الراجل دا بجد أكثر من رائع....
أنا كنت فى الأول لما باشوفه وباشوف أسلوبه كنت باحكم عليه بشكل سطحى و سلبى وباتريق على طريقته فى الحركة والكلام...وكنت دايما أقول لنفسى الباعث على النجاح لن يتولد الا من داخلى.
لما بدأت فى مشاهدة حلقاته بامعان وجدته يؤكد هذا المعنى....هو مش مجرد واحد عمال يحمسك ويقولك شد حيلك ومش عارف ايه وخلاص.....هو بيبدأ بانه بيعالجك نفسيا من قناعات كثيرة سلبية مترسبة داخلك انك وحش وان عندك الأسباب اللى تخليك لا يمكن تنجح....الخ.
هو بيمسك القناعات السلبية دى و يدمرها تماما ويقنعك ان انت مش أقل أبدا من غيرك.....بيعملك اعادة تشكيل وجدانى زى فورمات الهاردديسك بالظبط وبيشيل كل الbad clusters اللى فى دماغك.
بعد كدا بيعلمك ازاى تبعد عن كل المؤثرات السلبية والمثبطين اللى حواليك اللى مش عاوزين ينجحوا ومش عاوزين كل اللى حواليهم انهم ينجحوا.
بعد كدا لما بيوصل بيك لمرحلة الثقة بالنفس يبدأ يوريك ازاى تبنى نفسك وتستغل وقتك.
والحمد لله الى حد كبير خلفيته ايمانية اسلامية ودايما يقولك عيش بالأمل وعيش بحبك لله والرسول صلى الله عليه وسلم.
أنا قرأت بعض المشايخ معترضين عليه فى بعض الأشياء ولكن لم أتمعن فى حيثياتهم..
أنا دايما اتعلمت انى آخد من اللى قدامى الحلو وأسيب له الوحش...ياأخى اعتبره واحد من الغرب غير مسلم أصلا مثل ديل كارنيجى....و خذ منه مايتوافق مع دينك واضرب بالباقى عرض الحائط...
الراجل دا أثر عليا تأثير ايجابى فى بعض المواقف فى حياتى وخلانى أصبر على بعض الأشياء فى محيط العمل وأحولها من شىء سلبى لشىء ايجابى....و بجد لو مكنتش صبرت فى المواقف دى كانت فرقت فى حياتى كتيييييييييييييييييير قوى.
من أهم سلاسله:
الحياة أمل-الطريق الى النجاح
المفضلات