تجميعة لحاسب العاب بــ 3500 جنية مصرى

[m.zidan]

I'm waiting 4 ur helping:cool:

[masklove]

ان شاء الله سامسونج 19 بوصة 933BW ويكون فيها DVI
بس معلش انا مش عارف ايه ال DVI

DVI هو (واجهة الفيديو الرقمية) هي موصل الفيديو الرقمية من تصميم عرض الفريق العامل (DDWG) ، التي تهدف إلى تحقيق الحد الأقصى من جودة الصورة الرقمية مثل أجهزة العرض الرقمية وأجهزة العرض LCD شاشات.

انا هجيب كينجستون الواحدة 2 جيجا البص 800 بس مش عارف لسة هجيب واحدة ولا اتنين

جيب واحدة واشتري الثانية بعدين

قريت انهاردة عالنت ان الواحدة سعرها 100 جنية وهى هى الكينجستون 2 جيجا بص 800 اللى احنا بنقول عليها ب 135

ربما يكون سعر قديم . السعر الحديث 135 والرام تكون في عليه بلاستيك عليها شعار كبنجستون

انا استقريت على الجيجا بايت ال 770 ud3 ولو ملقيتهاش اي رايكوا اجيب ايه؟

انا كنت في البستان امبارح وكانت موجوده عادي والهدف من الشريحة 770 ان مفيهاش كارت شاشة داخلي ولو كده جيب بورده بشريحة 780 عادي وهتديك ايضا اداء ممتاز

ولا اجيب الكارت 4850 512 ميجا ddr5 ب 900 جنية واجيب رامة واحدة بس ؟

المشكلة ان خبرتي في مجال كروت الشاشة ضعيفة ولكن انا بصيت علي المواقع ولقيت ان 4850 بيتفوق علي 4770 بفارق ضئيل (حوالي 6 % )

بس مش عارف ايه رايكوا فى ال 350 وات هيكونوا كفاية ولا هحتاج اكتر ؟

ايه رايك فى دىGigabyte GA-MA790X-UD4P

للاسف الشديد لا أعرف ولكن سعرها 740 جنيه

[m.zidan]

انا ان شاء الله هجيب رامة واحدة دلوقتى 2 جيجا عشان اوفر الفلوس لحاجة تانية
اما البوردة كدة خلاص هجيب الجيجا بايت 770 او 780
بس لسة ماعرفش الباص بتاع البوردة دى 770 او 780 وسعرها 510 جنية تمام كدة ؟
خلاص والبروسيسور amd phenom II X4 940 بس بردة مش عارف الباص بتاعة كام وسعرة 1170 جنية ؟
وكنت عايز اعرف ازاى بتعملوا المقارنات على anandtech عشان اشوف كارت الشاشة
Gigabyte GTS 250 1GB GDDR3 ده لو مالقيتش سفير 4770
واية مة موضوع الـ cpu cooler مش البروسيسور بيبقى box ومعاة المروحة بتاعتة؟
شكرا على الاهتمام استاذ masklove :ah7:

[masklove]

موضوع الـ cpu cooler مش البروسيسور بيبقى box ومعاة المروحة بتاعتة

الكولر يكون في حالة كسر السرعة بس والبروسيسور بيجي معاه مشتت جيد للأستخدام العادي

بس لسة ماعرفش الباص بتاع البوردة دى 770 او 780 وسعرها 510 جنية تمام كدة ؟

للمعلومات عن GA-MA770-UD3 او عن GA-MA78GM-US2H اللي 480LE

[m.zidan]

