سؤال إلى خبراء ORACLE

**Pofa_Mamo** · 28-06-2009, 06:46

بسم الله الرحمن الرحيم

السلام عليكم و رحمة الله و بركاته

الحمد لله وحده و الصلاة و السلام على ما لا نبى بعده

أما بعد

أخوانى فى منتدى عرب هاردوير كان لى أستفسار يخص موضوع يتعلق بالأوراكل

أنا الحمد لله بدأت فى كورس Oracle Developer و كنت عايز أعرف بعد ما أن شاء الله ربنا ما يتم الكورس على خير

أنا ممكن أكمل أيه بعده بحيث أن الحاجة اللى حكملها بعده تكون متوافقه معه و ليست شىء من مجال أخر

أرجو الأفادة و بالأخص من الأخوة الذين يعملون فى مجال الأوراكل

و لكم منى جزيل الشكر و التقدير

أخوكم فى الله مصطفى

السلام عليكم و رحمة الله و بركاته

**puzzle_moody** · 28-06-2009, 09:33

السلام عليكم
ان شاء الله ربنا يتمم الكورس علي خير وتستفيد منه
انت طبعا بعد الكورس ده هاتكون Developer من اوراكل
ممكن طبعا تاخد اي لغه برمجه تانيه زي #c او VB.NET دي لغات قويه وسوق العمل يتطلبها بشكل كبير
ولو اني انصحك ان تتوجه لدراسه شهاده مايكروسوفت الخاصه بالDevellopers بعد لما تخلص كورس الاوراكل
وهي الMCTS-MCPD
هاتفيدك جدا وهاتزود فرص العمل قدامك ان شاء الله
ممكن تدرس الJava
بس كورستها يعني غاليه شويتين
وربنا يكرمك ان شاء الله

**ghiyath** · 28-06-2009, 13:26

والله ياصديقي انا بنصحك نصيحة أخوية ... مع اني مابعرفك ... لك هية نصيحة لوجه الله تعالى .,..
شوف .. انا بنصحك تكمل بمسيرة الاوراكل ، لأنها هية اللي آخدة السوق كلللللللله

وتطبيقاتها منتشرة بكل انحاء العالم ... لذلك ...انت ممكن تدرس لينوكس ، لأن البيئة المثلى للأوراكل هية اللينوكس
وعلى فكرة ...كل الشركات اللي بتشتغل على اوراكل او تطبيقات اوراكل .. هتكون منزلة الoracle database على لينوكس او يونيكس .

عندك مثلا شركات الاتصالات والبنوك اكبر مستهلك للأوراكل ... وطبعا استخدام الاوراكل مش حصر عليهم فقط ..أكيد لأ.
انا برأيي لاتشتت نفسك بالبرمجة والشبكات .. لأنها مجال تانـــــي تماما ، وبعد ماتدرس اللينوكس واليونيكس .. كمل على ال
oracle administration
ومين عارف ...يمكن تاخود كورسات cluster وكورسات data guard

هذه نصيحتي لك والله الموفق

**OracleGate** · 28-06-2009, 13:36

JAVA و Linux

أوراكل اشترت Sun Microsystems و كل تطبيقات أوراكل هتبقا جافا فقط و ده من شركة أوراكل نفسها و كل سيمنارات أوراكل في مصر بيقولوا الكلام ده و ده أتاكد بشرائهم صن . يعني اي ديفيلوبر لازم يتعلم جافا و تطبيقات اوراكل على لينوكس ده هاااااااااااااااااااااام جدا

**Pofa_Mamo** · 28-06-2009, 20:05

بسم الله الرحمن الرحيم

السلام عليكم و رحمة الله و بركاته

الحمد لله وحده و الصلاة و السلام على ما لا نبى بعده

أما بعد

طبعا أنا مش لاقى كلام أرد بيها على ردكم على سؤالى ألا انى أقول لكم جزاكم الله كل خير

