واط في أسوأ الظروف ، وهي حمل 100% علي بطاقة الرسوميات والمعالج الرئيسي .

[TheInfernal]

موضوع جميل و لكن اسمحوا لي أقول بعض التعليقات:

معظم مصنعى البطاقات الرسومية يتعمدون التوصية بإختيار مزود طاقة أعلى من اللازم
بإفتراض أن المستخدم يستخدم أحدث وافضل ما في السوق من عتاد ، أو أنه يستعمل عدد كبير من وسائط التخزين كأقراص صلبة وخلافه وذلك لمراعاة معايير السلامة لبقية المكونات

السبب الحقيقي ان معظم مصنعين الباورات بيبالغوا في تقديرهم لقوتها.

المعالجات واستهلاكها على التردد الافتراضى

Intel processor:
I7 920=130 watt
Q9550=95 watt
Q6600=95 watt
Q8200=95 watt
E8400=65 watt
E7200=65 watt
E7300=65 watt
E7400=65 watt
E5200=65 watt

Amd processor:
Phenom II X4 955=125 watt
Phenom II X4 945=125 watt
Phenom II X4 940=125 watt
Phenom II X4 920=125 watt
Phenom II X4 910=95 watt
Phenom II X4 810=95 watt
Phenom II X4 805=95 watt
Phenom II X3 720=95 watt
Phenom II X3 710=95 watt
Athlon64 X2 7850=95 watt
Athlon64 X2 7750=95 watt
Athlon64 X2 5200=89 watt
Athlon64 LE1640=45 watt
sempron LE1250=45 watt

الأرقام دي مش استهلاك البروسيسور الغعلي و انما ما هي الا الTDP. TDP معناها ان المشتت (أو المروحة) اللي بييجي مع البروسيسور بيقدر يبرده بكفاءة طالما استهلاك البروسيسور للطاقة ما تعداش قيمة الTDP.
انما ممكن بروسيسور الTDP بتاعه أعلى من بروسيسور تاني و استهلاكه الفعلي للطاقة يبقى أقل منه.

البطاقات الرسومية

ATI Graphic cards:
HD4870X2=280~300 watt
HD4850X2=250~300 watt
HD4890=150~200 watt
HD4870=150~200 watt
HD4850=150~160 watt
HD4830=110 watt
HD4770=80 watt
HD4670=75 watt
HD4650=75 watt
HD4550=75 watt
HD4350=75 watt

Nvidia Cards:
GTX 295=300 watt
GTX 285=200 watt
GTX 280=200 watt
GTX 260=160~180 watt
9800 GX2=300 watt
9800 GTX+=150~160 watt
9800 GTX= 150~160 watt
9800 GT=120~150 watt
9600 GT=150 watt
9500 GT=75 watt
9400 GT=75 watt

الأرقام دي فيها تعارض مع الChart دي:
https://mark.zoomcities.com/images/g...bybrandgen.png

الHD4870 X2 استهلاكه للطاقة مش 280-300W و انما ممكن يوصل ل373W.
الHD4850 X2 استهلاكه للطاقة مش 250-300W و انما مش بيتعدى 262W.
الHD4650 استهلاكه للطاقة مش 75W و انما مش بيتعدى 39W.
الHD4550 استهلاكه للطاقة مش 75W و انما هو 19W.
الHD4350 استهلاكه للطاقة مش 75W و انما هو 15W.

الGTX 260 استهلاكه للطاقة مش 160-180W و انما هو 105W. (لو 216SP و 55nm)
ال9800GX2 استهلاكه للطاقة مش 300W و انما مش بيتعدى 268W.
ال9800GTX+ استهلاكه للطاقة مش 150-160W و انما مش بيتعدى 114W. (لو مش 9800GTX معاد تسميته).
ال9600GT استهلاكه للطاقة مش 150W و انما مبيتعداش 69ًW.
ال9500GT استهلاكه للطاقة مش 75W و انما هو 28W.
ال9400GT استهلاكه للطاقة مش 75W و انما هو 33W.

ان من أهم أجزاء مزود الطاقة Power Supply ، هو خط 12 فولت 12V ، هذ الخط وظيفته امداد القطع الرئيسية في جهاز الحاسب بالطاقة ، فهو يغذّي الكعالج الرئيسي CPU ، والأقراص الصلبة ، والسواقات الضوئية ، والمراوح ، وبطاقات الرسوميات Graphics Cards .

