اخونا لومارك مش هيسيب المنتدى !!!

[helioo]

بسم الله والصلاة على رسول الله .... اما بعد

بعد قرائتى لموضوع اخويا لومارك الخاص ب حان للمحارب ان يستريح ... احزننى كثيرا ماقاله فى هذا الموضوع

واقول لكل الاعضاء متقلقوش اخونا لومارك مش هيسيب المنتدى تعرفوا ليه ؟ لعدة اسباب وهى ؟

1 - لان واحد زى اخونا لومارك احنا اتعلمنا منه الاخلاق وحب مساعدة الغير وحرصه على النهوض بالامة العربية وتعلمنا منه حاجات كتير جدا بالاضافة الى العلوم التقنية اللى بفضل الله عزوجل وبمساعدة اخونا لومارك ما كان احد ان يستطيع ان يتعلمها فى مكان اخر ... وابسط دليل على كلامى برنامج زى الدينامبس اللى اخونا لومارك تفضل مشكورنا بتعريفنا بالبرنامج وبالاضافة الى عمل شرح فيديو له فى الوقت اللى مفيش ولاموقع عربى اتكلم عن البرنامج ده لان لومارك اتكلم عن البرنامج ده فى موضوع ليه من سنة 2006 فى هذا الموضوع https://arabhardware.net/forum/showthread.php?t=37705

يعنى الراجل ده بيعمل حاجة لوجه الله ومش محتاج حاجة من حد واللى اخلاقه بالشكل ده لا يمكن يرضى ان يسيب اخوانه وهم فى امس الحاجة اليه .

2 - مشكلة العرب عموما هى ان احنا دائما نحتاج لقائد للالتفاف حواليه ولا نستطيع ان نفعل اى شى بدون قائد وانت كنت خير قائد لنا فى فترة توليك قيادة قسم الشهادات العلمية وانت بقيت بالنسبة لكثير من الاعضاء وانا اولهم مثل اعلى وقدوة اتمنى ان اكون مثلك فى مجال التقنية فتخيل كيف يكون الحال اذا سيبتنا بدون قدوة ؟

3 - اذا صدر اى شى من احد الاعضاء الانانيين اللى مش عايزين هذا الصرح ان يكتمل واساء اليك بطريق مباشر او غير مباشر فاقول لك ان لنا فى رسول الله اسوة حسنة حيث انه ما غضب لنفسه قط ولكن كان يغضب اذا انتهكت محارم الله .. ولقد اوذى رسول الله وشتم وسب وطرد من بلده واتعامل معاملة سيئة ومع هذا كله كان كل همه صلى الله عليه وسلم تبليغ دين الله عزوجل الى كل الناس حتى ولو كانت على حساب نفسه وابسط مثال عندما استقبله اهل الطائف بالحجارة حتى نزل الدم الشريف منه وجاء ملك الجبال له يقول له لو امرتنى لاطبق عليهم الاخشبين قال الرسول الرحمة المهداة عسى الله ان يخرج من اصلابهم من يعبد الله ولا يشرك به شيئا .. او كما قال المصطفى صلى الله عليه وسلم ... الشاهد انه نظر الى هدفه الاسمى وهو تبليغ دين الله وحاول تحقيقه حتى ولو على حساب نفسه .

وانت نفس الشى يعلم الله بحسن نيتك وهى ان تنهض بشباب الامة الاسلامية فى مجال التقنية وان يكون لنا القيادة فى هذا المجال ... فاذا كان هدفك فلماذا تتركه فى منتصف الطريق ؟

4 - يا اخى لومارك انت لو مشيت شوف كام واحد هيمشى وراك مثل محمد سمير و ووبوو يعنى شوف احنا هنتحرم من علم اد ايه اذا سيبتنا او اى عضو فعال فى هذا المنتدى المبارك ؟

5 - اخر حاجة وانا متاكد انك مش هتسيب المنتدى بسببها تعرف ايه ؟ هى ان منتدى عرب هارد وير بقى بيجرى فى دمك وانت بقيت مدمن لهذا المنتدى لدرجة لا تستطيع الاستغناء عنه .. اللى يخلينى متاكد من الكلام ده هو انت لانك بتحاول تشارك باقصى ما تستطيع حتى فى اصعب الاوقات التى تمر بيها سواء فى عملك اللى انا متخيل ان لو الواحد مكانك مكنش هيبقى عنده وقت لعمل اى شى ولكن انت كنت بتحاول وتعطى بلا حدود فى كل الاوقات وده اللى احنا اتعلمناه منك لان اللى بيحب بيبذل اقصى ما يستطيع من اجل محبوبه .. وانت بتحب عرب هارد وير ومش هتقدر تسيبه بالسهولة دى ...