شكــــــــــــــراً
انا قدرت ازود على الميزانية فلوس كمان عشان اجيب الرامتين مع بعض وعشان اجيب الـdvd وباركولى خلاص انا نزلت امبارح سوق العصر زى ما قولتلكوا وروحت عند ماكسيموم زى ما نصحتونى وجمعت الجهاز هى التجميعة ما بعدتش كتير عن تجميعة دكتور زيرو وهى كالأتــى:
amd phenom ii x4 940 >>>>>> 1170
g.b-ga ma770 ud3 rev.2 >>>>> 505
sapphire hd 4850 1G ddr3 >>>> 900
kingston 2*2G bus 800 >>>>>>> 270
hdd wedtern degital 640 aacs 16 m.buffer >>>> 340
case dolphin pro without psu >>>>> 190
power supply hec 500 watt >>>>> 375
dvd ssus l.s. 20x >>>>> 145
monitor philips 19 190CW9 >>>>> 750
كدة المجموع = 4645 جنية مصرى
انا مالقيتش كارت 4770 عشان كده جيبت 4850 وسعرة يعتبر مش غالى علية
اما الشاشة مالقيتش سامسونج خالص فيها dvi ولقيت الفيليبس الموديل 190CW9 ال 19 بوصة وفيها DVI مش عارف ايه رايكوا فيها ؟
اما الكيسة ماقيتش جاما خالص فجيبت الدولفين ومعاها باور hec 500
ايه رايكوا كدة فى التجميعة دى ؟ والأسعار اخبارها ايه ؟
انا بشكر جامد اوى اخويا دكتور زيرو واخويا الماسك love على مساعدتهم ليا واقتراحاتهم اللى ساعدتنى كتير:ah7::ah7::ah7::ah7::ah7::ah7:
واحب اشكر ادارة المنتدى وكل اعضاؤه الجامدين اوى

[DR ! ZERO]

فيـــــــن المساعدة ياخبراء المنتــدى
مافيش غير الدكتور زيرو والمسكlove بس هنا ولا ايه ؟!!

أسف يا زيدان والله النت قاطع بقاله 3 أيام ولسة جاى من شويه معلش أنا عارف انك منت مستنينى أسف

و عارف ان كان ليك أسئلة كتير وفضلت مستنينى كتير بجد أسف

و مبروك ع الجهاز الجامد ده والأسعار الروعة و كويس انك جبت ال 4850 أحسن أقوى طبعا و مع كسر سرعته طبعا هيديك أداء جامد بس لو ينفع تعمل عنه ريفيو كده صغير لصاحبك عشان احتمال يشتريه فى الألفية الجاية :D اللى هو أنا :D

و تعمله فى قسم الوسائط المتعددة أو أى حته كله ينفع عشان خاطرك :D

وتلاقيك هاريه لعب دلوقتى مبروك عليك

[the_good]

أولا : مبروك للعضو m.zidan على الجهز الجديد ربنا يكفيه شر الفيروسات
ثانيا : بخصوص الشاشة philips 19 190CW9 فهي شاشة ممتازة جدا (أنا لسة شاري واحدة) فبالإضافة الى وجود منفذ DVI بها يوجد أيضا منفذ USB أضافة الى أن زمن التجاوب الخاص بها هو 2ms و معدل التباين هو 12000:1 و هو أعلى من معدلات التباين في الشاشات الأخرى في السوق وهو 8000:1
وده الرابط الخاص بيها https://www.consumer.philips.com/con...or+190CW9FB-05

[masklove]

اولا الف مبروك علي الجهاز
وياريت لو تعمل ريفيو عن الشاشة كمان بالمرة عشان انا نفسي اشتري شاشة

[m.zidan]

والله يادوك بتحرجنى بذوقك العالى اوى ... يعنى انت بتتاسف وانا اللى مفروض اتاسف عشان تعبتكوا معايا.. وباين كدا لسة هتعبكوا :D , وانا بصراحة مانكرش انى كنت مستنيك ومستنى ردك علية لانة يهمنى جدا بس الماسك love كان بيساعدنى فى اللى انا عايز اعرفة بس انت عملت اللى عليك وزيادة معايا :ah7:
الله يبارك فيكوا ياجماعة وده ثمرة مجهودكوا معايا
the_good شكرا على المرور واللة يبارك فيك والشاشة فعلا ممتازة جدا
الدوك عايز ريفيو عن الvga وماسك عايز ريفيو للشاشة ..... يانهار ابيض
تحت امركوا طبعا من عينية الاتنين بس لو تكرمتوا حد يعرفنى ايه الريفيو دة ..