خط ال12V مش بيغذي لا الأقراص الصلبة و لا السواقات الصلبة. اللي بيغذيهم هو خط ال5V.

[TheInfernal]

والمكتوب فى الموقع ليس المقصود به الاستهلاك الفعلى ولكن
ال Power dissipation
وهى تعنى: الطاقة التى تتحول إلى حرارة اثناء التوصيل أو الحرارة المنبعثة من سلك يمر به تيار كهربى وهى تقاس بالوات تبعا لقانون أوم

ألف باء قوانين الفيزياء هي ان أي نوع من الطاقة مسيرة يتحول لحرارة. يعني الضوء اللي بتطلعه اللمبة لما بيتم امتصاصه مش بيختفي و انما بيتحول لحرارة. العربية و هو بتمشي بعدين تقف طاقتها الحركية بتتحول لحرارة. و هكذا.
عشان كده الPower dissipation هي بالضبط الطاقة اللي بيستهلكها القرص الصلب.

Processor icore 7 920=130 watt
Motherboard X58=50 watt
RAM DDR3 1X3 stick=5X3=15 watt
VGA Card HD4890=150~200 watt
Hard Disk 1TB Sata II =25 watt
DVD writer=25 watt
3 X 120mm Fans (high performance)=5X3=15 watt
USB optical Mouse=2 watt
USB Keyboard=3 watt
_____________________
total 465 watt

دى أقل قيمة بدون كسر سرعة سواء للمعالج او للبطاقة الرسومية
يعنى بعد توصيلها لاقرب رقم موجود فى مزودات الطاقة هيكون 500 وات
وإذا قررنا كسر السرعة يكون افضل مزود طاقة لهذه التجميعة 600 وات

كلام جميل. بس هل عملت حساب:
1) الوحدة هل هي متقدرة على أقصى طاقة تقدر تديها لحظيا, واللا الطاقة اللي تقدر تقدمها بصورة مستمرة؟
2) الباورات الطاقة الفعلية اللي تقدر تقدمها بتقل بدرجة كبيرة مع زيادة الحرارة. لو الباور متقدر على حرارة أقل من اللي هيتعرض لها في الكيسة (زي 25 مئوية) زي ما بيحصل مع باورات OCZ, و مفيش ذكر لطاقته على درجة حرارة واقعية (زي 40 مئوية), يبقى لازم نفترض ان الباور مش هيقدر يدي أكتر من 75% من طاقته المتقدر عليها.
3) ايه نوعية المكثفات المستخدمة؟ و ايه مدى تحملها للحرارة؟
4) هل المروحة في الباور تقدر تبرده بكفاءة و بصورة تحافظ عليه, مع اعتبار انه هيشتغل على 80% أو 90% من طاقته طول فترة تشغيله؟
5) ايه أخبار الRipple أو عدم ثبات التيار مع زيادة الحمل عليه؟

فيه نقطة برضه تانية. استهلاك تقريبا كل مكونات الكمبيوتر (ما عدا الهارد و الدي في دي و الرامات) بيتم على خط ال12V. يعني 90% أو 95% من الاستهلاك هيتم عليه. هل خط ال12V يقدر يدي 90% أو 95% من قوة الباور الكلية؟

[TheInfernal]

بص يامحمد هتختار ال PSU على حسب مكونات جهازك وطبعا تراعى إنه يكون ذو جودة عالية وتهتم بال 12v rails كان من فترة فى مزودات طاقة بتضع القوة بأكملها على 12v rail واحد فقط ولكن موخرا وحفاظا على البيئة والانبعاث الحرارى وتطبيق مبدا everything will go green تم تقسيم الطاقة على اكثر من 12v rail وفى الحقيقة هو 12v rail واحد ولكن تم تقسيمه وتوزيع الطاقة عليه فى معظم الاحوال بالتساوى.

الحقيقة ان التقسيم على كذا خط 12V كل أهميته الحفاظ على بعض معايير الأمان أثناء التعامل مع الباور. و انما هو مش هيزود لا الكفاءة و لا هيقلل الانبعاثات و لا هيبقى أحسن بأي شكل من الأشكال.
بالعكس. الباورات بSingle Rail أحسن عشان ميبقاش فيه طاقة مهدرة في Rail معين و الRail التاني متحمل على آخره أو فوق طاقته.

