ملحوظة:هذا الرد كنت أكتبه أساسا للرد على peter lover فى موضوعه المنقول على لسان علاء الأسوانى هجوما على النقاب ولكن زميلنا الحبيب Nazoor وهو من الشخصيات التى أحبها جدا فى المنتدى قام باغلاق الموضوع أثناء محاولتى لاضافة رد على الموضوع.
منك لله بقى ياعم نازوور :D
اذا لم يعجب الكلام المكتوب بهذا الموضوع الأخوة المشرفين...فمن حقى على الأقل اغلاق الموضوع دون حذفه مثلما تم مع بيتر.....ولا هو جايب وسطة بقى ولا ايه :D

ايه ياعم بيتر :D.
عجبتنى قوى حكاية انك ناقل المقال بس متقصدش بيه-لاسمح الله-طبعا حاجة خالص.
لا ومشاور بصباعك جنب المقال وفرحان بيه قوى....بس انا برضه متأكد انك ماتقصش بيه أى حاجة لا سمح الله.
انا انتظرت ردك اللى قلت هتتحفنا بيه عن موضوع منع الحجاب فى الدول الأوروبية (الديمقراطية المتحضرة).
مش عارف بس ايه اللى جاب سيرة النقاب دلوقتى يابيتر.....حارقك فى ايه النقاب .
كمان يا بيتر نفسى أفهم....انت بتقول انك ناقل المقال دا-اللى متقصدش بيه أى حاجة خالص-عشان ترد بيه على موضوع منع الحجاب فى فرنسا !!!!!!
ياجماعة هل فى حد فهم ايه العلاقة بين المقال دا وبين حظر ارتداء الحجاب فى الدول الأوروبية؟؟؟؟؟؟
لو حد عرف ايه العلاقة يقولى يااخواننا......يمكن حد فينا يبقى بدرجة ذكاء بيتر ويفهم من المقال ماهو مكبوت فى بطن الشاعر زى مابيقولوا...
بس نفسى أفهم بس يا بيتر انت ولا علاء الأسوانى ايه اللى مزعلكم فى موضوع النقاب....انت ياعم كان حد قالك البسه؟!!!!:D
حرية شخصية ياعم.....انت مالك بقى .....هو انت لو لقيت شاب فرفور لابس سلسلة ولا حلق ف ودانه هتقوله انت لابسهم ليه...
اللى عاوزة ترتقى بنفسها وتلبس نقاب دى حريتها الشخصية ومحدش ليه دعوة ....
ولا هى لازم تمشى لابسة عريان زى ناس تانية عشان الناس التانية دى متبقاش محروقة :cool:
أنا سألتك سؤال مباشر جدا وانت لحد دلوقتى مارديتش عليا....وكل اللى عملته انك نقلت مقالة لواحد محروق من النقاب لسبب غير معلوم...
السؤال مرة تانية..يمكن انت مافهمتش السؤال من أول مرة......بما ان الدول الأوروبية منعت ارتداء الحجاب باعتباره رمز دينى و زى طائفى....(مع أن الحجاب هو جزء لا يتجزأ من ملابس المرأة المسلمة ولا ينظر اليه أبدا كرمز).....هل يمكن أن تتعامل الدول الأوروبية بنفس المكيال وتمنع ارتداء الصلبان أو تعليقها فى المدارس باعتباره رمز دينى ظاهر وصارخ؟
عموما أنا لا أتوقع منك أبدا الاجابة ....
أسلوب نطاط الحيط الذى تتبعه بنقل كلمة من هنا وكلمة من هناك أسلوب معروف عنكم.....ولو كنت اتبعت أسلوبا آخر كنت سأعتبرك ظاهرة جديدة تستحق الدراسة .
كل ماتجيدونه هو نقل آراء محبى الظهور وتلاميذ مدرسة خالف تعرف.....لكن رأيك وفكرك أنت لن نراه أبدا لأنه ببساطة أصلا غير موجود:cool:


تعليق أخير:لاحظت أن علاء أسوانى يصف السلفيين بالوهابيين!!!!!
غريب جدا أن يستعمل هذا المصطلح الذى يستعمله فى الغالب بعض الطوائف الخارجة عن الاسلام التى تناصب أصحاب الرسول صلى الله عليه وسلم العداء وتصفهم بالكفر......ولكن الحقيقة أنهم هم أنفسهم أولى وأحق من يوصف بهذا الوصف.
من منظور هؤلاء المرضى النفسيين كل من لا يسب أصحاب الرسول الكرام هم من الوهابيين........ومن خلال هذا المنظور أفتخر أنى وهابى والحمد لله !!!!!!!!!!!!!