الحمد لله اجتزت امتحان CCNA

[einstinum]

السلام عليكم يا اخواني, الحمد لله اجتزت يوم الخميس 25-6-2009 اختبار ال CCNA من أول مرة بفضل الله ثم الاخوة في المنتدي العريق(عرب هاردوير) كل الشكر لاستاذتنا الكبار: الباشمهندس محمد سمير و الاستاذ لومارك و الاستاذ ياسر رمزي و كل المشرفين الاعزاء, الف شكر و ربنا يضعه في ميزان حسناتكم.
الحمد لله حصلت علي 930/1000 في الامتحان, و بعد الامتحان بساعة نزلت حجزت كورس ال CCNP يعني الموضوع سخن في دماغي:ah1:
لأ انا كنت فكرت اني ممكن انزل اشتغل(عفوا ادور علي شغل) بعد ال CCNA لكني فضلت اكمل ال CCNP او علي الاقل مش حنزل ادور علي شغل قبل مخلص كورس ال Routing & switching في الCCNP و امتحنهم , عشان يكون عندي خلفية كويسة قبل م ا شتغل, يعني( لا يفيض إلا الذي امتلأ) لكني لازلت في حيرة من هذا القرار و هل تفكيري صح و لا غلط اني ابدأ في خلال اسبوع من امتحاني كورس ال :ah17:CCNP , ارجو من الاخوة و مشرفينا الاعزاء ألا يبخلوا علي بالرد:ah38:, و شكرا لجميع اعضاء المنتدي و المشرفين.

[wessam gharip]

اولا الف مبروك ثانيا انا فى نفس الحيرة بس كانت نصيحة ناس ليا انى ادور على شغل لان الحياة العملية تقوى الدراسة النظرية

[dawouds]

السلام عليكم ورحمة الله وبركاته، اولاً مبروك يا مستر على النجاح، كلما اسمع ان شخص نجح اتفائل. انا ناوى ان شاء الله ادخل الامتحان قريبا ارجو منك نصيحتى انت ذاكرت منين هل من Pass4sure or Testking او من اى ملفات للاسئلة. أيضا ارجو منك اذا كنت متذكر اى من الاسئلة ان ترسلها لى. أشكرك على وقتك والف مبروك ثانيةً

[moataz1983]

الشغل الاول الخبرة اهم لان كتر المعلومات من غير استخدام بطير في الهوا
دا رأي قد يحتمل الخطأ أو الصواب

[qobtan_3005]

الف مبروك على النجاح وعقبال ال CCNP ان شاء الله

والله ممكن تدور على شغل وتذاكر لل CCNP

[mrzap1983]

أولاً : مبروك أخي الكريم ...

ثانياً : الأخ الذي سأل عن الأسئله ، أخي الكريم نصيحه لا تسأل هذا السؤال ..
أنهي دراستك بالأول ثم نزّل أي نسخه من الباس فور شور وحلها فقط لترى مستواك

و الله يوفقك أخي

ثالثاً : أخي لا تقدم NP انتظرني :D فالآن أحضر لها لأضرب الحديد وهو ساخن

[JAMRI_m]

مبروك النجاح وعقبال ال CCNP ان شاء الله

[| OMA |]

الف مبروك

[engamir500]

الف مليون مبروك يا أخى الكريم وعقبال ccnp وإلى الأمام وعقبال كل أعضاء المنتدى والمسلمين جميعاً

[medo_1988]

ألف ألف مبروك يا باشا على النجاح وعقبال ما تنجح فى ال CCNP إن شاء الله ..

وبالنسبة للبحث عن عمل أنا حاليا أحاول البحث عن عمل كInstructor وبجانبه بذاكر ال CCNP .. لكن أصدقك القول تفرق كتييييييييير لو انت مذاكر ال CCNP لأنها بتكمل ال CCNA جدا .. فيها معلومات ماكانتش واضحة أو متفسرة كويس فى الA ..

فيعنى ممكن تنزل تدور على شغل وفى نفس الوقت بتذاكر الCCNP ..

وربنا يوفقك ..

[einstinum]

الاخوة الاعزاء , الله يبارك فيكم و دايما نشوف كل اعضاء المنتدي من الرواد في مجالاتهم, و شكرا علي مشاعركم الجميلة, الاخdawouds ذاكر المنهج كله بفهم و تركيز و ركز انك تعمل الكنفجريشن بايدك و كمان حاول تعرف اهمية كل امر و خاصة الاوامر ال troubleshooting و اما موضوع الباص فور شور خليه وسيلة في الاخر تعرف بيها مدي فهمك للموضوع و التدريب علي شكل الامتحان حتي لايكون هناك رهبة, و ما تجعل هدفك ابدا حفظ الباص فور شور لانهم في الامتحان بيجيبوا بعض الاسئلة منه بس مع التغيير في جوهر السؤال و حينها الحفظ لا يفيد,و فقك الله اخي, و عايز اكون من اوائل الناس اللي تهنيك علي النجاح.
اما بالنسبة للاخوة اللي كانوا يتناقشوا معي عن اهمية العمل عشان الدراسة النظرية لا تطير من مخهم, انا شايف اني بحاول ازداد معرفة في المجال ده قبل م انزل في خضم الحياة العملية لانه احيانا المعرفة النظرية بيكون عليها عامل كبير في الشغل, لانك مش حتقدر تجمع خبرة عملية عميقة بدون ان يكون لك خلفية عن الجانب النظري بصورة جيدة.
و موضوع انك تزاكر و تعمل بالنسبة ليا ما اظنها تجدي لاني محتاج فترة اعمل معسكر مغلق احاول ازود معرفتي ثم انزل الي الحياة العملية,و فكرة اني اعمل ك Instructor ما اظنها سهلة لاننا كنا نسال عن اشياء كثيرة لل instructor اللي معانا و الحمد لله هو كان ليه خبرة كبيرة في المجال و حاصل علي العديد من الشهادات و ما اظن ان خبرتي الحالية تؤهلني لهذا العمل علي الاقل الان.
و ارجو سماع ردودكم ومناقشاتكم عشان نوصل لاقتراحات و افكار افضل

[medo_1988]

أعتقد لو انت متمكن من المادة مع القراءة فى ال CCNP بمجرد إنهاءك لمنهج BCMSN فتعتبر Instructor جيد .. أعتقد ذلك والعلم عند الله ..

[aktshf]

مبروك الف مبروك