إستهلاك ال Toxic @ 960 سيكون حوالى 225 وات لو معملتش كسر سرعة للمعالج هيكون مجمل إستهلاكك تقريبا 485 وات بزيادة,ويشتغل مؤقتا لان ال HEC ذو جودة عالية ولا بأس به وعند عدم قدرته على إمدادك بطاقة كافية سوف ينتج عدم استقرار لكن لن يضر بجهازك على عكس مزودات الطاقة الرديئة أو الرخيصة.

للأسف تحميل الباور فوق طاقته مهما كانت جودته هتأثر على عمر المكونات.

[TheInfernal]

يا جماعه الموضوع ممتاز ارحو تصحيح تلك الفقره Phenom II X4 940=95 watt يستهلك 125 وات وليس 95

اود ابداء الرأي في مزود الطاقه الجديد OCZ بالمقارنه HEC مع ملاحظه اني سمعت ان سعر HEC COUGAR 700W
سعره 700 جنيه مقابل 670 لل OCZ انا شايف ان 30 جنيه مش كتير ولا ايه رايكم.

تحياتي

الAntec Earthwatts 650W ب620 جنيه أحسن منهم الاتنين. الOCZ زي ما أنا كنت موضوح قبل كده فيه مشاكل لو الحمل زاد عن 500W. و الHEC Cougar محدش يعرف عنه حاجة.

[فوزان]

انا بشكرك علي الاهتمام بمشاركاتي اللي عدي علسها وقت كتير

علي فكره انا مقتنع بكلام حضرتك 1000% لكن للاسف في ناس انبهرت باسم ocz وناس تانيه بتجاملها

تحياتي

[TheInfernal]

OCZ شركة كويسة و لا غبار عليها و لكنها متفقة مع FSP تصنع باورات تحت اسم OCZ, و باورات FSP فيها العيوب اللي أنا كنت بتكلم عليها.

[Hameedo]

السبب الحقيقي ان معظم مصنعين الباورات بيبالغوا في تقديرهم لقوتها.الأرقام دي مش استهلاك البروسيسور الغعلي و انما ما هي الا الTDP. TDP معناها ان المشتت (أو المروحة) اللي بييجي مع البروسيسور بيقدر يبرده بكفاءة طالما استهلاك البروسيسور للطاقة ما تعداش قيمة الTDP.

بالطبع كلام صحيح ، TDP هو الغلاف الحراري للطاقة ، وهو يختص فعلا بقدرة نظام التبريد علي التعامل مع الحرارة ، ولكنه أيضا مؤشر قوي علي استهلاك الطاقة ، فالمعالج الذي يستهلك طاقة كبيرة، تخرج منه حرارة كبيرة ، تحتاج الي نظام تبريد اكثر كفائة ، وهو الذي تمّدك الشركة به عند شراؤك المنتج .

وعلي العموم نحن نعرف أن هذه الأرقام أعلي من المؤشرات الحقيقية ، ولكننا وضعناها من أجل أخذ الحيطة .

الأرقام دي فيها تعارض مع الChart دي:
https://mark.zoomcities.com/images/gfx/GFXpowerchartbybrandgen.png

كما قلت لك ، تم وضع كل هذه الأرقام النظرية في موضوعنا من أجل أخذ الحيطة .

الHD4870 X2 استهلاكه للطاقة مش 280-300W و انما ممكن يوصل ل373W.

الواقع أن هذه النتيجة مضحكة ، فمن نفس الرسم البياني ، فان بطاقتين HD4870 في وضعية Crossfire ، لا يتعدي استهلاكهما للطاقة اكثر من 260 واط !

ايضا من المستحيل أن تستهلك بطاقة HD4870X2 أكثر من 300 واط ، وهذ مسألة حسابية بحتة :

75 واط من اللوحة الأم + 75 واط من مقبس PCI-Express 6Pin ، و 150 واط من مقبس PCI-E 8Pin ، والناتج يساوي 300 واط كأقصي حد لاستهلاك الطاقة .

خط ال12V مش بيغذي لا الأقراص الصلبة و لا السواقات الصلبة. اللي بيغذيهم هو خط ال5V.

خطـأ ! خط 12 فولت يدعم الأقراص الصلبة أيضا ، واذا نظرت الي اي مقبس 4pin للاقراص الصلبة ، سوف تجد سلكا أحمر 5 فولت ، وسلكا أصفر 12 فولت ، وسلكين اسودين (أرضيين) ، والجزء الوحيد من القرص الصلب الذي يستمد الطاقة من سلك 5 فولت هو الشريحة المنطقية Logic Chip .