[DR ! ZERO]

والله يادوك بتحرجنى بذوقك العالى اوى ... يعنى انت بتتاسف وانا اللى مفروض اتاسف عشان تعبتكوا معايا.. وباين كدا لسة هتعبكوا :D , وانا بصراحة مانكرش انى كنت مستنيك ومستنى ردك علية لانة يهمنى جدا بس الماسك love كان بيساعدنى فى اللى انا عايز اعرفة بس انت عملت اللى عليك وزيادة معايا :ah7:
الله يبارك فيكوا ياجماعة وده ثمرة مجهودكوا معايا
the_good شكرا على المرور واللة يبارك فيك والشاشة فعلا ممتازة جدا
الدوك عايز ريفيو عن الvga وماسك عايز ريفيو للشاشة ..... يانهار ابيض
تحت امركوا طبعا من عينية الاتنين بس لو تكرمتوا حد يعرفنى ايه الريفيو دة ..

ده انت اللى عسل والله و مفيش زيك

و كمان ولا يهمك أمال المنتديات دى اتعملت ليه ؟ ما نقفل بقى بلا وجع دماغ :D

بص يا سيدى الريفيو ده يعنى تقرير أو مراجعة و بتجيب فيها صور و حاجات تورينا الأداء الجامد بتاع جهازك

انت كل اللى هتعمله هتدخل قسم الوسائط المتعدده وتعمل موضوع و تشغل شوية لعب و حاجات وتشغل Fraps و تاخد صور للعبة و تشوف نتيجة الكرت بال 3DMark بس دى ما بتبينش قوة الكرت الحقيقية لأنها بتتعلق بباقى مواصفات جهازك يعنى البروسيسور والرامات و كده بقى المهم الألعاب

ولو تعرف تاخد صور للكرت يبقى عسل و الحرارة بتاعت الكرت ابقى شوفهالى

شوف الموضوع ده فى برامج هتحتاجها

https://www.arabhardware.net/forum/s...ad.php?t=86074

و ده لينك لل CPU-Z وال GPU-Z

https://www.softpedia.com/get/System...fo/CPU-Z.shtml

https://www.softpedia.com/progDownlo...oad-85523.html

و خد صور و كده و عيش بقى و ابقى قوللى لما تعمله و تخلصه

و الشاشة نفس الحكاية برضو صور ليها الأول كده وبعدين شغل عليها أفلام و خد لها صور بكاميرا مش ب SnagIt :D:ah39:
و صور مع العاب و كده و يبقى كله :ah7:

أولا : مبروك للعضو m.zidan على الجهز الجديد ربنا يكفيه شر الفيروسات
ثانيا : بخصوص الشاشة philips 19 190CW9 فهي شاشة ممتازة جدا (أنا لسة شاري واحدة) فبالإضافة الى وجود منفذ DVI بها يوجد أيضا منفذ USB أضافة الى أن زمن التجاوب الخاص بها هو 2ms و معدل التباين هو 12000:1 و هو أعلى من معدلات التباين في الشاشات الأخرى في السوق وهو 8000:1
وده الرابط الخاص بيها https://www.consumer.philips.com/con...or+190CW9FB-05

الشاشة فعلا ممتازة بالسعر ده 750 جنيه :eek:

بس سرعة الاستجابة 5 مللى زى ما مكتوب فى الموقع

ال 2 مللى دول SmartResponse مش Response time (typical)

2 ms (Grey to Grey)

معرفش ده معناه اي و هل الشاشة 2 مللى أم 5 مللى :confused:

بس تحت ال 7 مللى مفيش فرق خالص أو مش هتحس بيه

و كفاية مواصفاتها التانية طبعا

[m.zidan]

جارى تحميل البرامج ....