من عيوب الشاشات - وطريقة الاصلاح والصيانة

**FiberOptics** · 20-05-2006, 09:53

من عيوب شاشات الكمبيوتر العادية .. حصول قطع في أحد الأسلاك داخل السلك الكبير الموصول بكارتة الصورة ( الفيجا ) في الكمبيوتر وهو عيب ينتج عن ضعف في السلك الكبير .. فعند الضغط وتحريك السلك الكبير مرات عديدة ينتج عنه تقطع في الاسلاك الداخلية مما قد يؤدي الى فقدان لون من ألوان الشاشة او ربما فقدان الصورة تماما هذا السللك السميك بداخله حوالي ثماينة أسلاك
ثلاثة للألوان الرئيسية
أحمر
أزرق
أخضر
لو جربت فتحت السلك ده مرة في سلك احتياطي عندك حتلاقي ان الثلاث ألوان هم أكبر الاسلاك الداخلية سماكة وكل سلك فيهم حوله
سلك إضافي هو الطرف الارضي الخاص بهذا اللون

والباقي في أحيان يكون خمسة وأحيان أخرى اربعة الاربعة اسلاك الباقية تكون اصغر بكثير في السماكة وبتكون الوانهم كالتالي في اغلب الاحيان
بني
ابيض
احمر ايضا
زهري او وردي

هذه الاسلاك الرفيعة تحتوي على سلكين مهمين جدا وهما سكل الفيرت وسلك هورزنتال .. والسلكين دول هم المسؤولين ظهور الصورة على الشاشة واحد منهم بيفرد الصورة بشكل عرضي على الشاشة والتاني بيفرد الصورة بشكل رأسي وعشان كده لو واحد منهم انقطع .. مش حنلاقي صورة اصلا على الشاشة اما لو كان القطع في احد اصلاك الالوان حنفقد لون بس من الشاشة

طريقة الصيانة والاصلاح عند انقطاع سلك

الادوات اللازمة
1- كاوية لحام
2- قصدير لحام
3- مادة الفلاكس ( مادة مساعدة في عملية اللحام ) هامة
4- موس او قاطع حاد لتعرية الاسلاك وتقشيرها
5- بلجة ( وهي مثل الجزء الي الاسلاك مربوطة بيه وبيدخل في الكمبيوتر ) وهي تباع بحاولي خمس جنيهات في اسوق الالكترونيات
5- افوميتر لقياس المقاومة
6- مادة شمع للتاكد من عزل الاسلاك
الطريقة :

قم بقطع البلجة القديمة الموجودة في السلك .. وذلك بقص السلك من قبلها وفصلها
ملاحظة : في اغلب انواع الشاشات هناك جزء مغناطيسي حول السلك في نهاينه وقبل البلجة قم بقصه لانه ليس مهم وستقوم بقصه ايضا ليتسنى لك تركيب البلجة الجديدة دون اي عوائق

بعد قص السلك قم بتعرية السلك عن طريق قطع الطبقة الخارجية للسلك بالموس وستجد سلك نحاسي محيط بكل السلك .. قم بقصه وابقي على جزء صغير بنفس الطول لانك ستقوم بلحمه في جسد البلجة الجديدة لان هذا طرف أرضي

بعد ذك قم يتعرية الاسلاك كلها .. وستقوم بتعرية جزء صغير من كل سلك لا يتعدى طوله خمسة ملي مترات لكي لا تتلامس الاسلاك بعد اللحام والتقفيل ومن ثم قم بوضع مادة القصدير على هذه الاطراف الصغيرة بمساعدة مادة الفلاكس لتسهيل عملية اللحام
وبعد ذلك قم بوضع مادة القصدير على اطراف البلجة

وهنا ناتي لترتيب الاسلاك
حتلاقي مكتوب على اطرف البلجة ارقام من واحد الى 15
الارقام واحد واتنين وثلاثة دائما هم الاللوان الرئيسية
بالترتيب
أحمر أخضر أزرق
وقم بربط اسلاك الارضي الموجودة مع اسلاك الالوان الرئيسية مع بضعها والحمها في ثلاث اطراف الموجودة تحت الاطراف 1 2 3 .. وستكون بالتاكيد تحمل الارقام 6 7 8