عشان كده الPower dissipation هي بالضبط الطاقة اللي بيستهلكها القرص الصلب.

لا تستطيع ان تكتفي بقيمة تسريب الطاقة كقيمة مطلقة لاستهلاك القرص الصلب للطاقة ، فطاقة اقلاع الأقراص الصلبة تكون أكبر من طاقة التشغيل ، واذا لم تمتلك الحد الكافي من القدرة المستمدة من مزود الطاقة ، فلن يستطيع القرص أو الأقراص الصلبة البدء في الاقلاع .

[kts_2001]

ألف باء قوانين الفيزياء هي ان أي نوع من الطاقة مسيرة يتحول لحرارة. يعني الضوء اللي بتطلعه اللمبة لما بيتم امتصاصه مش بيختفي و انما بيتحول لحرارة. العربية و هو بتمشي بعدين تقف طاقتها الحركية بتتحول لحرارة. و هكذا.
عشان كده الPower dissipation هي بالضبط الطاقة اللي بيستهلكها القرص الصلب.

كلام جميل. بس هل عملت حساب:
1) الوحدة هل هي متقدرة على أقصى طاقة تقدر تديها لحظيا, واللا الطاقة اللي تقدر تقدمها بصورة مستمرة؟
2) الباورات الطاقة الفعلية اللي تقدر تقدمها بتقل بدرجة كبيرة مع زيادة الحرارة. لو الباور متقدر على حرارة أقل من اللي هيتعرض لها في الكيسة (زي 25 مئوية) زي ما بيحصل مع باورات OCZ, و مفيش ذكر لطاقته على درجة حرارة واقعية (زي 40 مئوية), يبقى لازم نفترض ان الباور مش هيقدر يدي أكتر من 75% من طاقته المتقدر عليها.
3) ايه نوعية المكثفات المستخدمة؟ و ايه مدى تحملها للحرارة؟
4) هل المروحة في الباور تقدر تبرده بكفاءة و بصورة تحافظ عليه, مع اعتبار انه هيشتغل على 80% أو 90% من طاقته طول فترة تشغيله؟
5) ايه أخبار الRipple أو عدم ثبات التيار مع زيادة الحمل عليه؟

فيه نقطة برضه تانية. استهلاك تقريبا كل مكونات الكمبيوتر (ما عدا الهارد و الدي في دي و الرامات) بيتم على خط ال12V. يعني 90% أو 95% من الاستهلاك هيتم عليه. هل خط ال12V يقدر يدي 90% أو 95% من قوة الباور الكلية؟

كلامك مظبوط فعلا ال power dissipation is the total power consumption
وجارى تصحيح الخطا

الكلام ده خارج إطار موضوعنا تماما لان ده يخص معايير إختيار مزود الطاقة ومدى كفاءته

[kts_2001]

الحقيقة ان التقسيم على كذا خط 12V كل أهميته الحفاظ على بعض معايير الأمان أثناء التعامل مع الباور. و انما هو مش هيزود لا الكفاءة و لا هيقلل الانبعاثات و لا هيبقى أحسن بأي شكل من الأشكال.
بالعكس. الباورات بSingle Rail أحسن عشان ميبقاش فيه طاقة مهدرة في Rail معين و الRail التاني متحمل على آخره أو فوق طاقته.
للأسف تحميل الباور فوق طاقته مهما كانت جودته هتأثر على عمر المكونات.

لم أقول غير ذلك,ولم يرد فى كلامى إن ال rails splitting هيزود الكفاءة ولا ال single rail هيقلل الكفاءة.
ممكن تأثر بشكل غير مباشر على المدى الطويل ولكن كان فى كلامى أقصد الضرر الوقتى أو تلف مباشر لاى مكون من المكونات.

ملحوظة:أرجو من الله إن هدفك هنا يكون تصحيح الخطا وليس النقد الهدام وتسفيه مجهود الاخرين أو محاولة إثبات أراء شخصية بغض النظر عن كونها صحيحة أو خاطئة وأن لا يحدث مثل ما حدث فى مناقشات موضوع اسعار واخبار الهاردوير فى السوق المصرية حيث كان الهدف منها إثبات الراى والغلبة وفرض السيطرة وليس من أجل أن يستفيد الاعضاء.