و أن شاء الله ربنا يوفقنى و أستفيد من نصايحكم لى

**e_amr** · 28-06-2009, 20:29

JAVA

**Pofa_Mamo** · 01-07-2009, 20:48

بسم الله الرحمن الرحيم

السلام عليكم و رحمة الله و بركاته

الحمد لله وحده و الصلاة و السلام على ما لا نبى بعده

أما بعد

'طبعا مشكور كل ما أشار عليه بفكرة

فهل هناك أفكار أخره

**eng ahmed_zayed** · 06-07-2009, 15:51

اخى العزيز من رأى انا شخصيا انك تكمل بعد الديفيلوبر track
وتاخد adminstration وشرط اساسى طبعا انك تاخد جافا

**Mohammad Saad** · 07-07-2009, 10:38

عليك باتباع رأى الأخ تامر نبيل .... فهو اصح الأراء .. مع شديد احترامى للأخرين .... اما بالنسبة لمن يقول انك تكمل Administration ... اود توضيح نقطة مهمة للأخوة ...
ان الـ Developer ده طريق ، والـ Admin او الـ DBA طريق تانى خالص ....

فأنت كا developer تحتاج انك تعرف Java و Linux إن أمكن و Application Server ..... طبعاً اهمهم على الإطلاق الـ Java

اما بالنسبة للـ DBA فأنت محتاج انك تعرف Linux وياحبذا لو UNIX Solaris كمان بالإضافة إلى DB Security و Data Gaurd و Application Server

فأنا انصحك أخى الكريم انك بعد الإنتهاء من الكورس إن شاء الله - او ياريت من الان لو كنت خلصت الـ SQL مثلاً وبدأت فى الـ PL - انك تبدأ تبحث عن مكان تتدرب فيه ولو هايكون الراتب متواضع ... بس هاتكون انت اللى كسبان فى النهاية ، وبعد لما تخلص الكورس بمشيئة الله تقدر تدور على شغل براتب اعلى وتتشرط على الناس كمان لأنك ساعتها هايكون لديك خبرة .... وتبدأ تتعلم الـ Java عن طريق Self study لأنك وقتها هايكون عندك اساسيات البرمجة اللى اكتسبتها من الـ PL والشغل والتدريب .....

ولو لم تجد فرص تدريب - وأشك انك ما تلاقيش ( يعنى لو عاوز تلاقى هتلاقى ) - يمكنك عمل مشروعات مع نفسك .... ولما تيجى تدور على شغل هتكون المشروعات ديه هى الـ CV بتاعتك ..........

وعلى فكرة ... كتب Oracle University هتلاقى فيها تدريبات كتيرة جداً وافكار اكتر ... كمان ممكن تحل الـ Test King ..........

وبكده تبقى وضعت قدميك وبدأت تخطو بخطى ثابتة على اول طريق الـ Developer اللى الـ Software Houses المحترمة بتدور عليهم .........

يمكنك القراءة فى جزئية الـ Oracle applications 11i .... هاسيبك انت تدور عليها وتعرف هى لزمتها إيه فى الحياة وبتعمل إيه .... ولو ما وصلتش لحاجة ... ممكن نقولك هنا ....

بقت نقطة أخيرة ..... تذاكر ثم تذاكر ثم تذاكر ............. صدقنى هاتكون نابغة ............... اتمنى يكون كلامى مفيد بالنسبة لك ......

بالتوفيق يا أخى ولا تنسانا من صالح دعاك ............

شكراً
محمد سعد

**Pofa_Mamo** · 07-07-2009, 12:13

بسم الله الرحمن الرحيم

السلام عليكم و رحمة الله و بركاته

الحمد لله وحده و الصلاة و السلام على ما لا نبى بعده

أما بعد

فى البداية أحب أن أشكر كل من نصح لى و بجد أن فرحان أوى على الروح التعاونية اللى موجودة فى المنتدى هنا بين أعضائه

و جزاكم الله كل خير

و كان ليه طلب عن المهندس محمد سعد ممكن أيميل حضرتك علشان أنا محتاج أستفسر من حضرتك عن شوبة حاجات عن الأوراكل

و يا رب يباركلنا فيه

و السلام عليكم و رحمة الله و بركاته