وهناك طريقة افضل في اختيار الترتيب لان بعض انواع الشاشت يختلف فيها الترتيب بالنسبة لباقي الاسلاك
قم بقياس الاسلاك في البلجة القديمة وبالتاكيد سيكون هناك اسلاك غير متقطعة فيها سيمكنك قياسها من معرفة ترتيب الاسلاك قم بكتابة الترتيب في ورقة .. وبعد ذلك قم بلحام سلك سلك ومن ثم جرب الشاشة .. ولو لقيتها مش شغالة حاول تتاكد من طرفين الفيرت والهورزنتال .. وعادة ما يكونو في الارقام 13 و 14
وبعد التاكد قم بوضع مادة الشمع على اطراف اللحام وقم بتقفيل البلجة الجديدة

واتفرج على صورة الشاشة واستمتع (z)

**Om51** · 20-05-2006, 12:12

الله يعطيك العافية

**FiberOptics** · 20-05-2006, 17:36

الله يعافيك يا باشا
انا عايز يا جماعة الي مش فاهم حاجة يقول عليها ..
ويا سلام لو حاول اي حد فيكم يصلح العيب ده والي يقف عنده يجي يقول عليها ونحاول مع بعض نعمله .. معاكم واحد بيفهم شوية في الشاشات اهو .. ويقدر يساعد

اتمنى اي حد يستفيد ويعلم غيره .. عايزين ننهض بقى

**maz26** · 23-05-2006, 07:03

مرحبا..وجزاك الله خير...
عندي لاب توب...سقط من على الطاولة....فتعرضت الشاشة للخلل
المشكلة نصف الشاشة شغال والنص التاني أسود...عملت فورمات في محل الكمبيوتر ...ولسه المشكلة موجوده..
ركبته على شاشة منفصلة اشتغل الكمبيوتر بوضوح..لكن الشاشة التابعة له زي ماهي..
ماذا أعمل؟؟
الابتوب ماركة hp
واذا في احد يعرف محل متخصص في دبي ...يدلني عليه

**FiberOptics** · 24-05-2006, 17:58

ممكن تكتبلي رقمه ونوعه تحديدا وانا ححاول ادور عشان اعرف بس الشاشة متوصلة ازاي للجهاز ممكن على الاقل يساعدني اعرف حجم الضرر الي حصل
وعندي سؤال تاني .. الصورة لما بتحرك الشاشة بتتهز او بتتغير ولا بتفضل المنطقة السوداء ثابتة الحجم دائما ؟

**ضحى** · 10-06-2006, 13:24

بارك الله فيك اخونا
وان شا ءالله نبتدى وننهض نصلح

**@ أبو راشد @** · 03-09-2006, 05:10

مشكور

**الواضح** · 13-09-2006, 12:56

السلك الذي يوصل بكرت الشاشة إذا حركته تشتغل الشاشة وأحيانن تبقى طافية

**محمد اسماع** · 14-09-2006, 11:26

بارك الله فيك مهندسنا الكبير000والرجاموافاة منتدانا العزيز بمخططات شاشات الكمبيوتر المتيسرة لديك واطلب من جميع الزملاء تحقيق ذلك وشكرا للجميع

**linksys** · 27-09-2006, 12:31

مشكوور على المعلومات

**shebsawy2010200** · 05-03-2008, 12:37

ارجو الفادة فى بلجة شاشة كومباك وجزاك الله خيرا

**sooohalim** · 01-07-2009, 05:08

بسم الله الرحمن الرحيم
تحياتى لكم جميعا
:p
عندي مشكله خنقانى ومش لاقى لها حل:mad::mad::mad:
الشاشه عندى اول ما اشغل الكمبيوتر تفصل وتفضل اللمبه بتاعتها تنور برتقالى 7 مرات ثم مره اخضر ثم تعيد 7برتقالى ومره اخضر
اضغط على مفتاح الباور بتاع الشاشه تستمر اللمبه على حالها تنور برتقالى 7 مرات ثم مره اخضر حتى تتوقف فاضغط على الباور تانى تشتغل كام ثانيه وتفصل تانى ونعيد تانى الحكايه دى تتكرر 10 , 15 مره لحد ما الشاشه تسخن واللا ايه وتشتغل كويس حتى لو شغلت الكومبيوتر يومين متواصلين لكن اذا فصلت الشاشه او قفلت الكمبيتر 1/4 ساعه تعيد تانى الموال كله:rolleyes::rolleyes::rolleyes:

كمان الشاشه فيها خطوط عرضيه مائله رفيعه لونها اخضر حتى لو شغلت الشاشه على التى في بوكس تليفزيون يعنى

برده بتفصل لحد ما تسخن والخطوط موجوده ّّّّّّّّّّّّّّّّّّّّّّّّّّ!!!!!!!!!!!!

غيرت الكابل وبرده نفس المشاكل...
:eek: :eek: :eek:
اسفه للاطاله بس نفسى الاقى حل
:p :p :p :p :p :p :p :p