فى الختام : انا معك يا اخى ان ظروف الحياة قاسية والوقت عندك محدود جدا اعانك الله عليه ولك انشغالات اخرى واذا كنت شايف ان مسئولية مدير اقسام الشهادات العلمية هيحتاج منك مجهود ووقت فوق طاقتك فالحل فى وجهة نظرى هى انك لا تترك هذا اللقب لان انت متعرفش ان مجرد مشاهدة اسمك فى المنتدى بيعطى الواحد دفعة قوية جدا جدا للاجتهاد والعزيمة ... فانت متسيبش اللقب ولكن ممكن تفوض معظم الاعمال او حتى كلها لباقى المشرفين الكرام وهما هيقوموا بالواجب وزيادة كده يبقى احنا ضربنا عصفورين بحجر

اولهم : ان الاعضاء هتتحمس اكثر لمجرد مشاهدة اسمك واحساسهم انك معنا
ثانيهم : بالنسبة لك انت شخصيا خف الحمل من عليك فى هذا المنتدى وتواصل العطاء الى النهاية

اخى لومارك يعلم الله كم احبك فى الله ويعلم الله كم ادعو لك بظهر الغيب واتمنى لك التوفيق فى والنجاح فى حياتك الدنيا قبل الاخرة واتمنى اشوفك فى المنتدى باستمرار ....

وانا فى انتظار مقابلتك على احر من الجمر عند تشريفك لنا فى مصر يوم 25/8/2008 بفندق سيمراميس

اخوك / احمد هلهول

[montos]

هو حضرتك بعد اذنك يعنى ممكن اعرف ايه سبب ان الاستاذ لورمارك هيسيب المنتدى وايه اللى عرفك بالخبر دة ولك جزيل الشكر انا لسه عارفه الموقع من اسبوع ولسه فى بدايه طريقى للاى تى والشبكات وكل اللى سمعته هو محاضرتين للاستاذ لورمارك وبجد فهمت جداااااااااااا وقلقانه انى اقف فى نص الطريق لو ملاقيتش حد افهم منه زى الاستاذ العبقرى دة يعنى لو حضرتك تقدر تقولى اعمل ايه انا عارفه انى هتعبك ولكن الله يجازيك خيرا عن كل مجهوداتك

[dohaboy79]

أخي الحبيب من اين اتيت بموضوع حان المحارب ان يستريح ؟
وان شاء الله لا يأتي اليوم الذي يترك فيه لومارك المنتدى بسبب فئه الأنانيين كما سميتهم وهم قله موجودين في كل المنتديات ,,

الشاعر يقول

وش على العقبان من دبي الجرادة ** ما يروع الذيب من ترعى النباتي

[dohaboy79]

montos الموضوع قديم يا أخي
سامحك الله

[dohaboy79]

أحذفوا الموضوع يا أخوه لدرء الشائعات

[one-zero]

موضوع قديم فعلا
ويحتاج الحذف

[lumark_s]

يا أخي الحبيب بارك الله فيك وفي كلامك، بس أنا من عوام المسلمين، وأقل من في المنتدى شأنا وعلماً،

بس مين اللي قال إني سايب المنتدى يا أخي؟؟؟ هذه أكيد إشاعات من قناة الجزيرة :D

المنتدى ده بيتي، في أحد يسيب بيته يا رجل؟؟

أنا قاعد على قلوبكم ومش سايب المنتدى إلا لو طردني الشيخ مبارك :D

أخواني الأجبة نحن بصدد فتح بوابة تعليم هي الأولى من نوعها في العالم العربي، وربنا يوفق الجميع إن شاء الله.

موضوع مغلق لأنه قديم جداً